Го́споди Бо́же наш, упова́ніє всіх призива́ющих Тя і почита́ющих і́м'я Твоє́ Пресвято́є, і́же в па́м'ять почи́вшаго раба́ Твоєго́ [ім'я] во Святі́й Це́ркві Твоє́й предложе́нноє ко́ливо і приноше́нія сія́ благослови́. І єго́же ра́ди сія́ принесе́нна суть во страні́ живи́х всели́, ослабле́ніє тому́ і согріше́нієм проще́ніє пода́ждь. Єй, Влади́ко, челові́чеськую не́мощ сві́дий, не вни́ди в суд с рабо́м Твої́м, і́же с ві́рою і наде́ждею к Тебі́ пресе́льшемуся. Даждь нам твори́ти во святи́ні за́повіді Твоя́ і помина́ти всіх от ві́ка Тебі́ преста́вльшихся в наде́жді воскресе́нія і жи́зні ві́чния. Я́ко Ти єси́ воскресе́ніє, і живо́т, і поко́й усо́пших рабо́в Твої́х, Христе́ Бо́же наш, і Тебі́ сла́ву возсила́єм со Безнача́льним Твої́м Отце́м і с Пресвяти́м Благи́м і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.