Молитви за полонених та зниклих безвісти

Мана́ссію от уз і го́ркаго заточе́нія, моли́тв ра́ди свободи́вий, Всеще́дрий Бо́же, і раби́ Твоя́ [або: раба́ Твоєго́] на́ми ни́ні моля́щияся [або: моля́щагося], от уз і заточе́нія свободи́, і от вся́каго зла́го обстоя́нія ізба́ви, я́ко Єди́н Человіколю́бець.

Я́ко милосе́рдія Істо́чник і бла́гости Пучи́на, Христе́ Бо́же, не пре́зри в ско́рбіх і біда́х Тебе́ ві́рою призива́ющих, но я́ко Щедр поми́луй, і от уз ско́ро свободи́, да поє́м Ті: аллилу́я.

Го́споди Ісу́се Христе́, Бо́же наш, Свята́го апо́стола Твоєго́ Петра́ от уз і темни́ці без вся́каго вре́да свободи́вий, прийми́, смире́нно мо́лим Ті ся, же́ртву сію́ ми́лостивно во оста́вленіє гріхо́в рабо́в Твої́х [або: раба́ Твоєго́] [ім'я] в темни́цю всажде́нних, [або: всажде́ннаго] і моли́твами того́, я́ко Человіколю́бець, всеси́льною Твоє́ю десни́цею от вся́каго зла́го обстоя́нія ізба́ви і на свобо́ду ізведи́.

Я́ко плі́нних свободи́тель і ни́щих защи́титель, немощству́ющих вpач, правосла́вних побо́рниче, побідоно́сче великому́чениче Гео́pгіє, моли́ Хpиста́ Бо́га спасти́ся душа́м на́шим.

Влади́ко, Го́споди Бо́же наш, всім челові́ком хотя́й спасти́ся і в позна́ніє і́стини прийти́! Не отврати́ лиця́ Твоєго́ от припа́дающих к Тебі́ в ско́рбі і печа́лі, но ми́лостивно усли́ши вопль рабо́в Твої́х, пла́чущих о бли́жніх [або: о ча́дах, або: о сро́дниціх] свої́х, без ві́сти су́щих, і благода́тію ороси́ сердця́ моля́щихся, утіше́ніє і ободре́ніє їм да́рующе.

Да бу́деть во́ля Твоя́, Бо́же, блага́я і всесоверше́нная.

А́ще жи́ви без ві́сти су́щії раби́ Твої́, я́ко си́на, і́же ізги́бл бі і обрі́теся, я́ко заблу́ждшеє овча́, обріти́ їх, і к бли́жнім возврати́, ра́дость ча́ємую срі́тенія да́рующе.

А́ще же сії́ тече́ніє земно́є соверши́ша, в селе́ніїх пра́ведних ві́чния ду́ші їх учини́, нас же научи́ смире́нно прийма́ти сіє́ промишле́ніє о них, скорб'я́щия уті́ши і ра́дость с Небесе́ їм низпосли́.

Твоє́ бо єсть є́же ми́ловати і спаса́ти ни, Бо́же наш, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.