Прийшовши на місце, де стоять бджоли, священник починає:
Благослове́н Бог наш:
Чтець: Трисвяте. І Отче наш:
І після возгласу: Яко Твоє́ єсть Ца́рство:
Го́споди, поми́луй, 12 разів.
Прийді́те, поклоні́мся: Тричі.
І псалом 50: Поми́луй м'я Бо́же:
Потім, псалом 84:
Благоволи́л єси́, Го́споди, зе́млю Твою́, возврати́л єси́ плін Іа́ковль. Оста́вил єси́ беззако́нія люде́й Твої́х, покри́л єси́ вся гріхи́ їх. Укроти́л єси́ весь гнів Твой, возврати́лся єси́ от гні́ва я́рости Твоєя́. Возврати́ нас, Бо́же, спасе́ній на́ших, і отврати́ я́рость Твою́ от нас. Єда́ во ві́ки прогні́ваєшися на ни; іли́ простре́ши гнів Твой от ро́да в род, Бо́же, Ти обра́щся оживи́ши ни. І лю́діє Твої́ возвеселя́ться о Тебі́. Яви́ нам, Го́споди, ми́лость Твою́, і спасе́ніє Твоє́ даждь нам. Усли́шу, что рече́ть о мні Госпо́дь Бог: я́ко рече́ть мир на лю́ди своя́ і на преподо́бния своя́, і на обраща́ющия сердця́ к Нему́. Оба́че близ боя́щихся Єго́ спасе́ніє Єго́, всели́ти сла́ву в зе́млю на́шу. Ми́лоcть і і́стина сріто́стіся, пра́вда і мир облобиза́стася: і́стина от землі́ возсія́, і пра́вда с небесе́ прини́че. І́бо Госпо́дь дасть бла́гость, і земля́ на́ша дасть плод свой. Пра́вда пред Ним преди́деть і положи́ть в путь стопи́ своя́.
Потім псало́м 122:
К Тебі́ возведо́х о́чі мої́, живу́щему на небесі́. Се я́ко о́чі раб в руку́ госпо́дій свої́х, я́ко о́чі раби́ні в руку́ госпожі́ своєя́: та́ко о́чі на́ші ко Го́споду Бо́гу на́шему, до́ндеже уще́дрить ни. Поми́луй нас, Го́споди, поми́луй нас, я́ко по мно́гу іспо́лнихомся унічиже́нія: Найпа́че напо́лнися душа́ на́ша поноше́нія гобзу́ющих і унічиже́нія го́рдих.
Після цього окропляє священник всі місця бджіл, проголошуючи псалом 50-й таємно:
Поми́луй м'я Бо́же:
Потім промовляє: Го́споду помо́лимся.
І чтець: Го́споди, поми́луй.
Читає священник ці молитви:
Созда́телю всіх Бо́же, сі́мена благословля́яй і умножа́яй, і к употребле́нію на́шему сія́ благопотре́бна творя́й: хода́тайством Предте́чі і Крести́теля Іоа́нна, ми́лостивно вне́мля моли́твам на́шим, пче́ли сія́ благослови́ти і освяти́ти Свої́м благоутро́бієм благоізво́ли, да оби́льніє плоди́ своя́ прино́сять, во є́же ко хра́му Твоєму́ і святи́х олтаре́й Твої́х лі́поті і украше́нію, ку́пно же і к на́шему употребле́нію би́ти їм, о Христі́ Ісу́сі Го́споді на́шем, Єму́же честь і сла́ва, во ві́ки віко́в, амі́нь.
Го́споду помо́лимся.
Чтець: Го́споди, поми́луй.
Священник: Бо́же, трудо́м челові́чеським і безслове́сними живо́тними благоді́йствовати ві́дий, і неізрече́нним милосе́рдієм Твої́м самі́х пчел плоди́ і діла́ к ну́ждам на́шим употребля́ти научи́вий, смире́нно мо́лимся вели́чествію Твоєму́: пче́ли сія́ благослови́ти ізво́ли, і к приобрі́тенію челові́чеському ро́ду умно́жи я, снабдіва́я їх і препитава́я: да кі́йждо на вели́чество Твоє́ і безмі́рния щедро́ти Твоя́ упова́яй, в хране́нії же сих живо́тних тружда́яйся, трудо́в свої́х оби́льния плоди́ сподо́биться восприя́ти, і небе́снаго благослове́нія іспо́лниться, о Христі́ Ісу́сі Го́споді на́шем, Єму́же честь і сла́ва во ві́ки віко́в, амі́нь.
І знову окропляє місце бджіл і читає Євангеліє від Луки́, зача́ло 114 (Лк. 24:36-44):
Во вре́м'я о́но, воскре́с Ісу́с от ме́ртвих, ста посреді́ учени́к Свої́х, і глаго́ла їм: мир вам. Убоя́вшеся же і пристра́шни би́вше, мня́ху дух ви́діти. І рече́ їм: что смуще́ни єсте́; і почто́ помишле́нія вхо́дять в сердця́ ва́ша; ви́діте ру́ці мої́ і но́зі мої́, я́ко Сам аз єсьм: осяжі́те м'я і ви́діте: я́ко дух пло́ті і ко́сти не і́мать, я́коже мене́ ви́діте іму́ща. І сіє́ рек, показа́ їм ру́ці і но́зі. Єще́ же не ві́рующим їм от ра́дости і чудя́щимся, рече́ їм: і́мате ли что сні́дно зді; Они́ же да́ша єму́ ри́би печени́ часть, і от пчел сот. І взем пред ни́ми яде́. Рече́ же їм сія́ суть словеса́, яже глаго́лах к вам, єще́ сий с ва́ми, я́ко подоба́єть сконча́тися всім напи́санним в зако́ні Моїсе́йові і проро́ціх і псалмі́х о мні.
Після Євангелія промовляє:
Си́ми Єва́нгельскими словеси́ да очи́стяться гріхи́ на́ша, і разоря́ться і поги́бнуть вся обая́нія, а́ще ка́я суть на мі́сті сем: да сни́деть же на не благослове́ніє Всемогу́щаго Бо́га Отця́, і Си́на, і Свята́го Ду́ха, амі́нь.
І знову кропить місце бджіл, і буває відпуст.
