Молитви перед битвою

Бо́же хва́льний і пра́ведний! Бо́же вели́кий і крі́пкий! Бо́же Преві́чний, сотвори́вий не́бо і зе́млю і поста́вивий преді́ли язи́ков, і жи́ти ї́м повелі́вий, не преступа́я в чужі́я ча́сті, і да́вий рабо́м Свої́м упова́ніє, Преві́чное Твоє́ Сло́во, во є́же не боя́тися ма́лому ста́ду от убива́ющих ті́ло; милосе́рдія же ра́ди неізрече́нния ми́лости Твоєя́, посла́л єси́ Єдиноро́днаго Си́на Твоєго́ на спасе́ніє і ізбавле́ніє ро́да челові́ча. І ни́ні, Влади́ко преще́дрий, сли́ши словеса́ варва́ра сего́, прего́рдо хва́лящагося разори́ти Святу́ю Твою́ Це́рков, і потреби́ти ві́ру Правосла́вную, і пролія́ти кро́в христия́нськую, при́зри с Небесе́ і ви́ждь і посіти́ виногра́д Сво́й, суди́ оби́дящим м'я і возбрани́ борю́щимся со мно́ю; прийми́ ору́жіє і щи́т і ста́ни в по́мощ мні́, да не реку́ть вразі́ на́ші: где́ є́сть Бо́г ї́х? Ти бо єси́ Бо́г на́ш і на Тя́ упова́єм, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

О вели́коє і́м'я Пресвяти́я і Живонача́льния Тро́йці! Пречи́стая Госпоже́ Богоро́дице, помога́й нам на проти́вния враги́, моли́твами Твої́х уго́дников, святи́х во́їнов, спаси́ ду́ші на́ша!

Да воскре́снеть Бо́г і расточа́ться вразі́ Єго́, і да біжа́ть от лиця́ Єго́ ненави́дящії Єго́. Я́ко ісчеза́єть дим, да ісче́знуть, я́ко та́єть воск от лиця́ огня́, та́ко да поги́бнуть грі́шници от лиця́ Бо́жия, а пра́ведници да возвеселя́ться. Госпо́дь Бог благослове́н, поспіши́ть на́м Бог спасе́ній на́ших. Ди́вен Бог во святи́х Свої́х, Бо́г Ізра́їлев, Той да́сть си́лу і держа́ву лю́дем Свої́м. Амі́нь.

Го́споди Бо́же Всеси́льний, всіх упова́ющих на ми́лость Твою́ не оставля́яй, но защища́яй їх, бу́ди мі ми́лостив і соблюди́ м'я от пре́лести вра́жия Твої́м защище́нієм, да не паду́ пред сопроти́вники мої́ми, і да не пора́дується враг мой о мні; предста́ни мі, Спаси́телю мой, в по́двизі сем, в него́ же вни́ти жела́ю за і́м'я Твоє́ святоє. Ти м'я укріпи́ і утверди́, і пода́ждь си́лу ста́ти му́жественно за Тя до кро́ви і положи́ти ду́шу мою любве́ Твоєя́ ра́ди, я́коже і Ти, возлюби́в нас, положи́л єси́ на Кресті́ ду́шу Свою́ за нас. Амі́нь.

Го́споди, при́зри на не́мощ мою і виждь смире́ніє моє, і злу́ю мою печа́ль, і скорб мою, одержа́щую м'я ни́ні! Да, упова́я, терплю́ о всіх сих. Благодарю́ Тя, Го́споди, я́ко смири́л єси́ ду́шу мою́, і в Ца́рствії Твоє́м прича́стника м'я сотвори́! І се ни́ні, Го́споди, а́ще і кров мою пролію́ть, причти́ м'я в ли́ки святи́х му́ченик Твої́х. Амі́нь.

Пресвята́я Богоро́дице, помози́ нам.

Святи́й А́нгеле Храни́телю, не отступи́ от мене́.

Святи́й великому́чениче і побідоно́сче Гео́ргіє, огради́ нас.

Всі святі́ї, молі́те Бо́га о нас.