Молитва за подружжя, що багато років чекає на дитину

Го́споди Бо́же наш, Тво́рче і Созда́телю вся́чеських!

При́зри ми́лостивно на супру́г сих [імена], і прости́ їм вся́коє прегріше́ніє, возда́ждь їм щедро́тами і ми́лостинями Твої́ми супро́тив гріхо́в челові́чеських. І а́ще уго́дно сіє́ би́ти всеблаго́й во́лі Твоє́й, вміни́ їм до се́лі понесе́нноє бре́м'я безча́дства їх я́ко же́ртву смире́нную от се́рдця сокруше́ннаго, і разріши́ непло́дство їх, сподобля́я їх ви́діти ча́до своє́, я́ко плод моли́тви і ві́ри їх.

Ві́ми, Го́споди, і іспові́дуєм, я́ко Ти хо́щеши всім спасти́ся і в ра́зум і́стини прийти́. А́ще і уста́вил єси́ разли́чния путі́ ко спасе́нію, оба́че апо́столу Твоєму́ Па́влу указа́л єси́ рещи́, я́ко жена́ спаса́ється чадоро́дієм.

Ми же, іспові́дующе ве́лія і преди́вная чудеса́ Твоя́ о пра́ведних Авраа́мі і Са́ррі, Ісаа́ці і Реве́цці, Заха́рії і Єлисаве́ті, Іоаки́мі і А́нні, смире́нно мо́лим Тя: іспо́лни благослове́ніє, ізрече́нноє при бра́ка вінча́нія тайносоверше́нії на сих рабі́х Твої́х [імена], сподо́би їх ра́дости о плоді́ чре́ва своєго́ і во вся дні своя́ о сем утіше́ніє імі́ти, воздава́я хвали́ і благодаре́нія Тебі́, Всеблаго́му Бо́гу і Промисли́телю на́шему, в Тро́йці Святі́й присносла́вимому і покланя́ємому, вку́пі со Єдиноро́дним Твої́м Си́ном і Всеблаги́м і Животворя́щим Твої́м Ду́хом.

Амі́нь.