Молитви на благословення

Необиме́нний в ми́лості і неізрече́нний во щедро́тах, Го́споди Ісу́се Христе́, ди́вен сий во сла́ві і творя́й чудеса́: Ти ді́йством Свята́го Ду́ха іногда́ благослови́вий Ізра́їля, і єго́ ме́дом наси́тивий от ка́мене: Сам і ни́ні при́зри сви́ше на созда́ніє Твоє́ сіє́, і благослове́нієм Твої́м небе́сним благослови́ і освяти́ со́ти пчел, і от них мед, і пода́ждь єму́ ді́йственну благода́ть па́че всіх соверше́нну: да всяк от него́ вкуша́яй, приє́мляй і яди́й обря́щеть благополу́чноє здра́віє, і пи́щею се́ю наси́титься, і іспо́лниться вся́каго бла́га. Я́ко Ти єси́ подава́яй вся́чеськая блага́я, і Тебі́ сла́ву возсила́єм, со Безнача́льним Твої́м Отце́м, і Пресвяти́м, і Благи́м, і Животворя́щим Твої́м Ду́хом, ни́ні і при́сно, і во ві́ки віко́в. Амі́нь.

І окроплює свяченою водою.

Після звичайного початку, Трисвятого й виголосу священник промовляє: Го́споду помо́лимся.

Хор: Го́споди поми́луй.

І читається ця молитва:

Го́споди Бо́же Вседержи́телю, сло́вом Твої́м вся́чеськая іспо́лнивий, і возрасти́ти повелі́вий землі́ вся плоди́ во своя́ времена́, і дая́ти я в ра́дость і в живо́т челові́ком: Ти Сам, Всеблаги́й Влади́ко, і сі́мена сія́, с разли́чними зе́ліями принесе́нния во святи́й храм сей, благослови́ і освяти́ Ду́хом Твої́м Святи́м, і рабо́в Твої́х сих, приє́млющих зе́лія сія́ с сі́менами, от вся́кия скве́рни очи́сти, і до́ми їх вся́каго благово́нія іспо́лни, во є́же би́ти сим і всім ві́рою храня́щим я, і кадя́щимся ї́ми в соблюде́ніє і ізба́ву от всіх вра́жиїх прило́гов і во отгна́ніє вся́каго мечта́нія, от ді́йства дия́воля находя́щаго, дневна́го і нощна́го, на благослове́ніє же душа́м і тілесе́м, ві́рним Твої́м лю́дем і ското́м, домово́м же і мі́стом. Я́ко да всі, приє́млющії сія́ зе́лія, воспри́ймуть себі́ покро́в душі́ і ті́ла, і да бу́деть на́шему спасе́нію врачевство́ Твоєя́ благода́ті та́їнство: да в ко́єм ли́бо мі́сті возло́житься, іли́ на ко́єм употребля́ємо бу́деть, во є́же получи́ти благослове́ніє, вся (проти́вной си́лі отту́ду прогна́нній) десни́ця Твоя́ да покри́єть, во сла́ву Пресвята́го, великолі́паго і всепокланя́ємаго і́мене Твоєго́. Єму́же подоба́єть вся́кая сла́ва, честь і поклоне́ніє, со Отце́м і Святи́м Ду́хом, ни́ні, і при́сно, і во ві́ки віко́в, амі́нь.

І окроплюються святою водою тричі зі звичайними словами окроплення та освячення, і відпуст.

Го́споду помо́лимся. Го́споди поми́луй.

Бо́же, Спаси́телю наш, благоволи́вий виногра́д нарещи́ Єдиноро́днаго Твоєго́ Си́на, Го́спода Бо́га і Спа́са на́шего Ісу́са Христа́, і тім плод безсме́ртія нам дарова́: Сам і ни́ні пло́дний сей виногра́д благослови́, і нас раби́ Твоя́ вкуша́ющия от него́, і́стиннаго виногра́да прича́стники сотвори́. Неврежде́нну жизнь на́шу сохрани́, і мир нам всегда́ да́руй, і ві́чними Твої́ми неот'є́млемими дарова́нії жизнь на́шу украси́, моли́твами Пречи́стия Влади́чиці на́шея Богоро́диці і Присноді́ви Марі́ї, і всіх Твої́х святи́х от ві́ка Тебі́ благоугоди́вших: я́ко Благ і Человіколю́бець Бог єси́, і Тебі́ сла́ву возсила́єм Безнача́льному Отцю́, со Єдиноро́дним Твої́м Си́ном, і с Пресвяти́м, і Благи́м, і Животворя́щим Твої́м Ду́хом, ни́ні і при́сно, і во ві́ки віко́в, амі́нь.

Влади́ко Го́споди Бо́же наш, Твоя́ от Твої́х приноси́ти Тебі́ по предложе́нію кому́ждо повелі́вий, і ві́чних Твої́х благ воздая́ніє сим да́руяй, І́же вдови́ по си́лі приноше́ніє благоуго́дно приє́мий, прийми́ і ни́ні принесе́ная от раба́ Твоєго́ [ім'я], і в ві́чних Твої́х сокро́вищах возложи́тися сим сподо́би: да́руй єму́ і мирськи́х Твої́х благ оби́льноє восприя́тіє, со всі́ми поле́зними єму́.

Я́ко благослови́ся Твоє́ і́м'я, і просла́вися Твоє́ Ца́рство, Отця́, і Си́на, і Свята́го Ду́ха, ни́ні і при́сно, і во ві́ки віко́в, амі́нь.