Го́споди Бо́же наш, Вседержи́телю, і Всеси́льне, творя́й вся і претворя́яй, то́чію є́же хоті́ти; І́же в непрохо́дних прохо́д обріта́яй неізрече́нною і непостижи́мою му́дростію; І́же от суха́го ка́мене во́дним пода́вий тещи́ пото́ком, і жа́ждущия лю́ди Твоя́ наси́тивий; Сам і ни́ні, Влади́ко всіх, усли́ши моле́ніє нас, недосто́йних рабо́в Твої́х, і да́руй нам во́ду на сем мі́сті, сла́дкую же і вку́сну, дово́льну у́бо к потре́бі, невреди́тельную же ко прия́тію; я́ко да і в сем сла́вим пресвято́є і великолі́поє і́м'я Твоє́, Отця́, і Си́на, і Свята́го Ду́ха, ни́ні, і при́сно, і во ві́ки віко́в, амі́нь.