|
Глава 12
|
Глава́ в҃і
|
|
1
|
1
|
|
И собра́шася му́жіє Єфре́мли и пріидо́ша въ сефі́ну, и рѣ́ша Ієфѳа́ю: почто́ ходи́лъ єси́ ополчи́тися на сы́ны Аммо́ни, и на́съ не позва́лъ єси́ ити́ съ тобо́ю? до́мъ тво́й съ тобо́ю сожже́мъ огне́мъ.
|
И҆ собра́шасѧ мꙋ́жїе є҆фрє́мли и҆ прїидо́ша въ сефі́нꙋ, и҆ рѣ́ша і҆ефѳа́ю: почто̀ ходи́лъ є҆сѝ ѡ҆полчи́тисѧ на сы́ны а҆ммѡ̑ни, и҆ на́съ не позва́лъ є҆сѝ и҆тѝ съ тобо́ю; до́мъ тво́й съ тобо́ю сожже́мъ ѻ҆гне́мъ.
|
|
2
|
2
|
|
И рече́ къ ни́мъ Ієфѳа́й: имѣ́хъ прю́ а́зъ и лю́діє мои́, и сы́нове Аммо́ни оскорби́ша мене́ зѣло́: и воззва́хъ ва́съ, и не изба́висте мене́ от руки́ и́хъ:
|
И҆ речѐ къ ни̑мъ і҆ефѳа́й: и҆мѣ́хъ прю̀ а҆́зъ и҆ лю́дїе моѝ, и҆ сы́нове а҆ммѡ̑ни ѡ҆скорби́ша менѐ ѕѣлѡ̀: и҆ воззва́хъ ва́съ, и҆ не и҆зба́висте менѐ ѿ рꙋкѝ и҆́хъ:
|
|
3
|
3
|
|
и ви́дѣхъ, я́ко не бя́ше спаса́ющаго, и положи́хъ ду́шу мою́ въ ру́ку мою́, и пріидо́хъ къ сыно́мъ Аммо́нимъ, и предаде́ я́ Госпо́дь въ ру́ку мою́: и вску́ю пріидо́сте ко мнѣ́ дне́сь, ополчи́ти ли ся на мя́?
|
и҆ ви́дѣхъ, ꙗ҆́кѡ не бѧ́ше спаса́ющагѡ, и҆ положи́хъ дꙋ́шꙋ мою̀ въ рꙋ́кꙋ мою̀, и҆ прїидо́хъ къ сынѡ́мъ а҆ммѡ̑нимъ, и҆ предадѐ ѧ҆̀ гдⷭ҇ь въ рꙋ́кꙋ мою̀: и҆ вскꙋ́ю прїидо́сте ко мнѣ̀ дне́сь, ѡ҆полчи́ти ли сѧ на мѧ̀;
|
|
4
|
4
|
|
И собра́ Ієфѳа́й вся́ му́жы Галаа́дски и ополчи́ся на Єфре́ма: и изби́ша му́жіє Галаа́дстіи Єфре́ма, поне́же глаго́лаху: уцѣлѣ́вшіи от Єфре́ма, вы́ Галаа́дъ средѣ́ Єфре́ма и средѣ́ Манассі́и.
|
И҆ собра̀ і҆ефѳа́й всѧ̑ мꙋ́жы галаа̑дски и҆ ѡ҆полчи́сѧ на є҆фре́ма: и҆ и҆зби́ша мꙋ́жїе галаа́дстїи є҆фре́ма, поне́же глаго́лахꙋ: оу҆цѣлѣ́вшїи ѿ є҆фре́ма, вы̀ галаа́дъ средѣ̀ є҆фре́ма и҆ средѣ̀ манассі́и.
|
|
5
|
5
|
|
И зася́де Галаа́дъ прохо́ды у Іорда́на Єфре́мовы. И бы́сть єгда́ рѣ́ша уцѣлѣ́вшіи от Єфре́ма: пре́йдемъ: и реко́ша и́мъ му́жіє Галаа́дстіи: єда́ ли от Єфре́ма вы́? И рѣ́ша: нѣ́смы.
|
И҆ засѧ́де галаа́дъ прохо́ды оу҆ і҆ѻрда́на є҆фре́мѡвы. И҆ бы́сть є҆гда̀ рѣ́ша оу҆цѣлѣ́вшїи ѿ є҆фре́ма: пре́йдемъ: и҆ реко́ша и҆̀мъ мꙋ́жїе галаа́дстїи: є҆да́ ли ѿ є҆фре́ма вы̀; И҆ рѣ́ша: нѣ́смы.
|
|
6
|
6
|
|
И рѣ́ша и́мъ: рцы́те, кла́съ. И не упра́виша рещи́ та́ко: и има́ху и́хъ, и закала́ху у прехо́довъ Іорда́нихъ: и падо́ша въ то́ вре́мя от Єфре́ма четы́редесять и двѣ́ ты́сящы.
|
И҆ рѣ́ша и҆̀мъ: рцы́те, кла́съ. И҆ не оу҆пра́виша рещѝ та́кѡ: и҆ и҆ма́хꙋ и҆̀хъ, и҆ закала́хꙋ оу҆ прехо́дѡвъ і҆ѻрда́нихъ: и҆ падо́ша въ то̀ вре́мѧ ѿ є҆фре́ма четы́редесѧть и҆ двѣ̀ ты́сѧщы.
|
|
7
|
7
|
|
И суди́ Ієфѳа́й Ізра́илеви лѣ́тъ ше́сть: и у́мре Ієфѳа́й Галааді́тинъ, и погребе́нъ бы́сть во гра́дѣ своє́мъ въ Галаа́дѣ.
|
И҆ сꙋдѝ і҆ефѳа́й і҆и҃леви лѣ́тъ ше́сть: и҆ оу҆́мре і҆ефѳа́й галааді́тинъ, и҆ погребе́нъ бы́сть во гра́дѣ свое́мъ въ галаа́дѣ.
|
|
8
|
8
|
|
И суди́ по не́мъ Ізра́илеви єсево́нъ от Виѳлеє́ма:
|
И҆ сꙋдѝ по не́мъ і҆и҃леви є҆севѡ́нъ ѿ виѳлее́ма:
|
|
9
|
9
|
|
и бы́ша єму́ три́десять сы́ны и три́десять дще́ри, я́же отдаде́ во́нъ [муже́мъ], и три́десять же́нъ приведе́ сыно́мъ свои́мъ отвнѣ́: и суди́ Ізра́илеви се́дмь лѣ́тъ:
|
и҆ бы́ша є҆мꙋ̀ три́десѧть сы́ны и҆ три́десѧть дщє́ри, ꙗ҆̀же ѿдадѐ во́нъ (мꙋжє́мъ), и҆ три́десѧть же́нъ приведѐ сынѡ́мъ свои̑мъ ѿвнѣ̀: и҆ сꙋдѝ і҆и҃леви се́дмь лѣ́тъ:
|
|
10
|
10
|
|
и у́мре єсево́нъ, и погребе́нъ бы́сть въ Виѳлеє́мѣ.
|
и҆ оу҆́мре є҆севѡ́нъ, и҆ погребе́нъ бы́сть въ виѳлее́мѣ.
|
|
11
|
11
|
|
И суди́ по не́мъ Ізра́илеви Єло́нъ Завуло́нянинъ де́сять лѣ́тъ:
|
И҆ сꙋдѝ по не́мъ і҆и҃леви є҆лѡ́нъ завꙋлѡ́нѧнинъ де́сѧть лѣ́тъ:
|
|
12
|
12
|
|
и у́мре Єло́нъ Завуло́нянинъ, и погребе́нъ бы́сть во Єлі́мѣ въ земли́ Завуло́ни.
|
и҆ оу҆́мре є҆лѡ́нъ завꙋлѡ́нѧнинъ, и҆ погребе́нъ бы́сть во є҆лі́мѣ въ землѝ завꙋлѡ́ни.
|
|
13
|
13
|
|
И суди́ по не́мъ Ізра́илеви Авдо́нъ сы́нъ Єлли́ховъ фараѳоні́тинъ:
|
И҆ сꙋдѝ по не́мъ і҆и҃леви а҆вдѡ́нъ сы́нъ є҆лли́ховъ фараѳѡні́тинъ:
|
|
14
|
14
|
|
и бы́ша єму́ четы́редесять сы́нове и три́десять вну́цы, ѣ́здящіи на седми́десяти ослѣ́хъ: и суди́ Ізра́илеви о́смь лѣ́тъ:
|
и҆ бы́ша є҆мꙋ̀ четы́редесѧть сы́нове и҆ три́десѧть внꙋ́цы, ѣ҆́здѧщїи на седми́десѧти ѻ҆слѣ́хъ: и҆ сꙋдѝ і҆и҃леви ѻ҆́смь лѣ́тъ:
|
|
15
|
15
|
|
и у́мре Авдо́нъ сы́нъ Єлли́ховъ фараѳоні́тинъ, и погребе́нъ бы́сть въ фараѳо́нѣ, въ земли́ Єфре́мли, въ горѣ́ Амали́ковѣ.
|
и҆ оу҆́мре а҆вдѡ́нъ сы́нъ є҆лли́ховъ фараѳѡні́тинъ, и҆ погребе́нъ бы́сть въ фараѳѡ́нѣ, въ землѝ є҆фре́мли, въ горѣ̀ а҆мали́ковѣ.
|
