|
Глава́ д҃і
|
Глава 14
|
|
1
|
1
|
|
Въ лѣ́то второ́е і҆ѡа́са сы́на і҆ѡаха́за царѧ̀ і҆и҃лева, и҆ воцари́сѧ а҆мессі́а сы́нъ і҆ѡа́совъ, ца́рь і҆ꙋ́динъ:
|
Въ лѣ́то второ́є Іоа́са сы́на Іоаха́за царя́ Ізра́илева, и воцари́ся Амессі́а сы́нъ Іоа́совъ, ца́рь Іу́динъ:
|
|
2
|
2
|
|
сы́нъ два́десѧти пѧтѝ лѣ́тъ бѣ̀, внегда̀ ца́рствовати є҆мꙋ̀ и҆ два́десѧть пѧ́ть лѣ́тъ ца́рствова во і҆ерⷭ҇ли́мѣ. И҆́мѧ же ма́тере є҆гѡ̀ і҆ѡаді́на ѿ і҆ерⷭ҇ли́ма.
|
сы́нъ два́десяти пяти́ лѣ́тъ бѣ́, внегда́ ца́рствовати єму́ и два́десять пя́ть лѣ́тъ ца́рствова во Ієрусали́мѣ. И́мя же ма́тере єго́ Іоаді́на от Ієрусали́ма.
|
|
3
|
3
|
|
И҆ сотворѝ пра́вое пред̾ ѻ҆чи́ма гдⷭ҇нима, ѻ҆ба́че не ꙗ҆́коже даві́дъ ѻ҆те́цъ є҆гѡ̀: по всѣ̑мъ, є҆ли̑ка сотворѝ ѻ҆те́цъ є҆гѡ̀ і҆ѡа́съ, сотворѝ,
|
И сотвори́ пра́воє предъ очи́ма Госпо́днима, оба́че не я́коже даві́дъ оте́цъ єго́: по всѣ́мъ, єли́ка сотвори́ оте́цъ єго́ Іоа́съ, сотвори́,
|
|
4
|
4
|
|
то́кмѡ высо́кихъ не разрꙋшѝ: є҆щѐ лю́дїе жрѧ́хꙋ и҆ кадѧ́хꙋ на высо́кихъ.
|
то́кмо высо́кихъ не разруши́: єще́ лю́діє жря́ху и кадя́ху на высо́кихъ.
|
|
5
|
5
|
|
И҆ бы́сть є҆гда̀ оу҆тверди́сѧ ца́рство въ рꙋкꙋ є҆гѡ̀, и҆ и҆збѝ рабы̑ своѧ̑ оу҆би́вшыѧ ѻ҆тца̀ є҆гѡ̀:
|
И бы́сть єгда́ утверди́ся ца́рство въ руку єго́, и изби́ рабы́ своя́ уби́вшыя отца́ єго́:
|
|
6
|
6
|
|
сынѡ́въ же оу҆бі́йцъ тѣ́хъ не и҆збѝ, ꙗ҆́коже пи́сано въ кни́зѣ зако́на мѡѷсе́ова, ꙗ҆́коже заповѣ́да гдⷭ҇ь, гл҃ѧ: да не оу҆мира́ютъ ѻ҆тцы̀ за сы́ны, и҆ сы́нове да не оу҆мира́ютъ за ѻ҆тцы̑, но то́кмѡ кі́йждо за своѧ̑ грѣхѝ да оу҆́мретъ.
|
сыно́въ же убі́йцъ тѣ́хъ не изби́, я́коже пи́сано въ кни́зѣ зако́на Моисе́ова, я́коже заповѣ́да Госпо́дь, глаго́ля: да не умира́ютъ отцы́ за сы́ны, и сы́нове да не умира́ютъ за отцы́, но то́кмо кі́йждо за своя́ грѣхи́ да у́мретъ.
|
|
7
|
7
|
|
Се́й поразѝ є҆дѡ́ма въ геме́лѣ де́сѧть ты́сѧщъ и҆ взѧ̀ ка́мень и҆ на бра́ни, и҆ наречѐ и҆́мѧ є҆мꙋ̀ і҆еѳои́лъ до дне́шнѧгѡ днѐ.
|
Се́й порази́ Єдо́ма въ геме́лѣ де́сять ты́сящъ и взя́ ка́мень на бра́ни, и нарече́ и́мя єму́ Ієѳои́лъ до дне́шняго дне́.
|
|
8
|
8
|
|
Тогда̀ посла̀ а҆мессі́а послы̀ ко і҆ѡа́сꙋ сы́нꙋ і҆ѡаха́за сы́на і҆иꙋ́а царѧ̀ і҆и҃лева, глаго́лѧ: прїидѝ, да ви́димсѧ въ лицѐ.
|
Тогда́ посла́ Амессі́а послы́ ко Іоа́су сы́ну Іоаха́за сы́на іиу́а царя́ Ізра́илева, глаго́ля: пріиди́, да ви́димся въ лице́.
|
|
9
|
9
|
|
И҆ посла̀ і҆ѡа́съ ца́рь і҆и҃левъ ко а҆мессі́и царю і҆ꙋ́динꙋ, глаго́лѧ: те́рнъ, и҆́же въ лїва́нѣ, посла̀ къ ке́дрови сꙋ́щемꙋ въ лїва́нѣ, глаго́лѧ: да́ждь дще́рь твою̀ сы́нꙋ моемꙋ̀ въ женꙋ̀: и҆ прїидо́ша ѕвѣ́рїе лꙋ́жнїи, и҆̀же въ лїва́нѣ, и҆ попра́ша те́рнїе::
|
И посла́ Іоа́съ ца́рь Ізра́илевъ ко Амессі́и царю Іу́дину, глаго́ля: те́рнъ, и́же въ Ліва́нѣ, посла́ къ ке́дрови су́щему въ Ліва́нѣ, глаго́ля: да́ждь дще́рь твою́ сы́ну моєму́ въ жену́: и пріидо́ша звѣ́ріє лу́жніи, и́же въ Ліва́нѣ, и попра́ша те́рніє:
|
|
10
|
10
|
|
побива́ѧ порази́лъ є҆сѝ і҆дꙋме́ю, и҆ вознесѐ тѧ̀ се́рдце твоѐ, просла́висѧ сѣдѧ̀ въ домꙋ̀ твое́мъ, и҆ почто̀ любопри́шисѧ въ ѕло́бѣ твое́й; и҆ паде́ши ты̀, и҆ і҆ꙋ́да съ тобо́ю.
|
побива́я порази́лъ єси́ Ідуме́ю, и вознесе́ тя́ се́рдце твоє́, просла́вися сѣдя́ въ дому́ твоє́мъ, и почто́ любопри́шися въ зло́бѣ твоє́й? и паде́ши ты́, и Іу́да съ тобо́ю.
|
|
11
|
11
|
|
И҆ не послꙋ́ша а҆мессі́а. И҆ взы́де і҆ѡа́съ ца́рь і҆и҃левъ, и҆ ви́дѣстасѧ лице́мъ то́й и҆ а҆мессі́а ца́рь і҆ꙋ́динъ въ веѳсамѵ́сѣ і҆ꙋ́динѣ.
|
И не послу́ша Амессі́а. И взы́де Іоа́съ ца́рь Ізра́илевъ, и ви́дѣстася лице́мъ то́й и Амессі́а ца́рь Іу́динъ въ веѳсами́сѣ Іу́динѣ.
|
|
12
|
12
|
|
И҆ падѐ і҆ꙋ́да пред̾ лице́мъ і҆и҃левымъ, и҆ побѣжѐ кі́йждо въ до́мы своѧ̑.
|
И паде́ Іу́да предъ лице́мъ Ізра́илевымъ, и побѣже́ кі́йждо въ до́мы своя́.
|
|
13
|
13
|
|
И҆ а҆мессі́ю сы́на і҆ѡа́сова, сы́на ѻ҆хозі́и, царѧ̀ і҆ꙋ́дина, ꙗ҆́тъ і҆ѡа́съ сы́нъ і҆ѡаха́зовъ ца́рь і҆и҃левъ въ веѳсамѵ́сѣ: и҆ прїи́де во і҆ерⷭ҇ли́мъ, и҆ разбѝ стѣ́нꙋ і҆ерⷭ҇ли́мꙋ ѿ вра́тъ є҆фре́млихъ до вра́тъ оу҆го́лныхъ, на четы́реста лакѡ́тъ:
|
И Амессі́ю сы́на Іоа́сова, сы́на Охозі́и, царя́ Іу́дина, я́тъ Іоа́съ сы́нъ Іоаха́зовъ ца́рь Ізра́илевъ въ веѳсами́сѣ: и пріи́де во Ієрусали́мъ, и разби́ стѣ́ну Ієрусали́му от вра́тъ Єфре́млихъ до вра́тъ уго́лныхъ, на четы́реста лако́тъ:
|
|
14
|
14
|
|
и҆ взѧ̀ сребро̀ и҆ зла́то, и҆ всѧ̑ сосꙋ́ды ѡ҆брѣ̑теныѧ въ домꙋ̀ гдⷭ҇ни и҆ въ сокро́вищахъ до́мꙋ царе́ва, и҆ сы́ны смѣси́вшихсѧ, и҆ возврати́сѧ въ самарі́ю.
|
и взя́ сребро́ и зла́то, и вся́ сосу́ды обрѣ́теныя въ дому́ Госпо́дни и въ сокро́вищахъ до́му царе́ва, и сы́ны смѣси́вшихся, и возврати́ся въ самарі́ю.
|
|
15
|
15
|
|
И҆ прѡ́чаѧ слове́съ і҆ѡа́совыхъ, є҆ли̑ка сотворѝ въ си́лѣ свое́й, ꙗ҆́коже бра́сѧ со а҆мессі́ею царе́мъ і҆ꙋ́диныхъ, не сїѧ̑ ли пи̑сана въ кни́зѣ слове́съ дні́й царе́й і҆и҃левыхъ;
|
И про́чая слове́съ Іоа́совыхъ, єли́ка сотвори́ въ си́лѣ своє́й, я́коже бра́ся со Амессі́єю царе́мъ Іу́динымъ, не сія́ ли пи́сана въ кни́зѣ слове́съ дні́й царе́й Ізра́илевыхъ?
|
|
16
|
16
|
|
И҆ оу҆́спе і҆ѡа́съ со ѻ҆тцы̑ свои́ми и҆ погребе́нъ бы́сть въ самарі́и съ цари̑ и҆ і҆и҃левыми. И҆ воцари́сѧ і҆еровоа́мъ сы́нъ є҆гѡ̀ вмѣ́стѡ є҆гѡ̀.
|
И у́спе Іоа́съ со отцы́ свои́ми и погребе́нъ бы́сть въ самарі́и съ цари́ Ізра́илевыми. И воцари́ся ієровоа́мъ сы́нъ єго́ вмѣ́сто єго́.
|
|
17
|
17
|
|
И҆ поживѐ а҆мессі́а сы́нъ і҆ѡа́совъ, ца́рь і҆ꙋ́динъ, по оу҆ме́ртвїи і҆ѡа́са сы́на і҆ѡаха́за царѧ̀ і҆и҃лева пѧтьна́десѧть лѣ́тъ.
|
И поживе́ Амессі́а сы́нъ Іоа́совъ, ца́рь Іу́динъ, по уме́ртвіи Іоа́са сы́на Іоаха́за царя́ Ізра́илева пятьна́десять лѣ́тъ.
|
|
18
|
18
|
|
И҆ прѡ́чаѧ слове́съ а҆мессі́евыхъ, и҆ всѧ̑ є҆ли̑ка сотворѝ, не сїѧ̑ ли пи̑сана въ кни́зѣ слове́съ дні́й царе́й і҆ꙋ́диныхъ;
|
И про́чая слове́съ Амессі́євыхъ, и вся́ єли́ка сотвори́, не сія́ ли пи́сана въ кни́зѣ слове́съ дні́й царе́й Іу́диныхъ?
|
|
19
|
19
|
|
И҆ воста́ша на него̀ полкѝ во і҆ерⷭ҇ли́мѣ: и҆ оу҆бѣжѐ въ лахі́сы, и҆ посла́ша вслѣ́дъ є҆гѡ̀ въ лахі́сы, и҆ оу҆би́ша є҆го̀ тꙋ̀:
|
И воста́ша на него́ полки́ во Ієрусали́мѣ: и убѣже́ въ лахі́сы, и посла́ша вслѣ́дъ єго́ въ лахі́сы, и уби́ша єго́ ту́:
|
|
20
|
20
|
|
и҆ взѧ́ша є҆го̀ на ко́ни, и҆ погребе́нъ бы́сть со ѻ҆тцы̑ свои́ми во і҆ерⷭ҇ли́мѣ во гра́дѣ даві́довѣ.
|
и взя́ша єго́ на ко́ни, и погребе́нъ бы́сть со отцы́ свои́ми во Ієрусали́мѣ во гра́дѣ даві́довѣ.
|
|
21
|
21
|
|
И҆ поѧ́ша всѝ лю́дїе і҆ꙋ̑дины а҆зарі́ю, и҆ то́й сы́нъ шести́надесѧти лѣ́тъ, и҆ поста́виша є҆го̀ царе́мъ вмѣ́стѡ ѻ҆тца̀ є҆гѡ̀ а҆мессі́и:
|
И поя́ша вси́ лю́діє Іу́дины азарі́ю, и то́й сы́нъ шести́надесяти лѣ́тъ, и поста́виша єго́ царе́мъ вмѣ́сто отца́ єго́ Амессі́и:
|
|
22
|
22
|
|
то́й созда̀ є҆лѡ́ѳъ, и҆ возвратѝ є҆го̀ і҆ꙋ́дѣ по оу҆ме́ртвїи царѧ̀ со ѻ҆тцы̑ є҆гѡ̀.
|
то́й созда́ Єло́ѳъ, и возврати́ єго́ Іу́дѣ по уме́ртвіи царя́ со отцы́ єго́.
|
|
23
|
23
|
|
Въ лѣ́то пѧтоена́десѧть а҆мессі́и сы́на і҆ѡа́са царѧ̀ і҆ꙋ́дина, ца́рствова і҆еровоа́мъ сы́нъ і҆ѡа́совъ над̾ і҆и҃лемъ въ самарі́и четы́редесѧть и҆ є҆ди́но лѣ́то,
|
Въ лѣ́то пятоєна́десять Амессі́и сы́на Іоа́са царя́ Іу́дина, ца́рствова ієровоа́мъ сы́нъ Іоа́совъ надъ Ізра́илемъ въ самарі́и четы́редесять и єди́но лѣ́то,
|
|
24
|
24
|
|
и҆ сотворѝ лꙋка́вое пред̾ гдⷭ҇емъ: не ѿстꙋпѝ ѿ всѣ́хъ грѣхѡ́въ і҆еровоа́ма сы́на нава́това, и҆́же въ грѣ́хъ введѐ і҆и҃лѧ:
|
и сотвори́ лука́воє предъ Го́сподемъ: не отступи́ от всѣ́хъ грѣхо́въ ієровоа́ма сы́на нава́това, и́же въ грѣ́хъ введе́ Ізра́иля:
|
|
25
|
25
|
|
то́й привратѝ предѣ́лъ і҆и҃левъ ѿ вхо́да є҆ма́ѳова да́же и҆ до мо́рѧ а҆рави́тскагѡ, по гл҃ꙋ гдⷭ҇а бг҃а і҆и҃лева, є҆го́же гл҃а и҆ рꙋко́ю раба̀ своегѡ̀ і҆ѡ́ны, сы́на а҆маѳі́ина, проро́ка, и҆́же ѿ геѳахове́ра,
|
то́й приврати́ предѣ́лъ Ізра́илевъ от вхо́да Єма́ѳова да́же и до мо́ря Арави́тскаго, по глаго́лу Го́спода Бо́га Ізра́илева, єго́же глаго́ла руко́ю раба́ своєго́ Іо́ны, сы́на Амаѳі́ина, проро́ка, и́же от геѳахове́ра,
|
|
26
|
26
|
|
ꙗ҆́кѡ ви́дѣ гдⷭ҇ь смире́нїе і҆и҃лево го́рько ѕѣлѡ̀, и҆ ма́лѡ содержи́мыхъ, и҆ оу҆ма́ленныхъ, и҆ ѡ҆ста́вленыхъ, и҆ не бѣ̀ помога́ющагѡ и҆̀мъ.
|
я́ко ви́дѣ Госпо́дь смире́ніє Ізра́илево го́рько зѣло́, и ма́ло содержи́мыхъ, и ума́ленныхъ, и оста́вленыхъ, и не бѣ́ помога́ющаго и́мъ.
|
|
27
|
27
|
|
И҆ не гл҃а гдⷭ҇ь и҆скорени́ти сѣ́мене і҆и҃лева под̾ небесе́мъ: и҆ сп҃сѐ ѧ҆̀ рꙋко́ю і҆еровоа́ма сы́на і҆ѡа́сова.
|
И не глаго́ла Госпо́дь искорени́ти сѣ́мене Ізра́илева подъ небесе́мъ: и спасе́ я́ руко́ю ієровоа́ма сы́на Іоа́сова.
|
|
28
|
28
|
|
И҆ прѡ́чаѧ слове́съ і҆еровоа́мовыхъ, и҆ всѧ̑ є҆ли̑ка сотворѝ, и҆ си̑лы є҆гѡ̀, є҆ли̑ка повоева̀, и҆ ка́кѡ возвратѝ дама́скъ и҆ є҆ма́ѳъ і҆ꙋ́дѣ во і҆и҃ли, не сїѧ̑ ли пи̑сана въ кни́зѣ слове́съ дні́й царе́й і҆и҃левыхъ;
|
И про́чая слове́съ ієровоа́мовыхъ, и вся́ єли́ка сотвори́, и си́лы єго́, єли́ка повоєва́, и ка́ко возврати́ Дама́скъ и Єма́ѳъ Іу́дѣ во Ізра́или, не сія́ ли пи́сана въ кни́зѣ слове́съ дні́й царе́й Ізра́илевыхъ?
|
|
29
|
29
|
|
И҆ оу҆́спе і҆еровоа́мъ со ѻ҆тцы̑ свои́ми, со цари̑ і҆и҃левыми: и҆ воцари́сѧ заха́рїа сы́нъ є҆гѡ̀ вмѣ́стѡ є҆гѡ̀.
|
И у́спе ієровоа́мъ со отцы́ свои́ми, со цари́ Ізра́илевыми: и воцари́ся Заха́ріа сы́нъ єго́ вмѣ́сто єго́.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.