Господи сил, с нами буди, іного бо разві Тебе Помощника в скорбіх не імами; Господи сил, помилуй нас.

Хваліте Бога во святих Єго, хваліте Єго во утверженії сили Єго; Господи сил, с нами буди:

Хваліте Єго на силах Єго, хваліте Єго по множеству величествія Єго. Господи сил, с нами буди:

Хваліте Єго во гласі трубнім, хваліте Єго во псалтирі і гуслех; Господи сил, с нами буди:

Хваліте Єго в тимпані і лиці, хваліте Єго во струнах і органі; Господи сил, с нами буди:

Хваліте Єго в кимваліх доброгласних, хваліте Єго в кимваліх восклицанія. Всякоє диханіє да хвалить Господа. Господи сил, с нами буди:

Хваліте Бога во святих Єго, хваліте Єго во утверженії сили Єго.

Господи сил, с нами буди, іного бо разві Тебе Помощника в скорбіх не імами; Господи сил, помилуй нас.

Слава Отцю, і Сину, і Святому Духу.

Господи, аще не бихом святия Твоя іміли молитвенники, і благостиню Твою милующую нас, како смілі бихом, Спасе, піти Тя, Єгоже славослов'ять непрестанно Ангели? Сердцевідче, пощади душі наша.

І нині, і присно, і во віки віков. Амінь.

Многая множества моїх, Богородице, прегрішеній, к Тебі прибігох, Чистая, спасенія требуя. Посіти немощствующую мою душу, і моли Сина Твоєго і Бога нашего дати мі оставленіє, яже содіях лютих, єдина Благословенная.

Всесвятая Богородице, во врем'я живота моєго не остави мене, человічеському предстательству не ввіри м'я, но Сама заступи і помилуй м'я.

Все упованіє моє на Тя возлагаю, Мати Божия, сохрани м'я под кровом Твоїм.