|
Глава 23
|
Глава́ к҃г
|
|
1
|
1
|
|
И сія́ словеса́ даві́дова послѣ́дняя. Вѣ́ренъ даві́дъ сы́нъ Ієссе́овъ, и вѣ́ренъ му́жъ, єго́же возста́ви Госпо́дь въ хріста́ Бо́га Іа́ковля, и благолѣ́пны псалмы́ Ізра́илевы.
|
И҆ сїѧ̑ словеса̀ даві́дѡва послѣ̑днѧѧ. Вѣ́ренъ даві́дъ сы́нъ і҆ессе́овъ, и҆ вѣ́ренъ мꙋ́жъ, є҆го́же возста́ви гдⷭ҇ь въ хрїста̀ бг҃а і҆а́кѡвлѧ, и҆ благолѣ̑пны ѱалмы̀ і҆и҃лєвы.
|
|
2
|
2
|
|
И Ду́хъ Госпо́день глаго́ла во мнѣ́, и сло́во єго́ на язы́цѣ моє́мъ.
|
И҆ дх҃ъ гдⷭ҇ень гл҃а во мнѣ̀, и҆ сло́во є҆гѡ̀ на ѧ҆зы́цѣ мое́мъ.
|
|
3
|
3
|
|
Глаго́летъ Бо́гъ Ізра́илевъ: мнѣ́ глаго́ла храни́тель Ізра́илевъ при́тчу: рѣ́хъ въ человѣ́цѣхъ: ка́ко удержите́ стра́хъ Бо́жій?
|
Гл҃етъ бг҃ъ і҆и҃левъ: мнѣ̀ гл҃а храни́тель і҆и҃левъ при́тчꙋ: рѣ́хъ въ человѣ́цѣхъ: ка́кѡ оу҆держитѐ стра́хъ бж҃їй;
|
|
4
|
4
|
|
И во свѣ́тѣ Бо́жіи у́треннѣмъ, и возсія́ со́лнце зау́тра, не пре́йде от сія́нія, и я́ко от дождя́ зла́чна от земли́.
|
И҆ во свѣ́тѣ бж҃їи оу҆́треннѣмъ, и҆ возсїѧ̀ со́лнце заꙋ́тра, не пре́йде ѿ сїѧ́нїѧ, и҆ ꙗ҆́кѡ ѿ дождѧ̀ ѕла́чна ѿ землѝ.
|
|
5
|
5
|
|
Не та́ко бо до́мъ мо́й съ крѣ́пкимъ: завѣ́тъ бо вѣ́ченъ положи́ ми, гото́въ во вся́комъ вре́мени сохране́нъ: я́ко все́ спасе́ніє моє́ и все́ хотѣ́ніє во Го́сподѣ, я́ко не и́мать прозя́бнути беззако́нный.
|
Не та́кѡ бо до́мъ мо́й съ крѣ́пкимъ: завѣ́тъ бо вѣ́ченъ положи́ ми, гото́въ во всѧ́комъ вре́мени сохране́нъ: ꙗ҆́кѡ всѐ спⷭ҇нїе моѐ и҆ всѐ хотѣ́нїе во гдⷭ҇ѣ, ꙗ҆́кѡ не и҆́мать прозѧ́бнꙋти беззако́нный.
|
|
6
|
6
|
|
Я́коже те́рніє изве́ржено вси́ сі́и, я́ко не во́змутся руко́ю,
|
Ꙗ҆́коже те́рнїе и҆зве́ржено всѝ сі́и, ꙗ҆́кѡ не во́змꙋтсѧ рꙋко́ю,
|
|
7
|
7
|
|
и му́жъ не потруди́тся въ ни́хъ: и мно́жество желѣ́за, и дре́во копі́йноє, и огне́мъ сожже́тъ, и попаля́тся въ срамоту́ свою́.
|
и҆ мꙋ́жъ не потрꙋди́тсѧ въ ни́хъ: и҆ мно́жество желѣ́за, и҆ дре́во копі́йное, и҆ ѻ҆гне́мъ сожже́тъ, и҆ попалѧ́тсѧ въ срамотꙋ̀ свою̀.
|
|
8
|
8
|
|
Сія́ имена́ си́льныхъ даві́довыхъ: Ієвосѳе́й Ханане́анинъ кня́зь тре́тіяго є́сть: Адіно́нъ Асоне́й, се́й обнажи́ ме́чь сво́й на о́смь со́тъ во́иновъ [и побѣди́] єди́ною.
|
Сїѧ̑ и҆мена̀ си́льныхъ даві́довыхъ: і҆евосѳе́й ханане́анинъ кнѧ́зь тре́тїѧгѡ є҆́сть: а҆дїнѡ́нъ а҆сѡне́й, се́й ѡ҆бнажѝ ме́чь сво́й на ѻ҆́смь сѡ́тъ во́инѡвъ (и҆ побѣдѝ) є҆ди́ною.
|
|
9
|
9
|
|
И по не́мъ Єлеаза́ръ, сы́нъ отца́ бра́та єго́, въ тріє́хъ си́льныхъ бра́тіяхъ, се́й бѣ́ со даві́домъ [во сирра́нѣ] внегда́ поноси́ти єму́ во иноплеме́нницѣхъ: и иноплеме́нницы собра́шася та́мо на бра́нь,
|
И҆ по не́мъ є҆леаза́ръ, сы́нъ ѻ҆тца̀ бра́та є҆гѡ̀, въ трїе́хъ си́льныхъ бра́тїѧхъ, се́й бѣ̀ со даві́домъ (во сирра́нѣ) внегда̀ поноси́ти є҆мꙋ̀ во и҆ноплеме́нницѣхъ: и҆ и҆ноплемє́нницы собра́шасѧ та́мѡ на бра́нь,
|
|
10
|
10
|
|
и изыдо́ша му́жіє Ізра́илевы проти́ву лица́ и́хъ, и то́й воста́ и убива́ше иноплеме́нники, до́ндеже утруди́ся рука́ єго́ и прильпе́ рука́ єго́ къ мечу́: и сотвори́ Госпо́дь спасе́ніє вели́ко въ то́й де́нь: и лю́діє обрати́шася вслѣ́дъ єго́ то́кмо совлача́ти.
|
и҆ и҆зыдо́ша мꙋ́жїе і҆и҃лєвы проти́вꙋ лица̀ и҆́хъ, и҆ то́й воста̀ и҆ оу҆бива́ше и҆ноплеме́нники, до́ндеже оу҆трꙋди́сѧ рꙋка̀ є҆гѡ̀ и҆ прильпѐ рꙋка̀ є҆гѡ̀ къ мечꙋ̀: и҆ сотворѝ гдⷭ҇ь спⷭ҇нїе вели́ко въ то́й де́нь: и҆ лю́дїе ѡ҆брати́шасѧ в̾слѣ́дъ є҆гѡ̀ то́кмѡ совлача́ти.
|
|
11
|
11
|
|
И по не́мъ самаі́а сы́нъ а́сы, Арухе́йскій: и собра́шася иноплеме́нницы во Ѳирі́ю: и бѣ́ та́мо ча́сть села́ испо́лнь ля́щи: и лю́діє бѣжа́ша от лица́ иноплеме́ннича:
|
И҆ по не́мъ самаі́а сы́нъ а҆́сы, а҆рꙋхе́йскїй: и҆ собра́шасѧ и҆ноплемє́нницы во ѳирі́ю: и҆ бѣ̀ та́мѡ ча́сть села̀ и҆спо́лнь лѧ́щи: и҆ лю́дїе бѣжа́ша ѿ лица̀ и҆ноплеме́ннича:
|
|
12
|
12
|
|
и ста́ а́ки сто́лпъ посредѣ́ ча́сти, и исхи́ти ю́, и порази́ иноплеме́нники: и сотвори́ Госпо́дь спасе́ніє вели́ко.
|
и҆ ста̀ а҆́ки сто́лпъ посредѣ̀ ча́сти, и҆ и҆схи́ти ю҆̀, и҆ поразѝ и҆ноплеме́нники: и҆ сотворѝ гдⷭ҇ь спⷭ҇нїе вели́ко.
|
|
13
|
13
|
|
И снидо́ша три́ кня́зи от три́десятихъ, и пріидо́ша въ касо́нъ къ даві́ду въ верте́пъ Одолла́мъ: и чи́нове иноплеме́нникъ ополчи́шася во юдо́ли Рафаі́нстѣй.
|
И҆ снидо́ша трѝ кнѧ̑зи ѿ три́десѧтихъ, и҆ прїидо́ша въ касѡ́нъ къ даві́дꙋ въ верте́пъ ѻ҆долла́мъ: и҆ чи́нове и҆ноплемє́нникъ ѡ҆полчи́шасѧ во ю҆до́ли рафаі́нстѣй.
|
|
14
|
14
|
|
И даві́дъ тогда́ бѣ́ во обдержа́ніи, и ста́нъ иноплеме́нническъ бѣ́ тогда́ въ Виѳлеє́мѣ.
|
И҆ даві́дъ тогда̀ бѣ̀ во ѡ҆бдержа́нїи, и҆ ста́нъ и҆ноплеме́нническъ бѣ̀ тогда̀ въ виѳлее́мѣ.
|
|
15
|
15
|
|
И возжада́ даві́дъ и рече́: кто́ напои́тъ мя́ водо́ю изъ ро́ва, и́же въ Виѳлеє́мѣ при вратѣ́хъ? ста́нъ же бѣ́ тогда́ иноплеме́нничь въ Виѳлеє́мѣ.
|
И҆ возжада̀ даві́дъ и҆ речѐ: кто̀ напои́тъ мѧ̀ водо́ю и҆з̾ ро́ва, и҆́же въ виѳлее́мѣ при вратѣ́хъ; ста́нъ же бѣ̀ тогда̀ и҆ноплеме́нничь въ виѳлее́мѣ.
|
|
16
|
16
|
|
И расторго́ша тріє́ си́льніи ополче́ніє иноплеме́нничо, и почерпо́ша воды́ изъ ро́ва Виѳлеє́мскаго, и́же при вратѣ́хъ: и взя́ша, и пріидо́ша ко даві́ду, и не восхотѣ́ пи́ти єя́: и возлія́ ю́ Го́споду
|
И҆ расторго́ша трїѐ си́льнїи ѡ҆полче́нїе и҆ноплеме́нничо, и҆ почерпо́ша воды̀ и҆з̾ ро́ва виѳлее́мскагѡ, и҆́же при вратѣ́хъ: и҆ взѧ́ша, и҆ прїидо́ша ко даві́дꙋ, и҆ не восхотѣ̀ пи́ти є҆ѧ̀: и҆ возлїѧ̀ ю҆̀ гдⷭ҇ꙋ
|
|
17
|
17
|
|
и рече́: ми́лостивъ мнѣ́, Го́споди, є́же сотвори́ти сіє́, кро́вь ли муже́й поше́дшихъ въ душа́хъ свои́хъ пи́ти и́мамъ? И не восхотѣ́ пи́ти єя́. Сія́ сотвори́ша тріє́ си́льніи.
|
и҆ речѐ: млⷭ҇тивъ мнѣ̀, гдⷭ҇и, є҆́же сотвори́ти сїѐ, кро́вь ли мꙋже́й поше́дшихъ въ дꙋша́хъ свои́хъ пи́ти и҆́мамъ; И҆ не восхотѣ̀ пи́ти є҆ѧ̀. Сїѧ̑ сотвори́ша трїѐ си́льнїи.
|
|
18
|
18
|
|
И Аве́сса бра́тъ Іоа́вль сы́нъ сару́инъ, се́й бѣ́ кня́зь въ тріє́хъ, и се́й воздви́же копіє́ своє́ на три́ста я́звеныхъ, и тому́ и́мя є́сть въ тріє́хъ.
|
И҆ а҆ве́сса бра́тъ і҆ѡа́вль сы́нъ сарꙋ́инъ, се́й бѣ̀ кнѧ́зь въ трїе́хъ, и҆ се́й воздви́же копїѐ своѐ на три́ста ꙗ҆́звеныхъ, и҆ томꙋ̀ и҆́мѧ є҆́сть въ трїе́хъ.
|
|
19
|
19
|
|
От тріє́хъ о́ныхъ сла́вный, и бы́сть и́мъ кня́зь, и да́же до тріє́хъ не пріи́де.
|
Ѿ трїе́хъ ѻ҆́ныхъ сла́вный, и҆ бы́сть и҆̀мъ кнѧ́зь, и҆ да́же до трїе́хъ не прїи́де.
|
|
20
|
20
|
|
И ване́а сы́нъ Іода́євъ, му́жъ се́й премно́гъ въ дѣ́лѣхъ, от кавасаи́ла, и се́й уби́ два́ сы́на Аріи́ла Моа́вскаго: и то́й сни́де, и уби́ льва́ посредѣ́ ро́ва въ де́нь снѣ́женъ:
|
И҆ ване́а сы́нъ і҆ѡда́евъ, мꙋ́жъ се́й премно́гъ въ дѣ́лѣхъ, ѿ кавасаи́ла, и҆ се́й оу҆бѝ два̀ сы̑на а҆рїи́ла мѡа́вскагѡ: и҆ то́й сни́де, и҆ оу҆бѝ льва̀ посредѣ̀ ро́ва въ де́нь снѣ́женъ:
|
|
21
|
21
|
|
и то́й порази́ му́жа Єги́птянина, му́жа кра́сна, въ руцѣ́ же Єги́птянина копіє́ я́ко дре́во лѣ́ствицы кора́бленыя: и сни́де къ нему́ со па́лицею, и исто́рже копіє́ изъ руку́ Єги́птянина, и уби́ єго́ копіє́мъ єго́:
|
и҆ то́й поразѝ мꙋ́жа є҆гѵ́птѧнина, мꙋ́жа кра́сна, въ рꙋцѣ́ же є҆гѵ́птѧнина копїѐ ꙗ҆́кѡ дре́во лѣ́ствицы кора́бленыѧ: и҆ сни́де къ немꙋ̀ со па́лицею, и҆ и҆сто́рже копїѐ и҆з̾ рꙋкꙋ̀ є҆гѵ́птѧнина, и҆ оу҆бѝ є҆го̀ копїе́мъ є҆гѡ̀:
|
|
22
|
22
|
|
сія́ сотвори́ ване́а сы́нъ Іода́євъ, и тому́ и́мя въ тріє́хъ си́льныхъ,
|
сїѧ̑ сотворѝ ване́а сы́нъ і҆ѡда́евъ, и҆ томꙋ̀ и҆́мѧ въ трїе́хъ си́льныхъ,
|
|
23
|
23
|
|
от тріє́хъ сла́вный, и ко тріє́мъ не пріи́де: и поста́ви єго́ даві́дъ надъ таи́нники свои́ми.
|
ѿ трїе́хъ сла́вный, и҆ ко трїе́мъ не прїи́де: и҆ поста́ви є҆го̀ даві́дъ над̾ таи̑нники свои́ми.
|
|
24
|
24
|
|
И сія́ имена́ си́льныхъ даві́да царя́: Асаи́лъ бра́тъ Іоа́вль, се́й въ три́десятихъ: Єлеана́нъ сы́нъ отца́ бра́та єго́ от Виѳлеє́ма:
|
И҆ сїѧ̑ и҆мена̀ си́льныхъ даві́да царѧ̀: а҆саи́лъ бра́тъ і҆ѡа́вль, се́й въ три́десѧтихъ: є҆леана́нъ сы́нъ ѻ҆тца̀ бра́та є҆гѡ̀ ѿ виѳлее́ма:
|
|
25
|
25
|
|
семо́ѳъ Ародіи́нъ:
|
семо́ѳъ а҆родїи́нъ:
|
|
26
|
26
|
|
хелли́съ келоѳі́йскій: Іра́ сы́нъ єккі́са Ѳекоі́тскаго:
|
хелли́съ келѡѳі́йскїй: і҆ра̀ сы́нъ є҆ккі́са ѳекѡі́тскагѡ:
|
|
27
|
27
|
|
Авієзе́ръ Анаѳоѳі́тскій: Савухе́й и́же от Асоѳі́ты:
|
а҆вїезе́ръ а҆наѳѡѳі́тскїй: савꙋхе́й и҆́же ѿ а҆сѡѳі́ты:
|
|
28
|
28
|
|
Єлло́нъ алоні́тскій: моє́й нетофаѳі́тянинъ:
|
є҆ллѡ́нъ а҆лѡні́тскїй: мое́й нетѡфаѳі́тѧнинъ:
|
|
29
|
29
|
|
єли́ сы́нъ Ваа́нь, и́же от нетофаѳі́тъ: єѳѳі́ сы́нъ Ріва́нь от гавао́на сыно́въ Веніамі́нихъ:
|
є҆лѝ сы́нъ ваа́нь, и҆́же ѿ нетѡфаѳі̑тъ: є҆ѳѳі̀ сы́нъ рїва́нь ѿ гаваѡ́на сынѡ́въ венїамі́нихъ:
|
|
30
|
30
|
|
ване́асъ фараѳоні́тскій: урі́й от Наалге́а:
|
ване́асъ фараѳѡні́тскїй: оу҆рі́й ѿ наалге́а:
|
|
31
|
31
|
|
Аріи́лъ сы́нъ Аравоѳі́тянина: зао́ръ Варсамі́тскій:
|
а҆рїи́лъ сы́нъ а҆равѡѳі́тѧнина: заѡ́ръ варсамі́тскїй:
|
|
32
|
32
|
|
Єлеа́са сы́нъ Салавоні́тскій: Васе́й гони́тскій:
|
є҆леа́са сы́нъ салавѡні́тскїй: васе́й гони́тскїй:
|
|
33
|
33
|
|
Іонаѳа́нъ сы́нъ сама́на Арорі́тскаго: Ахіа́нъ сы́нъ Арати́ Араѳу́рскаго:
|
і҆ѡнаѳа́нъ сы́нъ сама́на а҆рѡрі́тскагѡ: а҆хїа́нъ сы́нъ а҆ратѝ а҆раѳꙋ́рскагѡ:
|
|
34
|
34
|
|
Єліфала́ѳъ сы́нъ маахіа́вль: Єліа́въ сы́нъ Ахітофе́ла гелоні́тскаго:
|
є҆лїфала́ѳъ сы́нъ маахїа́вль: є҆лїа́въ сы́нъ а҆хїтофе́ла гелѡні́тскагѡ:
|
|
35
|
35
|
|
Асараі́ карми́лскій: уре́мъ сы́нъ Асви́:
|
а҆сараі̀ карми́лскїй: оу҆ре́мъ сы́нъ а҆свѝ:
|
|
36
|
36
|
|
и га́ла сы́нъ наѳа́новъ: и Ваа́нъ сы́нъ агарі́нъ:
|
и҆ га́ла сы́нъ наѳа́новъ: и҆ ваа́нъ сы́нъ а҆гарі́нъ:
|
|
37
|
37
|
|
є́лли Аммані́тскій: гелоре́й вироѳі́йскій, нося́й ору́жіє Іоа́ва сы́на сару́ина:
|
є҆́лли а҆ммані́тскїй: гелѡре́й вирѡѳі́йскїй, носѧ́й ѻ҆рꙋ́жїе і҆ѡа́ва сы́на сарꙋ́ина:
|
|
38
|
38
|
|
Іра́съ єѳѳі́рскій: гаре́въ ієрѳе́йскій: и урі́а геѳе́йскій.
|
і҆ра́съ є҆ѳѳі́рскїй: гаре́въ і҆ерѳе́йскїй: и҆ оу҆рі́а геѳе́йскїй.
|
|
39
|
39
|
|
Всѣ́хъ три́десять и се́дмь.
|
Всѣ́хъ три́десѧть и҆ се́дмь.
|
