|
Глава 10
|
Глава́ і҃
|
|
1
|
1
|
|
И воста́ по Авімеле́сѣ спасти́ Ізра́иля Ѳола́ сы́нъ Фуи́, сы́нъ бра́та отца́ єго́, му́жъ от Іссаха́ра: и се́й живя́ше въ самі́рѣ въ горѣ́ Єфре́мовѣ,
|
И҆ воста̀ по а҆вїмеле́сѣ спастѝ і҆и҃лѧ ѳѡла̀ сы́нъ фꙋѝ, сы́нъ бра́та ѻ҆тца̀ є҆гѡ̀, мꙋ́жъ ѿ і҆ссаха́ра: и҆ се́й живѧ́ше въ самі́рѣ въ горѣ̀ є҆фре́мовѣ,
|
|
2
|
2
|
|
и суди́ Ізра́иля лѣ́тъ два́десять три́, и у́мре, и погребе́нъ бы́сть въ самі́рѣ.
|
и҆ сꙋдѝ і҆и҃лѧ лѣ́тъ два́десѧть трѝ, и҆ оу҆́мре, и҆ погребе́нъ бы́сть въ самі́рѣ.
|
|
3
|
3
|
|
И воста́ по не́мъ Іаі́ръ Галааді́тинъ, и суди́ Ізра́иля лѣ́тъ два́десять два́:
|
И҆ воста̀ по не́мъ і҆аі́ръ галааді́тинъ, и҆ сꙋдѝ і҆и҃лѧ лѣ́тъ два́десѧть два̀:
|
|
4
|
4
|
|
и бы́ша єму́ сы́нове три́десять два́ ѣ́здящіи на три́десяти дву́хъ ослѣ́хъ: и гра́ды и́мъ три́десять два́: и прозыва́ху и́хъ гра́ды Іаі́ровы, да́же до дне́сь, и́же су́ть въ земли́ Галаа́довѣ:
|
и҆ бы́ша є҆мꙋ̀ сы́нове три́десѧть два̀ ѣ҆́здѧщїи на три́десѧти двꙋ́хъ ѻ҆слѣ́хъ: и҆ гра́ды и҆̀мъ три́десѧть два̀: и҆ прозыва́хꙋ и҆̀хъ гра́ды і҆аі́рѡвы, да́же до дне́сь, и҆̀же сꙋ́ть въ землѝ галаа́довѣ:
|
|
5
|
5
|
|
и у́мре Іаі́ръ, и погребе́нъ бы́сть въ камо́нѣ.
|
и҆ оу҆́мре і҆аі́ръ, и҆ погребе́нъ бы́сть въ камѡ́нѣ.
|
|
6
|
6
|
|
И приложи́ша сы́нове Ізра́илевы твори́ти зло́є предъ Го́сподемъ и послужи́ша Ваалі́мамъ и Астаро́ѳамъ и бого́мъ си́рскимъ и бого́мъ Сідо́нскимъ и бого́мъ Моа́влскимъ и бого́мъ сыно́въ Аммо́нихъ и бого́мъ иноплеме́нниковъ: и оста́виша Го́спода и не рабо́таша єму́.
|
И҆ приложи́ша сы́нове і҆и҃лєвы твори́ти ѕло́е пред̾ гдⷭ҇емъ и҆ послꙋжи́ша ваалі́мамъ и҆ а҆старѡ́ѳамъ и҆ богѡ́мъ сѵ̑рскимъ и҆ богѡ́мъ сїдѡ̑нскимъ и҆ богѡ́мъ мѡа̑влскимъ и҆ богѡ́мъ сынѡ́въ а҆ммѡ́нихъ и҆ богѡ́мъ и҆ноплеме́нникѡвъ: и҆ ѡ҆ста́виша гдⷭ҇а и҆ не рабо́таша є҆мꙋ̀.
|
|
7
|
7
|
|
И разгнѣ́вася Госпо́дь я́ростію на Ізра́иля и предаде́ и́хъ въ ру́ку Филісті́мску и въ ру́ку сыно́въ Аммо́нихъ.
|
И҆ разгнѣ́васѧ гдⷭ҇ь ꙗ҆́ростїю на і҆и҃лѧ и҆ предадѐ и҆̀хъ въ рꙋ́кꙋ фѷлїсті́мскꙋ и҆ въ рꙋ́кꙋ сынѡ́въ а҆ммѡ́нихъ.
|
|
8
|
8
|
|
И озло́биша, и сокруши́ша сыно́въ Ізра́илевыхъ въ то́ вре́мя осмьна́десять лѣ́тъ, всѣ́хъ сыно́въ Ізра́илевыхъ, и́же объ ону́ страну́ Іорда́на въ земли́ Аморре́а и́же въ Галаа́дѣ.
|
И҆ ѡ҆ѕло́биша, и҆ сокрꙋши́ша сынѡ́въ і҆и҃левыхъ въ то̀ вре́мѧ ѻ҆смьна́десѧть лѣ́тъ, всѣ́хъ сынѡ́въ і҆и҃левыхъ, и҆̀же ѡ҆б̾ ѻ҆нꙋ̀ странꙋ̀ і҆ѻрда́на въ землѝ а҆морре́а и҆́же въ галаа́дѣ.
|
|
9
|
9
|
|
И преидо́ша сы́нове Аммо́ни Іорда́нъ воєва́ти на Іу́ду и Веніамі́на и на до́мъ Єфре́мовъ: и оскорбле́ни бы́ша сы́нове Ізра́илевы зѣло́.
|
И҆ преидо́ша сы́нове а҆ммѡ̑ни і҆ѻрда́нъ воева́ти на і҆ꙋ́дꙋ и҆ венїамі́на и҆ на до́мъ є҆фре́мовъ: и҆ ѡ҆скорбле́ни бы́ша сы́нове і҆и҃лєвы ѕѣлѡ̀.
|
|
10
|
10
|
|
И возопи́ша сы́нове Ізра́илевы ко Го́споду, глаго́люще: согрѣши́хомъ тебѣ́, я́ко оста́вихомъ Бо́га на́шего и рабо́тахомъ Ваалі́му.
|
И҆ возопи́ша сы́нове і҆и҃лєвы ко гдⷭ҇ꙋ, глаго́люще: согрѣши́хомъ тебѣ̀, ꙗ҆́кѡ ѡ҆ста́вихомъ бг҃а на́шего и҆ рабо́тахомъ ваалі́мꙋ.
|
|
11
|
11
|
|
И рече́ Госпо́дь къ сыно́мъ Ізра́илевымъ: не от Єги́пта ли и от Аморре́а и от сыно́въ Аммо́нихъ и от Филісті́ма
|
И҆ речѐ гдⷭ҇ь къ сынѡ́мъ і҆и҃лєвымъ: не ѿ є҆гѵ́пта ли и҆ ѿ а҆морре́а и҆ ѿ сынѡ́въ а҆ммѡ́нихъ и҆ ѿ фѷлїсті́ма
|
|
12
|
12
|
|
и от Сідо́нянъ и от Амали́ка и от Мадіа́ма, и́же стужи́ша ва́мъ, и возопи́сте ко мнѣ́, и спасо́хъ вы́ от руки́ и́хъ?
|
и҆ ѿ сїдѡ́нѧнъ и҆ ѿ а҆мали́ка и҆ ѿ мадїа́ма, и҆̀же стꙋжи́ша ва́мъ, и҆ возопи́сте ко мнѣ̀, и҆ сп҃со́хъ вы̀ ѿ рꙋкѝ и҆́хъ;
|
|
13
|
13
|
|
вы́ же оста́висте мене́ и рабо́тасте бого́мъ ины́мъ: сего́ ра́ди не приложу́ спасти́ ва́съ:
|
вы́ же ѡ҆ста́висте менѐ и҆ рабо́тасте богѡ́мъ и҆ны̑мъ: сегѡ̀ ра́ди не приложꙋ̀ спⷭ҇тѝ ва́съ:
|
|
14
|
14
|
|
иди́те и возопі́йте къ бого́мъ, и́хже избра́сте себѣ́, и ті́и да спасу́тъ вы́ во вре́мя ско́рби ва́шея.
|
и҆ди́те и҆ возопі́йте къ богѡ́мъ, и҆̀хже и҆збра́сте себѣ̀, и҆ ті́и да спасꙋ́тъ вы̀ во вре́мѧ ско́рби ва́шеѧ.
|
|
15
|
15
|
|
И рѣ́ша сы́нове Ізра́илевы ко Го́споду: согрѣши́хомъ, сотвори́ ты́ на́мъ по всему́, єли́ко уго́дно предъ очи́ма твои́ма: то́чію изба́ви на́съ въ се́й де́нь.
|
И҆ рѣ́ша сы́нове і҆и҃лєвы ко гдⷭ҇ꙋ: согрѣши́хомъ, сотворѝ ты̀ на́мъ по всемꙋ̀, є҆ли́кѡ оу҆го́дно пред̾ ѻ҆чи́ма твои́ма: то́чїю и҆зба́ви на́съ въ се́й де́нь.
|
|
16
|
16
|
|
И изверго́ша бо́ги чужды́я от среды́ себе́ и послужи́ша Го́сподеви єди́ному: и сжалѣ́ся душа́ єго́ о утружде́ніи Ізра́илевѣ.
|
И҆ и҆зверго́ша бо́ги чꙋжды̑ѧ ѿ среды̀ себє̀ и҆ послꙋжи́ша гдⷭ҇еви є҆ди́номꙋ: и҆ сжалѣ́сѧ дш҃а̀ є҆гѡ̀ ѡ҆ оу҆трꙋжде́нїи і҆и҃левѣ.
|
|
17
|
17
|
|
И взыдо́ша сы́нове Аммо́ни, и ополчи́шася въ Галаа́дѣ: и собра́шася и сы́нове Ізра́илевы, и ополчи́шася въ Массифѣ́.
|
И҆ взыдо́ша сы́нове а҆ммѡ̑ни, и҆ ѡ҆полчи́шасѧ въ галаа́дѣ: и҆ собра́шасѧ и҆ сы́нове і҆и҃лєвы, и҆ ѡ҆полчи́шасѧ въ массифѣ̀.
|
|
18
|
18
|
|
И рѣ́ша лю́діє кня́зи Галаа́дстіи кі́йждо ко бли́жнему своєму́: му́жъ, и́же на́чнетъ би́тися съ сынми́ Аммо́новыми, то́й бу́детъ кня́зь всѣ́мъ живу́щымъ въ Галаа́дѣ.
|
И҆ рѣ́ша лю́дїе кнѧ̑зи галаа́дстїи кі́йждо ко бли́жнемꙋ своемꙋ̀: мꙋ́жъ, и҆́же на́чнетъ би́тисѧ съ сынмѝ а҆ммѡ́новыми, то́й бꙋ́детъ кнѧ́зь всѣ̑мъ живꙋ́щымъ въ галаа́дѣ.
|
