|
Глава 16
|
Глава́ ѕ҃і
|
|
1
|
1
|
|
И рече́ Іуді́ѳъ: начни́те Бо́гу моєму́ въ тимпа́нѣхъ, пойте Го́сподеви моєму́ въ кимва́лѣхъ, кра́сно воспо́йте єму́ пѣ́снь но́ву, возноси́те и призыва́йте и́мя єго́:
|
И҆ речѐ і҆ꙋді́ѳъ: начни́те бг҃ꙋ моемꙋ̀ въ тѷмпа́нѣхъ, пойте гдⷭ҇еви моемꙋ̀ въ кѷмва́лѣхъ, кра́снѡ воспо́йте є҆мꙋ̀ пѣ́снь но́вꙋ, возноси́те и҆ призыва́йте и҆́мѧ є҆гѡ̀:
|
|
2
|
2
|
|
я́ко Бо́гъ сокруша́яй бра́ни Госпо́дь, я́ко во ополченіихъ єго́ посредѣ́ люді́й изъя́тъ мя́ изъ руки́ гоня́щихъ мя́:
|
ꙗ҆́кѡ бг҃ъ сокрꙋша́ѧй бра̑ни гдⷭ҇ь, ꙗ҆́кѡ во ѡ҆полченїихъ є҆гѡ̀ посредѣ̀ люді́й и҆з̾ѧ́тъ мѧ̀ и҆з̾ рꙋкѝ гонѧ́щихъ мѧ̀:
|
|
3
|
3
|
|
пріи́де Ассу́ръ изъ го́ръ от сѣ́вера, пріи́де во тма́хъ си́лы своєя́, и́хже мно́жество загради́ исто́чники, и ко́нница и́хъ покры́ хо́лмы:
|
прїи́де а҆ссꙋ́ръ и҆з̾ го́ръ ѿ сѣ́вера, прїи́де во тма́хъ си́лы своеѧ̀, и҆́хже мно́жество заградѝ и҆сто́чники, и҆ ко́нница и҆́хъ покры̀ хо́лмы:
|
|
4
|
4
|
|
рече́ пожещи́ предѣ́лы моя́, и ю́ношы моя́ уби́ти мече́мъ, и ссу́щыя моя́ положи́ти въ помо́стъ, и младе́нцы моя́ да́ти въ расхище́ніє, и дѣ́вы моя́ плѣни́ти:
|
речѐ пожещѝ предѣ́лы моѧ̑, и҆ ю҆́ношы моѧ̑ оу҆би́ти мече́мъ, и҆ ссꙋ́щыѧ моѧ̑ положи́ти въ помо́стъ, и҆ младе́нцы моѧ̑ да́ти въ расхище́нїе, и҆ дѣ̑вы моѧ̑ плѣни́ти:
|
|
5
|
5
|
|
Госпо́дь Вседержи́тель опрове́рже и́хъ руко́ю жены́,
|
гдⷭ҇ь вседержи́тель ѡ҆прове́рже и҆̀хъ рꙋко́ю жены̀,
|
|
6
|
6
|
|
не бо́ паде́ си́льный и́хъ от ю́ношъ, ниже́ сы́нове тіта́новы порази́ша єго́, ниже́ высо́цы исполи́ни нападо́ша на него́, но Іуді́ѳъ дщи́ Мера́ріна доброто́ю лица́ своєго́ разсла́би єго́:
|
не бо̀ падѐ си́льный и҆́хъ ѿ ю҆́ношъ, нижѐ сы́нове тїта́нѡвы порази́ша є҆го̀, нижѐ высо́цы и҆споли́ни нападо́ша на него̀, но і҆ꙋді́ѳъ дщѝ мера́рїна доброто́ю лица̀ своегѡ̀ разсла́би є҆го̀:
|
|
7
|
7
|
|
совлече́ся бо одѣя́нія вдовства́ своєго́ на возвыше́ніє бѣ́дствующихъ во Ізра́или, пома́за лице́ своє́ умаще́ніємъ
|
совлече́сѧ бо ѡ҆дѣѧ́нїѧ вдовства̀ своегѡ̀ на возвыше́нїе бѣ́дствꙋющихъ во і҆и҃ли, пома́за лицѐ своѐ оу҆маще́нїемъ
|
|
8
|
8
|
|
и увѣнча́ власы́ своя́ увя́сломъ и прія́тъ оде́жду льня́ну въ прельще́ніє єго́:
|
и҆ оу҆вѣнча̀ власы̀ своѧ̑ оу҆вѧ́сломъ и҆ прїѧ́тъ ѻ҆де́ждꙋ льнѧ́нꙋ въ прельще́нїе є҆гѡ̀:
|
|
9
|
9
|
|
санда́лія єя́ похи́ти о́ко єго́, и добро́та єя́ плѣни́ ду́шу єго́, про́йде ме́чь вы́ю єго́:
|
санда́лїѧ є҆ѧ̀ похи́ти ѻ҆́ко є҆гѡ̀, и҆ добро́та є҆ѧ̀ плѣнѝ дꙋ́шꙋ є҆гѡ̀, про́йде ме́чь вы́ю є҆гѡ̀:
|
|
10
|
10
|
|
устраши́шася пе́рсы держа́вы єя́, и ми́ды дерзнове́ніємъ єя́ разсѣдо́шася:
|
оу҆страши́шасѧ пе́рсы держа́вы є҆ѧ̀, и҆ ми́ды дерзнове́нїемъ є҆ѧ̀ разсѣдо́шасѧ:
|
|
11
|
11
|
|
тогда́ воскли́кнуша смире́нніи мои́ и возопи́ша немощні́и мои́, и устраши́шася: вознесо́ша гла́съ сво́й, и побѣжде́ни бы́ша:
|
тогда̀ воскли́кнꙋша смире́ннїи моѝ и҆ возопи́ша немощні́и моѝ, и҆ оу҆страши́шасѧ: вознесо́ша гла́съ сво́й, и҆ побѣжде́ни бы́ша:
|
|
12
|
12
|
|
сы́нове отрокови́цъ бодо́ша и́хъ и я́ко рабо́въ бѣглецо́въ уязвля́ху и́хъ, погибо́ша от ополче́нія Го́спода моєго́:
|
сы́нове ѻ҆трокови́цъ бодо́ша и҆̀хъ и҆ ꙗ҆́кѡ рабѡ́въ бѣглецѡ́въ оу҆ѧзвлѧ́хꙋ и҆̀хъ, погибо́ша ѿ ѡ҆полче́нїѧ гдⷭ҇а моегѡ̀:
|
|
13
|
13
|
|
воспою́ Го́сподеви моєму́ пѣ́снь но́ву: Го́споди, ве́лій єси́ и сла́венъ, ди́венъ въ крѣ́пости, непребори́мый,
|
воспою̀ гдⷭ҇еви моемꙋ̀ пѣ́снь но́вꙋ: гдⷭ҇и, ве́лїй є҆сѝ и҆ сла́венъ, ди́венъ въ крѣ́пости, непребори́мый,
|
|
14
|
14
|
|
тебѣ́ да рабо́таєтъ вся́ка тва́рь твоя́: я́ко ре́клъ єси́, и бы́ша: посла́лъ єси́ Ду́ха твоєго́, и созда́: и нѣ́сть, и́же противоста́нетъ гла́су твоєму́:
|
тебѣ̀ да рабо́таетъ всѧ́ка тва́рь твоѧ̀: ꙗ҆́кѡ ре́клъ є҆сѝ, и҆ бы́ша: посла́лъ є҆сѝ дх҃а твоего̀, и҆ созда̀: и҆ нѣ́сть, и҆́же противоста́нетъ гла́сꙋ твоемꙋ̀:
|
|
15
|
15
|
|
го́ры бо от основа́ніи съ вода́ми подви́гнутся, ка́меніє же от лица́ твоєго́ я́ко во́скъ раста́єтъ: надъ боя́щимися же тебе́ ты́ уми́лостивля́єшися,
|
го́ры бо ѿ ѡ҆снова́нїи съ вода́ми подви́гнꙋтсѧ, ка́менїе же ѿ лица̀ твоегѡ̀ ꙗ҆́кѡ во́скъ рата́етъ: над̾ боѧ́щимисѧ же тебє̀ ты̀ оу҆млⷭ҇тивлѧ́ешисѧ,
|
|
16
|
16
|
|
я́ко ма́ло вся́ка же́ртва въ воню́ благоуха́нія, и малѣ́йшій вся́къ ту́къ во всесожже́ніє тебѣ́: боя́йся же Го́спода вели́къ вы́ну:
|
ꙗ҆́кѡ ма́лѡ всѧ́ка же́ртва въ воню̀ благоꙋха́нїѧ, и҆ малѣ́йшїй всѧ́къ тꙋ́къ во всесожже́нїе тебѣ̀: боѧ́йсѧ же гдⷭ҇а вели́къ вы́нꙋ:
|
|
17
|
17
|
|
го́ре язы́комъ востаю́щымъ на ро́дъ мо́й: Госпо́дь Вседержи́тель отмститъ и́мъ въ де́нь су́дный, да́ти о́гнь и че́рвіє на пло́ти и́хъ, и воспла́чутся въ чу́вствѣ да́же до вѣ́ка.
|
го́ре ꙗ҆зы́кѡмъ востаю́щымъ на ро́дъ мо́й: гдⷭ҇ь вседержи́тель ѿмститъ и҆̀мъ въ де́нь сꙋ́дный, да́ти ѻ҆́гнь и҆ че́рвїе на плѡ́ти и҆́хъ, и҆ воспла́чꙋтсѧ въ чꙋ́вствѣ да́же до вѣ́ка.
|
|
18
|
18
|
|
Єгда́ же внидо́ша во Ієрусали́мъ, поклони́шася Бо́гу: и єгда́ очи́стишася лю́діє, принесо́ша всесожега́ємая своя́ и произво́льная своя́ и да́ры своя́.
|
Є҆гда́ же внидо́ша во і҆ерⷭ҇ли́мъ, поклони́шасѧ бг҃ꙋ: и҆ є҆гда̀ ѡ҆чи́стишасѧ лю́дїе, принесо́ша всесожега́ємаѧ своѧ̑ и҆ произвѡ́льнаѧ своѧ̑ и҆ да́ры своѧ̑.
|
|
19
|
19
|
|
И возложи́ Іуді́ѳъ вся́ сосу́ды Олофе́рновы, єли́ки дадо́ша лю́діє є́й, и завѣ́су, ю́же взя́ она́ от ло́жницы єго́, въ да́ръ Го́споду даде́.
|
И҆ возложѝ і҆ꙋді́ѳъ всѧ̑ сосꙋ́ды ѻ҆лофе́рнѡвы, є҆ли̑ки дадо́ша лю́дїе є҆́й, и҆ завѣ́сꙋ, ю҆̀же взѧ̀ ѻ҆иа̀ ѿ ло́жницы є҆гѡ̀, въ да́ръ гдⷭ҇ꙋ дадѐ.
|
|
20
|
20
|
|
И бя́ху лю́діє веселя́щеся во Ієрусали́мѣ предъ лице́мъ святы́хъ ме́сяцы три́, и Іуді́ѳъ съ ни́ми пребы́сть.
|
И҆ бѧ́хꙋ лю́дїе веселѧ́щесѧ во і҆ерⷭ҇ли́мѣ пред̾ лице́мъ ст҃ы́хъ мцⷭ҇ы трѝ, и҆ і҆ꙋді́ѳъ съ ни́ми пребы́сть.
|
|
21
|
21
|
|
По дне́хъ же си́хъ возврати́ся кі́йждо во наслѣ́діє своє́: и Іуді́ѳъ отъи́де во ветилу́ю, и пребыва́ше надъ стяжа́ніємъ свои́мъ, и бы́сть во вре́мя своє́ сла́вна во все́й земли́.
|
По дне́хъ же си́хъ возврати́сѧ кі́йждо во наслѣ́дїе своѐ: и҆ і҆ꙋді́ѳъ ѿи́де во ветѵлꙋ́ю, и҆ пребыва́ше над̾ стѧжа́нїемъ свои́мъ, и҆ бы́сть во вре́мѧ своѐ сла́вна во все́й землѝ.
|
|
22
|
22
|
|
И мно́зи жела́ша єя́, и не позна́ му́жъ єя́ вся́ дни́ живота́ єя́, от него́же дне́ у́мре Манассі́а му́жъ єя́ и приложи́ся къ лю́демъ свои́мъ.
|
И҆ мно́зи жела́ша є҆ѧ̀, и҆ не позна̀ мꙋ́жъ є҆ѧ̀ всѧ̑ дни̑ живота̀ є҆ѧ̀, ѿ негѡ́же днѐ оу҆́мре манассі́а мꙋ́жъ є҆ѧ̀ и҆ приложи́сѧ къ лю́демъ свои̑мъ.
|
|
23
|
23
|
|
И произы́де вели́ка зѣ́ло́, и состарѣ́ся въ дому́ му́жа своєго́ лѣ́тъ ста́ пяти́, и отпусти́ рабы́ню свою́ свобо́дну, и у́мре во ветилу́и, и погребо́ша ю́ въ пеще́рѣ му́жа єя́ Манассі́и.
|
И҆ произы́де вели́ка ѕѣ́лѡ̀, и҆ состарѣ́сѧ въ домꙋ̀ мꙋ́жа своегѡ̀ лѣ́тъ ста̀ пѧтѝ, и҆ ѿпꙋстѝ рабы́ню свою̀ свобо́днꙋ, и҆ оу҆́мре во ветѷлꙋ́и, и҆ погребо́ша ю҆̀ въ пеще́рѣ мꙋ́жа є҆ѧ̀ манассі́и.
|
|
24
|
24
|
|
И пла́кася єя́ до́мъ Ізра́илевъ дні́й се́дмь. И раздѣли́ имѣ́нія своя́ пре́жде сме́рти своєя́ всѣ́мъ бли́жнимъ Манассі́и му́жа своєго́ и бли́жнимъ ро́да своєго́.
|
И҆ пла́касѧ є҆ѧ̀ до́мъ і҆и҃левъ дні́й се́дмь. И҆ раздѣлѝ и҆мѣ̑нїѧ своѧ̑ пре́жде сме́рти своеѧ̀ всѣ̑мъ бли̑жнимъ манассі́и мꙋ́жа своегѡ̀ и҆ бли̑жнимъ ро́да своегѡ̀.
|
|
25
|
25
|
|
И не бя́ше ктому́ устраша́яй сыно́въ Ізра́илевыхъ во дни́ Іуді́ѳы и по сме́рти єя́ дни́ мно́ги.
|
И҆ не бѧ́ше ктомꙋ̀ оу҆страша́ѧй сынѡ́въ і҆и҃левыхъ во дни̑ і҆ꙋді́ѳы и҆ по сме́рти є҆ѧ̀ дни̑ мнѡ́ги.
|
