Молитви за воїнів до Господа
Молитва за українських воїнів, 1
Го́споди Бо́же Вседержи́телю, при́сно о лю́дех Твої́х любо́вію промишля́яй і ко спасе́нію всіх направля́яй, у Него́же власи́ вся на глава́х челові́чеських ізочте́ні суть. Смире́нно мо́лим Тя: рабо́в Твої́х, во́їнов [імена], в тя́готах слу́жби ра́тния укріпи́, упова́нієм і ві́рою уті́ши, благода́тію Твоє́ю на по́лі бра́ні, покрива́юще їх і сохраня́юще. Да по́двиг любве́ в служе́нії бли́жнім і Оте́чествію своєму́ соверши́вше, здра́ві і неврежде́нні в до́ми своя́ возвратя́ться, хва́ляще Тя, Єди́наго Бо́га, Творця́ і Промисли́теля на́шего, Отця́, і Си́на, і Свята́го Ду́ха. Амі́нь.
Молитва за українських воїнів, 2
Го́споди Бо́же наш, послу́шавий Моїсе́я, просте́рша к Тебі́ ру́ці, і лю́ди Ізра́їлеви укріпи́вий на Амали́ка, ополчи́вий Ісу́са Нави́на на брань і повелі́вий со́лнцю ста́ти: Ти і ни́ні, Влади́ко Го́споди, усли́ши нас, моля́щихся Тебі́. Укріпи́ си́лою Твоє́ю страну́ на́шу Украї́ну і во́їнство єя́, бра́ні умири́ і мир утверди́. Посли́, Го́споди, неви́димо десни́цю Твою́, раби́ Твоя́ заступа́ющую во всіх; а ї́мже суди́л єси́ положи́ти на бра́ні ду́ші своя́ за ві́ру і Оте́чество, прости́ согріше́нія їх і в день пра́веднаго воздая́нія Твоєго́ возда́й вінці́ нетлі́нія; я́ко Твоя́ держа́ва, Ца́рство і си́ла, от Тебе́ по́мощ всі приє́млем, на Тя упова́єм, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.
