По Символу Віри промовляє священник ці стихи:

Пресвята́я Влади́чице Богоро́дице, моли́ о нас, грі́шних.

Вся Небе́сния Си́ли святи́х А́нгел і Арха́нгел, молі́те о нас, грі́шних.

Святи́й Іоа́нне проро́че, і Предте́че, і Крести́телю Го́спода на́шего Ісу́са Христа́, моли́ о нас, грі́шних.

Святі́ї сла́внії апо́столи, проро́ци і му́ченици, і всі святі́ї, молі́те о нас, грі́шних.

Преподо́бнії і богоно́снії отці́ на́ші, па́стиріє і учи́теліє вселе́нния, молі́те о нас грі́шних.

Тут також додають звернення до святого, на честь якого освячено храм.

Непобіди́мая, і непостижи́мая, і боже́ственная си́ло Честна́го і Животворя́щаго Креста́, не оста́ви нас грі́шних.

Бо́же, очи́сти нас грі́шних.

Бо́же, очи́сти нас грі́шних, і поми́луй нас.

Кожен стих, крім останнього, повторює клір або чтець із поклонами.

Потім І даждь нам: і Упова́ніє моє́ Оте́ць:

Сла́ва, і ни́ні:

Го́споди, поми́луй. [Тричі]. Благослови́.

І відразу священник виголошує:

Влади́ко Многоми́лостиве, Го́споди Ісу́се Христе́ Бо́же наш, моли́твами Всепречи́стия Влади́чиці на́шея Богоро́диці і Присноді́ви Марі́ї, си́лою Честна́го і Животворя́щаго Креста́, предста́тельстви честни́х Небе́сних Сил безпло́тних, честна́го сла́внаго проро́ка, Предте́чі і Крести́теля Іоа́нна, святи́х сла́вних і всехва́льних апо́стол, святи́х сла́вних і добропобі́дних му́чеников, преподо́бних і богоно́сних оте́ць на́ших, святи́х і пра́ведних Богооте́ць Іоаки́ма і А́нни, і всіх Твої́х святи́х, благоприя́тну сотвори́ моли́тву на́шу. Да́руй нам оставле́ніє прегріше́ній на́ших. Покри́й нас кро́вом крилу́ Твоє́ю. Отжени́ от нас вся́каго врага́ і сопоста́та. Умири́ на́шу жизнь. Го́споди, поми́луй нас, і мир Твой, і спаси́ ду́ші на́ша, я́ко Благ і Человіколю́бець.

І відразу предстоятель, зробивши земний поклін, промовляє до братії:

Благослові́те отці́ святі́ї, бра́тія [і се́стри] і прості́те мі, грі́шному, вся єли́ка согріши́х в день сей ді́лом, сло́вом, помишле́нієм і всі́ми мої́ми чу́встви.

І відповідають люди: Бог прости́ть ті, о́тче святи́й, помоли́ся о нас грі́шних.

Священник: Благода́тію Своє́ю Бог да прости́ть і поми́луєть всіх нас.

Потім промовляє:

Помо́лимся о господи́ні і отці́ на́шем Блаже́ннійшем Митрополи́ті [або: Святі́йшем Патріа́рсі^*] [ім'я], і о господи́ні на́шем високопреосвяще́ннійшем митрополи́ті [або: архієпи́скопі, або: преосвяще́ннійшем єпи́скопі] [ім'я].

Хор: Го́споди, поми́луй, багато разів.

О богохрани́мій страні́ на́шей, власте́х і во́їнстві єя́.

[Якщо в монастирі: О всечестні́м отці́ на́шем, [ім'я], і всей во Христі́ бра́тії на́шей.]

О ненави́дящих і лю́б'ящих нас.

О ми́лующих і служа́щих нам.

О запові́давших нам недосто́йним моли́тися о них.

О ізбавле́нії пліне́нних.

О отше́дших отці́х і бра́тіях на́ших.

О в мо́рі пла́вающих.

О в не́мощех лежа́щих.

Помо́лимся і о ізоби́лії плодо́в земни́х.

І о вся́кой душі́ христия́н правосла́вних.

Ублажі́м правосла́вния архієре́ї і кти́тори свята́го хра́ма сего́ [або: святи́я оби́телі сея́].

Роди́телі на́ша, і вся пре́жде отше́дшия отці́ і бра́тію на́шу, зді лежа́щия і повсю́ду правосла́вния.

Предстоятель: Рцем і о себі́ самі́х.

Хор: Го́споди, поми́луй. [Тричі]

І наостанок предстоятель промовляє:

Моли́твами святи́х оте́ць на́ших, Го́споди Ісу́се Христе́ Бо́же наш, поми́луй нас.

На вечірні, полуношниці, утрені й наприкінці кожного часу, після Честні́йшую херуви́м: і виголосу священник промовляє молитву святого Єфрема Сиріна.

Го́споди і Влади́ко живота́ моєго́, дух пра́здности, уни́нія, любонача́лія і праздносло́вія не даждь мі. [Земний поклін.]

Дух же цілому́дрія, смиренному́дрія, терпі́нія і любве́, да́руй мі рабу́ Твоєму́. [Земний поклін.]

Єй Го́споди Царю́, да́руй мі зрі́ти моя́ прегріше́нія, і не осужда́ти бра́та моєго́: я́ко благослове́н єси́ во ві́ки віко́в. Амі́нь. [Земний поклін.]

Потім 12 малих поклонів, промовляючи на кожен поклін: Бо́же, очи́сти м'я грі́шнаго.

І знову ту саму молитву, всю до кінця, без поділу на частини, та один поклін.

Після псалмів,

Аллилу́я і Го́споди, поми́луй.

Священник: Зау́тра усли́ши глас мой, Царю́ мой і Бо́же мой.

Стих 1: Глаго́ли моя́ внуши́ Го́споди, разумі́й зва́ніє моє́.

Стих 2: Я́ко к Тебі́ помолю́ся, Го́споди.

Сла́ва Отцю́, і Си́ну, і Свято́му Ду́ху.

Го́споди, І́же Пресвята́го Твоєго́ Ду́ха, в тре́тій час апо́столом Твої́м низпосла́вий: Того́ Благи́й, не отими́ от нас, но обнови́ нас моля́щих Ті ся.

Стих 1: Се́рдце чи́сто сози́жди во мні Бо́же, і дух прав обнови́ во утро́бі моє́й.

Стих 2: Не отве́ржи мене́ от лиця́ Твоєго́, і Ду́ха Твоєго́ Свята́го не отими́ от мене́.

Сла́ва Отцю́, і Си́ну, і Свято́му Ду́ху.

І́же в шести́й день же і час, на Кресті́ пригвожде́й в раї́ дерзнове́нний Ада́мов гріх, і согріше́ній на́ших рукописа́ніє раздери́ Христе́ Бо́же, і спаси́ нас.

Стих 1: Внуши́ Бо́же, моли́тву мою́, і не пре́зри моле́нія моєго́.

Стих 2: Аз к Бо́гу воззва́х і Госпо́дь усли́ша м'я.

Сла́ва Отцю́, і Си́ну, і Свято́му Ду́ху.

І́же в дев'я́тий час нас ра́ди пло́тію смерть вкуси́вий, умертви́ пло́ті на́шея мудрова́ніє Христе́ Бо́же, і спаси́ нас.

Стих 1: Да прибли́житься моли́тва моя́ пред Тя Го́споди, по словесі́ Твоєму́ вразуми́ м'я.

Стих 2: Да вни́деть проше́ніє моє́ пред Тя Го́споди, по словесі́ Твоєму́ ізба́ви м'я.

Сла́ва Отцю́, і Си́ну, і Свято́му Ду́ху.

Великий прокимен, глас 8: Не отврати́ лиця́ Твоєго́ от о́трока Твоєго́, я́ко скорблю́, ско́ро усли́ши м'я: / воньми́ душі́ моє́й, і ізба́ви ю.

Стих: Спасе́ніє Твоє́ Бо́же, да при́йметь м'я.

Стих: Да у́зрять ни́щії і возвеселя́ться.

Стих: Взищі́те Бо́га, і жива́ бу́деть душа́ ва́ша.

Великий прокимен, глас 8: Дал єси́ достоя́ніє / боя́щимся Тебе́ Го́споди.

Стих: От коне́ць землі́ к Тебі́ воззва́х.

Стих: Покри́юся в кро́ві крил Твої́х.

Стих: Та́ко воспою́ і́мені Твоєму́ во ві́ки.

Величання: Велича́єм Тя, Живода́вче Христе́, оса́нна в ви́шніх, і ми Тебі́ вопіє́м: благослове́н Гряди́й во і́м'я Госпо́днє.

На утрені прокимен, глас 4: Із уст младе́нець і ссу́щих / соверши́л єси́ хвалу́.

Стих: Го́споди Госпо́дь наш, я́ко чу́дно і́м'я Твоє́ по всей землі́.

Після читання Євангелія і 50-го псалма священник, узявши кадило, кадить вербу хрестоподібно.

Молитва на благословення верби

Диякон: Го́споду помо́лимся.

Хор: Го́споди, поми́луй.

Го́споди Бо́же наш, сідя́й на херуви́міх, возста́вивий си́лу Твоєго́ Си́на, Го́спода на́шего Ісу́са Христа́, да спасе́ть мир Кресто́м, і погребе́нієм, і воскресе́нієм Свої́м: Єго́же і ни́ні прише́дша во Ієрусали́м на во́льную страсть, лю́діє сідя́щії во тьмі, і сі́ні сме́ртній, приє́мше воскресе́нія зна́менія, ві́тві древе́с і ва́я фи́ник, воскресе́ніє зна́менующе сріто́ша. Сам, Влади́ко, і нас по подража́нію о́ніх, в предпра́зднственний сей день, ва́я і ві́тві древе́с в рука́х нося́щих соблюди́ і сохрани́. Да я́коже о́нії наро́ди і ді́ти оса́нна Тебі́ принося́ху, і ми та́кожде в пі́снех і пі́ніїх духо́вних, животворя́щаго і тридне́внаго воскресе́нія дости́гнем, в То́мже Христі́ Ісу́сі Го́споді на́шем: с Ни́мже благослове́н єси́, с Пресвяти́м, і Благи́м, і Животворя́щим Твої́м Ду́хом, ни́ні і при́сно, і во ві́ки віко́в. Амі́нь.

Після прочитання молитви священник тричі окроплює вербу.

На літургії, вхідне: Благослове́н Гряди́й во і́м'я Госпо́днє, благослови́хом ви із до́му Госпо́дня, Бог Госпо́дь, і яви́ся нам.

Відпуст: І́же на жреб'я́ті о́сли сі́сти ізво́ливий, на́шего ра́ди спасе́нія, Христо́с і́стинний Бог наш:

Відпуст: Гряди́й Госпо́дь на во́льную страсть, на́шего ра́ди спасе́нія, Христо́с і́стинний Бог наш:

Відпуст: І́же за превосходя́щую бла́гость путь добрі́йший смире́нія показа́вий, внегда́ уми́ти но́ги ученико́в, да́же і до Креста́ і погребе́нія снизше́дий нам, Христо́с і́стинний Бог наш:

Прокимен, глас 4: Разділи́ша ри́зи Моя́ себі́, / і о оде́жді Моє́й мета́ша жре́бій.

Стих: Бо́же, Бо́же Мой, воньми́ Мі, вску́ю оста́вил М'я єси́?

На відпусті Святих Страстей на утрені:

І́же оплева́нія, і біє́нія, і зауше́нія, і Крест, і смерть претерпі́вий за спасе́ніє ми́ра, Христо́с і́стинний Бог наш:

Відпуст на вечірні:

І́же нас ра́ди челові́ков і на́шего ра́ди спасе́нія стра́шния стра́сті і Животворя́щий Крест, і во́льноє погребе́ніє пло́тію ізво́ливий, Христо́с і́стинний Бог наш: