|
Глава́ м҃з
|
Глава 47
|
|
1
|
1
|
|
И҆ введе́ мѧ ко преддве́рїю хра́ма, и҆ сѐ, вода̀ и҆схожда́ше и҆з̾ под̾ непокрове́ннагѡ хра́ма на восто́къ, ꙗ҆́кѡ лицѐ хра́ма зрѧ́ше на восто́къ, и҆ и҆схожда́ше вода̀ ѿ страны̀ десны́ѧ, ѿ ю҆́га къ же́ртвенникꙋ.
|
И введе́ мя ко преддве́рію хра́ма, и се́, вода́ исхожда́ше изъ подъ непокрове́ннаго хра́ма на восто́къ, я́ко лице́ хра́ма зря́ше на восто́къ, и исхожда́ше вода́ от страны́ десны́я, от ю́га къ же́ртвеннику.
|
|
2
|
2
|
|
И҆ и҆зведе́ мѧ по пꙋтѝ вра́тъ ꙗ҆̀же на сѣ́веръ и҆ ѡ҆бведе́ мѧ пꙋте́мъ вра́тнымъ внѣꙋ́дꙋ ко вратѡ́мъ двора̀, зрѧ́щагѡ на восто́къ, и҆ сѐ, вода̀ и҆схожда́ше ѿ страны̀ десны́ѧ,
|
И изведе́ мя по пути́ вра́тъ я́же на сѣ́веръ и обведе́ мя путе́мъ вра́тнымъ внѣу́ду ко врато́мъ двора́, зря́щаго на восто́къ, и се́, вода́ исхожда́ше от страны́ десны́я,
|
|
3
|
3
|
|
ꙗ҆́коже и҆схо́дъ мꙋ́жа проти́вꙋ: и҆ мѣ́ра въ рꙋцѣ̀ є҆гѡ̀: и҆ и҆змѣ́ри ты́сѧщꙋ мѣ́рою, и҆ пре́йде водо́ю во́дꙋ ѡ҆ставле́нїѧ [Є҆вр.: и҆ преведе́ мѧ чрез̾ во́дꙋ да́же до гле́знъ.].
|
я́коже исхо́дъ му́жа проти́ву: и мѣ́ра въ руцѣ́ єго́: и измѣ́ри ты́сящу мѣ́рою, и пре́йде водо́ю во́ду оставле́нія {Євр.: и преведе́ мя чрезъ во́ду да́же до гле́знъ.}.
|
|
4
|
4
|
|
И҆ (па́ки) и҆змѣ́ри ты́сѧщꙋ, и҆ преведе́ мѧ чрез̾ во́дꙋ, и҆ взы́де вода̀ до колѣ́нъ: и҆ размѣ́ри ты́сѧщꙋ, и҆ взы́де вода̀ да́же до чре́слъ.
|
И [па́ки] измѣ́ри ты́сящу, и преведе́ мя чрезъ во́ду, и взы́де вода́ до колѣ́нъ: и размѣ́ри ты́сящу, и взы́де вода́ да́же до чре́слъ.
|
|
5
|
5
|
|
И҆ размѣ́ри ты́сѧщꙋ, пото́къ, и҆ не возмо́же прейтѝ [Є҆вр.: и҆ не мого́хъ прейтѝ.], ꙗ҆́кѡ кипѧ́ше вода̀, а҆́ки шꙋ́мъ пото́чный, є҆гѡ́же не пре́йдꙋтъ.
|
И размѣ́ри ты́сящу, пото́къ, и не возмо́же прейти́ {Євр.: и не мого́хъ прейти́.}, я́ко кипя́ше вода́, а́ки шу́мъ пото́чный, єго́же не пре́йдутъ.
|
|
6
|
6
|
|
И҆ речѐ ко мнѣ̀: ви́дѣлъ ли є҆сѝ, сы́не человѣ́чь; И҆ веде́ мѧ и҆ ѡ҆брати́ мѧ на бре́гъ рѣ́чный, во ѡ҆браще́нїи мое́мъ:
|
И рече́ ко мнѣ́: ви́дѣлъ ли єси́, сы́не человѣ́чь? И веде́ мя и обрати́ мя на бре́гъ рѣ́чный, во обраще́ніи моє́мъ:
|
|
7
|
7
|
|
и҆ сѐ, на бре́зѣ рѣ́чнѣмъ древеса̀ мнѡ́га ѕѣлѡ̀ сю́дꙋ и҆ сю́дꙋ.
|
и се́, на бре́зѣ рѣ́чнѣмъ древеса́ мно́га зѣло́ сю́ду и сю́ду.
|
|
8
|
8
|
|
И҆ речѐ ко мнѣ̀: вода̀ сїѧ̀ текꙋ́щаѧ въ галїле́ю, ꙗ҆́же на восто́къ, и҆ низхожда́ше ко а҆раві́и, и҆ грѧдѧ́ше до мо́рѧ къ водѣ̀ и҆схо́да, и҆ и҆сцѣли́тъ во́ды:
|
И рече́ ко мнѣ́: вода́ сія́ теку́щая въ Галіле́ю, я́же на восто́къ, и низхожда́ше ко Араві́и, и грядя́ше до мо́ря къ водѣ́ исхо́да, и исцѣли́тъ во́ды:
|
|
9
|
9
|
|
и҆ бꙋ́детъ всѧ́ка дꙋша̀ живо́тныхъ врѣ́ющихъ, на всѧ̑, на нѧ́же на́йдетъ та́мѡ рѣка̀, жи̑ва бꙋ́дꙋтъ: и҆ бꙋ́дꙋтъ та́мѡ ры̑бы мнѡ́ги ѕѣлѡ̀, ꙗ҆́кѡ прїи́детъ та́мѡ вода̀ сїѧ̀ и҆ и҆сцѣли́тъ, и҆ жи́во бꙋ́детъ всѧ́кое, на не́же а҆́ще прїи́детъ рѣка̀, та́мѡ жи́во бꙋ́детъ.
|
и бу́детъ вся́ка душа́ живо́тныхъ врѣ́ющихъ, на вся́, на ня́же на́йдетъ та́мо рѣка́, жи́ва бу́дутъ: и бу́дутъ та́мо ры́бы мно́ги зѣло́, я́ко пріи́детъ та́мо вода́ сія́ и исцѣли́тъ, и жи́во бу́детъ вся́коє, на не́же а́ще пріи́детъ рѣка́, та́мо жи́во бу́детъ.
|
|
10
|
10
|
|
И҆ ста́нꙋтъ та́мѡ ры́барїе ѿ і҆нгадда̀ до и҆нгалі́ма: сꙋши́ло мре́жамъ бꙋ́детъ, ѡ҆ себѣ̀ бꙋ́детъ: и҆ ры̑бы є҆ѧ̀ ꙗ҆́кѡ ры̑бы мо́рѧ вели́кагѡ, мно́жество мно́го ѕѣлѡ̀.
|
И ста́нутъ та́мо ры́баріє от інгадда́ до ингалі́ма: суши́ло мре́жамъ бу́детъ, о себѣ́ бу́детъ: и ры́бы єя́ я́ко ры́бы мо́ря вели́каго, мно́жество мно́го зѣло́.
|
|
11
|
11
|
|
И҆ во и҆схо́дѣ є҆ѧ̀ и҆ во ѡ҆браще́нїи є҆ѧ̀ и҆ въ возвыше́нїи є҆ѧ̀ мѣлины̑ є҆ѧ̀ не и҆сцѣлѧ́тсѧ, въ со́ль вдадꙋ́тсѧ:
|
И во исхо́дѣ єя́ и во обраще́ніи єя́ и въ возвыше́ніи єя́ мѣлины́ єя́ не исцѣля́тся, въ со́ль вдаду́тся:
|
|
12
|
12
|
|
и҆ над̾ рѣкꙋ̀ взы́детъ, и҆ на бре́зѣ є҆ѧ̀ ѻ҆́ба по́лы, всѧ́кое дре́во ꙗ҆до́мое не ѡ҆бетша́етъ оу҆ неѧ̀, ни ѡ҆скꙋдѣ́етъ пло́дъ є҆гѡ̀, но́вости своеѧ̀ пе́рвый пло́дъ принесе́тъ, и҆́бо во́ды и҆́хъ сїѧ̑ ѿ ст҃ы́хъ и҆схо́дѧтъ, и҆ бꙋ́детъ пло́дъ и҆́хъ въ снѣ́дь и҆ прозѧбе́нїе и҆́хъ во здра́вїе.
|
и надъ рѣку́ взы́детъ, и на бре́зѣ єя́ о́ба по́лы, вся́коє дре́во ядо́моє не обетша́єтъ у нея́, ни оскудѣ́єтъ пло́дъ єго́, но́вости своєя́ пе́рвый пло́дъ принесе́тъ, и́бо во́ды и́хъ сія́ от святы́хъ исхо́дятъ, и бу́детъ пло́дъ и́хъ въ снѣ́дь и прозябе́ніє и́хъ во здра́віє.
|
|
13
|
13
|
|
Си́це гл҃етъ гдⷭ҇ь бг҃ъ: сїѧ̑ предѣ́лы наслѣ́дите землѝ, двꙋна́десѧти племенѡ́мъ сынѡ́въ і҆и҃левыхъ приложе́нїе оу҆́жа.
|
Си́це глаго́летъ Госпо́дь Бо́гъ: сія́ предѣ́лы наслѣ́дите земли́, двуна́десяти племено́мъ сыно́въ Ізра́илевыхъ приложе́ніє у́жа.
|
|
14
|
14
|
|
И҆ наслѣ́дите ю҆̀ кі́йждо, ꙗ҆́коже бра́тъ є҆гѡ̀, на ню́же воздвиго́хъ рꙋ́кꙋ мою̀, є҆́же да́ти ю҆̀ ѻ҆тцє́мъ и҆́хъ, и҆ паде́тъ землѧ̀ сїѧ̀ ва́мъ въ наслѣ́дїе.
|
И наслѣ́дите ю́ кі́йждо, я́коже бра́тъ єго́, на ню́же воздвиго́хъ ру́ку мою́, є́же да́ти ю́ отце́мъ и́хъ, и паде́тъ земля́ сія́ ва́мъ въ наслѣ́діє.
|
|
15
|
15
|
|
И҆ сі́и предѣ́лы землѝ на сѣ́веръ, ѿ мо́рѧ вели́кагѡ сходѧ́щагѡ и҆ ѿдѣлѧ́ющагѡ вхо́дъ и҆маселда́мъ,
|
И сі́и предѣ́лы земли́ на сѣ́веръ, от мо́ря вели́каго сходя́щаго и отдѣля́ющаго вхо́дъ имаселда́мъ,
|
|
16
|
16
|
|
маавѳира́съ, є҆врамилїа́мъ средѣ̀ предѣ̑лъ дама́сковыхъ и҆ средѣ̀ предѣ̑лъ и҆ма́ѳовыхъ, дворы̀ саѵна̑ни, и҆̀же сꙋ́ть вы́ше предѣ̑лъ а҆ѵранїті́дскихъ.
|
маавѳира́съ, єврамиліа́мъ средѣ́ предѣ́лъ Дама́сковыхъ и средѣ́ предѣ́лъ има́ѳовыхъ, дворы́ Савна́ни, и́же су́ть вы́ше предѣ́лъ авраніті́дскихъ.
|
|
17
|
17
|
|
Сі́и предѣ́лы ѿ мо́рѧ: ѿ двора̀ є҆на́нова, предѣ́лы дама́скѡвы, и҆ ꙗ҆̀же къ сѣ́верꙋ, и҆ предѣ́лъ є҆ма́ѳовъ, и҆ предѣ́лъ сѣ́верскъ.
|
Сі́и предѣ́лы от мо́ря: от двора́ Єна́нова, предѣ́лы Дама́сковы, и я́же къ сѣ́веру, и предѣ́лъ Єма́ѳовъ, и предѣ́лъ сѣ́верскъ.
|
|
18
|
18
|
|
И҆ ꙗ҆̀же на восто́ки: междꙋ̀ а҆ѵранїті́дою и҆ междꙋ̀ дама́скомъ, и҆ междꙋ̀ галааді́тїдою и҆ междꙋ̀ земле́ю і҆и҃левою, і҆ѻрда́нъ дѣли́тъ къ мо́рю, є҆́же на восто́ки фі́нїкѡвъ: сїѧ̑ на восто́ки.
|
И я́же на восто́ки: между́ авраніті́дою и между́ Дама́скомъ, и между́ Галааді́тідою и между́ земле́ю Ізра́илевою, Іорда́нъ дѣли́тъ къ мо́рю, є́же на восто́ки фі́ніковъ: сія́ на восто́ки.
|
|
19
|
19
|
|
И҆ ꙗ҆̀же къ ю҆́гꙋ и҆ лі́вꙋ: ѿ ѳема́на и҆ фі́нїкѡвъ да́же до воды̀ марїмѡ́ѳъ-кади́мъ, продолжа́ющеесѧ къ мо́рю вели́комꙋ.
|
И я́же къ ю́гу и Лі́ву: от Ѳема́на и фі́ніковъ да́же до воды́ Марімо́ѳъ-кади́мъ, продолжа́ющеєся къ мо́рю вели́кому.
|
|
20
|
20
|
|
Сїѧ̀ страна̀ ю҆́га и҆ лі́ва, сїѧ̀ страна̀ мо́рѧ вели́кагѡ раздѣлѧ́етъ да́же прѧ́мѡ вхо́дꙋ и҆ма́ѳъ, да́же до вхо́да є҆гѡ̀: сїѧ̑ сꙋ́ть ꙗ҆̀же къ мо́рю и҆ма́ѳъ.
|
Сія́ страна́ ю́га и Лі́ва, сія́ страна́ мо́ря вели́каго раздѣля́єтъ да́же пря́мо вхо́ду има́ѳъ, да́же до вхо́да єго́: сія́ су́ть я́же къ мо́рю има́ѳъ.
|
|
21
|
21
|
|
И҆ раздѣли́те зе́млю ва́мъ, племенѡ́мъ і҆и҃лєвымъ.
|
И раздѣли́те зе́млю ва́мъ, племено́мъ Ізра́илевымъ.
|
|
22
|
22
|
|
Расположи́те ю҆̀ жре́бїемъ ва́мъ и҆ прише́лцємъ ѡ҆бита́ющымъ средѣ̀ ва́съ, и҆̀же роди́ша сы́ны посредѣ̀ ва́съ, и҆ бꙋ́дꙋтъ ва́мъ ꙗ҆́кѡ тꙋзе́мцы въ сынѣ́хъ і҆и҃левыхъ: съ ва́ми да ꙗ҆дѧ́тъ во оу҆ча́стїи средѣ̀ племе́нъ і҆и҃левыхъ,
|
Расположи́те ю́ жре́біємъ ва́мъ и прише́лцемъ обита́ющымъ средѣ́ ва́съ, и́же роди́ша сы́ны посредѣ́ ва́съ, и бу́дутъ ва́мъ я́ко тузе́мцы въ сынѣ́хъ Ізра́илевыхъ: съ ва́ми да ядя́тъ во уча́стіи средѣ́ племе́нъ Ізра́илевыхъ,
|
|
23
|
23
|
|
и҆ бꙋ́дꙋтъ въ пле́мени прише́лцєвъ, въ прише́лцѣхъ и҆̀же съ ни́ми: та́мѡ дади́те оу҆ча́стїе и҆̀мъ, гл҃етъ гдⷭ҇ь бг҃ъ.
|
и бу́дутъ въ пле́мени прише́лцевъ, въ прише́лцѣхъ и́же съ ни́ми: та́мо дади́те уча́стіє и́мъ, глаго́летъ Госпо́дь Бо́гъ.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.