Возсія́й в сердця́х на́ших, Человіколю́бче Влади́ко, Твоєго́ Богоразу́мія нетлі́нний світ і ми́сленния на́ша отве́рзи о́чі во Єва́нгельських Твої́х пропові́даній разумі́ніє; вложи́ в нас і страх блаже́нних Твої́х за́повідей, да плотські́я по́хоті вся попра́вше, духо́вноє жи́тельство про́йдем, вся я́же ко благоугожде́нію Твоєму́ і му́дрствующе і ді́юще. Ти бо єси́ просвіще́ніє душ і тіле́с на́ших, Христе́ Бо́же, і Тебі́ сла́ву возсила́єм со Безнача́льним Твої́м Отце́м і Всесвяти́м, і Благи́м, і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.
Або:
Го́споди, просвіти́ о́чі мої́ серде́чния сві́том ра́зума Свята́го Єва́нгелія Твоєго́.
Або:
Го́споди Ісу́се Христе́, отве́рзи мі у́ші серде́чния усли́шати сло́во Твоє́, і разумі́ти і твори́ти во́лю Твою́, я́ко пришле́ць єсьм на землі́; не скрий от мене́ за́повідей Твої́х, но откри́й о́чі мої́, да разумі́ю чудеса́ от Зако́на Твоєго́; скажи́ мні безві́стная і та́йная прему́дрости Твоєя́. На Тя упова́ю, Бо́же мой, да мі просвіти́ши ум і смисл сві́том ра́зума Твоєго́ не то́кмо че́сти* напи́санная, но і твори́ти я, да не в гріх себі́ святи́х житія́ і словесе́ прочита́ю, но в обновле́ніє, і просвіще́ніє, і в святи́ню, і в спасе́ніє душі́, і в наслі́діє жи́зні ві́чния. Я́ко Ти єси́ просвіща́яй лежа́щих во тьмі і от Тебе́ єсть вся́коє дая́ніє бла́го і всяк дар соверше́н. Амі́нь.
