|
Глава́ к҃д
|
Глава 24
|
|
1
|
1
|
|
По пѧти́хъ же дне́хъ сни́де а҆рхїере́й а҆на́нїа со ста̑рцы и҆ съ ри́торомъ нѣ́кїимъ тертѵ́лломъ, и҆̀же сказа́ша и҆ге́мѡнꙋ ѡ҆ па́ѵлѣ.
|
По пяти́хъ же дне́хъ сни́де архієре́й Ана́ніа со ста́рцы и съ ри́торомъ нѣ́кіимъ Терти́лломъ, и́же сказа́ша иге́мону о Па́влѣ.
|
|
2
|
2
|
|
При́званꙋ же бы́вшꙋ є҆мꙋ̀, нача́тъ клевета́ти тертѵ́ллъ, глаго́лѧ:
|
При́звану же бы́вшу єму́, нача́тъ клевета́ти Терти́ллъ, глаго́ля:
|
|
3
|
3
|
|
мно́гъ ми́ръ оу҆лꙋча́юще тобо́ю, и҆ и҆справлє́нїѧ быва́ємаѧ ꙗ҆зы́кꙋ семꙋ̀ твои́мъ промышле́нїемъ, всѧ́кимъ же ѡ҆́бразомъ и҆ вездѣ̀ прїе́млемъ, держа́вный фи́лїѯе, со всѧ́кимъ благодаре́нїемъ:
|
мно́гъ ми́ръ улуча́юще тобо́ю, и исправле́нія быва́ємая язы́ку сему́ твои́мъ промышле́ніємъ, вся́кимъ же о́бразомъ и вездѣ́ пріє́млемъ, держа́вный Фи́ліксе, со вся́кимъ благодаре́ніємъ:
|
|
4
|
4
|
|
но да не мно́жае стꙋжа́ю тебѣ̀, молю́ тѧ послꙋ́шати на́съ вкра́тцѣ твое́ю кро́тостїю:
|
но да не мно́жає стужа́ю тебѣ́, молю́ тя послу́шати на́съ вкра́тцѣ твоє́ю кро́тостію:
|
|
5
|
5
|
|
ѡ҆брѣто́хомъ бо мꙋ́жа сего̀ гꙋби́телѧ и҆ дви́жꙋща противле́нїе всѣ̑мъ і҆ꙋде́ємъ живꙋ́щымъ по вселе́ннѣй и҆ предста́телѧ (сꙋ́ща) назѡре́йстѣй є҆́реси,
|
обрѣто́хомъ бо му́жа сего́ губи́теля и дви́жуща противле́ніє всѣ́мъ Іуде́ємъ живу́щымъ по вселе́ннѣй и предста́теля [су́ща] Назоре́йстѣй є́реси,
|
|
6
|
6
|
|
и҆́же и҆ це́рковь покꙋси́сѧ ѡ҆скверни́ти, є҆го́же и҆ ꙗ҆́хомъ и҆ по зако́нꙋ на́шемꙋ хотѣ́хомъ сꙋди́ти є҆мꙋ̀:
|
и́же и це́рковь покуси́ся оскверни́ти, єго́же и я́хомъ и по зако́ну на́шему хотѣ́хомъ суди́ти єму́:
|
|
7
|
7
|
|
прише́дъ же лѷсі́а ты́сѧщникъ, мно́гою си́лою ѿ рꙋ́къ на́шихъ и҆схитѝ є҆го̀ и҆ къ тебѣ̀ посла̀,
|
прише́дъ же Лисі́а ты́сящникъ, мно́гою си́лою от ру́къ на́шихъ исхити́ єго́ и къ тебѣ́ посла́,
|
|
8
|
8
|
|
повелѣ́въ (и҆ на́мъ) пое́млющымъ на́нь и҆тѝ къ тебѣ̀: ѿ негѡ́же возмо́жеши са́мъ разсꙋди́въ ѡ҆ всѣ́хъ си́хъ позна́ти, ѡ҆ ни́хже мы̀ пое́млемъ на́нь.
|
повелѣ́въ [и на́мъ] поє́млющымъ на́нь ити́ къ тебѣ́: *от него́же возмо́жеши са́мъ разсуди́въ о всѣ́хъ си́хъ позна́ти, о ни́хже мы́ поє́млемъ на́нь.
|
|
9
|
9
|
|
Сложи́шасѧ же и҆ і҆ꙋде́є, глаго́люще си̑мъ та́кѡ бы́ти.
|
Сложи́шася же и Іуде́є, глаго́люще си́мъ та́ко бы́ти.
|
|
10
|
10
|
|
Ѿвѣща́ же па́ѵелъ, поманꙋ́вшꙋ є҆мꙋ̀ и҆ге́мѡнꙋ глаго́лати: ѿ мно́гихъ лѣ́тъ сꙋ́ща тѧ̀ сꙋдїю̀ пра́ведна ꙗ҆зы́кꙋ семꙋ̀ свѣ́дый, благодꙋ́шнѣе ꙗ҆̀же ѡ҆ мнѣ̀ ѿвѣща́ю,
|
Отвѣща́ же Па́велъ, поману́вшу єму́ иге́мону глаго́лати: от мно́гихъ лѣ́тъ су́ща тя́ судію́ пра́ведна язы́ку сему́ свѣ́дый, благоду́шнѣє я́же о мнѣ́ отвѣща́ю,
|
|
11
|
11
|
|
могꙋ́щꙋ тѝ разꙋмѣ́ти, ꙗ҆́кѡ не мно́жае мѝ є҆́сть дні́й двана́десѧтихъ, ѿне́лѣже взыдо́хъ поклони́тисѧ во і҆ерⷭ҇ли́мъ:
|
могу́щу ти́ разумѣ́ти, я́ко не мно́жає ми́ є́сть дні́й двана́десятихъ, отне́лѣже взыдо́хъ поклони́тися во Ієрусали́мъ:
|
|
12
|
12
|
|
и҆ ни въ це́ркви ѡ҆брѣто́ша мѧ̀ къ комꙋ̀ глаго́люща и҆лѝ развра́тъ творѧ́ща наро́дꙋ, ни въ со́нмищихъ, ни во гра́дѣ,
|
и ни въ це́ркви обрѣто́ша мя́ къ кому́ глаго́люща или́ развра́тъ творя́ща наро́ду, ни въ со́нмищихъ, ни во гра́дѣ,
|
|
13
|
13
|
|
нижѐ довестѝ мо́гꙋтъ, є҆ли̑ка тебѣ̀ нн҃ѣ на мѧ̀ глаго́лютъ:
|
ниже́ довести́ мо́гутъ, єли́ка тебѣ́ ны́нѣ на мя́ глаго́лютъ:
|
|
14
|
14
|
|
и҆сповѣ́дꙋю же тебѣ̀ сїѐ, ꙗ҆́кѡ въ пꙋтѝ, є҆го́же сі́и глаго́лютъ є҆́ресь, та́кѡ слꙋжꙋ̀ ѻ҆те́ческомꙋ бг҃ꙋ, вѣ́рꙋѧ всѣ̑мъ сꙋ́щымъ въ зако́нѣ и҆ прⷪ҇ро́цѣхъ пи̑санымъ,
|
исповѣ́дую же тебѣ́ сіє́, я́ко въ пути́, єго́же сі́и глаго́лютъ є́ресь, та́ко служу́ оте́ческому Бо́гу, вѣ́руя всѣ́мъ су́щымъ въ Зако́нѣ и Проро́цѣхъ пи́санымъ,
|
|
15
|
15
|
|
оу҆пова́нїе и҆мы́й на бг҃а, ꙗ҆́кѡ воскрⷭ҇нїе хо́щетъ бы́ти мє́ртвымъ, првⷣникѡмъ же и҆ грѣ́шникѡмъ, є҆го́же и҆ са́ми сі́и ча́ютъ:
|
упова́ніє имы́й на Бо́га, я́ко воскресе́ніє хо́щетъ бы́ти ме́ртвымъ, пра́ведникомъ же и грѣ́шникомъ, єго́же и са́ми сі́и ча́ютъ:
|
|
16
|
16
|
|
ѡ҆ се́мъ же и҆ а҆́зъ подвиза́юсѧ, непоро́чнꙋ со́вѣсть и҆мѣ́ти всегда̀ пред̾ бг҃омъ же и҆ человѣ̑ки:
|
о се́мъ же и а́зъ подвиза́юся, непоро́чну со́вѣсть имѣ́ти всегда́ предъ Бо́гомъ же и человѣ́ки:
|
|
17
|
17
|
|
по лѣ́тѣхъ же мно́гихъ прїидо́хъ сотвори́ти ми́лѡстыни во ꙗ҆зы́къ мо́й и҆ приношє́нїѧ:
|
по лѣ́тѣхъ же мно́гихъ пріидо́хъ сотвори́ти ми́лостыни во язы́къ мо́й и приноше́нія:
|
|
18
|
18
|
|
въ ни́хже ѡ҆брѣто́ша мѧ̀ ѡ҆чище́нна въ це́ркви, ни съ наро́домъ, нижѐ съ молво́ю,
|
въ ни́хже обрѣто́ша мя́ очище́нна въ це́ркви, ни съ наро́домъ, ниже́ съ молво́ю,
|
|
19
|
19
|
|
нѣ́цыи ѿ а҆сі́и і҆ꙋде́є, и҆̀мже подоба́ше пред̾ тѧ̀ прїитѝ и҆ глаго́лати, а҆́ще и҆́мꙋтъ что̀ на мѧ̀:
|
нѣ́цыи от Асі́и Іуде́є, и́мже подоба́ше предъ тя́ пріити́ и глаго́лати, а́ще и́мутъ что́ на мя́:
|
|
20
|
20
|
|
и҆лѝ са́ми ті́и да глаго́лютъ, а҆́ще кꙋ́ю ѡ҆брѣто́ша во мнѣ̀ непра́вдꙋ, ста́вшꙋ мѝ въ со́нмищи,
|
или́ са́ми ті́и да глаго́лютъ, а́ще ку́ю обрѣто́ша во мнѣ́ непра́вду, ста́вшу ми́ въ со́нмищи,
|
|
21
|
21
|
|
ра́звѣ є҆ди́нагѡ сегѡ̀ гла́са, и҆́мже возопи́хъ стоѧ̀ въ ни́хъ, ꙗ҆́кѡ ѡ҆ воскрⷭ҇нїи ме́ртвыхъ а҆́зъ сꙋ́дъ прїе́млю дне́сь ѿ ва́съ.
|
ра́звѣ єди́наго сего́ гла́са, и́мже возопи́хъ стоя́ въ ни́хъ, я́ко о воскресе́ніи ме́ртвыхъ а́зъ су́дъ пріє́млю дне́сь от ва́съ.
|
|
22
|
22
|
|
Слы́шавъ же сїѧ̑ фи́лїѯъ ѿвѣща̀ [ѿречѐ] и҆̀мъ, и҆звѣ́стнѣе оу҆вѣ́дѣвъ ꙗ҆̀же ѡ҆ пꙋтѝ се́мъ, глаго́лѧ: є҆гда̀ лѷсі́а ты́сѧщникъ прїи́детъ, разсꙋждꙋ̀ ꙗ҆̀же ѡ҆ ва́съ.
|
Слы́шавъ же сія́ Фи́ліксъ отвѣща́ {отрече́} и́мъ, извѣ́стнѣє увѣ́дѣвъ я́же о пути́ се́мъ, глаго́ля: єгда́ Лисі́а ты́сящникъ пріи́детъ, разсужду́ я́же о ва́съ.
|
|
23
|
23
|
|
Повелѣ́ же со́тникꙋ стрещѝ па́ѵла, и҆ и҆мѣ́ти ѡ҆сла́бꙋ, и҆ ни є҆ди́номꙋ же возбранѧ́ти ѿ свои́хъ є҆мꙋ̀ слꙋжи́ти и҆лѝ приходи́ти къ немꙋ̀.
|
Повелѣ́ же со́тнику стрещи́ Па́вла, и имѣ́ти осла́бу, и ни єди́ному же возбраня́ти от свои́хъ єму́ служи́ти или́ приходи́ти къ нему́.
|
|
24
|
24
|
|
По дне́хъ же нѣ́кїихъ прише́дъ фи́лїѯъ со дрꙋсі́ллїею жено́ю свое́ю сꙋ́щею і҆ꙋде́анынею, призва̀ па́ѵла, да слы́шитъ ѿ негѡ̀ вѣ́рꙋ, ꙗ҆́же во хрⷭ҇та̀ і҆и҃са.
|
По дне́хъ же нѣ́кіихъ прише́дъ Фи́ліксъ со Друсі́ллією жено́ю своє́ю су́щею Іуде́анынею, призва́ Па́вла, да слы́шитъ от него́ вѣ́ру, я́же во Христа́ Іису́са.
|
|
25
|
25
|
|
Глаго́лющꙋ же є҆мꙋ̀ ѡ҆ пра́вдѣ и҆ ѡ҆ воздержа́нїи и҆ ѡ҆ сꙋдѣ̀ хотѧ́щемъ бы́ти, пристра́шенъ бы́въ фи́лїѯъ ѿвѣща̀: нн҃ѣ оу҆́бѡ и҆дѝ, вре́мѧ же полꙋчи́въ призовꙋ́ тѧ.
|
Глаго́лющу же єму́ о пра́вдѣ и о воздержа́ніи и о судѣ́ хотя́щемъ бы́ти, пристра́шенъ бы́въ Фи́ліксъ отвѣща́: ны́нѣ у́бо иди́, вре́мя же получи́въ призову́ тя.
|
|
26
|
26
|
|
Вкꙋ́пѣ же и҆ надѣ́ѧсѧ, ꙗ҆́кѡ мзда̀ да́стсѧ є҆мꙋ̀ ѿ па́ѵла, ꙗ҆́кѡ да ѿпꙋ́ститъ є҆го̀: тѣ́мже и҆ ча́стѡ призыва́ѧ є҆го̀, бесѣ́доваше съ ни́мъ.
|
Вку́пѣ же и надѣ́яся, я́ко мзда́ да́стся єму́ от Па́вла, я́ко да отпу́ститъ єго́: тѣ́мже и ча́сто призыва́я єго́, бесѣ́доваше съ ни́мъ.
|
|
27
|
27
|
|
Двѣма́ же лѣ́тома сконча́вшемасѧ прїѧ́тъ и҆змѣне́нїе фи́лїѯъ поркі́а фи́ста: хотѧ́ же оу҆го́дное сотвори́ти і҆ꙋде́ємъ фи́лїѯъ, ѡ҆ста́ви па́ѵла свѧ́зана.
|
Двѣма́ же лѣ́тома сконча́вшемася прія́тъ измѣне́ніє Фи́ліксъ Поркі́а Фи́ста: хотя́ же уго́дноє сотвори́ти Іуде́ємъ Фи́ліксъ, оста́ви Па́вла свя́зана.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.