|
Глава́ є҃
|
Глава 5
|
|
1
|
1
|
|
(Заⷱ҇ ©к҃и҃.) Быва́йте оу҆̀бо подража́тєли бг҃ꙋ, ꙗ҆́коже ча̑да возлю́блєннаѧ,
|
(Зач. 228) Бива́йте у́бо подража́телі Бо́гу, я́коже ча́да возлю́бленная,
|
|
2
|
2
|
|
и҆ ходи́те въ любвѝ, ꙗ҆́коже и҆ хрⷭ҇то́съ возлюби́лъ є҆́сть на́съ, и҆ предадѐ себѐ за ны̀ приноше́нїе и҆ же́ртвꙋ бг҃ꙋ въ воню̀ благоꙋха́нїѧ.
|
і ході́те в любві́, я́коже і Христо́с возлюби́л єсть нас, і предаде́ Себе́ за ни приноше́ніє і же́ртву Бо́гу в воню́ благоуха́нія.
|
|
3
|
3
|
|
Блꙋ́дъ же и҆ всѧ́ка нечистота̀ и҆ лихои́мство нижѐ да и҆менꙋ́етсѧ въ ва́съ, ꙗ҆́коже подоба́етъ ст҃ы̑мъ:
|
Блуд же і вся́ка нечистота́ і лихоі́мство ніже́ да імену́ється в вас, я́коже подоба́єть святи́м;
|
|
4
|
4
|
|
и҆ скверносло́вїе, и҆ бꙋесло́вїе, и҆лѝ кощꙋ́ны, ꙗ҆̀же неподѡ́бнаѧ, но па́че благодаре́нїе:
|
і скверносло́віє, і буєсло́віє, іли́ кощу́ни, я́же неподо́бная, но па́че благодаре́ніє;
|
|
5
|
5
|
|
сїе́ бо да вѣ́сте, ꙗ҆́кѡ всѧ́къ блꙋдни́къ, и҆лѝ нечи́стъ, и҆лѝ лихои́мецъ, и҆́же є҆́сть і҆дѡлослꙋжи́тель, не и҆́мать достоѧ́нїѧ въ црⷭ҇твїи хрⷭ҇та̀ и҆ бг҃а.
|
сіє́ бо да ві́сте, я́ко всяк блудни́к, іли́ нечи́ст, іли́ лихоі́мець, і́же єсть ідолослужи́тель, не і́мать достоя́нія в Ца́рствії Христа́ і Бо́га.
|
|
6
|
6
|
|
Никто́же ва́съ да льсти́тъ сꙋ́етными словесы̀, си́хъ бо ра́ди грѧде́тъ гнѣ́въ бж҃їй на сы́ны непокори̑выѧ.
|
Нікто́же вас да льстить су́єтними словеси́, сих бо ра́ди гряде́ть гнів Бо́жий на си́ни непокори́вия.
|
|
7
|
7
|
|
Не быва́йте оу҆̀бо соприча̑стницы си̑мъ.
|
Не бива́йте у́бо соприча́стници сим.
|
|
8
|
8
|
|
Бѣ́сте бо и҆ногда̀ тма̀, нн҃ѣ же свѣ́тъ ѡ҆ гдⷭ҇ѣ: (Заⷱ҇ ©к҃ѳ҃.) ꙗ҆́коже ча̑да свѣ́та ходи́те:
|
Бі́сте бо іногда́ тьма, ни́ні же світ о Го́споді; (Зач. 229) я́коже ча́да сві́та ході́те;
|
|
9
|
9
|
|
пло́дъ бо дх҃о́вный є҆́сть во всѧ́цѣй бл҃госты́ни и҆ пра́вдѣ и҆ и҆́стинѣ:
|
плод бо духо́вний єсть во вся́цій благости́ні, і пра́вді, і і́стині;
|
|
10
|
10
|
|
и҆скꙋша́юще, что̀ є҆́сть бл҃гоꙋго́дно бг҃ови:
|
іскуша́юще, что єсть благоуго́дно Бо́гові;
|
|
11
|
11
|
|
и҆ не приѡбща́йтесѧ къ дѣлѡ́мъ неплѡ́днымъ тмы̀, па́че же и҆ ѡ҆блича́йте.
|
і не приобща́йтеся к діло́м непло́дним тьми, па́че же і облича́йте.
|
|
12
|
12
|
|
Быва́ємаѧ бо ѡ҆́тай ѿ ни́хъ, сра́мно є҆́сть и҆ глаго́лати.
|
Бива́ємая бо о́тай от них, сра́мно єсть і глаго́лати.
|
|
13
|
13
|
|
Всѧ̑ же ѡ҆блича́ємаѧ ѿ свѣ́та ꙗ҆́влѧютсѧ, все́ бо ꙗ҆влѧ́емое свѣ́тъ є҆́сть:
|
Вся же облича́ємая от сві́та я́вляються, все бо явля́ємоє світ єсть;
|
|
14
|
14
|
|
сегѡ̀ ра́ди глаго́летъ: воста́ни, спѧ́й, и҆ воскреснѝ ѿ ме́ртвыхъ, и҆ ѡ҆свѣти́тъ тѧ̀ хрⷭ҇то́съ.
|
сего́ ра́ди глаго́леть: воста́ни, спяй, і воскресни́ от ме́ртвих, і освіти́ть тя Христо́с.
|
|
15
|
15
|
|
Блюди́те оу҆̀бо, ка́кѡ ѡ҆па́снѡ хо́дите, не ꙗ҆́коже немꙋ́дри, но ꙗ҆́коже премꙋ́дри,
|
Блюді́те у́бо, ка́ко опа́сно хо́дите, не я́коже нему́дрі, но я́коже прему́дрі,
|
|
16
|
16
|
|
и҆скꙋ́пꙋюще вре́мѧ, ꙗ҆́кѡ дні́е лꙋка́ви сꙋ́ть.
|
іску́пующе вре́м'я, я́ко дні́є лука́ві суть.
|
|
17
|
17
|
|
Сегѡ̀ ра́ди не быва́йте несмы́сленни, но разꙋмѣва́йте, что̀ є҆́сть во́лѧ бж҃їѧ.
|
Сего́ ра́ди не бива́йте несми́сленні, но разуміва́йте, что єсть во́ля Бо́жия.
|
|
18
|
18
|
|
И҆ не оу҆пива́йтесѧ вїно́мъ, въ не́мже є҆́сть блꙋ́дъ: но па́че и҆сполнѧ́йтесѧ дх҃омъ,
|
І не упива́йтеся вино́м, в не́мже єсть блуд; но па́че ісполня́йтеся Ду́хом,
|
|
19
|
19
|
|
глаго́люще себѣ̀ во ѱалмѣ́хъ и҆ пѣ́нїихъ и҆ пѣ́снехъ дꙋхо́вныхъ, воспѣва́юще и҆ пою́ще въ сердца́хъ ва́шихъ гдⷭ҇еви,
|
глаго́люще себі́ во псалмі́х і пі́ніїх і пі́снех духо́вних, воспіва́юще і пою́ще в сердця́х ва́ших Го́сподеві,
|
|
20
|
20
|
|
(Заⷱ҇ ©л҃.) благодарѧ́ще всегда̀ ѡ҆ всѣ́хъ ѡ҆ и҆́мени гдⷭ҇а на́шегѡ і҆и҃са хрⷭ҇та̀ бг҃ꙋ и҆ ѻ҆ц҃ꙋ̀,
|
(Зач. 230) благодаря́ще всегда́ о всіх о і́мені Го́спода на́шего Ісу́са Христа́ Бо́гу і Отцю́,
|
|
21
|
21
|
|
повинꙋ́ющесѧ дрꙋ́гъ дрꙋ́гꙋ въ стра́сѣ бж҃їи.
|
повину́ющеся друг дру́гу в стра́сі Бо́жиї.
|
|
22
|
22
|
|
Жєны̀, свои̑мъ мꙋжє́мъ повинꙋ́йтесѧ, ꙗ҆́коже гдⷭ҇ꙋ,
|
Жени́, свої́м муже́м повину́йтеся, я́коже Го́споду,
|
|
23
|
23
|
|
занѐ мꙋ́жъ глава̀ є҆́сть жены̀, ꙗ҆́коже и҆ хрⷭ҇то́съ глава̀ цр҃кве, и҆ то́й є҆́сть сп҃си́тель тѣ́ла:
|
зане́ муж глава́ єсть жени́, я́коже і Христо́с глава́ Це́ркве, і Той єсть Спаси́тель ті́ла;
|
|
24
|
24
|
|
но ꙗ҆́коже цр҃ковь повинꙋ́етсѧ хрⷭ҇тꙋ̀, та́кожде и҆ жєны̀ свои̑мъ мꙋжє́мъ во все́мъ.
|
но я́коже Це́рков повину́ється Христу́, та́кожде і жени́ свої́м муже́м во всем.
|
|
25
|
25
|
|
(Заⷱ҇ ©л҃а҃.) Мꙋ́жїе, люби́те своѧ̑ жєны̀, ꙗ҆́коже и҆ хрⷭ҇то́съ возлюбѝ цр҃ковь, и҆ себѐ предадѐ за ню̀,
|
(Зач. 231) Му́жіє, любі́те своя́ жени́, я́коже і Христо́с возлюби́ Це́рков і Себе́ предаде́ за ню,
|
|
26
|
26
|
|
да ѡ҆ст҃и́тъ ю҆̀, ѡ҆чⷭ҇тивъ ба́нею во́дною въ гл҃го́лѣ:
|
да освяти́ть ю́, очи́стив ба́нею во́дною в глаго́лі;
|
|
27
|
27
|
|
да предста́витъ ю҆̀ себѣ̀ сла́внꙋ цр҃ковь, не и҆мꙋ́щꙋ скве́рны, и҆лѝ поро́ка, и҆лѝ нѣ́что ѿ таковы́хъ, но да бꙋ́детъ ст҃а и҆ непоро́чна.
|
да предста́вить ю́ Себі́ сла́вну Це́рков, не іму́щу скве́рни, іли́ поро́ка, іли́ ні́что от такови́х, но да бу́деть свя́та і непоро́чна.
|
|
28
|
28
|
|
Та́кѡ до́лжни сꙋ́ть мꙋ́жїе люби́ти своѧ̑ жєны̀, ꙗ҆́кѡ своѧ̑ тѣлеса̀: любѧ́й (бо) свою̀ женꙋ̀, себѐ сама́го лю́битъ.
|
Та́ко до́лжні суть му́жіє люби́ти своя́ жени́, я́ко своя́ тілеса́; люб'я́й (бо) свою́ жену́, себе́ сама́го лю́бить.
|
|
29
|
29
|
|
Никто́же бо когда̀ свою̀ пло́ть возненави́дѣ, но пита́етъ и҆ грѣ́етъ ю҆̀, ꙗ҆́коже и҆ гдⷭ҇ь цр҃ковь:
|
Нікто́же бо когда́ свою́ плоть возненави́ді, но пита́єть і грі́єть ю́, я́коже і Госпо́дь Це́рков;
|
|
30
|
30
|
|
занѐ оу҆́ди є҆смы̀ тѣ́ла є҆гѡ̀, ѿ пл҃ти є҆гѡ̀ и҆ ѿ косте́й є҆гѡ̀.
|
зане́ у́ди єсьми́ ті́ла Єго́, от пло́ті Єго́ і от косте́й Єго́.
|
|
31
|
31
|
|
Сегѡ̀ ра́ди ѡ҆ста́витъ человѣ́къ ѻ҆тца̀ своего̀ и҆ ма́терь, и҆ прилѣ́питсѧ къ женѣ̀ свое́й, и҆ бꙋ́дета два̀ въ пло́ть є҆ди́нꙋ.
|
Сего́ ра́ди оста́вить челові́к отця́ своєго́ і ма́тер, і прилі́питься к жені́ своє́й, і бу́дета два в плоть єди́ну.
|
|
32
|
32
|
|
Та́йна сїѧ̀ велика̀ є҆́сть: а҆́зъ же глаго́лю во хрⷭ҇та̀ и҆ во цр҃ковь.
|
Та́йна сія́ велика́ єсть; аз же глаго́лю во Христа́ і во Це́рков.
|
|
33
|
33
|
|
(Заⷱ҇ ©л҃в҃.) Ѻ҆ба́че и҆ вы̀, по є҆ди́номꙋ кі́йждо свою̀ женꙋ̀ си́це да лю́битъ, ꙗ҆́коже (и҆) себѐ: а҆ жена̀ да бои́тсѧ (своегѡ̀) мꙋ́жа.
|
(Зач. 232) Оба́че і ви, по єди́ному ки́йждо свою́ жену́ си́це да лю́бить, я́коже (і) себе́; а жена́ да бої́ться (своєго́) му́жа.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.