Велике повечір'я

Глаго́лет свяще́нник: Благослове́н Бог наш:

І начина́ют бра́тія: Сла́ва Тебі́, Бо́же наш, сла́ва Тебі́.

Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі] Слава, і нині:

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь, і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Священник: Я́ко Твоє́ єсть Ца́рство:

І ми: Амі́нь. Потім, Го́споди, поми́луй. [12 разів]. Слава, і нині:

Прийді́те, поклоні́мся Царе́ві на́шему Бо́гу.

Прийді́те, поклоні́мся і припаде́м Христу́, Царе́ві на́шему Бо́гу.

Прийді́те, поклоні́мся і припаде́м Самому́ Христу́, Царе́ві і Бо́гу на́шему.

Якщо перша седмиця Великого посту, починаємо псалом 69: Бо́же, в по́мощ мою́ воньми́; І після цього співаємо великий канон.

Якщо ж ні, починаємо це:

Внегда́ призва́ти мі, усли́ша м'я Бог пра́вди моєя́; в ско́рбі распространи́л м'я єси́; уще́дри м'я і усли́ши моли́тву мою́. Си́нове челові́честії, доко́лі тяжкосе́рдії? Вску́ю лю́бите суєту́ і і́щете лжі? І уві́дите, я́ко удиви́ Госпо́дь преподо́бнаго Своєго́. Госпо́дь усли́шить м'я, внегда́ воззва́ти мі к Нему́. Гні́вайтеся, і не согріша́йте, яже глаго́лете в сердця́х ва́ших, на ло́жах ва́ших умилі́теся; пожрі́те же́ртву пра́вди і упова́йте на Го́спода. Мно́зі глаго́лють: кто яви́ть нам блага́я? Зна́менася на нас світ лиця́ Твоєго́, Го́споди. Дал єси́ весе́ліє в се́рдці моє́м; от плода́ пшени́ці, вина́ і єле́я своєго́ умно́жишася; в ми́рі вку́пі усну́ і почи́ю, я́ко Ти, Го́споди, єди́наго на упова́нії всели́л м'я єси́.

Го́споди, да не я́ростію Твоє́ю обличи́ши мене́, ніже́ гні́вом Твої́м нака́жеши мене́. Поми́луй м'я, Го́споди, я́ко не́мощен єсьм; ізціли́ м'я, Го́споди, я́ко см'ято́шася ко́сті моя́, і душа́ моя́ см'яте́ся зіло́; і Ти, Го́споди, доко́лі? Обрати́ся, Го́споди, ізба́ви ду́шу мою́, спаси́ м'я ра́ди ми́лости Твоєя́; я́ко ність в сме́рті помина́яй Тебе́, во а́ді же кто іспові́сться Тебі́? Утруди́хся воздиха́нієм мої́м, ізми́ю на вся́ку нощ ло́же моє́, слеза́ми мої́ми посте́лю мою́ омочу́. См'яте́ся от я́рости о́ко моє́, обетша́х во всіх вразі́х мої́х. Отступі́те от мене́, всі ді́лающії беззако́ніє, я́ко усли́ша Госпо́дь глас пла́ча моєго́, усли́ша Госпо́дь моле́ніє моє́, Госпо́дь моли́тву мою́ прия́т. Да постидя́ться і см'яту́ться всі вразі́ мої́, да возвратя́ться і устидя́ться зіло́ вско́рі.

Доко́лі, Го́споди, забу́деши м'я до конця́? Доко́лі отвраща́єши лице́ Твоє́ от мене́? Доко́лі положу́ сові́ти в душі́ моє́й, болі́зні в се́рдці моє́м день і нощ? Доко́лі вознесе́ться враг мой на м'я? При́зри, усли́ши м'я, Го́споди Бо́же мой, просвіти́ о́чі мої́, да не когда́ усну́ в смерть; да не когда́ рече́ть враг мой: укріпи́хся на него́. Стужа́ющії мі возра́дуються, а́ще подви́жуся. Аз же на ми́лость Твою́ упова́х; возра́дується се́рдце моє́ о спасе́нії Твоє́м; воспою́ Го́сподеві благоді́явшему мні і пою́ і́мені Го́спода Ви́шняго.

При́зри, усли́ши м'я, Го́споди Бо́же мой, просвіти́ о́чі мої́, да не когда́ усну́ в смерть; да не когда́ рече́ть враг мой: укріпи́хся на него́.

Сла́ва, і ни́ні: Аллилу́я, аллилу́я, аллилу́я, сла́ва Тебі́, Бо́же. [Тричі]. І покло́ни 3. Го́споди, поми́луй. [Тричі]. Сла́ва, і ни́ні:

К Тебі́, Го́споди, воздвиго́х ду́шу мою́, Бо́же мой, на Тя упова́х, да не постижу́ся во вік, ніже́ да посмію́тьмися вразі́ мої́; і́бо всі терп'я́щії Тя не постидя́ться. Да постидя́ться беззако́ннующії вотще́. Путі́ Твоя́, Го́споди, скажи́ мі і стезя́м Твої́м научи́ м'я. Наста́ви м'я на і́стину Твою́ і научи́ м'я; я́ко Ти єси́ Бог спас мой, і Тебе́ терпі́х весь день. Пом'яни́ щедро́ти Твоя́, Го́споди, і ми́лості Твоя́, я́ко от ві́ка суть. Гріх ю́ности моєя́ і неві́дінія моєго́ не пом'яни́; по ми́лості Твоє́й пом'яни́ м'я Ти, ра́ди бла́гости Твоєя́, Го́споди. Благ і прав Госпо́дь, сего́ ра́ди законоположи́ть согріша́ющим на путі́. Наста́вить кро́ткия на суд, научи́ть кро́ткия путе́м Свої́м. Всі путіє́ Госпо́дні ми́лость і і́стина, взиска́ющим заві́та Єго́ і свиді́нія Єго́. Ра́ди і́мене Твоєго́, Го́споди, і очи́сти гріх мой, мног бо єсть. Кто єсть челові́к боя́йся Го́спода? Законоположи́ть єму́ на путі́, єго́же ізво́ли. Душа́ єго́ во благи́х водвори́ться, і сі́м'я єго́ наслі́дить зе́млю. Держа́ва Госпо́дь боя́щихся Єго́, і заві́т Єго́ яви́ть їм. О́чі мої́ ви́ну ко Го́споду, я́ко той істо́ргнеть от сі́ті но́зі мої́. При́зри на м'я і поми́луй м'я, я́ко єдиноро́д і нищ єсьм аз. Ско́рбі се́рдця моєго́ умно́жишася, от нужд мої́х ізведи́ м'я. Виждь смире́ніє моє́ і труд мой, і оста́ви вся гріхи́ моя́. Виждь враги́ моя́, я́ко умно́жишася, і ненавиді́нієм непра́ведним возненави́діша м'я. Сохрани́ ду́шу мою́ і ізба́ви м'я, да не постижу́ся, я́ко упова́х на Тя. Незло́бивії і пра́вії приліпля́хуся мні, я́ко потерпі́х Тя, Го́споди. Ізба́ви, Бо́же, Ізра́їля от всіх скорбе́й єго́.

На Тя, Го́споди, упова́х, да не постижу́ся во вік. Пра́вдою Твоє́ю ізба́ви м'я і ізми́ м'я; Приклони́ ко мні у́хо Твоє́, ускори́ із'я́ти м'я; бу́ди мі в Бо́га Защи́тителя і в Дом прибі́жища, є́же спасти́ м'я. Я́ко держа́ва моя́ і прибі́жище моє́ єси́ Ти; і і́мене Твоєго́ ра́ди наста́виши м'я і препита́єши м'я. Ізведе́ши м'я от сі́ті сея́, ю́же скри́ша мі; я́ко Ти єси́ Защи́титель мой, Го́споди. В ру́ці Твої́ предложу́ дух мой; ізба́вил м'я єси́, Го́споди Бо́же і́стини. Возненави́діл єси́ храня́щия суєти́ вотще́; аз же на Го́спода упова́х. Возра́дуюся і возвеселю́ся о ми́лості Твоє́й, я́ко призрі́л єси́ на смире́ніє моє́, спасл єси́ от нужд ду́шу мою́ і ні́си мене́ затвори́л в рука́х вра́жиїх, поста́вил єси́ на простра́нні но́зі мої́. Поми́луй м'я, Го́споди, я́ко скорблю́; см'яте́ся я́ростію о́ко моє́, душа́ моя́ і утро́ба моя́. Я́ко ізчезе́ в болі́зні живо́т мой, і лі́та моя́ в воздиха́ніїх; ізнемо́же нището́ю крі́пость моя́, і ко́сті моя́ см'ято́шася. От всіх враг мої́х бих поноше́ніє, і сосі́дом мої́м зіло́, і страх зна́ємим мої́м; ви́дящії м'я вон біжа́ша от мене́. Забве́н бих я́ко мертв от се́рдця; бих я́ко сосу́д погубле́н. Я́ко сли́шах гажде́ніє [укоре́ніє] мно́гих живу́щих о́крест, внегда́ собра́тися їм вку́пі на м'я, прия́ти ду́шу мою́ совіща́ша. Аз же на Тя, Го́споди, упова́х, ріх: Ти єси́ Бог мой. В руку́ Твоє́ю жре́бії мої́; ізба́ви м'я із руки́ враг мої́х і от гоня́щих м'я. Просвіти́ лице́ Твоє́ на раба́ Твоєго́; спаси́ м'я ми́лостію Твоє́ю. Го́споди, да не постижу́ся, я́ко призва́х Тя; да постидя́ться нечести́вії і сни́дуть во ад. Ні́ми да бу́дуть устни́ льсти́вия, глаго́лющия на пра́веднаго беззако́ніє, горди́нею і унічиже́нієм. Коль мно́гоє мно́жество бла́гости Твоєя́, Го́споди, ю́же скрил єси́ боя́щимся Тебе́, соді́лал єси́ упова́ющим на Тя, пред си́ни челові́чеськими! Скри́єши їх в та́йні лиця́ Твоєго́ от м'яте́жа челові́чеська, покри́єши їх в кро́ві от преріка́нія язи́к. Благослове́н Госпо́дь, я́ко удиви́ ми́лость Свою́ во гра́ді огражде́нія. Аз же ріх во ізступле́нії моє́м: отве́ржен єсьм от лиця́ о́чію Твоє́ю; сего́ ра́ди усли́шал єси́ глас моли́тви моєя́, внегда́ воззва́х к Тебі́. Возлюбі́те Го́спода, всі преподо́бнії Єго́; я́ко і́стини взиска́єть Госпо́дь і воздає́ть ізли́ше творя́щим горди́ню. Мужа́йтеся, і да кріпи́ться се́рдце ва́ше, всі упова́ющії на Го́спода.

Живи́й в по́мощі Ви́шняго, в кро́ві Бо́га небе́снаго водвори́ться. Рече́ть Го́сподеві: засту́пник мой єси́ і прибі́жище моє́, Бог мой, і упова́ю на Него́. Я́ко Той ізба́вить тя от сі́ті ло́вчі і от словесе́ м'яте́жна. Плещма́ Свої́ма осіни́ть тя, і под крилі́ Єго́ наді́єшися. Ору́жієм оби́деть тя і́стина Єго́. Не убої́шися от стра́ха нощна́го, от стріли́ летя́щия во дні, от ве́щі во тьмі преходя́щия, от сря́ща і бі́са полу́деннаго. Паде́ть от страни́ твоєя́ ти́сяща і тьма одесну́ю тебе́, к тебі́ же не прибли́житься: оба́че очи́ма твої́ма смо́триши і воздая́ніє грі́шников у́зриши. Я́ко Ти, Го́споди, упова́ніє моє́, Ви́шняго положи́л єси́ прибі́жище твоє́. Не при́йдеть к тебі́ зло, і ра́на не прибли́житься тілесі́ твоєму́. Я́ко а́нгелом Свої́м запові́сть о тебі́ сохрани́ти тя во всіх путе́х твої́х. На рука́х во́зьмуть тя, да не когда́ преткне́ши о ка́мень но́гу твою́. На а́спида і васили́ска насту́пиши і попере́ши льва і змі́я. Я́ко на М'я упова́, і ізба́влю ї, покри́ю ї, я́ко позна́ і́м’я Моє́. Воззове́ть ко Мні, і усли́шу єго́; с ним єсьм в ско́рбі, ізму́ єго́ і просла́влю єго́. Долгото́ю дній іспо́лню єго́, і явлю́ єму́ спасе́ніє Моє́.

Сла́ва, і ни́ні: Аллилу́я, аллилу́я, аллилу́я, сла́ва Тебі́, Бо́же. [Тричі]

Го́споди, поми́луй. [Тричі]. Сла́ва, і ни́ні: Якщо піст — поклони три.

Потім починаємо промовляти стихи, неспішно, голосно.

Перший хор: С на́ми Бог, разумі́йте язи́ци, / і покаря́йтеся: / я́ко с на́ми Бог.

Другий хор, те само. Потім по чину кожен хор свій стих.

Перший хор: Усли́шіте до послі́дніх землі́: / я́ко с на́ми Бог.

Другий хор: Могу́щії, покаря́йтеся: / я́ко с на́ми Бог.

А́ще бо па́ки возмо́жете, / і па́ки побіжде́ні бу́дете: / я́ко с на́ми Бог.

І і́же а́ще сові́т совіщава́єте, / разори́ть Госпо́дь: / я́ко с на́ми Бог.

І сло́во, є́же а́ще возглаго́лете, / не пребу́деть в вас: / я́ко с на́ми Бог.

Стра́ха же ва́шего не убої́мся, / ніже́ смути́мся: / я́ко с на́ми Бог.

Го́спода же Бо́га на́шего Того́ освяти́м, / і Той бу́деть нам в страх: / я́ко с на́ми Бог.

І а́ще на Него́ наді́яся бу́ду, / бу́деть мні во освяще́ніє: / я́ко с на́ми Бог.

І упова́я бу́ду на Него́, / і спасу́ся Ім: / я́ко с на́ми Бог.

Се Аз і ді́ти, я́же мі даде́ Бог: / я́ко с на́ми Бог.

Люди ходя́щії во тьмі, / ви́діша світ ве́лій: / я́ко с на́ми Бог.

Живу́щії во страні́ і сі́ні сме́ртній, / світ возсія́єть на ви: / я́ко с на́ми Бог.

Я́ко Отроча́ роди́ся нам, / Син, і даде́ся нам: / я́ко с на́ми Бог.

Єго́же нача́льство бисть на ра́мі Єго́: / я́ко с на́ми Бог.

І ми́ра Єго́ ність преді́ла: / я́ко с на́ми Бог.

І нарица́ється і́м'я Єго́, / Вели́ка Сові́та А́нгел: / я́ко с на́ми Бог.

Чу́ден Сові́тник: / я́ко с на́ми Бог.

Бог крі́пок, Власти́тель, / Нача́льник ми́ра: / я́ко с на́ми Бог.

Отца́ бу́дущаго ві́ка: / я́ко с на́ми Бог.

Після стихів співається:

С на́ми Бог, разумі́йте, язи́ци, / і покаря́йтеся: / я́ко с на́ми Бог.

І знову від кожного хору.

Сла́ва: Перший лик: с на́ми Бог.

І ни́ні: Другий, те само.

Потім два хори разом: Я́ко с на́ми Бог.

Первий хор: День преше́д, благодарю́ Тя, Го́споди, ве́чер, прошу́, с но́щію без гріха́ пода́ждь мі, Спа́се, і спаси́ м'я.

Другий хор. Сла́ва: День преше́д, славосло́влю Тя, Влади́ко, ве́чер, прошу́, с но́щію безсобла́знство пода́ждь мі, Спа́се, і спаси́ м'я.

Два хори. І ни́ні: День преше́д, пісносло́влю Тя, Святи́й, ве́чер, прошу́, с но́щію ненаві́тен пода́ждь мі, Спа́се, і спаси́ м'я.

Разом два хори: Безпло́тноє єстество́ Херуви́мськоє немо́лчними пі́сньми Тя славосло́в'ять. Шестокри́льная живо́тная Серафи́ми, непреста́нними гла́си Тя превозно́сять; А́нгелов же вся Во́їнства трисвяти́ми пі́сньми Тя восхваля́ють. Пре́жде бо всіх єси́ сий Оте́ць, і собезнача́льна і́маши Твоєго́ Си́на; і равноче́стна нося́й Ду́ха жи́зні, Тро́йці явля́єши Неразді́льноє. Пресвята́я Ді́во, Ма́ти Бо́жия, і і́же Сло́ва самови́дці і слуги́; проро́к же і му́ченик всі ли́ци, я́ко безсме́ртну іму́ще жизнь; о всіх молі́теся прилі́жно, я́ко всі єсьми́ в біда́х. Да пре́лести ізба́вльшеся лука́ваго, А́нгельськую вопіє́м піснь: Святи́й, Святи́й, Святи́й, Трисвяти́й Го́споди, поми́луй і спаси́ нас, амі́нь.

Ві́рую во Єди́наго Бо́га Отця́, Вседержи́теля, Творця́ не́бу і землі́, ви́димим же всім і неви́димим. І во Єди́наго Го́спода Ісу́са Христа́, Си́на Бо́жия, Єдиноро́днаго, І́же от Отця́ рожде́ннаго пре́жде всіх вік; Сві́та от Сві́та, Бо́га і́стинна от Бо́га і́стинна, рожде́нна, не сотворе́нна, єдиносу́щна Отцю́, І́мже вся би́ша. Нас ра́ди челові́к і на́шего ра́ди спасе́нія сше́дшаго с Небе́с, і воплоти́вшагося от Ду́ха Свя́та і Марі́ї Ді́ви, і вочелові́чшася. Расп'я́таго же за ни при Понті́йстім Пила́ті, і страда́вша, і погребе́нна, і воскре́сшаго в тре́тій день по Писа́нієм. І возше́дшаго на Небеса́, і сідя́ща одесну́ю Отця́. І па́ки гряду́щаго со сла́вою суди́ти живи́м і ме́ртвим, Єго́же Ца́рствію не бу́деть конця́. І в Ду́ха Свята́го, Го́спода, Животворя́щаго, І́же от Отця́ ісходя́щаго, І́же со Отце́м і Си́ном спокланя́єма і ссла́вима, глаго́лавшаго проро́ки. Во Єди́ну Святу́ю, Собо́рную і Апо́стольськую Це́рков. Іспові́дую єди́но креще́ніє во оставле́ніє гріхо́в. Ча́ю воскресе́нія ме́ртвих, І жи́зні бу́дущаго ві́ка. Амі́нь.

І відразу, Пресвята́я; все промовляється двічі, крім Пресвята́я Влади́чице, що промовляється тричі.

Пресвята́я Влади́чице Богоро́дице, моли́ о нас, грі́шних.

Вся Небе́сния Си́ли святи́х А́нгел і Арха́нгел, молі́те о нас, грі́шних.

Святи́й Іоа́нне проро́че, і Предте́че, і Крести́телю Го́спода на́шего Ісу́са Христа́, моли́ о нас, грі́шних.

Сті́ї сла́внії апо́столи, проро́ци і му́ченици, і всі святі́ї, молі́те о нас, грі́шних.

Преподо́бнії і Богоно́снії отці́ на́ші, па́стиріє і учи́теліє вселе́нния, молі́те о нас, грі́шних.

Тут згадується і святий храму.

Непобіди́мая, і непостижи́мая, і Бо́же́ственная Си́ло Честна́го і Животворя́щаго Креста́, не оста́ви нас, грі́шних.

Бо́же, очи́сти нас, грі́шних.

Бо́же, очи́сти нас, грі́шних, і поми́луй нас.

Потім: Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі] Слава, і нині:

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́, і на землі́. Хліб наш насу́щний даждь нам днесь, і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Священник: Я́ко Твоє́ єсть Ца́рство: І ми: Амі́нь.

Поми́луй м'я, Бо́же, по вели́цій ми́лості Твоє́й і по мно́жеству щедро́т Твої́х очи́сти беззако́ніє моє́. Найпа́че оми́й м'я от беззако́нія моєго́ і от гріха́ моєго́ очи́сти м'я. Я́ко беззако́ніє моє́ аз зна́ю, і гріх мой пре́до мно́ю єсть ви́ну. Тебі́ єди́ному согріши́х і лука́воє пред Тобо́ю сотвори́х; я́ко да оправди́шися во словесі́х Твої́х і побіди́ши, внегда́ суди́ти Ті. Се бо в беззако́ніїх зача́т єсьм, і во грісі́х роди́ м'я ма́ти моя́. Се бо і́стину возлюби́л єси́, безві́стная і та́йная прему́дрости Твоєя́ яви́л мі єси́. Окропи́ши м'я іссо́пом, і очи́щуся; оми́єши м'я, і па́че сні́га убілю́ся. Слу́ху моєму́ да́си ра́дость і весе́ліє; возра́дуються ко́сті смире́нния. Отврати́ лице́ Твоє́ от гріх мої́х і вся беззако́нія моя́ очи́сти. Се́рдце чи́сто сози́жди во мні, Бо́же, і дух прав обнови́ во утро́бі моє́й. Не отве́ржи мене́ от лиця́ Твоєго́ і Ду́ха Твоєго́ Свята́го не отими́ от мене́. Возда́ждь мі ра́дость спасе́нія Твоєго́ і Ду́хом влади́чним утверди́ м'я. Научу́ беззако́нния путе́м Твої́м, і нечести́вії к Тебі́ обратя́ться. Ізба́ви м'я от крове́й, Бо́же, Бо́же спасе́нія моєго́; возра́дується язи́к мой пра́вді Твоє́й. Го́споди, устні́ мої́ отве́рзеши, і уста́ моя́ возвістя́ть хвалу́ Твою́. Я́ко а́ще би восхоті́л єси́ же́ртви, дал бих у́бо: всесожже́нія не благоволи́ши. Же́ртва Бо́гу дух сокруше́н; се́рдце сокруше́нно і смире́нно Бог не унічижи́ть. Ублажи́, Го́споди, благоволе́нієм Твої́м Сіо́на, і да сози́ждуться сті́ни Ієрусали́мськія. Тогда́ благоволи́ши же́ртву пра́вди, возноше́ніє і всесожега́ємая; тогда́ возложа́ть на олта́р Твой тельці́.

Го́споди, усли́ши моли́тву мою́, і вопль мой к Тебі́ да при́йдеть. Не отврати́ лиця́ Твоєго́ от мене́; в о́ньже а́ще день скорблю́, приклони́ ко мні у́хо Твоє́; в о́ньже а́ще день призову́ Тя, ско́ро усли́ши м'я. Я́ко ізчезо́ша, я́ко дим, дні́є мої́, і ко́сті моя́, я́ко суши́ло, сосхо́шася. Уя́звлен бих, я́ко трава́, і і́зсше се́рдце моє́, я́ко заби́х сні́сти хліб мой. От гла́са воздиха́нія моєго́ прильпе́ кость моя́ пло́ті моє́й. Уподо́бихся нея́сити пусти́нній, бих, я́ко нощни́й вран на ни́рищі. Бдіх і бих, я́ко пти́ця осо́б'ящаяся на зді. Весь день поноша́ху мі вразі́ мої́, і хва́лящії м'я мно́ю кленя́хуся. Зане́ пе́пел, я́ко хліб, ядя́х і питіє́ моє́ с пла́чем растворя́х, от лиця́ гні́ва Твоєго́ і я́рости Твоєя́; я́ко возне́с низве́ргл м'я єси́. Дні́є мої́ я́ко сінь уклони́шася, і аз я́ко сі́но ізсхо́х. Ти же, Го́споди, во вік пребива́єши, і па́м'ять Твоя́ в род і род. Ти воскре́с уще́дриши Сіо́на; я́ко вре́м'я уще́дрити єго́, я́ко при́йде вре́м'я. Я́ко благоволи́ша раби́ Твої́ ка́меніє єго́, і персть єго́ уще́дрять. І убоя́ться язи́ци і́мене Госпо́дня, і всі ца́ріє зе́мстії сла́ви Твоєя́; я́ко сози́ждеть Госпо́дь Сіо́на і яви́ться во сла́ві Своє́й. Призрі́ на моли́тву смире́нних і не уничижи́ моле́нія їх. Да напи́шеться сіє́ в род ін, і лю́діє зи́ждемії восхва́лять Го́спода; я́ко прини́че с висоти́ святи́я Своєя́, Госпо́дь с небесе́ на зе́млю призрі́, усли́шати воздиха́ніє окова́нних, разріши́ти си́ни умерщвле́нних; возвісти́ти в Сіо́ні і́м'я Госпо́днє і хвалу́ Єго́ во Ієрусали́мі, внегда́ собра́тися лю́дем вку́пі і царе́м, є́же рабо́тати Го́сподеві. Отвіща́ Єму́ на путі́ крі́пости Єго́; умале́ніє дній мої́х возвісти́ мі; не возведи́ мене́ во преполове́ніє дній мої́х; в ро́ді родо́в лі́та Твоя́. В нача́ліх Ти, Го́споди, зе́млю основа́л єси́, і діла́ руку́ Твоє́ю суть небеса́. Та поги́бнуть, Ти же пребива́єши; і вся, я́ко ри́за, обетша́ють, і, я́ко оде́жду, свіє́ши я, і ізміня́ться. Ти же То́йжде єси́, і лі́та Твоя́ не оскуді́ють. Си́нове раб Твої́х вселя́ться, і сі́м'я їх во вік іспра́виться.

Поми́луй нас, Го́споди, поми́луй нас; / вся́каго бо отві́та недоумі́юще, / сію́ Ті моли́тву я́ко Влади́ці грі́шнії прино́сим; поми́луй нас.

Сла́ва: Го́споди, поми́луй нас, на Тя бо упова́хом, не прогні́вайся на ни зіло́, ніже́ пом'яни́ беззако́ній на́ших, / но при́зри і ни́ні я́ко Благоутро́бен, / і ізба́ви ни от враг на́ших. Ти бо єси́ Бог наш, і ми, лю́діє Твої́, всі діла́ руку́ Твоє́ю, і і́м'я Твоє́ призива́єм.

І ни́ні: Милосе́рдія две́рі отве́рзи нам, благослове́нная Богоро́дице, наді́ющіїся на Тя да не поги́бнем, но да ізба́вимся Тобо́ю от бід. Ти бо єси́ спасе́ніє ро́да христия́нськаго.

Го́споди, поми́луй. 40 разів. Слава, і нині:

Честні́йшую Херуви́м, / і сла́внійшую без сравне́нія Серафи́м, / без істлі́нія Бо́га Сло́ва ро́ждшую, / су́щую Богоро́дицю Тя велича́єм.

Іменем Госпо́днім благослови́, о́тче.

Священник: Моли́твами святи́х оте́ць на́ших, Го́споди Ісу́се Христе́, Бо́же наш, поми́луй нас.

І ми: Амі́нь.

Влади́ко Бо́же, О́тче Вседержи́телю, Го́споди, Си́не Єдиноро́дний Ісу́се Христе́, і Святи́й Ду́ше, Єди́но Бо́жество́, Єди́на си́ла, поми́луй м'я, грі́шнаго; і ї́миже ві́си судьба́ми, спаси́ м'я недосто́йнаго раба́ Твоєго́, я́ко Благослове́н єси́ во ві́ки віко́в, амі́нь.

Прийді́те, поклоні́мся Царе́ві на́шему Бо́гу.

Прийді́те, поклоні́мся і припаде́м Христу́, Царе́ві на́шему Бо́гу.

Прийді́те, поклоні́мся і припаде́м Самому́ Христу́, Царе́ві і Бо́гу на́шему.

І якщо перша седмиця Великого Посту, промовляємо: Го́споди, усли́ши моли́тву мою́;

Якщо ні, промовляємо це:

Бо́же, в по́мощ мою́ воньми́, Го́споди, помощи́ мі потщи́ся. Да постидя́ться і посра́м'яться і́щущії ду́шу мою́. Да возвратя́ться всп'ять і постидя́ться хотя́щії мі зла́я. Да возвратя́ться а́біє стидя́щеся, глаго́лющії мі; благоже, благоже. Да возра́дуються і возвеселя́ться о Тебі́ всі і́щущії Тебе́, Бо́же; і да глаго́лють ви́ну, да возвели́читься Госпо́дь, лю́б'ящії спасе́ніє Твоє́. Аз же нищ єсьм і убо́г, Бо́же, помози́ мі; Помо́щник мой і Ізба́витель мой єси́ Ти, Го́споди, не закосни́.

Го́споди, усли́ши моли́тву мою́, внуши́ моле́ніє моє́ во і́стині Твоє́й, усли́ши м'я в пра́вді Твоє́й. І не вни́ди в суд с рабо́м Твої́м, я́ко не оправди́ться пред Тобо́ю всяк живи́й. Я́ко погна́ враг ду́шу мою́, смири́л єсть в зе́млю живо́т мой; посади́л м'я єсть в те́мних, я́ко ме́ртвия ві́ка. І уни́ во мні дух мой, во мні см'яте́ся се́рдце моє́. Пом'яну́х дні дре́внія, поучи́хся во всіх ді́ліх Твої́х, в творе́ніїх руку́ Твоє́ю поуча́хся. Возді́х к Тебі́ ру́ці мої́; душа́ моя́, я́ко земля́ безво́дная, Тебі́. Ско́ро усли́ши м'я, Го́споди, ісчезе́ дух мой; не отврати́ лиця́ Твоєго́ от мене́, і уподо́блюся низходя́щим в ров. Сли́шану сотвори́ мні зау́тра ми́лость Твою́, я́ко на Тя упова́х; скажи́ мні, Го́споди, путь, во́ньже пойду́, я́ко к Тебі́ взях ду́шу мою́. Ізми́ м'я от враг мої́х, Го́споди к Тебі́ прибіго́х, научи́ м'я твори́ти во́лю Твою́, я́ко Ти єси́ Бог мой. Дух Твой благи́й наста́вить м'я на зе́млю пра́ву. І́мене Твоєго́ ра́ди, Го́споди, живи́ши м'я, пра́вдою Твоє́ю ізведе́ши от печа́лі ду́шу мою́; і ми́лостію Твоє́ю потреби́ши враги́ моя́, і погуби́ши вся стужа́ющия душі́ моє́й, я́ко аз раб Твой єсьм.

Го́споди сил, с на́ми бу́ди, / іно́го бо ра́зві Тебе́ / Помо́щника в ско́рбіх не і́мами; / Го́споди сил, поми́луй нас.

Другий хор повторює. І співає перший хор:

Стих 1: Хвалі́те Бо́га во святи́х Єго́, хвалі́те Єго́ во утверже́нії си́ли Єго́; / Го́споди сил, с на́ми бу́ди:

Другий хор:

Стих 2: Хвалі́те Єго́ на си́лах Єго́, / хвалі́те Єго́ по мно́жеству вели́чествія Єго́. / Го́споди сил, с на́ми бу́ди:

Стих 3: Хвалі́те Єго́ во гла́сі тру́бнім, хвалі́те Єго́ во псалти́рі і гу́слех; / Го́споди сил, с на́ми бу́ди:

Стих 4: Хвалі́те Єго́ в тимпа́ні і ли́ці, хвалі́те Єго́ во стру́нах і орга́ні; / Го́споди сил, с на́ми бу́ди:

Стих 5: Хвалі́те Єго́ в кимва́ліх доброгла́сних, хвалі́те Єго́ в кимва́ліх восклица́нія. Вся́коє диха́ніє да хва́лить Го́спода. / Го́споди сил, с на́ми бу́ди:

Потім обидва хори разом:

Хвалі́те Бо́га во святи́х Єго́, хвалі́те Єго́ во утверже́нії си́ли Єго́.

Го́споди сил, с на́ми бу́ди, / іно́го бо ра́зві Тебе́ / Помо́щника в ско́рбіх не і́мами; / Го́споди сил, поми́луй нас.

Сла́ва: Го́споди, а́ще не би́хом святи́я Твоя́ імі́ли моли́твенники, / і благости́ню Твою́ ми́лующую нас, / ка́ко смі́лі би́хом, Спа́се, пі́ти Тя, / Єго́же славосло́в'ять непреста́нно А́нгели? / Сердцеві́дче, пощади́ ду́ші на́ша.

І ни́ні: Мно́гая мно́жества мої́х, Богоро́дице, прегріше́ній, / к Тебі́ прибіго́х, Чи́стая, спасе́нія тре́буя. Посіти́ немощству́ющую мою́ ду́шу, і моли́ Си́на Твоєго́ і Бо́га на́шего да́ти мі оставле́ніє, я́же соді́ях лю́тих, єди́на Благослове́нная.

Всесвята́я Богоро́дице, во вре́м'я живота́ моєго́ не оста́ви мене́, челові́чеському предста́тельству не вві́ри м'я, но Сама́ заступи́ і поми́луй м'я.

Все упова́ніє моє́ на Тя возлага́ю, Ма́ти Бо́жия, сохрани́ м'я под кро́вом Твої́м.

Го́споди, поми́луй. [40 разів]

І́же на вся́коє вре́м'я і на вся́кий час, на Небесі́ і на землі́ покланя́ємий і сла́вимий, Христе́ Бо́же, Долготерпіли́ве, Многоми́лостиве, Многоблагоутро́бне, І́же пра́ведния люб'я́й і грі́шния ми́луяй, І́же вся зови́й ко спасе́нію обіща́нія ра́ди бу́дущих благ. Сам, Го́споди, прийми́ і на́ша в час сей моли́тви, і іспра́ви живо́т наш к за́повідем Твої́м; ду́ші на́ша освяти́, тілеса́ очи́сти, помишле́нія іспра́ви, ми́слі очи́сти, і ізба́ви нас от вся́кия ско́рби, зол і болі́зней; огради́ нас святи́ми Твої́ми А́нгели, да ополче́нієм їх соблюда́ємі і наставля́ємі, дости́гнем в соєдине́ніє ві́ри, і в ра́зум непристу́пния Твоєя́ сла́ви; я́ко Благослове́н єси́ во ві́ки віко́в, амі́нь.

Го́споди, поми́луй. [Тричі] Слава, і нині:

Честні́йшую Херуви́м, / і сла́внійшую без сравне́нія Серафи́м, / без істлі́нія Бо́га Сло́ва ро́ждшую, / су́щую Богоро́дицю Тя велича́єм.

Іменем Госпо́днім благослови́, о́тче.

Священник: Бо́же, уще́дри ни; І ми промовляємо: Амі́нь.