Акафіст Пресвятій Богородиці перед Її чудотворною іконою «Ізбавительниця»

Возбрани́ враго́м на́шим озлобля́ти нас і от Го́спода на́шего отлучи́ти коне́чні і научи́ нас пі́ти Тебі́ ве́село:

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

А́нгелов мно́жество по Твоєму́, Ма́ти на́ша, повелі́нію ополча́ються на ізбавле́ніє на́ше гро́зно. Ти же прийми́ моли́тву сію́:

Ра́дуйся, а́нгелов на спасе́ніє на́ше посила́ющая; ра́дуйся, Цари́це го́рних чино́в, небе́сную їх по́мощ нам да́рующая.

Ра́дуйся, а́нгелом храни́ти нас повеліва́ющая; ра́дуйся, во́їнством а́нгельським враго́в на́ших поража́ющая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Ви́дять бі́дствующії толи́кую і мно́гую по́мощ Твою́ серде́чно Тя призива́ющим і наставля́ються тім пі́ти Си́ну Твоєму́ непреста́нно: Аллилу́я.

Разумі́ють мно́зі, я́ко ми́рові дарова́ Тя Син Твой Ізба́вительницю бі́дствующим, ті́мже поє́м Ті си́це:

Ра́дуйся, бі́дствующих Ма́ти; ра́дуйся, стра́ждущих утіше́ніє.

Ра́дуйся, боля́щих ісціле́ніє; ра́дуйся, ненаде́жних наде́ждо.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Си́ла Ви́шняго дарова́ся Ті на по́мощ і спасе́ніє ми́ру і нас, в біда́х погиба́ющих. І кто же Тобо́ю не ізба́влен бисть? І кто же не поє́ть Си́ну Твоєму́: Аллилу́я.

Іму́щи непостижи́мую любо́в к ро́ду челові́чу, ка́я воздиха́нія не прия́ла єси́, кíя сле́зи не оте́рла єси́, і кого́ не прину́дила єси́ призива́ти Тя, вопію́ще:

Ра́дуйся, бі́дствующих ско́роє усли́шаніє; ра́дуйся, печа́льних і ско́рбних утіше́ніє.

Ра́дуйся, погиба́ющих би́строє спасе́ніє; ра́дуйся, пліне́нних свобожде́ніє.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Бу́ря несча́стій налеті́ на ни, спаси́ у́бо нас, погиба́ющих, Ізба́вительнице на́ша, бу́рю поги́бельную на землі́ укроти́вшая і приє́млющая на́шу піснь: Аллилу́я.

Сли́шаша челові́честії ро́ди всю Твою́ к христия́ном ди́вную любо́в і Твоє́ мо́щноє ізбавле́ніє от вся́ких находя́щих на них лю́тих, научи́шася пі́ти Тебі́:

Ра́дуйся, челові́чеськаго ро́да от бід ізбавле́ніє; ра́дуйся, бур жите́йських прекраще́ніє.

Ра́дуйся, уни́нія Прогони́тельнице; ра́дуйся, ра́дости по ско́рбі нам Пода́тельнице.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Боготе́чній звізді́ подо́б'ящася, мрак і темноту́ в грі́шних сердця́х разгоня́єши, да во сві́ті Твоєя́ любве́ у́зрять Го́спода і воспою́ть Єму́: Аллилу́я.

Ви́діша лю́діє украї́нстії Твоє́ неча́янноє от многоразли́чних бід ізбавле́ніє, ра́достно пою́ть Тебі́ си́це:

Ра́дуйся, в біда́х на́ша Помо́щнице; ра́дуйся, скорбе́й на́ших от'я́тіє.

Ра́дуйся, печа́лей на́ших Отгна́ніє; ра́дуйся, в ско́рбіх на́ших утіше́ніє.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Пропові́дують по́мощ і любо́в Твою́, Ма́ти, ісціле́ннії, уті́шеннії, обра́дованнії і спасе́ннії Тобо́ю от бід, і пою́ть Твоєму́ високодержа́вному Си́ну: Аллилу́я.

Возсія́ нам світ спасе́нія во мглі поги́белі, окружи́вшей нас, і наста́ви пі́ти Тебі́:

Ра́дуйся, мглу гріхо́в разгоня́ющая; ра́дуйся, тьму гріхо́вную потребля́ющая.

Ра́дуйся, мрак душі́ моєя́ просвіща́ющая; ра́дуйся, сві́том ра́дости ду́ші ободря́ющая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Хотя́щим нам коне́чному отча́янію преда́тися, отвсю́ду біда́м належа́щим, поми́слихом же о Тебі́, Ізба́вительнице, і ободри́хомся, і уті́шихомся, пою́ще Си́ну Твоєму́: Аллилу́я.

Но́вую і нежда́нную показа́ нам ми́лость Свою́, под держа́вную руку́ Твою́ нас восприя́вши, і отвсю́ду вопіє́м Ті, Богоро́дице:

Ра́дуйся, Цари́це Держа́вная; ра́дуйся, і нас под Твою́ держа́ву восприя́вшая.

Ра́дуйся, защи́ту Твою́ нам дарова́вшая; ра́дуйся, враго́в на́ших порази́вшая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Стра́нноє чу́до: на поги́бель обрече́нних і в ну́ждах том'я́щихся безчи́сленних, внеза́пу спасе́ніє і ізбавле́ніє получа́ють от Тебе́, вселю́б'ящей, пою́ще Бо́гу: Аллилу́я.

Всі су́щії во мра́ці скорбе́й, всі обурева́ємії несча́стій бу́рею, прийді́те к до́брому приста́нищу і на́шему поможе́нію, покро́ву Ді́ви Ізба́вительниці, вопію́ще Єй:

Ра́дуйся, ра́достей істо́чниче; ра́дуйся, печа́лей прогна́ніє.

Ра́дуйся, бід ізбавле́ніє; ра́дуйся, вся́чеськаго поко́я Пода́тельнице.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Все существо́ челові́чеськоє хва́лить Тя, всі воспіва́ють Тя, многоразли́чноє ізбавле́ніє несу́щую, вмі́сто печа́лей ра́дость подаю́щую пою́щим Си́ну Твоєму́ і Бо́гу: Аллилу́я.

Вітíї^* многоу́мнії обезу́міша, ви́дяще Твоє́ ско́роє і чуде́сноє от бід стра́ждущих ізбавле́ніє, і умолко́ша нам, пою́щим Ті:

Ра́дуйся, чудеси́ мир удиви́вшая; ра́дуйся, чудеси́ нас укріпи́вшая.

Ра́дуйся, безбо́жіє чудеса́ми істреби́вшая; ра́дуйся, враго́в си́лою Божиєю посрами́вшая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Спасти́ хотя́ вся́ку ду́шу челові́чу, все́ю любо́вію пече́шися о ней, до́ндеже научи́ши ю пі́ти Си́ну Твоєму́: Аллилу́я.

Стіно́ю, мир христия́нський храня́щей і вся́ку ду́шу от враго́в огражда́ющей, яви́ся іко́на Твоя́, Ізба́вительнице, в ми́рі правосла́внім і чудеси́ просла́вися. Тебі́ лю́дем Бо́жиїм воспіва́ющим:

Ра́дуйся, Наста́внице на́ша, святу́ю го́ру Афо́нськую в жре́бій Себе́ ізбра́вшая; ра́дуйся, Ізба́вительнице на́ша, Твої́м благослове́нієм но́вий Афо́н благослови́вшая.

Ра́дуйся, весе́ліє на́ше, зна́меніє сою́за неразри́внаго уді́лов Твої́х земни́х іко́ною Твоє́ю яви́вшая; ра́дуйся, ві́чная ра́досте на́ша, чуде́сним попече́нієм к ю́ной Новоафо́нськой оби́телі благоволи́вшая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Пі́ніє непреста́нноє прино́сять Ті, Влади́чице, Тобо́ю ізба́вленнії і Тобо́ю па́ки ра́дость обрі́тшії, і Бо́же́ственному Си́ну Твоєму́ пою́ть ра́достно: Аллилу́я.

Світосія́ющим світи́лом лучеза́рним во мра́ці гріха́ яви́ся нам іко́на Твоя́, Ізба́вительнице, наставля́ющая нас пі́ти Тебі́:

Ра́дуйся, от гла́да нас ізбавля́ющая; ра́дуйся, вредонося́щеє єстество́ от расті́ній отгоня́ющая.

Ра́дуйся, посі́ви і ліса́, і вся расту́щая от поги́белі спаса́ющая; ра́дуйся, земледі́льцев скорб’я́щих утіше́ніє і труда́ їх благослове́ніє.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Благода́ть, от іко́ни Твоєя́, Ізба́вительнице, теку́щая, ісціле́ній струї́ оби́льно подаю́щая і сердця́ весе́лієм оживля́ющая, побіжда́єть всіх во́лею пі́ти Тебі́, Ма́ти, і Си́ну Твоєму́ і Бо́гу: Аллилу́я.

Воспіва́єм ісціле́нія, от святи́я іко́ни Твоєя́ бива́ємая, воспіва́єм найпа́че воскреше́ніє Анаста́сія о́трока і воспіва́юще поє́м:

Ра́дуйся, ме́ртвих воскреша́ющая; ра́дуйся, уме́ршая сердця́ оживля́ющая.

Ра́дуйся, от сме́рти і ві́чнаго огня́ ізима́ющая; ра́дуйся, посме́ртноє на́ше упова́ніє і защи́то.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

О Всепі́тая і Вселюби́мая на́ша Ма́ти! Умилосе́рдися ни́ні і поми́луй, в лю́тих і безисходних су́щих нас ско́рбіх ізбавля́ющи, научи́ нас серде́чно воспіва́ти Бо́гу, проща́ющему нас: Аллилу́я.

Цей кондак промовляй тричі, потім 1-й ікос і 1-й кондак.

А́нгелов мно́жество по Твоєму́, Ма́ти на́ша, повелі́нію ополча́ються на ізбавле́ніє на́ше гро́зно. Ти же прийми́ моли́тву сію́:

Ра́дуйся, а́нгелов на спасе́ніє на́ше посила́ющая; ра́дуйся, Цари́це го́рних чино́в, небе́сную їх по́мощ нам да́рующая.

Ра́дуйся, а́нгелом храни́ти нас повеліва́ющая; ра́дуйся, во́їнством а́нгельським враго́в на́ших поража́ющая.

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

Возбрани́ враго́м на́шим озлобля́ти нас і от Го́спода на́шего отлучи́ти коне́чні і научи́ нас пі́ти Тебі́ ве́село:

Ра́дуйся, Ізба́вительнице, от го́ря, бід і ги́белі спаса́ющая нас, бі́дствующих.

О, Ма́ти Бо́жия, по́моще і защи́та на́ша, при́сно бу́ди нам Ізба́вительниця, на Тя бо упова́єм і всегда́ вседу́шно Тя призива́єм: умилосе́рдися і помози́, умили́ся і ізба́ви, приклони́ у́хо Твоє́ і на́ша ско́рбния і сле́зния моли́тви прийми́, і я́коже хо́щеши, успоко́й і обра́дуй нас, лю́б’ящих Твоєго́ Безнача́льнаго Си́на і Бо́га на́шего. Амі́нь.