Чин причастя тяжко хворого

Священник нехай візьме часточку від Святих Дарів, покладе її в потир та увіллє трішки вина, щоб хворому легко було це спожити.

Священник: Благослове́н Бог наш, всегда́, ни́ні, і при́сно, і во ві́ки віко́в.

Хор: Амі́нь.

Диякон: Сла́ва Тебі́, Бо́же наш, сла́ва Тебі́.

І співає хор:

Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

Чтець:

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь; і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Священник:

Я́ко Твоє́ єсть Ца́рство, і си́ла, і сла́ва, Отця́, і Си́на, і Свята́го Ду́ха, ни́ні, і при́сно, і во ві́ки віко́в.

Чтець: Амі́нь.

Потім, Го́споди, поми́луй [12 разів.]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Прийді́те, поклоні́мся Царе́ві на́шему Бо́гу. [Поклон]

Прийді́те, поклоні́мся і припаде́м Христу́, Царе́ві на́шему Бо́гу. [Поклон]

Прийді́те, поклоні́мся і припаде́м Само́му Христу́, Царе́ві і Бо́гу на́шему. [Поклон]

[1] Ві́рую во Єди́наго Бо́га Отця́, Вседержи́теля, Творця́ не́бу і землі́, ви́димим же всім і неви́димим.

[2] І во Єди́наго Го́спода Ісу́са Христа́, Си́на Бо́жия, Єдиноро́днаго, І́же от Отця́ рожде́ннаго пре́жде всіх вік: Сві́та от Сві́та, Бо́га і́стинна от Бо́га і́стинна, рожде́нна, не сотворе́нна, єдиносу́щна Отцю́, І́мже вся би́ша.

[3] Нас ра́ди челові́к і на́шего ра́ди спасе́нія сше́дшаго с Небе́с, і воплоти́вшагося от Ду́ха Свя́та і Марі́ї Ді́ви, і вочелові́чшася.

[4] Расп’я́таго же за ни при Понті́йстім Пила́ті, і страда́вша, і погребе́нна.

[5] І воскре́сшаго в тре́тій день по Писа́нієм.

[6] І возше́дшаго на Небеса́, і сідя́ща одесну́ю Отця́.

[7] І па́ки гряду́щаго со сла́вою суди́ти живи́м і ме́ртвим, Єго́же Ца́рствію не бу́деть конця́.

[8] І в Ду́ха Свята́го, Го́спода, Животворя́щаго, І́же от Отця́ ісходя́щаго, І́же со Отце́м і Си́ном спокланя́єма і ссла́вима, глаго́лавшаго проро́ки.

[9] Во Єди́ну Святу́ю, Собо́рную і Апо́стольськую Це́рков.

[10] Іспові́дую єди́но креще́ніє во оставле́ніє гріхо́в.

[11] Ча́ю воскресе́нія ме́ртвих,

[12] І жи́зні бу́дущаго ві́ка. Амі́нь.

Ве́чері Твоєя́ та́йния днесь, Си́не Бо́жий, прича́стника м'я прийми́; не бо враго́м Твої́м та́йну пові́м, ні лобза́нія Ті дам, я́ко Іу́да, но я́ко разбо́йник іспові́даю Тя: пом'яни́ м'я, Го́споди, во Ца́рствії Твоє́м.

Сла́ва: Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

І ни́ні, Богородичний: Бо́га із Тебе́ воплоти́вшагося разумі́хом, Богоро́дице Ді́во, Того́ моли́ спасти́ ду́ші на́ша.

Го́споди, поми́луй. [40 разів]

Влади́ко Го́споди Ісу́се Христе́, Спа́се наш, єди́не імі́яй власть отпуща́ти гріхи́, я́ко Благ і Человіколю́бець Бог, пре́зри вся, яже в ві́дінії і неві́дінії согріше́нія раба́ Твоєго́ [або: раби́ Твоєя́] [ім'я]; без осужде́нія сподо́би єго́ [або: ю] прия́ти Пречи́стих Та́їн Твої́х не в муче́ніє, ні в приложе́ніє гріхо́в, но во очище́ніє душі́ і ті́ла і во обруче́ніє Ца́рствія Твоєго́, я́ко По́мощ єси́, і Стіна́ тве́рда, і возбране́ніє проти́вному, і очище́ніє согріше́нієм єго́ [або: єя́]. Я́ко Ми́лостив і Человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

Го́споди, вім, я́ко нісьм досто́їн, да под кров мой вни́деши, в дом душі́ моєя́, зане́ вся пуста́ і па́дшаяся єсть, і не і́маши во мні мі́ста досто́йна, гді главу́ подклони́ти; но поне́же хо́щеши би́ти со мно́ю, на щедро́ти Твоя́ наді́явся прихожду́ к Тебі́. Повели́ две́рі отве́рсти недосто́йних мої́х уст, да Тебе́ єди́наго наси́щуся; вни́ди в м'я і очи́сти м'я от вся́кия скве́рни плотськи́я і душе́вния. Бу́ди мі помо́щник і засту́пник, і сподо́би м'я одесну́ю Тебе́ ста́ти, моли́твами і моле́нієм Пречи́стия Влади́чиці на́шея Богоро́диці і Присноді́ви Марі́ї і всіх святи́х, і́же от ві́ка Тебі́ угоди́вших, я́ко благослове́н єси́ во ві́ки. Амі́нь.

Госпо́дь Бог Преми́лостивий да уще́дрить тя. Госпо́дь Ісу́с Христо́с вся́кая проше́нія блага́я да пода́сть тебі́. Госпо́дь Всемоги́й да ізба́вить тя от вся́кия напа́сти. Госпо́дь да научи́ть тя. Госпо́дь да вразуми́ть тя. Госпо́дь да помо́жеть ті. Госпо́дь да спасе́ть тя. Госпо́дь да защити́ть тя. Госпо́дь да сохрани́ть тя. Госпо́дь да очи́стить тя. Госпо́дь ра́дости духо́вния да іспо́лнить тя. Госпо́дь душі́ і ті́лу твоєму́ да бу́деть засту́пник. Госпо́дь, я́ко Милосе́рд і Благи́й Человіколю́бець, проще́ніє гріхо́в да пода́сть тебі́. Госпо́дь Бог Ісу́с Христо́с да благослови́ть тя во вся дні живота́ твоєго́ і в день су́дний да поми́луєть тя. Я́ко Тому́ подоба́єть вся́кая сла́ва, честь і поклоне́ніє, со Безнача́льним Єго́ Отце́м, і с Пресвяти́м, і Благи́м, і Животворя́щим Єго́ Ду́хом, ни́ні, і при́сно, і во ві́ки віко́в. Амі́нь.

І якщо хворий раніше вже посповідався, одразу причащає його Святих Таїн. Якщо ж ні, то священник просить присутніх трішки відступити і запитує хворого про різноманітні гріхи, а після сповіді промовляє таку молитву:

Го́споди Бо́же наш, Петро́ві і блудни́ці слеза́ми гріхи́ оста́вивий, і митаря́ позна́вшаго своя́ прегріше́нія оправда́вий, прийми́ ісповіда́ніє раба́ Твоєго́, [ім'я], і є́же Ті согріши́, во́льния єго́ гріхи́ і нево́льния сло́вом, або ді́лом, або помишле́нієм, я́ко Благ пре́зри. Ти бо єди́н власть і́маши отпуща́ти гріхи́, я́ко Бог ми́лостем і щедро́там єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

Ни́ні отпуща́єши раба́ Твоєго́, Влади́ко, по глаго́лу Твоєму́ с ми́ром. Я́ко ви́діста о́чі мої́ спасе́ніє Твоє́, є́же єси́ угото́вал пред лице́м всіх люде́й, світ во открове́ніє язи́ков і сла́ву люде́й Твої́х — Ізра́їля.

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь; і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Тропар дня.

Сла́ва, і ни́ні, Богородичний: Моли́твами, Го́споди, всіх святи́х і Богоро́диці Твой мир даждь нам і поми́луй нас, я́ко єди́н Щедр.

Диякон: Прему́дрость.

Священник: Пресвята́я Богоро́дице, спаси́ нас.

Хор: Честні́йшую Херуви́м і сла́внійшую без сравне́нія Серафи́м, без істлі́нія Бо́га Сло́ва ро́ждшую, су́щую Богоро́дицю Тя велича́єм.

Священник: Сла́ва Тебі́, Христе́ Бо́же, упова́ніє на́ше, сла́ва Тебі́.

Хор: Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Го́споди, поми́луй. [Тричі]

Благослови́.

І священник виголошує відпуст того дня.