Молебний спів за воїнів

Диякон: Благослови́, влади́ко.

Священник: Благослове́н Бог наш, всегда́, ни́ні, і при́сно, і во ві́ки віко́в.

Хор: Амі́нь.

Диякон: Сла́ва Тебі́, Бо́же наш, сла́ва Тебі́.

І співає хор:

Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

Чтець:

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь; і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Священник:

Яко Твоє́ єсть Ца́рство, і си́ла, і сла́ва, Отця́, і Си́на, і Свята́го Ду́ха, ни́ні, і при́сно, і во ві́ки віко́в.

Чтець: Амі́нь.

Потім, Го́споди, поми́луй [12 разів.]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Прийді́те, поклоні́мся Царе́ві на́шему Бо́гу. [Поклон]

Прийді́те, поклоні́мся і припаде́м Христу́, Царе́ві на́шему Бо́гу. [Поклон]

Прийді́те, поклоні́мся і припаде́м Само́му Христу́, Царе́ві і Бо́гу на́шему. [Поклон]

Живи́й в по́мощі Ви́шняго, в кро́ві Бо́га небе́снаго водвори́ться. Рече́ть Го́сподеві: засту́пник мой єси́ і прибі́жище моє́, Бог мой, і упова́ю на Него́. Я́ко Той ізба́вить тя от сі́ті ло́вчі і от словесе́ м'яте́жна. Плещма́ Свої́ма осіни́ть тя, і под крилі́ Єго́ наді́єшися. Ору́жієм оби́деть тя і́стина Єго́. Не убої́шися от стра́ха нощна́го, от стріли́ летя́щия во дні, от ве́щі во тьмі преходя́щия, от сря́ща і бі́са полу́деннаго. Паде́ть от страни́ твоєя́ ти́сяща і тьма одесну́ю тебе́, к тебі́ же не прибли́житься: оба́че очи́ма твої́ма смо́триши і воздая́ніє грі́шников у́зриши. Я́ко Ти, Го́споди, упова́ніє моє́, Ви́шняго положи́л єси́ прибі́жище твоє́. Не при́йдеть к тебі́ зло, і ра́на не прибли́житься тілесі́ твоєму́. Я́ко А́нгелом Свої́м запові́сть о тебі́ сохрани́ти тя во всіх путе́х твої́х. На рука́х во́зьмуть тя, да не когда́ преткне́ши о ка́мень но́гу твою́. На а́спида і васили́ска насту́пиши, і попере́ши льва і змі́я. Я́ко на М'я упова́, і ізба́влю ї, покри́ю ї, я́ко позна́ і́м’я Моє́. Воззове́ть ко Мні, і усли́шу єго́; с ним єсьм в ско́рбі, ізму́ єго́ і просла́влю єго́. Долгото́ю дній іспо́лню єго́ і явлю́ єму́ спасе́ніє Моє́.

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Аллилу́я, аллилу́я, аллилу́я, сла́ва Тебі́, Бо́же. [Тричі.]

Ми́ром Го́споду помо́лимся.

Хор: Го́споди, поми́луй. [на кожне прохання]

О сви́шнім ми́рі, і спасе́нії душ на́ших Го́споду помо́лимся.

О ми́рі всего́ ми́ра, благостоя́нії святи́х Бо́жиїх Церкве́й і соєдине́нії всіх Го́споду помо́лимся.

[якщо в храмі: О святі́м хра́мі сем, і с ві́рою, благогові́нієм і стра́хом Божиїм входя́щих вонь Го́споду помо́лимся.]

О господи́­ні і отці́ на́шем Блаже́ннійшем Митрополи́ті [ім'я], і о господи́ні на́шем високопреосвяще́ннійшем митрополи́ті [або: архієпи́скопі, або: преосвяще́ннійшем єпи́скопі] [ім'я], честні́м пресви́терстві, во Христі́ дия́констві, о всем при́чті і лю́дех Го́споду помо́лимся.

О богохрани́мій страні́ на́шей Украї́ні, власті́х і во́їнстві єя́ Го́споду помо́лимся.

О є́же пособи́ти і покори́ти под но́зі на́ша вся́каго врага́ і супоста́та, Го́споду помо́лимся.

О гра́ді сем, [якщо за містом: О мі́сті^* сем], вся́ком гра́ді, страні́ і ві́рою живу́щих в них Го́споду помо́лимся.

О благорастворе́нії возду́хов, о ізоби́лії плодо́в земни́х і вре́меніх ми́рних Го́споду помо́лимся.

О пла́вающих, путеше́ствующих, неду́гующих, стра́ждущих, пліне́нних і о спасе́нії їх Го́споду помо́лимся.

О є́же благословити рабо́в Бо́жиїх, во́їнов, [імена], пра́вдою к соверше́нію за́повідей Бо́жиїх наста́вити, і ру́ці їх к защи́ті Оте́чествія на́шего укріпи́ти, Го́споду помо́лимся.

О є́же тве́рдостію ду́ха і крі́постію сил в по́двизі служе́нія во́їнськаго їх іспо́лнити, упова́нієм і ві́рою в злострада́ніїх уті́шити, Го́споду помо́лимся.

О є́же благода́тію Божиєю на по́лі бра́ні сохране́нним їм би́ти і неврежде́нним в до́ми своя́ возврати́тися, Го́споду помо́лимся.

О є́же сро́дникам їх, жена́м і ча́дом, отце́м і ма́терем, синово́м і дще́рем, ни́ні смире́нния моли́тви своя́ Го́сподеві принося́щим, благо́ю наде́ждою уті́шенним би́ти, Го́споду помо́лимся.]

О ізба́витися нам от вся́кия ско́рби, гні́ва і ну́жди, Го́споду помо́лимся.

Заступи́, спаси́, поми́луй і сохрани́ нас, Бо́же, Твоє́ю благода́тію.

Пресвяту́ю, Пречи́стую, Преблагослове́нную, Сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́, і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Возглашеніє: Я́ко подоба́єть Тебі́ вся́кая сла́ва, честь і поклоне́ніє, Отцю́, і Си́ну, і Свято́му Ду́ху, ни́ні і при́сно, і во ві́ки віко́в.

Хор: Амі́нь.

Диякон або священник: Бог Госпо́дь і яви́ся нам, благослове́н Гряди́й во і́м'я Госпо́днє.

Хор співає Бог Госпо́дь: на кожен стих.

Стих: Іспові́дайтеся Го́сподеві, я́ко благ, я́ко во вік ми́лость Єго́.

Стих: Обише́дше обидо́ша м'я, і і́менем Госпо́днім противля́хся їм.

Стих: Не умру́, но жив бу́ду, і пові́м діла́ Госпо́дня.

Стих: Ка́мень Єго́же небрего́ша зи́ждущії, сей бисть во главу́ у́гла: от Го́спода бисть сей, і єсть ди́вен во очесі́х на́ших.

Спаси́, Го́споди, лю́ди Твоя́, і благослови́ достоя́ніє Твоє́, побі́ди правосла́вним христия́ном на сопроти́вния да́руя і Твоє́ сохраня́я Кресто́м Твої́м жи́тельство.

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Предста́тельство христия́н непости́дноє, хода́тайство ко Творцю́ непрело́жноє, не пре́зри грі́шних моле́ній гла́си, но предвари́, я́ко Блага́я, на по́мощ нас, ві́рно зову́щих Ті: ускори́ на моли́тву і потщи́ся на умоле́ніє, предста́тельствующи при́сно, Богоро́дице, чту́щих Тя.

Диякон: Во́ньмем.

Священник: Мир всім.

Чтець: І ду́хові твоєму́.

Диякон: Прему́дрость.

Чтець: Проки́мен, глас 7: Госпо́дь крі́пость лю́дем свої́м дасть, Госпо́дь благослови́ть лю́ди своя́ ми́ром.

Стих: Принесі́те Го́сподеві, си́нове Бо́жії, принесі́те Го́сподеві сини́ о́вни.

Диякон: Прему́дрость.

Чтець: Ко єфесе́єм посла́нія свята́го апо́стола Па́вла чте́ніє.

Диякон: Во́ньмем.

[зачало 233, Єф. 6:10-17]:

Бра́тіє, возмога́йте о Го́споді, і в держа́ві крі́пости Єго́: облеці́теся во вся ору́жія Бо́жія, я́ко возмощи́ вам ста́ти проти́ву ко́знем дия́вольским. Я́ко ність на́ша брань ко кро́ві і пло́ті: но к нача́лом, і ко власте́м, і к миродержи́телем тьми ві́ка сего́, к духово́м зло́би поднебе́сним. Сего́ ра́ди приймі́те вся ору́жія Бо́жія, да возмо́жете проти́витися в день лют, і вся соді́явше ста́ти. Ста́ните у́бо препоя́сани чресла́ ва́ша і́стиною, і обо́лкшеся в броня́ пра́вди, і обу́вше но́зі во угото́ваніє благовіствова́нія ми́ра: над всі́ми же воспри́ймше щит ві́ри: в не́мже возмо́жете вся стрі́ли лука́ваго разжже́нния угаси́ти. І шлем спасе́нія восприймі́те, і меч духо́вний, і́же єсть глаго́л Бо́жий.

Аллилу́я, глас 7: По́мощ моя́ от Го́спода, сотво́ршаго не́бо і зе́млю.

Стих: Госпо́дь сохрани́ть тя от вся́каго зла, сохрани́ть ду́шу твою́ Госпо́дь.

Диякон: Прему́дрость, про́сти, усли́шим свята́го Єва́нгелія.

Священник: Мир всім.

Хор: І ду́хові твоєму́.

Священник: от Матфе́я свята́го Єва́нгелія чте́ніє.

Хор: Сла́ва Тебі́, Го́споди, сла́ва Тебі́.

Диякон: Во́ньмем.

[Євангеліє від Матфея, зачало 37, 10:26-31].

Рече́ Госпо́дь свої́м ученико́м: нічто́же бо єсть покрове́нно, є́же не откри́ється, і та́йно, є́же не уві́діно бу́деть. Є́же глаго́лю вам во тьмі, рці́те во сві́ті; і є́же во у́ши сли́шите, пропові́дите на кро́віх. І не убо́йтеся от убива́ющих ті́ло, ду́ші же не могу́щих уби́ти: убо́йтеся же па́че могу́щаго і ду́шу і ті́ло погуби́ти в геє́нні. Не дві ли пти́ці ціни́тіся єди́ному асса́рію; і ні єди́на от них паде́ть на землі́ без Отця́ ва́шего. Вам же і вла́си главні́ї всі ізочте́ни суть. Не убо́йтеся у́бо: мно́зіх птиць лу́чши єсте́ ви.

Хор: Сла́ва Тебі́, Го́споди, сла́ва Тебі́.

Поми́луй нас, Бо́же, по вели́цій ми́лості Твоє́й, мо́лим Ті ся, усли́ши і поми́луй.

Хор: Го́споди, поми́луй. [Тричі на кожне прохання.]

Єще́ мо́лимся о господи́ні і отці́ на́шем, Блаже́ннійшем Митрополи́ті [ім'я], і о господи́ні на́шем високопреосвяще́ннійшем митрополи́ті [або: архієпи́скопі, або: преосвяще́ннійшем єпи́скопі] [ім'я], і о всей во Христі́ бра́тії на́шей.

Єще́ мо́лимся о богохрани́мій страні́ на́шей Украї́ні, власті́х і во́їнстві єя́, да ти́хоє і безмо́лвноє житіє́ поживе́м во вся́ком благоче́стії і чистоті́.

Єще́ мо́лимся Тебі́, Го́споду Бо́гу на́шему, о рабі́х Бо́жиїх, во́їнах, [імена], є́же укрі́пи́ти їх в по́двизі служе́нія во́їнськаго, да возмо́гуть в пра́вді сердця́ своя́ соблюсти́ і ві́рою го́рдості враго́в противоста́ти, рцем всі, ско́ро усли́ши і ми́лостивно поми́луй.

Єще́ мо́лимся Тебі́, Го́споду Бо́гу на́шему, о є́же во́їнов, во мно́зіх лише́ніїх і злострада́ніїх благода́тію і любо́вію Твоє́ю уті́шити, і неврежде́нних на по́лі бра́ні неізрече́нним про́мислом Твої́м соблюсти́, рцем всі, ско́ро усли́ши і ми́лостивно поми́луй.

Єще́ мо́лимся Го́споду Бо́гу на́шему, о сро́дниках їх, жена́х і ча́дах, отці́х і ма́терех, со слеза́ми мно́гими ни́ні смире́нния моли́тви своя́ принося́щих, о є́же наде́ждою благо́ю і тве́рдою уті́шєнним їм би́ти, рцем всі, ско́ро усли́ши і ми́лостивно поми́луй.]

Возгла́с: Усли́ши ни, Бо́же Спаси́телю наш, упова́ніє всіх конце́в землі́ і су́щих в мо́рі дале́че, і ми́лостив, ми́лостив бу́ди, Влади́ко, о грісі́х на́ших, і поми́луй ни. Ми́лостив бо і Человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Го́споди Бо́же Вседержи́телю, при́сно о лю́діх Твої́х любо́вію промишля́яй і ко спасе́нію всіх направля́яй, у Него́же власи́ вся на глава́х челові́чеських ізочте́ни суть. Смире́нно мо́лим Тя: рабо́в Твої́х, во́їнов [імена], в тя́готах слу́жби ра́тния укріпи́, упова́нієм і ві́рою уті́ши, благода́тію Твоє́ю на по́лі бра́ні, покрива́юще їх і сохраня́юще. Да по́двиг любве́ в служе́нії бли́жнім і Оте́чествію своєму́ соверши́вше, здра́ви і неврежде́нни в до́ми своя́ возвратя́ться, хва́ляще Тя, Єди́наго Бо́га, Творця́ і Промисли́теля на́шего, Отця́, і Си́на, і Свята́го Ду́ха. Амі́нь.

Диякон: Прему́дрость.

Священник: Пресвята́я Богоро́дице, спаси́ нас.

Хор: Честні́йшую Херуви́м і сла́внійшую без сравне́нія Серафи́м, без істлі́нія Бо́га Сло́ва ро́ждшую, су́щую Богоро́дицю Тя велича́єм.

Священник: Сла́ва Тебі́, Христе́ Бо́же, упова́ніє на́ше, сла́ва Тебі́.

Хор: Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Го́споди, поми́луй. [Тричі]

Благослови́.

Відтпуст:

Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере, преподо́бних і богоно́сних оте́ць на́ших і всіх святи́х, поми́луй нас. Амі́нь.

І многолітіє.