Стих: Да воскре́снеть Бог і расточа́ться вразі́ Єго́.
Па́сха свяще́нная нам днесь показа́ся, Па́сха но́ва свята́я, Па́сха та́їнственная, Па́сха всечестна́я, Па́сха Христо́с Ізба́витель, Па́сха непоро́чная, Па́сха вели́кая, Па́сха ві́рних, Па́сха две́рі ра́йськія нам отверза́ющая, Па́сха всіх освяща́ющая ві́рних.
Стих: Я́ко ісчеза́єть дим, да ісче́знуть.
Прийді́те от виді́нія, жени́ благові́стниці, і Сіо́ну рці́те: прийми́ от нас ра́дости благові́щенія Воскресе́нія Христо́ва; красу́йся, лику́й і ра́дуйся, Ієрусали́ме, Царя́ Христа́ узрі́в із гро́ба, я́ко жениха́ проісходя́ща.
Стих: Та́ко да поги́бнуть грі́шници от лиця́ Бо́жия, а пра́ведници да возвеселя́ться.
Мироно́сиці жени́ у́тру глубоку́ предста́вша гро́бу Живода́вця, обріто́ша А́нгела на ка́мені сідя́ща, і той провіща́в їм, си́це глаго́лаше: что і́щете Жива́го с ме́ртвими? Что пла́чете Нетлі́ннаго во тлі? Ше́дше пропові́дите ученико́м Єго́.
Стих: Сей день, єго́же сотвори́ Госпо́дь, возра́дуємся і возвеселі́мся вонь.
Па́сха кра́сная, Па́сха, Госпо́дня Па́сха, Па́сха всечестна́я нам возсія́. Па́сха, ра́достію друг дру́га оби́мем. О Па́сха! Ізбавле́ніє ско́рби, і́бо із гро́ба днесь, я́ко от черто́га, возсія́в Христо́с, жени́ ра́дости іспо́лни, глаго́ля: пропові́дите апо́столом.
Сла́ва і ни́ні, глас 5: Воскресе́нія день, і просвіті́мся торжество́м, і друг дру́га оби́мем. Рцем: бра́тіє, і ненави́дящим нас прості́м вся Воскресе́нієм, і та́ко возопії́м: Христо́с воскре́се із ме́ртвих, сме́ртію смерть попра́в, і су́щим во гробі́х живо́т дарова́в.
