На Великдень і протягом усього Світлого тижня християни читають (або співають) удома не звичайні ранішні та вечірні молитви, а так звані Великодні часи.
Во і́м'я Отця́, і Си́на, і Свята́го Ду́ха. Амі́нь.
Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере, преподо́бних і богоно́сних оте́ць на́ших, і всіх святи́х поми́луй нас. Амі́нь.
Христо́с Воскре́се із ме́ртвих, сме́ртію смерть попра́в, і су́щим во гробі́х живо́т дарова́в. [Тричі.]
Воскресе́ніє Христо́во ви́дівше, поклоні́мся Свято́му Го́споду Ісу́су, єди́ному безгрі́шному. Кресту́ Твоєму́ покланя́ємся, Христе́, і свято́є Воскресе́ніє Твоє́ поє́м і сла́вим, Ти бо єси́ Бог наш, ра́зві Тебе́ іно́го не зна́єм, і́м'я Твоє́ імену́єм. Прийді́те всі ві́рнії, поклоні́мся Свято́му Христо́ву Воскресе́нію; се бо при́йде Кресто́м ра́дость всему ми́ру. Всегда́ благослов'я́ще Го́спода, поє́м воскресе́ніє Єго́, расп'я́тіє бо претерпі́в, сме́ртію смерть разруши́. [Тричі.]
Предвари́вшия у́тро, я́же о Марі́ї, і обрі́тшия ка́мень отвале́н от гро́ба, сли́шаху от А́нгела: во сві́ті присносу́щнім Су́щаго с ме́ртвими что і́щете я́ко челові́ка? Ви́діте гро́бния пелени́, теці́те і ми́ру пропові́дите, я́ко воста́ Госпо́дь, умертви́вий смерть, я́ко єсть Син Бо́га, спаса́ющаго род челові́чеський. [Один раз]
Во гро́бі пло́тськи, во а́ді же с душе́ю я́ко Бог, в раї́ же с разбо́йником і на престо́лі бил єси́, Христе́, со Отце́м і Ду́хом, вся ісполня́яй Неопи́санний.
Сла́ва Отцю́, і Си́ну, і Свято́му Ду́ху.
Я́ко Живоно́сець, я́ко рая́ красні́йшій, воі́стину і черто́га вся́каго ца́рськаго показа́ся світлі́йшій, Христе́, гроб Твой, істо́чник на́шего воскресе́нія.
І ни́ні, і при́сно, і во ві́ки віко́в. Амі́нь.
Ви́шняго освяще́нноє Боже́ственноє селе́ніє, ра́дуйся. Тобо́ю бо даде́ся ра́дость, Богоро́дице, зову́щим: благослове́нна Ти в жена́х єси́, Всенепоро́чная Влади́чице.
Потім, Го́споди, поми́луй. [40 разів]
Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.
Честні́йшую Херуви́м і сла́внійшую без сравне́нія Серафи́м, без істлі́нія Бо́га Сло́ва ро́ждшую, су́щую Богоро́дицю Тя велича́єм.
Моли́твами святи́х оте́ць на́ших, Го́споди Ісу́се Христе́, Бо́же наш, поми́луй нас. Амі́нь.
І знову співаємо: Христо́с воскре́се із ме́ртвих, сме́ртію смерть попра́в, і су́щим во гробі́х живо́т дарова́в. [Тричі]
Сла́ва Отцю́, і Си́ну, і Свято́му Ду́ху, і ни́ні і при́сно, і во ві́ки віко́в. Амі́нь.
Го́споди, поми́луй. [Тричі]
Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере, преподо́бних і богоно́сних оте́ць на́ших, і всіх святи́х, поми́луй нас. Амі́нь.
