Тропарі й Кондаки великих свят

1 жовтня (14 жовтня)

Днесь благові́рнії лю́діє сві́тло пра́зднуєм, / осіня́єми Твої́м, Богома́ти, прише́ствієм, / і к Твоєму́ взира́юще Пречи́стому О́бразу, уми́льно глаго́лем: / покри́й нас честни́м Твої́м покро́вом / і ізба́ви нас от вся́каго зла, / моля́щи Си́на Твоєго́, Христа́ Бо́га на́шего, // спасти́ ду́ші на́ша.

Ді́ва днесь предстої́ть в це́ркві / і с ли́ки святи́х неви́димо за ни мо́литься Бо́гу; / А́нгели со архієре́ї покланя́ються, / апо́столи же со проро́ки ликовству́ють, // нас бо ра́ди мо́лить Богоро́диця Преві́чнаго Бо́га.

1 січня (14 січня)

На престо́лі огнезра́чнім / в ви́шніх сідя́й со Отце́м Безнача́льним і Боже́ственним Твої́м Ду́хом, / благоволи́л єси́ роди́тися на землі́ / от Отрокови́ці, неіскусому́жния Твоєя́ Ма́тере, Ісу́се; / сего́ ра́ди і обрі́зан бил єси́, я́ко челові́к осьмодне́вний. / Сла́ва всеблаго́му Твоєму́ сові́ту, / сла́ва смотре́нію Твоєму́, // сла́ва снизхожде́нію Твоєму́, єди́не Человіколю́бче.

Всіх Госпо́дь обрі́заніє терпи́ть / і челові́чеськая прегріше́нія, я́ко Благ обрі́зуєть, / дає́ть спасе́ніє днесь ми́ру; / ра́дується же в ви́шніх і Созда́телев ієра́рх // і світоно́сний Боже́ственний таї́нник Христо́в Васи́лій.

24 червня (7 липня)

Проро́че і Предте́че прише́ствія Христо́ва, / досто́йно восхвали́ти тя недоумі́єм ми, любо́вію чту́щії тя, / непло́дство бо ро́ждшия і о́тчеє безгла́сіє разріши́ся / сла́вним і честни́м твої́м рождество́м, // і воплоще́ніє Си́на Бо́жия ми́рові пропові́дується.

Пре́жде непло́ди днесь Христо́ва Предте́чу ражда́єть, / і той єсть ісполне́ніє вся́каго проро́чества, / єго́же бо проро́ци пропові́даша, / на cего́ во Іорда́ні ру́ку положи́в, // яви́ся Бо́жия Сло́ва проро́к, пропові́дник, вку́пі і Предте́ча.

29 червня (12 липня)

Апо́cтолов первопресто́льници / і вселе́нния учи́теліє, / Влади́ку всіх молі́те / мир вселе́нній дарова́ти // і душа́м на́шим ве́лію ми́лость.

Тве́рдия і боговіща́нния пропові́дателі, / верх апо́cтолов Твої́х, Го́споди, / прия́л єси́ в наслажде́ніє благи́х Твої́х і поко́й; / болі́зні бо о́ніх і смерть прия́л єси́ па́че вся́каго всепло́дія, // Єди́не сві́дий серде́чная.

29 серпня (11 вересня)

Па́м'ять пра́веднаго с похвала́ми, / тебі́ же довлі́єть свиді́тельство Госпо́днє, Предте́че, / показа́лбося єси́ воі́стину і проро́ков честні́йший, / я́ко і в струя́х крести́ти сподо́бился єси́ Пропові́даннаго. / Ті́мже за і́стину пострада́в ра́дуяся, / благовісти́л єси́ і су́щим во а́ді Бо́га, я́вльшагося пло́тію, / взе́млющаго гріх ми́ра // і подаю́щаго нам ве́лію ми́лость.

Предте́чево сла́вноє усікнове́ніє, / смотре́ніє бисть ні́коє Боже́ственноє, / да і су́щим во а́ді Cпа́сово пропові́сть прише́ствіє. / Да рида́єть у́бо Іроді́я, / беззако́нноє уби́йство іспроси́вши; / не зако́н бо Бо́жий, ні живи́й вік возлюби́, // но притво́рний, привре́менний.