|
Глава́ ѕ҃
|
Глава 6
|
|
1
|
1
|
|
И҆ є҆гда̀ оу҆тиши́сѧ мѧте́жъ мꙋже́й сꙋ́щихъ ѡ҆́крестъ засѣда́нїѧ и҆ речѐ ѻ҆лофе́рнъ вождонача́лникъ си́лы а҆ссꙋ́рскїѧ ко а҆хїѡ́рꙋ пред̾ всѣ́мъ наро́домъ и҆ноплеме́нникѡвъ и҆ ко всѣ̑мъ сынѡ́мъ мѡа̑влимъ:
|
И єгда́ утиши́ся мяте́жъ муже́й су́щихъ о́крестъ засѣда́нія и рече́ Олофе́рнъ вождонача́лникъ си́лы Ассу́рскія ко Ахіо́ру предъ всѣ́мъ наро́домъ иноплеме́нниковъ и ко всѣ́мъ сыно́мъ Моа́влимъ:
|
|
2
|
2
|
|
и҆ кто́ є҆си ты̀, а҆хїѡ́ре, и҆ нає́мницы є҆фрє́мли, ꙗ҆́кѡ проро́чествовалъ є҆сѝ въ на́съ, ꙗ҆́коже дне́сь, и҆ ре́клъ є҆сѝ ро́дъ і҆и҃левъ не воева́ти, ꙗ҆́кѡ бг҃ъ и҆́хъ защища́етъ и҆̀хъ; и҆ кто̀ бг҃ъ, а҆́ще не навꙋходоно́соръ; се́й по́слетъ держа́вꙋ свою̀ и҆ и҆стреби́тъ и҆̀хъ ѿ лица̀ землѝ, и҆ не и҆зба́витъ и҆́хъ бг҃ъ и҆́хъ:
|
и кто́ єси ты́, Ахіо́ре, и нає́мницы Єфре́мли, я́ко проро́чествовалъ єси́ въ на́съ, я́коже дне́сь, и ре́клъ єси́ ро́дъ Ізра́илевъ не воєва́ти, я́ко Бо́гъ и́хъ защища́єтъ и́хъ? и кто́ Бо́гъ, а́ще не Навуходоно́соръ? се́й по́слетъ держа́ву свою́ и истреби́тъ и́хъ от лица́ земли́, и не изба́витъ и́хъ Бо́гъ и́хъ:
|
|
3
|
3
|
|
но мы̀ рабѝ є҆гѡ̀ порази́мъ и҆́хъ ꙗ҆́ки человѣ́ка є҆ди́наго, и҆ не претерпѧ́тъ крѣ́пости ко́ней на́шихъ,
|
но мы́ раби́ єго́ порази́мъ и́хъ я́ки человѣ́ка єди́наго, и не претерпя́тъ крѣ́пости ко́ней на́шихъ,
|
|
4
|
4
|
|
попере́мъ бо и҆̀хъ и҆́ми, и҆ го́ры и҆́хъ оу҆пїю́тсѧ въ кро́ви и҆́хъ, и҆ полѧ̀ и҆́хъ и҆спо́лнѧтсѧ ме́ртвыми и҆́хъ, и҆ не постои́тъ стопа̀ но́гъ и҆́хъ проти́вꙋ лица̀ на́шегѡ, но погꙋбле́нїемъ поги́бнꙋтъ, глаго́летъ ца́рь навꙋходоно́соръ, господи́нъ всеѧ̀ землѝ, рече́ бо: не вотщѐ бꙋ́дꙋтъ глаго́лы слове́съ є҆гѡ̀:
|
попере́мъ бо и́хъ и́ми, и го́ры и́хъ упію́тся въ кро́ви и́хъ, и поля́ и́хъ испо́лнятся ме́ртвыми и́хъ, и не постои́тъ стопа́ но́гъ и́хъ проти́ву лица́ на́шего, но погубле́ніємъ поги́бнутъ, глаго́летъ ца́рь Навуходоно́соръ, господи́нъ всея́ земли́, рече́ бо: не вотще́ бу́дутъ глаго́лы слове́съ єго́:
|
|
5
|
5
|
|
ты́ же, а҆хїѡ́ре, нае́мниче а҆ммѡ́нь, и҆́же глаго́лалъ є҆сѝ словеса̀ сїѧ̑ въ де́нь непра́вды твоеѧ̀, не оу҆́зриши ктомꙋ̀ лица̀ моегѡ̀ ѿ днѐ сегѡ̀, до́ндеже не ѿмшꙋ̀ ро́дꙋ сꙋ́щихъ и҆з̾ є҆гѵ́пта,
|
ты́ же, Ахіо́ре, нає́мниче Аммо́нь, и́же глаго́лалъ єси́ словеса́ сія́ въ де́нь непра́вды твоєя́, не у́зриши ктому́ лица́ моєго́ от дне́ сего́, до́ндеже не отомщу́ ро́ду су́щихъ изъ Єги́пта,
|
|
6
|
6
|
|
и҆ тогда̀ про́йдетъ ме́чь во́инства моегѡ̀ и҆ наро́да рабѡ́въ мои́хъ ре́бра твоѧ̑, и҆ паде́ши въ ꙗ҆́звенныхъ и҆́хъ, є҆гда̀ возвращꙋ́сѧ:
|
и тогда́ про́йдетъ ме́чь во́инства моєго́ и наро́да рабо́въ мои́хъ ре́бра твоя́, и паде́ши въ я́звенныхъ и́хъ, єгда́ возвращу́ся:
|
|
7
|
7
|
|
и҆ ѿведꙋ́тъ тѧ̀ рабѝ моѝ въ го́рнюю, и҆ ѡ҆ста́вѧтъ тѧ̀ во є҆ди́нѣмъ ѿ градѡ́въ восхо́дѡвъ,
|
и отведу́тъ тя́ раби́ мои́ въ го́рнюю, и оста́вятъ тя́ во єди́нѣмъ от градо́въ восхо́довъ,
|
|
8
|
8
|
|
и҆ не поги́бнеши до́ндеже и҆стребле́нъ бꙋ́деши съ ни́ми:
|
и не поги́бнеши до́ндеже истребле́нъ бу́деши съ ни́ми:
|
|
9
|
9
|
|
и҆ а҆́ще оу҆пова́еши се́рдцемъ твои́мъ, ꙗ҆́кѡ не во́змꙋтсѧ да не и҆спада́етъ твоѐ лицѐ: рѣ́хъ, и҆ ничто́же ѿпаде́тъ ѿ глаго́лѡвъ мои́хъ.
|
и а́ще упова́єши се́рдцемъ твои́мъ, я́ко не во́змутся да не испада́єтъ твоє́ лице́: рѣ́хъ, и ничто́же отпаде́тъ от глаго́ловъ мои́хъ.
|
|
10
|
10
|
|
И҆ повелѣ̀ ѻ҆лофе́рнъ рабѡ́мъ свои̑мъ, и҆̀же предстоѧ́хꙋ въ шатрѣ̀ є҆гѡ̀, ꙗ҆́ти а҆хїѡ́ра и҆ ѿвстѝ є҆го̀ къ ветѷлꙋ́и и҆ преда́ти въ рꙋ́ки сынѡ́въ і҆и҃левых.
|
И повелѣ́ Олофе́рнъ рабо́мъ свои́мъ, и́же предстоя́ху въ шатрѣ́ єго́, я́ти Ахіо́ра и отвести́ єго́ къ Ветилу́и и преда́ти въ ру́ки сыно́въ Ізра́илевых.
|
|
11
|
11
|
|
И҆ ꙗ҆́ша є҆го̀ рабѝ є҆гѡ̀ и҆ и҆зведо́ша є҆го̀ внѣ̀ полка̀ на по́ле, и҆ воздвиго́шасѧ ѿ среды̀ напо́льныѧ въ го́рнюю и҆ прїидо́ша на и҆сто́чники, и҆̀же бы́ша под̾ ветѵ́лꙋ́ею.
|
И я́ша єго́ раби́ єго́ и изведо́ша єго́ внѣ́ полка́ на по́ле, и воздвиго́шася от среды́ напо́льныя въ го́рнюю и пріидо́ша на исто́чники, и́же бы́ша подъ вети́лу́єю.
|
|
12
|
12
|
|
И҆ ꙗ҆́кѡ оу҆би́дѣша и҆̀хъ мꙋ́жїе гра́да на верхꙋ̀ горы̀, взѧ́ша ѻ҆рꙋ̑жїѧ своѧ̑ и҆ ѿидо́ша внѣ̀ гра́да на ве́рхъ горы̀: и҆ бсѧ́кїй мꙋ́жъ пра́щникъ ѡ҆держа́ша восхо́дъ сво́й и҆ мета́хꙋ ка́менїемъ на ни́хъ.
|
И я́ко уви́дѣша и́хъ му́жіє гра́да на верху́ горы́, взя́ша ору́жія своя́ и отидо́ша внѣ́ гра́да на ве́рхъ горы́: и бся́кій му́жъ пра́щникъ одержа́ша восхо́дъ сво́й и мета́ху ка́меніємъ на ни́хъ.
|
|
13
|
13
|
|
И҆ подше́дше под̾ го́рꙋ, свѧза́ша а҆хїѡ́ра и҆ ѡ҆ста́виша пове́рженна под̾ ко́ренемъ горы̀, и҆ ѿидо́ша ко господи́нꙋ своемꙋ̀.
|
И подше́дше подъ го́ру, связа́ша Ахіо́ра и оста́виша пове́рженна подъ ко́ренемъ горы́, и отидо́ша ко господи́ну своєму́.
|
|
14
|
14
|
|
Снизоше́дше же сы́нове і҆и҃лєвы ѿ гра́да своегѡ̀ ста́ша над̾ ни́мъ, и҆ разрѣши́вше є҆го̀ введо́ша въ ветѷлꙋ́ю и҆ поста́виша є҆го̀ пред̾ нача́лниками гра́да своегѡ̀,
|
Снизоше́дше же сы́нове Ізра́илевы от гра́да своєго́ ста́ша надъ ни́мъ, и разрѣши́вше єго́ введо́ша въ ветилу́ю и поста́виша єго́ предъ нача́лниками гра́да своєго́,
|
|
15
|
15
|
|
и҆̀же бы́ша во дне́хъ ты́хъ, ѻ҆зі́а сы́нъ мі́хинъ ѿ пле́мене сѷмеѡ́нѧ, и҆ хаврі́й сы́нъ гоѳонїи́левъ, и҆ хармі́й сы́нъ мелхїи́левъ.
|
и́же бы́ша во дне́хъ ты́хъ, Озі́а сы́нъ мі́хинъ от пле́мене Симео́ня, и хаврі́й сы́нъ Гоѳоніи́левъ, и Хармі́й сы́нъ Мелхіи́левъ.
|
|
16
|
16
|
|
И҆ созва́ша всѣ́хъ старѣ́йшинъ гра́да: и҆ стеко́шасѧ всѧ́кїй ю҆́ноша и҆́хъ и҆ жєны̀ въ собра́нїе, и҆ поста́виша а҆хїѡ́ра посредѣ̀ всегѡ̀ наро́да своегѡ̀. И҆ вопросѝ є҆го̀ ѻ҆зі́а ѡ҆ слꙋчи́вшемсѧ.
|
И созва́ша всѣ́хъ старѣ́йшинъ гра́да: и стеко́шася вся́кій ю́ноша и́хъ и жены́ въ собра́ніє, и поста́виша Ахіо́ра посредѣ́ всего́ наро́да своєго́. И вопроси́ єго́ Озі́а о случи́вшемся.
|
|
17
|
17
|
|
И҆ ѿвѣща́въ возвѣстѝ и҆̀мъ глаго́лы засѣда́нїѧ ѻ҆лофе́рнова и҆ всѧ̑ глаго́лы, є҆ли̑ка глаго́ла посредѣ̀ кнѧзе́й сынѡ́въ а҆ссꙋ́рскихъ, и҆ є҆ли̑ка велерѣ́чева ѻ҆лофе́рнъ на до́мъ і҆и҃левъ.
|
И отвѣща́въ возвѣсти́ и́мъ глаго́лы засѣда́нія Олофе́рнова и вся́ глаго́лы, єли́ка глаго́ла посредѣ́ князе́й сыно́въ Ассу́рскихъ, и єли́ка велерѣ́чева Олофе́рнъ на до́мъ Ізра́илевъ.
|
|
18
|
18
|
|
И҆ па́дше лю́дїе поклони́шасѧ бг҃ꙋ и҆ возопи́ша, глаго́люще:
|
И па́дше лю́діє поклони́шася Бо́гу и возопи́ша, глаго́люще:
|
|
19
|
19
|
|
гдⷭ҇и бж҃е нб҃сѐ, при́зри на горды̑ни и҆́хъ, и҆ поми́лꙋй смире́нїе ро́да на́шегѡ, и҆ при́зри на лицѐ ѡ҆свѧще́нныхъ тевѣ̀ въ де́нь се́й.
|
Го́споди Бо́же небесе́, при́зри на горды́ни и́хъ, и поми́луй смире́ніє ро́да на́шего, и при́зри на лице́ освяще́нныхъ тебѣ́ въ де́нь се́й.
|
|
20
|
20
|
|
И҆ оу҆тѣ́шиша а҆хїѡ́ра и҆ похвали́ша є҆го̀ ѕѣлѡ̀.
|
И утѣ́шиша Ахіо́ра и похвали́ша єго́ зѣло́.
|
|
21
|
21
|
|
И҆ взѧ̀ є҆го̀ ѻ҆зі́а и҆з̾ собра́нїѧ въ до́мъ сво́й и҆ сотворѝ пи́ръ старѣ́йшинамъ, и҆ призыва́хꙋ бг҃а і҆и҃лева на по́мощь всю̀ но́щь ѻ҆́нꙋ.
|
И взя́ єго́ Озі́а изъ собра́нія въ до́мъ сво́й и сотвори́ пи́ръ старѣ́йшинамъ, и призыва́ху Бо́га Ізра́илева на по́мощь всю́ но́щь о́ну.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.