Із Тріоді Квітної

Початок утрені, Літургії та вечірні:

Христо́с воскре́се із ме́ртвих, сме́ртію смерть попра́в, і су́щим во гробі́х живо́т дарова́в. [Тричі]

1-й стих: Да воскре́снеть Бог, і расточа́ться вразі́ Єго́, і да біжа́ть от лиця́ Єго́ ненави́дящії Єго́.

Христо́с воскре́се: один раз.

2-й стих: Я́ко ісчеза́єть дим, да ісче́знуть, я́ко та́єть воск от лиця́ огня́.

Христо́с воскре́се: один раз.

3-й стих: Та́ко да поги́бнуть грі́шници от лиця́ Бо́жия, а пра́ведници да возвеселя́ться.

Христо́с воскре́се: один раз.

4-й стих: Сей день єго́же сотвори́ Госпо́дь, возра́дуємся і возвеселі́мся вонь.

Христо́с воскре́се: один раз.

Сла́ва: Христо́с воскре́се: один раз.

І ни́ні: Христо́с воскре́се: один раз.

Приспів на 9-й пісні: Вели́чить душа́ моя́ воскре́сшаго тридне́вно от гро́ба, Христа́ Жизнода́вця.

На Літургії вхідне: В це́рквах благослові́те Бо́га, Го́спода от істо́чник Ізра́їлевих.

Відпуст: Христо́с воскреси́й із ме́ртвих, сме́ртію смерть попра́вий, і су́щим во гробі́х живо́т дарова́вий, і́стинний Бог наш:

Після звершення Божественної Літургії та заамвонної молитви священник читає молитву над артосом:

Бо́же всеси́льний і Го́споди Вседержи́телю, і́же рабо́м Твої́м Моїсе́ом во ісхо́ді Ізра́їлеві от Єги́пта, і в освобожде́нії люде́й Твої́х от го́ркия рабо́ти фарао́нови, а́гнця закла́ти повелі́л єси́, прообразу́я на Кресті́ закла́ннаго во́лею нас ді́ля А́гнця, взе́млющаго всего́ ми́ра гріхи́, возлю́бленнаго Си́на Твоєго́, Го́спода на́шего Ісу́са Христа́: Ти і ни́ні, смире́нно мо́лим Тя, при́зри на хліб сей, і благослови́ і освяти́ єго́. І́бо і ми раби́ Твої́ в честь і сла́ву, і в воспомина́ніє сла́внаго воскресе́нія того́жде Си́на Твоєго́ Го́спода на́шего Ісу́са Христа́, І́мже от ві́чния рабо́ти вра́жия, і от а́дових неріши́мих уз разріше́ніє, свобо́ду і преведе́ніє улучи́хом, пред Твої́м вели́чеством ни́ні во всесві́тлий сей, пресла́вний і спаси́тельний день Па́схи, сей прино́сим: нас же сего́ принося́щих, і того́ лобза́ющих, і от него́ вкуша́ющих, Твоєму́ небе́сному благослове́нію прича́стники би́ти сотвори́, і вся́кую болі́знь і неду́г от нас Твоє́ю си́лою отжени́, здра́віє всім подава́я.

Ти бо єси́ істо́чник благослове́нія, і цільба́м пода́тель, і Тебі́ сла́ву возсила́єм Безнача́льному Отцю́, со Єдиноро́дним Твої́м Си́ном, і Пресвяти́м і Благи́м і Животворя́щим Твої́м Ду́хом, ни́ні і при́сно, і во ві́ки віко́в. Амі́нь.

Влади́ко Го́споди Бо́же наш, Зижди́телю і Соді́телю всіх, благослови́ млеко́ огусті́вшеє, с ни́мже і я́йця, і нас соблюди́ во бла́гости Твоє́й, я́ко да причаща́ющеся їх, Твої́х независтнопода́тельних даро́в іспо́лнимся і неізглаго́ланния Твоєя́ бла́гости.

Я́ко Твоя́ держа́ва, і Твоє́ єсть Ца́рство, і си́ла, і сла́ва Отця́, і Си́на, і Свята́го Ду́ха, ни́ні і при́сно, і во ві́ки віко́в. Амі́нь.

При́зри, Го́споди Ісу́се Христе́, Бо́же наш, на бра́шна м'яс, і освяти́ я, я́коже освяти́л єси́ овна́, єго́же Тебі́ приведе́ ві́рний Авраа́м, і а́гнця, єго́же Тебі́ А́вель во всепло́діє принесе́: подо́бні і тельця́ упита́ннаго, єго́же жре́ти повелі́л єси́ си́нові Твоєму́ заблу́ждшему, і па́ки к Тебі́ возвра́щшемуся: да я́коже той сподо́бися Твоєя́ бла́гости наслади́тися, си́це і освяще́нних от Тебе́, і благослове́нних, наслади́мся в пи́щу всіх нас.

Ти бо єси́ і́стинная пи́ща, і пода́тель благи́х, і Тебі́ сла́ву возсила́єм, со Безнача́льним Твої́м Отце́м, і с Пресвяти́м, і Благи́м і Животворя́щим Твої́м Ду́хом, ни́ні і при́сно, і во ві́ки віко́в. Амі́нь.

Примітка: православні християни не приносять м'яса до церкви, а до священника додому.

Великий прокимен, глас 7: Кто Бог ве́лій, я́ко Бог наш? / Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

Диякон: Благослови́, влади́ко.

Священник: Благослове́н Бог наш всегда́, ни́ні і при́сно і во ві́ки віко́в.

Диякон: Амі́нь. Христо́с воскре́се: [Тричі]

Іпакої, глас 4: Предвари́вшия у́тро я́же о Марі́ї, і обрі́тшия ка́мень отвале́н от гро́ба, сли́шаху от А́нгела: во сві́ті присносу́щнім Су́щаго с ме́ртвими что і́щете я́ко челові́ка? Ви́діте гро́бния пелени́, теці́те, і ми́ру пропові́діте, я́ко воста́ Госпо́дь, умертви́вий смерть, я́ко єсть Син Бо́га, спаса́ющаго род челові́чеський.

Кондак, глас 8: А́ще і во гроб снизше́л єси́, Безсме́ртне, но а́дову разруши́л єси́ си́лу, і воскре́сл єси́ я́ко побіди́тель, Христе́ Бо́же, жена́м мироно́сицям віща́вий: ра́дуйтеся, і Твої́м Апо́столом мир да́руяй, па́дшим подая́й воскресе́ніє.

І тропарі: Во гро́бі пло́тськи, во а́ді же с душе́ю я́ко Бог, в раї́ же с разбо́йником, і на престо́лі бил єси́, Христе́, со Отце́м і Ду́хом, вся ісполня́яй Неопи́санний.

Сла́ва: Я́ко живоно́сець, я́ко рая́ красні́йший, воі́стину і черто́га вся́каго ца́рськаго показа́ся світлі́йший, Христе́, гроб Твой, істо́чник на́шего воскресе́нія.

І ни́ні: Ви́шняго освяще́нноє боже́ственноє селе́ніє, ра́дуйся. Тобо́ю бо даде́ся ра́дость, Богоро́дице, зову́щим: благослове́на Ти в жена́х єси́, Всенепоро́чная Влади́чице.

Потім цілують ікону Христову, промовляючи тропар:

Пречи́стому Твоєму́ о́бразу покланя́ємся, Благи́й, прося́ще проще́нія прегріше́ній на́ших, Христе́ Бо́же: во́лею бо благоволи́л єси́ пло́тію взи́ти на Крест, да ізба́виши, я́же созда́л єси́, от рабо́ти вра́жия. Тім благода́рственно вопіє́м Ті: ра́дости іспо́лнил єси́ вся, Спа́се наш, прише́дий спасти́ мир.

Цілують також ікону Богородиці, промовляючи тропар:

Милосе́рдія су́щи істо́чник, ми́лости сподо́би нас, Богоро́дице, при́зри на лю́ди согріши́вшия, яви́ я́ко при́сно си́лу Твою́, на Тя бо упова́юще, ра́дуйся вопіє́м Ті, я́коже ні́когда Гавриї́л, безпло́тних архістрати́г.

Диякон: Го́споду помо́лимся. Го́споди, поми́луй.

Потім священник, схиливши голову, промовляє:

Го́споди, низпосли́ ру́ку Твою́ с висоти́ Свята́го жили́ща Твоєго́, і укріпи́ м'я в предлежа́щую слу́жбу Твою́: да неосужде́нно предста́ну стра́шному престо́лу Твоєму́, і безкро́вноє священноді́йствіє совершу́, я́ко Твоя́ єсть си́ла і сла́ва во ві́ки віко́в.

Диякон: Амі́нь. [Осла́би, оста́ви, прости́, Бо́же, прегріше́нія на́ша, во́льная і нево́льная, я́же в сло́ві і в ді́лі, я́же в ві́дінії і не в ві́дінії, я́же во дні і в нощі́, я́же во умі́ і в помишле́нії: вся нам прости́, я́ко Благ і Человіколю́бець.]

Потім вклоняються до кожного хору по одному разу й ідуть до вівтаря, промовляючи:

[замість: Вни́ду в дом Твой:]: Христо́с воскре́се: багато разів.

Великий прокимен, глас 7: Бог наш на Небесі́ і на землі́, / вся єли́ка восхоті́, сотвори́.

Стих 1: Во ісхо́ді Ізра́їлеві от Єги́пта, до́му Іа́ковля із люде́й ва́рвар, бисть Іуде́я святи́ня Єго́.

Стих 2: Мо́ре ви́ді і побіже́, Іорда́н возврати́ся всп'ять.

Стих 3: Что ті єсть мо́ре, я́ко побі́гло єси́? І тебі́ Іорда́не, я́ко возврати́лся єси́ всп'ять?

Великий прокимен, глас 8: Гла́сом мої́м ко Го́споду воззва́х, / гла́сом мої́м к Бо́гу, і внят мі.

Стих 1: В день ско́рби моєя́ Бо́га взиска́х.

Стих 2: Отве́ржеся уті́шитися душа́ моя́.

Стих 3: Бо́же, во святі́м путь Твой.

Великий прокимен, глас 7: Внуши́ Бо́же моли́тву мою́, / і не пре́зри моле́нія моєго́.

Стих 1: Воньми́ мі, і усли́ши м'я.

Стих 2: Я́ко уклони́ша на м'я беззако́ніє.

Стих 3: Аз к Бо́гу воззва́х, і Госпо́дь усли́ша м'я, ве́чер і зау́тра і полу́дне.

Великий прокимен, глас 7: Возлюблю́ Тя Го́споди, крі́посте моя́, / Госпо́дь утвержде́ніє моє́, і прибі́жище моє́, і ізба́витель мой.

Стих 1: Бог мой, помо́щник мой, і упова́ю на Него́.

Стих 2: Хваля́ призову́ Го́спода, і от враг мої́х спасу́ся.

Стих 3: Усли́ша от хра́ма Свята́го Своєго́ глас мой.

Великий прокимен, глас 8: Дал єси́ достоя́ніє / боя́щимся Тебе́ Го́споди.

Стих 1: От коне́ць землі́ к Тебі́ воззва́х.

Стих 2: Покри́юся в кро́ві крил Твої́х.

Стих 3: Та́ко воспою́ і́мені Твоєму́ во ві́ки.

Після Божественної Літургії, коли артос, як звичайно, принесено до трапезної, проспівавши тричі:

Христо́с воскре́се: з поклонінням, прочитавши:

О́тче наш: і благословивши трапезу за звичаєм, священник промовляє:

Го́споди Ісу́се Христе́, Бо́же наш, Хлі́бе А́нгельський, Хлі́бе живота́ ві́чнаго, соше́дий с Небесе́, напита́вий нас во всесві́тлия сія́ дні пи́щею духо́вною Твої́х Боже́ственних благодія́ній, тридне́внаго ра́ди і спаси́тельнаго воскресе́нія: при́зри і ни́ні, смире́нно мо́лим Тя, на мольби́ і благодаре́нія на́ша, і я́коже благослови́л єси́ п'ять хлі́бов в пусти́ні, і ни́ні благослови́ хліб сей, я́ко да всі вкуша́ющії от него́, тіле́снаго і душе́внаго благослове́нія і здра́вія сподо́б'яться благода́тію і щедро́тами Твоєго́ человіколю́бія.

Ти бо єси́ освяще́ніє на́ше, і Тебі́ сла́ву возсила́єм со Безнача́льним Твої́м Отце́м, і Всесвяти́м, і Благи́м, і Животворя́щим Твої́м Ду́хом, ни́ні і при́сно, і во ві́ки віко́в. Амі́нь.

Роздробивши артос за звичаєм, роздає всім перед обідом. Може роздробити його й на Літургії після заамвонної молитви та роздавати вірним замість антидора.

Величання: Велича́єм Тя, Живода́вче Христе́, нас ра́ди во ад сше́дшаго і с Собо́ю вся воскреси́вшаго.

На утрені прокимен, глас 4: Похвали́ Ієрусали́ме Го́спода, / хвали́ Бо́га твоєго́, Сіо́не.

Стих: Я́ко укріпи́ вереї́ врат твої́х, благослови́ си́ни твоя́ в тебі́.

Євангеліє. Потім: Воскресе́ніє Христо́во ви́дівше: тричі.

На вечірні великий прокимен, глас 7: Кто Бог ве́лій, я́ко Бог наш? / Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

На утрені прокимен, глас 2: Воста́ни Го́споди Бо́же мой, повелі́нієм, і́мже запові́дал єси́, / і сонм люде́й оби́деть Тя.

Стих: Го́споди Бо́же мой, на Тя упова́х, спаси́ м'я от всіх гоня́щих м'я, і ізба́ви м'я.

На утрені прокимен, глас 3: Рци́те во язи́ціх, я́ко Госпо́дь воцари́ся: / і́бо іспра́ви вселе́нную, я́же не подви́житься.

Стих: Воспо́йте Го́сподеві піснь но́ву, воспо́йте Го́сподеві вся земля́.

На утрені прокимен, глас 4: Воскресни́ Го́споди, помози́ нам, / і ізба́ви нас і́мене Твоєго́ ра́ди.

Стих: Бо́же, уши́ма на́шима усли́шахом, і отці́ на́ші возвісти́ша нам.

На утрені прокимен, глас 5: Воскресни́ Го́споди Бо́же мой, да вознесе́ться рука́ Твоя́, / я́ко Ти ца́рствуєши во ві́ки.

Стих: Іспові́мся Тебі́, Го́споди, всім се́рдцем мої́м, пові́м вся чудеса́ Твоя́.

На Літургії все послідування Пасхи, а Апостол та Євангеліє — дня.

Величання: Велича́єм Тя, Живода́вче Христе́, і почита́єм є́же на Небеса́ с Пречи́стою Твоє́ю пло́тію Боже́ственноє вознесе́ніє.

На утрені прокимен, глас 4: Взи́де Бог в воскликнове́нії, / Госпо́дь во гла́сі тру́бнім.

Стих: Всі язи́ци восплещі́те рука́ми, воскли́кніте Бо́гу гла́сом ра́дованія.

Приспів на 9-й пісні: Вели́чить душа́ моя́ возне́сшагося от землі́ на не́бо Христа́ Жизнода́вця.

На Літургії вхідне: Взи́де Бог в воскликнове́нії, Госпо́дь во гла́сі тру́бнім.

Відпуст: І́же во сла́ві вознеси́йся от нас на не́бо, і одесну́ю сіди́й Бо́га і Отця́, Христо́с і́стинний Бог наш:

На вечірні великий прокимен, глас 7: Бог наш на Небесі́ і на землі́, / вся єли́ка восхоті́, сотвори́.

Стих 1: Во ісхо́ді Ізра́їлеві от Єги́пта, до́му Іа́ковля із люде́й ва́рвар, бисть Іуде́я святи́ня Єго́.

Стих 2: Мо́ре ви́ді і побіже́, Іорда́н возврати́ся всп'ять.

Стих 3: Что ті єсть мо́ре, я́ко побі́гло єси́? І тебі́ Іорда́не, я́ко возврати́лся єси́ всп'ять?

На утрені прокимен, глас 6: Го́споди, воздви́гни си́лу Твою́, / і прийди́ во є́же спасти́ нас.

Стих: Паси́й Ізра́їля воньми́, наставля́яй я́ко овча́ Іо́сифа.

Величання: Велича́єм Тя, Живода́вче Христе́, і чтим Всесвята́го Ду́ха Твоєго́, Єго́же от Отця́ посла́л єси́ Боже́ственним ученико́м Твої́м.

На утрені прокимен, глас 4: Дух Твой Благи́й / наста́вить м'я на зе́млю пра́ву.

Стих: Го́споди, усли́ши моли́тву мою́, внуши́ моле́ніє моє́.

Приспів на 9-й пісні: Апо́столи соше́ствіє Уті́шителя зря́ще, удиви́шася, ка́ко в ви́ді о́гненних язи́к яви́ся Дух Святи́й.

На Літургії вхідне: Вознеси́ся Го́споди си́лою Твоє́ю, воспоє́м і поє́м си́ли Твоя́.

Відпуст: І́же в виді́нії о́гненних язи́к с Небесе́ низпосла́вий Пресвята́го Ду́ха, на святи́я Своя́ ученики́ і апо́столи, Христо́с і́стинний Бог наш:

На мирній єктенії після О пла́вающих:

О предстоя́щих лю́дех і ожида́ющих благода́ті Свята́го Ду́ха, Го́споду помо́лимся.

О приклоня́ющих сердця́ своя́ пред Го́сподем і колі́на, Го́споду помо́лимся.

О є́же укріпи́тися нам к соверше́нію богоуго́дні, Го́споду помо́лимся.

О є́же низпосла́тися бога́тим ми́лостем Єго́ на ни, Го́споду помо́лимся.

О є́же прия́ти коліноприклоне́нія на́ша я́ко фиміа́м пред Ним, Го́споду помо́лимся.

О тре́бующих от Него́ по́мощі, Го́споду помо́лимся.

О ізба́витися: та інше.

Великий прокимен, глас 7: Кто Бог ве́лій, я́ко Бог наш? / Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

Перед колінопреклонною молитвою диякон: Па́ки і па́ки, прикло́нше колі́на, Го́споду помо́лимся.

Після молитви диякон: Заступи́, спаси́, поми́луй, возста́ви, і сохрани́ нас Бо́же Твоє́ю благода́тію.

Пресвяту́ю, Пречи́стую, преблагослове́нную, сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́, і друг дру́га, і весь живо́т наш Христу́ Бо́гу предаді́м.

Відпуст: І́же от О́тчих і Боже́ственних нідр істощи́вий Себе́, і с Небесе́ на зе́млю соше́дий, і на́ше все восприє́мий єстество́, і обожи́вий є, по сих же на Небеса́ па́ки возше́дий, і одесну́ю сіди́й Бо́га і Отця́, Боже́ственнаго же і Свята́го, і Єдиносу́щнаго, і Єдиноси́льнаго, і Єдиносла́внаго, і Соприсносу́щнаго Ду́ха низпосла́вий на святи́я Своя́ ученики́ і апо́столи, і сим просвіти́вий у́бо їх, ті́ми же всю вселе́нную, Христо́с і́стинний Бог наш, моли́твами Пречи́стия і Пренепоро́чния Святи́я Своєя́ Ма́тере, святи́х сла́вних, прехва́льних богопропові́дников і духоно́сних апо́столов, і всіх святи́х, поми́луєть і спасе́ть нас, я́ко Благ і Человіколю́бець.

Якщо храм в ім'я всіх святих, після полієлею

Величання: Велича́єм вас, апо́столи, му́ченици і проро́ци і всі святі́ї, і чтим святу́ю па́м'ять ва́шу, ви бо мо́лите о нас Христа́, Бо́га на́шего.

На утрені прокимен, глас 8: Воцари́ться Госпо́дь во вік, / Бог твой, Сіо́не, в род і род.

Стих: Хвали́ душе́ моя́ Го́спода, восхвалю́ Го́спода в животі́ моє́м.