Літія, що звершується мирянином вдома і на кладовищі

Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере і всіх святи́х поми́луй нас. Амі́нь.

Сла́ва Тебі́, Бо́же наш, сла́ва Тебі́.

Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь; і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Прийді́те, поклоні́мся Царе́ві на́шему Бо́гу. [Поклін]

Прийді́те, поклоні́мся і припаде́м Христу́, Царе́ві на́шему Бо́гу. [Поклін]

Прийді́те, поклоні́мся і припаде́м Самому́ Христу́, Царе́ві і Бо́гу на́шему. [Поклін]

Живи́й в по́мощі Ви́шняго, в кро́ві Бо́га небе́снаго водвори́ться. Рече́ть Го́сподеві: засту́пник мой єси́ і прибі́жище моє́, Бог мой, і упова́ю на Него́. Я́ко Той ізба́вить тя от сі́ті ло́вчі і от словесе́ м'яте́жна. Плещма́ Свої́ма осіни́ть тя, і под крилі́ Єго́ наді́єшися. Ору́жієм оби́деть тя і́стина Єго́. Не убої́шися от стра́ха нощна́го, от стріли́ летя́щия во дні, от ве́щі во тьмі преходя́щия, от сря́ща і бі́са полу́деннаго. Паде́ть от страни́ твоєя́ ти́сяща і тьма одесну́ю тебе́, к тебі́ же не прибли́житься: оба́че очи́ма твої́ма смо́триши і воздая́ніє грі́шников у́зриши. Я́ко Ти, Го́споди, упова́ніє моє́, Ви́шняго положи́л єси́ прибі́жище твоє́. Не при́йдеть к тебі́ зло, і ра́на не прибли́житься тілесі́ твоєму́. Я́ко а́нгелом Свої́м запові́сть о тебі́ сохрани́ти тя во всіх путе́х твої́х. На рука́х во́зьмуть тя, да не когда́ преткне́ши о ка́мень но́гу твою́. На а́спида і васили́ска насту́пиши і попере́ши льва і змі́я. Я́ко на М'я упова́, і ізба́влю ї, покри́ю ї, я́ко позна́ і́м’я Моє́. Воззове́ть ко Мні, і усли́шу єго́; с ним єсьм в ско́рбі, ізму́ єго́ і просла́влю єго́. Долгото́ю дній іспо́лню єго́, і явлю́ єму́ спасе́ніє Моє́.

Слава, і нині: Аллилу́я, аллилу́я, аллилу́я, сла́ва Тебі́, Бо́же.[Тричі]

Со ду́хи пра́ведних сконча́вшихся, / ду́шу раба́ Твоєго́ [або: раби́ Твоєя́], Спа́се, упоко́й, / сохраня́я ю во блаже́нной жи́зні, / я́же у Тебе́, Человіколю́бче.

В поко́їщі Твоє́м Го́споди, / іді́же всі святі́ї Твої́ упокоєва́ються, / упоко́й і ду́шу раба́ Твоєго́ [або: раби́ Твоєя́], / я́ко єди́н єси́ Человіколю́бець.

Сла́ва: Ти єси́ Бог соше́дий во ад і у́зи окова́нних разріши́вий, / Сам і ду́шу раба́ Твоєго́ [або: раби́ Твоєя́] упоко́й.

І ни́ні: Єди́на Чи́стая і Непоро́чная Ді́во, Бо́га без сі́мені ро́ждшая, / моли́ спасти́ся душі́ єго́ [або: єя́].

Поко́й, Спа́се наш, с пра́ведними раби́ Твоя́, і сія́ всели́ во двори́ Твоя́, я́коже єсть пи́сано, презира́я, я́ко Благ, прегріше́нія їх во́льная і нево́льная, і вся, я́же в ві́дінії і не в ві́дінії, Человіколю́бче.

Со святи́ми упоко́й, Христе́ ду́шу раба́ Твоєго́ [або: раби́ Твоєя́], іді́же ність болі́знь, ні печа́ль, ні воздиха́ніє, но жизнь безконе́чная.

Ікос: Сам єди́н єси́ Безсме́ртний, сотвори́вий і созда́вий челові́ка, земні́ї у́бо от землі́ созда́хомся, і в зе́млю ту́южде по́йдем, я́коже повелі́л єси́ созда́вий м'я і реки́й мі: "Я́ко земля́ єси́ і в зе́млю оти́деши", а́може всі челові́ци по́йдем, надгро́бноє рида́ніє творя́ще піснь: Аллилу́я, аллилу́я, аллилу́я.

Честні́йшую Херуви́м, / і сла́внійшую без сравне́нія Серафи́м, / без істлі́нія Бо́га Сло́ва ро́ждшую, / су́щую Богоро́дицю Тя велича́єм.

Потім: Сла́ва, і ни́ні: Го́споди, поми́луй. [Тричі]. Благослови́.

Моли́твами святи́х оте́ць на́ших, Го́споди Ісу́се Христе́, Бо́же наш, поми́луй нас, амі́нь.

Ві́чная ва́ша па́м'ять, достоблаже́ннії отці́ і бра́тія на́ша, приснопомина́ємії. [Тричі]

Душа́ єго́ [або: єя́] во благи́х водвори́ться, і па́м'ять єго́ [або: єя́] в род і род.

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере і всіх святи́х поми́луй нас. Амі́нь.

Христо́с воскре́се із ме́ртвих, / сме́ртію смерть попра́в / і су́щим во гробі́х живо́т дарова́в. [Тричі]

Со ду́хи пра́ведних сконча́вшихся, / ду́шу раба́ Твоєго́ [або: раби́ Твоєя́] Спа́се упоко́й, / сохраня́я ю во блаже́нной жи́зні, / я́же у Тебе́, Человіколю́бче.

В поко́їщі Твоє́м Го́споди, / іді́же всі святі́ї Твої́ упокоєва́ються, / упоко́й і ду́шу раба́ Твоєго́ [або: раби́ Твоєя́], / я́ко єди́н єси́ Человіколю́бець.

Сла́ва: Ти єси́ Бог соше́дий во ад і у́зи окова́нних разріши́вий, / Сам і ду́шу раба́ Твоєго́ [або: раби́ Твоєя́] упоко́й.

І ни́ні: Єди́на Чи́стая і Непоро́чная Ді́во, Бо́га без сі́мені ро́ждшая, / моли́ спасти́ся душі́ єго́ [або: єя́].

Со святи́ми упоко́й, Христе́, ду́шу раба́ Твоєго́ [або: раби́ Твоєя́], іді́же ність болі́знь, ні печа́ль, ні воздиха́ніє, но жизнь безконе́чная.

А́ще і во гроб снизше́л єси́, Безсме́ртне, но а́дову разруши́л єси́ си́лу, і воскре́сл єси́ я́ко побіди́тель, Христе́ Бо́же, жена́м мироно́сицям віща́вий: Ра́дуйтеся! і Твої́м апо́столом мир да́руяй, па́дшим подая́й воскресе́ніє.

Упоко́й, Го́споди, ду́шу раба́ Твоєго́ [або: раби́ Твоєя́] [ім'я] і прости́ єму́ [або: єй] вся согріше́нія во́льная і нево́льная, і да́руй єму́ [або: єй] Ца́рствіє Небе́сноє.

Світи́ся, світи́ся, но́вий Ієрусали́ме, сла́ва бо Госпо́дня на тебі́ возсія́. Лику́й ни́ні і весели́ся, Сіо́не. Ти же, Чи́стая, красу́йся, Богоро́дице, о воста́нії Рождества́ Твоєго́.

Потім: Сла́ва, і ни́ні: Го́споди, поми́луй. [Тричі]. Благослови́.

Моли́твами святи́х оте́ць на́ших, Го́споди Ісу́се Христе́, Бо́же наш, поми́луй нас, амі́нь.

Христо́с воскре́се із ме́ртвих, / сме́ртію смерть попра́в / і су́щим во гробі́х живо́т дарова́в. [Тричі]

І нам дарова́ живо́т ві́чний, покланя́ємся Єго́ тридне́вному Воскресе́нію.

І промовляємо до спочилого: Христо́с Воскре́се.