|
Глава́ и҃
|
Глава 8
|
|
1
|
1
|
|
И҆ бы́сть по си́хъ, и҆ поразѝ даві́дъ и҆ноплеме́нники и҆ побѣдѝ и҆̀хъ, и҆ взѧ̀ даві́дъ ѿлꙋче́нное ѿ рꙋкѝ и҆ноплеме́нничи.
|
И бы́сть по си́хъ, и порази́ даві́дъ иноплеме́нники и побѣди́ и́хъ, и взя́ даві́дъ отлуче́нноє от руки́ иноплеме́нничи.
|
|
2
|
2
|
|
И҆ поразѝ даві́дъ мѡа́ва, и҆ размѣ́ри и҆̀хъ оу҆́жами, положи́въ и҆̀хъ на землѝ: и҆ бы́ша два̀ оу҆́жа на оу҆мерщвле́ние, и҆ два̀ оу҆́жа на ѡ҆живле́нїе: и҆ бы́сть мѡа́въ даві́дꙋ въ раба̀ даю́ща да́нь.
|
И порази́ даві́дъ Моа́ва, и размѣ́ри и́хъ у́жами, положи́въ и́хъ на земли́: и бы́ша два́ у́жа на умерщвле́ниє, и два́ у́жа на оживле́ніє: и бы́сть Моа́въ даві́ду въ раба́ даю́ща да́нь.
|
|
3
|
3
|
|
И҆ поразѝ даві́дъ а҆драаза́ра сы́на раа́ва царѧ̀ сꙋ́вска, и҆дꙋ́щꙋ є҆мꙋ̀ поста́вити рꙋ́кꙋ свою̀ на рѣцѣ̀ є҆ѵфра́тѣ:
|
И порази́ даві́дъ Адрааза́ра сы́на раа́ва царя́ су́вска, иду́щу єму́ поста́вити ру́ку свою́ на рѣцѣ́ Євфра́тѣ:
|
|
4
|
4
|
|
и҆ предвзѧ̀ даві́дъ ѿ негѡ̀ ты́сѧщꙋ колесни́цъ и҆ се́дмь ты́сѧщъ кѡ́нникъ и҆ два́десѧть ты́сѧщъ мꙋже́й пѣшцє́въ, и҆ разрꙋшѝ даві́дъ всѧ̑ колєсни́цы, и҆ ѡ҆ста́ви себѣ̀ ѿ ни́хъ сто̀ колесни́цъ.
|
и предвзя́ даві́дъ от него́ ты́сящу колесни́цъ и се́дмь ты́сящъ ко́нникъ и два́десять ты́сящъ муже́й пѣшце́въ, и разруши́ даві́дъ вся́ колесни́цы, и оста́ви себѣ́ от ни́хъ сто́ колесни́цъ.
|
|
5
|
5
|
|
И҆ прїи́де сѷрі́а дама́скова помощѝ а҆драаза́рꙋ царю̀ сꙋ́вскꙋ, и҆ поразѝ даві́дъ ѿ сѷрі́и два́десѧть двѣ̀ ты́сѧщы мꙋже́й,
|
И пріи́де сирі́а Дама́скова помощи́ Адрааза́ру царю́ су́вску, и порази́ даві́дъ от сирі́и два́десять двѣ́ ты́сящы муже́й,
|
|
6
|
6
|
|
и҆ поста́ви даві́дъ стра́жꙋ въ сѷрі́и, ꙗ҆́же под̾ дама́скомъ, и҆ бы́сть сѷрі́а даві́дꙋ въ рабы̑ даю́щыѧ да́нь: и҆ сп҃сѐ гдⷭ҇ь даві́да во всѣ́хъ, а҆́може хожда́ше.
|
и поста́ви даві́дъ стра́жу въ сирі́и, я́же подъ Дама́скомъ, и бы́сть сирі́а даві́ду въ рабы́ даю́щыя да́нь: и спасе́ Госпо́дь даві́да во всѣ́хъ, а́може хожда́ше.
|
|
7
|
7
|
|
И҆ взѧ̀ даві́дъ гри̑вны златы̑ѧ, ꙗ҆̀же бы́ша на ѻ҆́троцѣхъ а҆драаза́ра царѧ̀ сꙋ́вска, и҆ принесѐ ѧ҆̀ во і҆ерⷭ҇ли́мъ: и҆ взѧ̀ и҆́хъ сꙋсакі́мъ ца́рь є҆гѵ́петскъ, є҆гда̀ взы́де во і҆ерⷭ҇ли́мъ во дни̑ ровоа́ма сы́на соломѡ́нѧ.
|
И взя́ даві́дъ гри́вны златы́я, я́же бы́ша на о́троцѣхъ Адрааза́ра царя́ су́вска, и принесе́ я́ во Ієрусали́мъ: и взя́ и́хъ сусакі́мъ ца́рь Єги́петскъ, єгда́ взы́де во Ієрусали́мъ во дни́ ровоа́ма сы́на Соломо́ня.
|
|
8
|
8
|
|
И҆ ѿ метева́ка и҆ ѿ и҆збра́нныхъ градѡ́въ а҆драаза́ровыхъ взѧ̀ даві́дъ мѣ́дь мно́гꙋ ѕѣлѡ̀, и҆з̾ неѧ́же сотворѝ соломѡ́нъ мо́ре мѣ́дѧно и҆ столпы̀, и҆ оу҆мыва̑лницы и҆ всѧ̑ сосꙋ́ды.
|
И от Метева́ка и от избра́нныхъ градо́въ Адрааза́ровыхъ взя́ даві́дъ мѣ́дь мно́гу зѣло́, изъ нея́же сотвори́ Соломо́нъ мо́ре мѣ́дяно и столпы́, и умыва́лницы и вся́ сосу́ды.
|
|
9
|
9
|
|
И҆ оу҆слы́ша ѳо́а ца́рь и҆ма́ѳскїй, ꙗ҆́кѡ поразѝ даві́дъ всю̀ си́лꙋ а҆драаза́ровꙋ,
|
И услы́ша Ѳо́а ца́рь има́ѳскій, я́ко порази́ даві́дъ всю́ си́лу Адрааза́рову,
|
|
10
|
10
|
|
и҆ посла̀ ѳо́а і҆еддꙋра́ма сы́на своего̀ къ царю̀ даві́дꙋ вопроси́ти є҆го̀ ꙗ҆̀же ѡ҆ ми́рѣ, и҆ благослови́ти є҆го̀, поне́же побѣдѝ а҆драаза́ра и҆ оу҆бѝ є҆го̀, занѐ сопротивлѧ́ѧсѧ бѣ̀ а҆драаза́рꙋ: и҆ въ рꙋкꙋ̀ є҆гѡ̀ бы́ша сосꙋ́ды срє́брѧны и҆ сосꙋ́ды зла̑ты и҆ сосꙋ́ды мѣ̑дѧны:
|
и посла́ Ѳо́а Ієддура́ма сы́на своєго́ къ царю́ даві́ду вопроси́ти єго́ я́же о ми́рѣ, и благослови́ти єго́, поне́же побѣди́ Адрааза́ра и уби́ єго́, зане́ сопротивля́яся бѣ́ Адрааза́ру: и въ руку́ єго́ бы́ша сосу́ды сре́бряны и сосу́ды зла́ты и сосу́ды мѣ́дяны:
|
|
11
|
11
|
|
и҆ сїѧ̑ ѡ҆свѧтѝ ца́рь даві́дъ гдⷭ҇ꙋ со сребро́мъ и҆ зла́томъ, є҆́же ѡ҆свѧтѝ ѿ всѣ́хъ градѡ́въ, и҆́миже воз̾ѡблада̀,
|
и сія́ освяти́ ца́рь даві́дъ Го́споду со сребро́мъ и зла́томъ, є́же освяти́ от всѣ́хъ градо́въ, и́миже возоблада́,
|
|
12
|
12
|
|
ѿ і҆дꙋме́и и҆ ѿ мѡа́ва, и҆ ѿ сынѡ́въ а҆ммѡ́нихъ и҆ ѿ и҆ноплемє́нникъ, и҆ ѿ а҆мали́ка и҆ ѿ коры́стей а҆драаза́ра сы́на раа́ва, царѧ̀ сꙋ́вска.
|
от Ідуме́и и от Моа́ва, и от сыно́въ Аммо́нихъ и от иноплеме́нникъ, и от Амали́ка и от коры́стей Адрааза́ра сы́на раа́ва, царя́ су́вска.
|
|
13
|
13
|
|
И҆ сотворѝ даві́дъ (себѣ̀) и҆́мѧ: и҆ є҆гда̀ возвраща́шесѧ, поразѝ і҆дꙋме́ю въ гевеле́мѣ, до ѻ҆смина́десѧть ты́сѧщъ:
|
И сотвори́ даві́дъ [себѣ́] и́мя: и єгда́ возвраща́шеся, порази́ Ідуме́ю въ Гевеле́мѣ, до осмина́десять ты́сящъ:
|
|
14
|
14
|
|
и҆ поста́ви во і҆дꙋме́и даві́дъ стра́жꙋ, во все́й і҆дꙋме́и, и҆ бы́ша всѝ і҆дꙋме́ане рабѝ царю̀ даві́дꙋ: и҆ сп҃сѐ гдⷭ҇ь даві́да во всѣ́хъ, а҆́може хожда́ше.
|
и поста́ви во Ідуме́и даві́дъ стра́жу, во все́й Ідуме́и, и бы́ша вси́ Ідуме́ане раби́ царю́ даві́ду: и спасе́ Госпо́дь даві́да во всѣ́хъ, а́може хожда́ше.
|
|
15
|
15
|
|
И҆ ца́рствова даві́дъ над̾ всѣ́мъ і҆и҃лемъ, и҆ бѣ̀ даві́дъ творѧ́й сꙋ́дъ и҆ пра́вдꙋ над̾ всѣ́ми людьмѝ свои́ми.
|
И ца́рствова даві́дъ надъ всѣ́мъ Ізра́илемъ, и бѣ́ даві́дъ творя́й су́дъ и пра́вду надъ всѣ́ми людьми́ свои́ми.
|
|
16
|
16
|
|
И҆ і҆ѡа́въ сы́нъ сарꙋ́инъ над̾ во́инствы (є҆гѡ̀), и҆ і҆ѡсафа́тъ сы́нъ а҆хїлꙋ́довъ над̾ памѧтописа́нми,
|
И Іоа́въ сы́нъ сару́инъ надъ во́инствы [єго́], и Іосафа́тъ сы́нъ Ахілу́довъ надъ памятописа́нми,
|
|
17
|
17
|
|
и҆ садѡ́къ сы́нъ а҆хі́товъ и҆ а҆хїме́лехъ сы́нъ а҆вїаѳа́рь жерцы̀, и҆ саса̀ кни́жникъ,
|
и садо́къ сы́нъ Ахі́товъ и Ахіме́лехъ сы́нъ Авіаѳа́рь жерцы́, и саса́ кни́жникъ,
|
|
18
|
18
|
|
и҆ ване́а сы́нъ і҆ѡда́евъ совѣ́тникъ, и҆ хелеѳі́й и҆ фелеті́й, и҆ сы́нове даві́дѡвы нача̑лницы двора̀ бы́ша.
|
и ване́а сы́нъ Іода́євъ совѣ́тникъ, и хелеѳі́й и фелеті́й, и сы́нове даві́довы нача́лницы двора́ бы́ша.
|
Категорії
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.
Паперові видання
Старий Заповіт
• Бут. • Вих. • Лев. • Чис. • Втор.
• Нав. • Суд. • Руф. • 1 Цар. • 2 Цар. • 3 Цар. • 4 Цар. • 1 Пар. • 2 Пар. • 1 Езд. • 2 Езд. • 3 Езд. • Неєм. • Тов. • Юдиф. • Есф. • 1 Мак. • 2 Мак. • 3 Мак.
• Іов. • Пс. • Притч. • Еккл. • Пісн. • Прем. • Сир.
• Іс. • Єр. • Плач. • Посл. Єр. • Вар. • Єз. • Дан.
• Ос. • Іоїл. • Ам. • Авд. • Іона. • Мих. • Наум. • Авв. • Соф. • Агг. • Зах. • Мал.