|
Глава 14
|
Глава́ д҃і
|
|
1
|
1
|
|
И разумѣ́ Іоа́въ сы́нъ сару́инъ, я́ко се́рдце царе́во преклони́ся ко Авессало́му.
|
И҆ разꙋмѣ̀ і҆ѡа́въ сы́нъ сарꙋ́инъ, ꙗ҆́кѡ се́рдце царе́во преклони́сѧ ко а҆вессалѡ́мꙋ.
|
|
2
|
2
|
|
И посла́ Іоа́въ въ Ѳеко́ю, и взя́ отту́ду жену́ му́дру и рече́ къ не́й: сѣ́туй ны́нѣ, и облецы́ся въ ри́зы сѣ́тованія, и не пома́жися єле́ємъ, и бу́деши я́ко жена́ сѣ́тующая о уме́ршемъ дни́ мно́ги:
|
И҆ посла̀ і҆ѡа́въ въ ѳекѡ́ю, и҆ взѧ̀ ѿтꙋ́дꙋ женꙋ̀ мꙋ́дрꙋ и҆ речѐ къ не́й: сѣ́тꙋй нн҃ѣ, и҆ ѡ҆блецы́сѧ въ ри̑зы сѣ́тованїѧ, и҆ не пома́жисѧ є҆ле́емъ, и҆ бꙋ́деши ꙗ҆́кѡ жена̀ сѣ́тꙋющаѧ ѡ҆ оу҆ме́ршемъ дни̑ мнѡ́ги:
|
|
3
|
3
|
|
и вни́деши ко царю́ и рече́ши къ нему́ по глаго́лу сему́. И положи́ Іоа́въ словеса́ своя́ во уста́ єя́.
|
и҆ вни́деши ко царю̀ и҆ рече́ши къ немꙋ̀ по глаго́лꙋ семꙋ̀. И҆ положѝ і҆ѡа́въ словеса̀ своѧ̑ во оу҆ста̀ є҆ѧ̀.
|
|
4
|
4
|
|
И вни́де жена́ Ѳекоі́тяныня ко царю́ и паде́ на лицы́ своє́мъ на зе́млю, и поклони́ся єму́, и рече́: спаси́, царю́, спаси́ мя.
|
И҆ вни́де жена̀ ѳекѡі́тѧнынѧ ко царю̀ и҆ падѐ на лицы̀ свое́мъ на зе́млю, и҆ поклони́сѧ є҆мꙋ̀, и҆ речѐ: спасѝ, царю̀, спаси́ мѧ.
|
|
5
|
5
|
|
И рече́ є́й ца́рь: что́ ти є́сть? Она́ же рече́: изда́вна вдова́ жена́ а́зъ є́смь, и у́мре му́жъ мо́й:
|
И҆ речѐ є҆́й ца́рь: что́ ти є҆́сть; Ѻ҆на́ же речѐ: и҆зда́вна вдова̀ жена̀ а҆́зъ є҆́смь, и҆ оу҆́мре мꙋ́жъ мо́й:
|
|
6
|
6
|
|
и рабѣ́ твоє́й два́ сы́на, и би́стася о́ба на селѣ́, и не бы́сть кто́ бы и́хъ разлучи́лъ, и нападе́ єди́нъ на бра́та своєго́, и умертви́ єго́:
|
и҆ рабѣ̀ твое́й два̀ сы̑на, и҆ би́стасѧ ѻ҆́ба на селѣ̀, и҆ не бы́сть кто́ бы и҆̀хъ разлꙋчи́лъ, и҆ нападѐ є҆ди́нъ на бра́та своего̀, и҆ оу҆мертвѝ є҆го̀:
|
|
7
|
7
|
|
и се́, воста́ все́ оте́чество на рабу́ твою́ и рѣ́ша: да́й уби́вшаго бра́та своєго́, и умертви́мъ єго́ вмѣ́сто души́ бра́та, єго́же уби́, и погуби́мъ и наслѣ́дника ва́шего: и угася́тъ и́скру мою́ оста́вшуюся, я́ко не оста́вити му́жу моєму́ оста́нка и и́мене на лицы́ земли́.
|
и҆ сѐ, воста̀ всѐ ѻ҆те́чество на рабꙋ̀ твою̀ и҆ рѣ́ша: да́й оу҆би́вшаго бра́та своего̀, и҆ оу҆мертви́мъ є҆го̀ вмѣ́стѡ дꙋшѝ бра́та, є҆го́же оу҆бѝ, и҆ погꙋби́мъ и҆ наслѣ́дника ва́шего: и҆ оу҆гасѧ́тъ и҆́скрꙋ мою̀ ѡ҆ста́вшꙋюсѧ, ꙗ҆́кѡ не ѡ҆ста́вити мꙋ́жꙋ моемꙋ̀ ѡ҆ста́нка и҆ и҆́мене на лицы̀ землѝ.
|
|
8
|
8
|
|
И рече́ ца́рь къ женѣ́: иди́ здра́ва въ до́мъ сво́й, и а́зъ заповѣ́даю о тебѣ́.
|
И҆ речѐ ца́рь къ женѣ̀: и҆дѝ здра́ва въ до́мъ сво́й, и҆ а҆́зъ заповѣ́даю ѡ҆ тебѣ̀.
|
|
9
|
9
|
|
И рече́ жена́ Ѳекоі́тяныня ко царю́: на мнѣ́ беззако́ніє, го́споди мо́й царю́, и на дому́ отца́ моєго́, ца́рь же и престо́лъ єго́ непови́ненъ.
|
И҆ речѐ жена̀ ѳекѡі́тѧнынѧ ко царю̀: на мнѣ̀ беззако́нїе, го́споди мо́й царю̀, и҆ на домꙋ̀ ѻ҆тца̀ моегѡ̀, ца́рь же и҆ престо́лъ є҆гѡ̀ непови́ненъ.
|
|
10
|
10
|
|
И рече́ ца́рь: кто́ глаго́ляй къ тебѣ́, и приведе́ши єго́ ко мнѣ́, и не приложи́тъ ктому́ косну́тися єму́?
|
И҆ речѐ ца́рь: кто̀ глаго́лѧй къ тебѣ̀, и҆ приведе́ши є҆го̀ ко мнѣ̀, и҆ не приложи́тъ ктомꙋ̀ коснꙋ́тисѧ є҆мꙋ̀;
|
|
11
|
11
|
|
И рече́ жена́: да воспомя́нетъ ны́нѣ ца́рь Го́спода Бо́га своєго́, внегда́ умно́жити у́жика кро́ве, є́же растли́ти, и не и́мутъ погуби́ти сы́на моєго́. И рече́ [ца́рь]: жи́въ Госпо́дь, а́ще и вла́съ паде́тъ сы́ну твоєму́ съ главы́ на зе́млю.
|
И҆ речѐ жена̀: да воспомѧ́нетъ нн҃ѣ ца́рь гдⷭ҇а бг҃а своего̀, внегда̀ оу҆мно́жити оу҆́жика кро́ве, є҆́же растли́ти, и҆ не и҆́мꙋтъ погꙋби́ти сы́на моего̀. И҆ речѐ (ца́рь): жи́въ гдⷭ҇ь, а҆́ще и҆ вла́съ паде́тъ сы́нꙋ твоемꙋ̀ съ главы̀ на зе́млю.
|
|
12
|
12
|
|
И рече́ жена́: да глаго́летъ ны́нѣ раба́ твоя́ ко господи́ну моєму́ царю́ сло́во. О́нъ же рече́: глаго́ли.
|
И҆ речѐ жена̀: да глаго́летъ нн҃ѣ раба̀ твоѧ̀ ко господи́нꙋ моемꙋ̀ царю̀ сло́во. Ѻ҆́нъ же речѐ: глаго́ли.
|
|
13
|
13
|
|
И рече́ жена́: почто́ помы́слилъ єси́ та́ко о лю́дехъ Бо́жіихъ? єда́ от у́стъ царе́выхъ сло́во сіє́ а́ки преступле́ніє, є́же не возврати́ти царю́ отринове́ннаго своєго́?
|
И҆ речѐ жена̀: почто̀ помы́слилъ є҆сѝ та́кѡ ѡ҆ лю́дехъ бж҃їихъ; є҆да̀ ѿ оу҆́стъ царе́выхъ сло́во сїѐ а҆́ки престꙋпле́нїе, є҆́же не возврати́ти царю̀ ѿринове́ннагѡ своегѡ̀;
|
|
14
|
14
|
|
я́ко сме́ртію у́мремъ, и я́ко вода́ низходя́щая на зе́млю, я́же не собере́тся, и пріи́метъ Бо́гъ ду́шу, и помышля́яй спасти́ от него́ отринове́ннаго:
|
ꙗ҆́кѡ сме́ртїю оу҆́мремъ, и҆ ꙗ҆́кѡ вода̀ низходѧ́щаѧ на зе́млю, ꙗ҆́же не собере́тсѧ, и҆ прїи́метъ бг҃ъ дꙋ́шꙋ, и҆ помышлѧ́ѧй спастѝ ѿ негѡ̀ ѿринове́ннаго:
|
|
15
|
15
|
|
и ны́нѣ я́ко пріидо́хъ глаго́лати ко царю́ господи́ну моєму́ глаго́лъ се́й, я́ко уви́дятъ мя́ лю́діє, и рече́тъ раба́ твоя́: да глаго́летъ у́бо ко господи́ну моєму́ царю́, не́гли сотвори́тъ ца́рь сло́во рабы́ своєя́,
|
и҆ нн҃ѣ ꙗ҆́кѡ прїидо́хъ глаго́лати ко царю̀ господи́нꙋ моемꙋ̀ глаго́лъ се́й, ꙗ҆́кѡ оу҆ви́дѧтъ мѧ̀ лю́дїе, и҆ рече́тъ раба̀ твоѧ̀: да глаго́летъ оу҆̀бо ко господи́нꙋ моемꙋ̀ царю̀, не́гли сотвори́тъ ца́рь сло́во рабы̀ своеѧ̀,
|
|
16
|
16
|
|
я́ко услы́шитъ ца́рь: да и́зметъ рабу́ свою́ изъ ру́къ муже́й и́щущихъ погуби́ти мя́ и сы́на моєго́ от уча́стія Бо́жія:
|
ꙗ҆́кѡ оу҆слы́шитъ ца́рь: да и҆́зметъ рабꙋ̀ свою̀ и҆з̾ рꙋ́къ мꙋже́й и҆́щꙋщихъ погꙋби́ти мѧ̀ и҆ сы́на моего̀ ѿ оу҆ча́стїѧ бж҃їѧ:
|
|
17
|
17
|
|
и рече́тъ раба́ твоя́: да бу́детъ ны́нѣ сло́во го́спода моєго́ царя́ на же́ртву: я́коже бо а́нгелъ Бо́жій, та́ко госпо́дь мо́й ца́рь, є́же слы́шати благо́є и зло́є: и Госпо́дь Бо́гъ тво́й бу́детъ съ тобо́ю.
|
и҆ рече́тъ раба̀ твоѧ̀: да бꙋ́детъ нн҃ѣ сло́во го́спода моегѡ̀ царѧ̀ на же́ртвꙋ: ꙗ҆́коже бо а҆́гг҃лъ бж҃їй, та́кѡ госпо́дь мо́й ца́рь, є҆́же слы́шати благо́е и҆ ѕло́е: и҆ гдⷭ҇ь бг҃ъ тво́й бꙋ́детъ съ тобо́ю.
|
|
18
|
18
|
|
И отвѣща́ ца́рь и рече́ къ женѣ́: ника́коже да утаи́ши от мене́ глаго́ла, о не́мже а́зъ вопрошу́ тя. И рече́ жена́: да глаго́летъ у́бо госпо́дь мо́й ца́рь.
|
И҆ ѿвѣща̀ ца́рь и҆ речѐ къ женѣ̀: ника́коже да оу҆таи́ши ѿ менє̀ глаго́ла, ѡ҆ не́мже а҆́зъ вопрошꙋ́ тѧ. И҆ речѐ жена̀: да глаго́летъ оу҆̀бо госпо́дь мо́й ца́рь.
|
|
19
|
19
|
|
И рече́ ца́рь: єда́ рука́ Іоа́вля о все́мъ се́мъ съ тобо́ю? И рече́ жена́ къ царю́: да живе́тъ душа́ твоя́, го́споди мо́й царю́, а́ще є́сть одесну́ю или́ ошу́юю от всѣ́хъ, я́же глаго́ла господи́нъ мо́й ца́рь, я́ко ра́бъ тво́й Іоа́въ то́й заповѣ́да мнѣ́, и то́й вложи́ во уста́ рабѣ́ твоє́й вся́ словеса́ сія́:
|
И҆ речѐ ца́рь: є҆да̀ рꙋка̀ і҆ѡа́влѧ ѡ҆ все́мъ се́мъ съ тобо́ю; И҆ речѐ жена̀ къ царю̀: да живе́тъ дꙋша̀ твоѧ̀, го́споди мо́й царю̀, а҆́ще є҆́сть ѡ҆деснꙋ́ю и҆лѝ ѡ҆шꙋ́юю ѿ всѣ́хъ, ꙗ҆̀же глаго́ла господи́нъ мо́й ца́рь, ꙗ҆́кѡ ра́бъ тво́й і҆ѡа́въ то́й заповѣ́да мнѣ̀, и҆ то́й вложѝ во оу҆ста̀ рабѣ̀ твое́й всѧ̑ словеса̀ сїѧ̑:
|
|
20
|
20
|
|
за є́же пріити́ лицу́ глаго́ла сего́, є́же сотвори́ ра́бъ тво́й Іоа́въ сло́во сіє́: господи́нъ же мо́й ца́рь му́дръ, я́коже му́дрость а́нгела Бо́жія, є́же разумѣ́ти вся́, я́же на земли́.
|
за є҆́же прїитѝ лицꙋ̀ глаго́ла сегѡ̀, є҆́же сотворѝ ра́бъ тво́й і҆ѡа́въ сло́во сїѐ: господи́нъ же мо́й ца́рь мꙋ́дръ, ꙗ҆́коже мꙋ́дрость а҆́гг҃ла бж҃їѧ, є҆́же разꙋмѣ́ти всѧ̑, ꙗ҆̀же на землѝ.
|
|
21
|
21
|
|
И рече́ ца́рь ко Іоа́ву: се́, ны́нѣ сотвори́хъ ти́ по словеси́ твоєму́ сему́: иди́, возврати́ о́трока Авессало́ма.
|
И҆ речѐ ца́рь ко і҆ѡа́вꙋ: сѐ, нн҃ѣ сотвори́хъ тѝ по словесѝ твоемꙋ̀ семꙋ̀: и҆дѝ, возвратѝ ѻ҆́трока а҆вессалѡ́ма.
|
|
22
|
22
|
|
И паде́ на лицы́ своє́мъ Іоа́въ на зе́млю, и поклони́ся, и благослови́ царя́. И рече́ Іоа́въ: дне́сь позна́ ра́бъ тво́й, я́ко обрѣто́хъ благода́ть предъ очи́ма твои́ма, го́споди мо́й царю́, я́ко сотвори́ господи́нъ мо́й ца́рь сло́во раба́ своєго́.
|
И҆ падѐ на лицы̀ свое́мъ і҆ѡа́въ на зе́млю, и҆ поклони́сѧ, и҆ благословѝ царѧ̀. И҆ речѐ і҆ѡа́въ: дне́сь позна̀ ра́бъ тво́й, ꙗ҆́кѡ ѡ҆брѣто́хъ благода́ть пред̾ ѻ҆чи́ма твои́ма, го́споди мо́й царю̀, ꙗ҆́кѡ сотворѝ господи́нъ мо́й ца́рь сло́во раба̀ своегѡ̀.
|
|
23
|
23
|
|
И воста́ Іоа́въ и и́де въ гедсу́ръ, и приведе́ Авессало́ма во Ієрусали́мъ.
|
И҆ воста̀ і҆ѡа́въ и҆ и҆́де въ гедсꙋ́ръ, и҆ приведѐ а҆вессалѡ́ма во і҆ерⷭ҇ли́мъ.
|
|
24
|
24
|
|
И рече́ ца́рь: да возврати́тся въ до́мъ сво́й, лица́ же моєго́ да не ви́дитъ. И возврати́ся Авессало́мъ въ до́мъ сво́й, лица́ же царе́ва не ви́дѣ.
|
И҆ речѐ ца́рь: да возврати́тсѧ въ до́мъ сво́й, лица̀ же моегѡ̀ да не ви́дитъ. И҆ возврати́сѧ а҆вессалѡ́мъ въ до́мъ сво́й, лица̀ же царе́ва не ви́дѣ.
|
|
25
|
25
|
|
И я́коже Авессало́мъ не бѣ́ му́жъ во все́мъ Ізра́или хва́ленъ зѣло́: от пяты́ ноги́ єго́ и до верха́ єго́ не бѣ́ въ не́мъ поро́ка:
|
И҆ ꙗ҆́коже а҆вессалѡ́мъ не бѣ̀ мꙋ́жъ во все́мъ і҆и҃ли хва́ленъ ѕѣлѡ̀: ѿ пѧты̀ ногѝ є҆гѡ̀ и҆ до верха̀ є҆гѡ̀ не бѣ̀ въ не́мъ поро́ка:
|
|
26
|
26
|
|
и внегда́ стрищи́ єму́ главу́ свою́, и бы́сть от нача́ла дні́й до дні́й въ ня́же стрижа́шеся, я́ко тя́жко бя́ше єму́ от ни́хъ, и стригу́щься вѣ́сяше власы́ главы́ своєя́ двѣ́сти сі́клей по сі́клю ца́рскому.
|
и҆ внегда̀ стрищѝ є҆мꙋ̀ главꙋ̀ свою̀, и҆ бы́сть ѿ нача́ла дні́й до дні́й въ нѧ́же стрижа́шесѧ, ꙗ҆́кѡ тѧ́жко бѧ́ше є҆мꙋ̀ ѿ ни́хъ, и҆ стригꙋ́щьсѧ вѣ́сѧше власы̀ главы̀ своеѧ̀ двѣ́сти сі́клей по сі́клю ца́рскомꙋ.
|
|
27
|
27
|
|
И роди́шася Авессало́му три́ сы́ны и дще́рь єди́на, и и́мя є́й Ѳама́рь: сія́ бѣ́ жена́ добра́ зѣло́ взо́ромъ, и бы́сть жена́ ровоа́му сы́ну Соломо́ню, и роди́ єму́ Аві́ю.
|
И҆ роди́шасѧ а҆вессалѡ́мꙋ трѝ сы́ны и҆ дще́рь є҆ди́на, и҆ и҆́мѧ є҆́й ѳама́рь: сїѧ̀ бѣ̀ жена̀ добра̀ ѕѣлѡ̀ взо́ромъ, и҆ бы́сть жена̀ ровоа́мꙋ сы́нꙋ соломѡ́ню, и҆ родѝ є҆мꙋ̀ а҆ві́ю.
|
|
28
|
28
|
|
И сѣдя́ше Авессало́мъ во Ієрусали́мѣ два́ лѣ́та дні́й, и лица́ царе́ва не ви́дѣ.
|
И҆ сѣдѧ́ше а҆вессалѡ́мъ во і҆ерⷭ҇ли́мѣ два̀ лѣ̑та дні́й, и҆ лица̀ царе́ва не ви́дѣ.
|
|
29
|
29
|
|
И посла́ Авессало́мъ ко Іоа́ву, дабы́ посла́ти єго́ ко царю́, и не восхотѣ́ пріити́ къ нему́: и посла́ второ́є къ нему́, и не восхотѣ́ пріити́.
|
И҆ посла̀ а҆вессалѡ́мъ ко і҆ѡа́вꙋ, дабы̀ посла́ти є҆го̀ ко царю̀, и҆ не восхотѣ̀ прїитѝ къ немꙋ̀: и҆ посла̀ второ́е къ немꙋ̀, и҆ не восхотѣ̀ прїитѝ.
|
|
30
|
30
|
|
И рече́ Авессало́мъ ко отроко́мъ свои́мъ: ви́дите, ча́сть на селѣ́ Іоа́вли бли́зъ мене́, єго́ та́мо ячме́нь, иди́те и запали́те єго́ огне́мъ. И запали́ша раби́ Авессало́мли ча́сть [Іоа́влю] огне́мъ. И пріидо́ша раби́ Іоа́вли къ нему́ раздра́вше ри́зы своя́, и рѣ́ша: пожго́ша раби́ Авессало́мли ча́сть твою́ огне́мъ.
|
И҆ речѐ а҆вессалѡ́мъ ко ѻ҆трокѡ́мъ свои̑мъ: ви́дите, ча́сть на селѣ̀ і҆ѡа́вли бли́з̾ менє̀, є҆гѡ̀ та́мѡ ꙗ҆чме́нь, и҆ди́те и҆ запали́те є҆го̀ ѻ҆гне́мъ. И҆ запали́ша рабѝ а҆вессалѡ̑мли ча́сть (і҆ѡа́влю) ѻ҆гне́мъ. И҆ прїидо́ша рабѝ і҆ѡа̑вли къ немꙋ̀ раздра́вше ри̑зы своѧ̑, и҆ рѣ́ша: пожго́ша рабѝ а҆вессалѡ̑мли ча́сть твою̀ ѻ҆гне́мъ.
|
|
31
|
31
|
|
И воста́ Іоа́въ и пріи́де ко Авессало́му въ до́мъ, и рече́ къ нему́: почто́ сожго́ша раби́ твои́ ча́сть мою́ огне́мъ?
|
И҆ воста̀ і҆ѡа́въ и҆ прїи́де ко а҆вессалѡ́мꙋ въ до́мъ, и҆ речѐ къ немꙋ̀: почто̀ сожго́ша рабѝ твоѝ ча́сть мою̀ ѻ҆гне́мъ;
|
|
32
|
32
|
|
И рече́ Авессало́мъ ко Іоа́ву: се́, посыла́хъ къ тебѣ́, глаго́ля: иди́ сѣ́мо, и послю́ тя ко царю́, глаго́ля: почто́ пріидо́хъ изъ гедсу́ра? лу́чше ми́ бѣ́ бы́ти єще́ та́мо: и ны́нѣ се́, лица́ царе́ва не ви́дѣхъ: а́ще же є́сть во мнѣ́ непра́вда, то́ умертви́ мя.
|
И҆ речѐ а҆вессалѡ́мъ ко і҆ѡа́вꙋ: сѐ, посыла́хъ къ тебѣ̀, глаго́лѧ: и҆дѝ сѣ́мѡ, и҆ послю́ тѧ ко царю̀, глаго́лѧ: почто̀ прїидо́хъ и҆з̾ гедсꙋ́ра; лꙋ́чше мѝ бѣ̀ бы́ти є҆щѐ та́мѡ: и҆ нн҃ѣ сѐ, лица̀ царе́ва не ви́дѣхъ: а҆́ще же є҆́сть во мнѣ̀ непра́вда, то̀ оу҆мертви́ мѧ.
|
|
33
|
33
|
|
И вни́де Іоа́въ ко царю́ и возвѣсти́ єму́. И призва́ Авессало́ма, и пріи́де ко царю́, и поклони́ся єму́, и паде́ лице́мъ свои́мъ на зе́млю предъ лице́мъ царе́вымъ, и облобыза́ ца́рь Авессало́ма.
|
И҆ вни́де і҆ѡа́въ ко царю̀ и҆ возвѣстѝ є҆мꙋ̀. И҆ призва̀ а҆вессалѡ́ма, и҆ прїи́де ко царю̀, и҆ поклони́сѧ є҆мꙋ̀, и҆ падѐ лице́мъ свои́мъ на зе́млю пред̾ лице́мъ царе́вымъ, и҆ ѡ҆блобыза̀ ца́рь а҆вессалѡ́ма.
|
