Утреня

У Великий Піст після благословення ієрея починаємо:

Трисвято́є. Пресвята́я Тро́йце: О́тче наш: Я́ко Твоє́ єсть Ца́рство: Го́споди, поми́луй, 12 разів. Прийді́те поклоні́мся: тричі, і два псалма́:

Якщо не Великий Піст, після благословення: Прийді́те, поклоні́мся: тричі, і псалми: Усли́шить тя Госпо́дь: і: Го́споди, си́лою Твоє́ю: Сла́ва, і ни́ні: Трисвято́є. О́тче наш: Я́ко Твоє́ єсть Ца́рство:

Потім тропарі: Спаси́, Го́споди, лю́ди Твоя́: Сла́ва: Вознеси́йся на Крест во́лею: І ни́ні: Предста́тельство стра́шноє і непости́дноє:

Поми́луй нас, Бо́же, по вели́цій ми́лості Твоє́й, мо́лим Ті ся, усли́ши і поми́луй.

Хор: Го́споди, поми́луй. [Тричі]

Єще́ мо́лимся о господи́­ні і отці́ на́шем Блаже́ннійшем Митрополи́ті [ім'я], і о господи́­ні на́шем високопреосвяще́ннійшем митрополи́ті [або: архієпи́скопі, або: преосвяще́ннійшем єпи́скопі] [ім'я], і о всей во Христі́ бра́тії на́шей.

Хор: Го́споди, поми́луй. [Тричі]

Єще́ мо́лимся о богохрани́мій страні́ на́шей [Украї́ні], власте́х і во́їнстві єя́, да ти́хоє і безмо́лвноє житіє́ поживе́м во вся́ком благоче́стії і чистоті́.

Хор: Го́споди, поми́луй. [Тричі]

Єще́ мо́лимся за всю бра́тію і за вся христия́ни.

Хор: Го́споди, поми́луй. [Тричі]

Виголос:

Я́ко ми́лостив і человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні і при́сно, і во ві́ки віко́в.

Хор: Амі́нь.

І відразу промовляє:

Іменем Госпо́днім благослови́, о́тче.

Священник виголошує:

Сла́ва Святі́й, і Єдиносу́щній, і Животворя́щей, і Неразді́льній Тро́йці всегда́, ни́ні, і при́сно, і во ві́ки віко́в.

Хор: Амі́нь.

Потім проказуємо шестопсалміє з усією увагою та страхом Божим, наче розмовляючи з самим Христом Богом нашим невидимо, і благаючи про гріхи наші. Після трьох же псалмів священник виголошує ранкові молитви, стоячи з непокритою головою перед святими вратами.

Благодари́м Тя, Го́споди Бо́же наш, возста́вившаго нас от ло́жей на́ших, і вложи́вшаго во уста́ на́ша сло́во хвале́нія, є́же покланя́тися, і призива́ти і́м'я Твоє́ свято́є, і мо́лимся Твої́м щедро́там, ї́хже всегда́ употребля́л єси́ о на́шей жи́зні. І ни́ні посли́ по́мощ Твою́ на предстоя́щия пред лице́м святи́я сла́ви Твоєя́ і ожида́ющия от Тебе́ бога́тия ми́лості, і даждь їм, со стра́хом і любо́вію всегда́ Тебі́ служа́щим, хвали́ти неісповіди́мую Твою́ бла́гость.

Я́ко подоба́єть Тебі́ вся́кая сла́ва, честь і поклоне́ніє, Отцю́, і Си́ну, і Свято́му Ду́ху, ни́ні і при́сно, і во ві́ки віко́в. Амі́нь.

От но́щі у́тренюєть дух наш к Тебі́, Бо́же наш, зане́ світ повелі́нія Твоя́ на землі́. Пра́вду і святи́ню соверша́ти во стра́сі Твоє́м вразуми́ ни: Тебе́ бо сла́вим, воі́стину су́щаго Бо́га на́шего. Приклони́ у́хо Твоє́ і усли́ши ни, і пом'яни́, Го́споди, су́щия і моля́щияся с на́ми вся по і́мені, і спаси́ я си́лою Твоє́ю, благослови́ лю́ди Твоя́ і освяти́ достоя́ніє Твоє́. Мир ми́рові Твоєму́ да́руй, Церквам Твої́м, свяще́нником і всім лю́дем Твої́м.

Я́ко благослови́ся і просла́вися всечестно́є і великолі́поє і́м'я твоє́, Отця́, і Си́на, і Свята́го Ду́ха, ни́ні і при́сно, і во ві́ки віко́в. Амі́нь.

От но́щі у́тренюєть дух наш к Тебі́, Бо́же, зане́ світ повелі́нія Твоя́. Научи́ нас, Бо́же, пра́вді Твоє́й, за́повідем Твої́м і оправда́нієм Твої́м. Просвіти́ о́чі ми́слей на́ших, да не когда́ у́снем во грісі́х в смерть. Отжени́ вся́кий мрак от серде́ць на́ших. Да́руй нам со́лнце пра́вди, і ненаві́тну жизнь на́шу соблюди́ печа́тію Свята́го Твоєго́ Ду́ха. Іспра́ви стопи́ на́ша на путь ми́ра. Даждь нам ви́діти у́тро і день в ра́дованії, да Тебі́ у́треннія возсила́єм моли́тви.

Я́ко Твоя́ держа́ва, і Твоє́ єсть Ца́рство, і си́ла і сла́ва, Отця́, і Си́на, і Свята́го Ду́ха, ни́ні і при́сно, і во ві́ки віко́в. Амі́нь.

Влади́ко Бо́же, святи́й і непостижи́мий, реки́й із тьми сві́ту возсія́ти, упоко́ївий нас в нощні́м сні і возста́вивий к славосло́вію і мольбі́ Твоєя́ бла́гости. Умоля́єм от Своєго́ Ті благоутро́бія, прийми́ нас і ни́ні покланя́ющихся Тебі́ і по си́лі благодаря́щих Тя, і да́руй нам вся, я́же ко спасе́нію, проше́нія. Покажи́ ни си́ни сві́та і дне і наслі́дники ві́чних Твої́х благ. Пом'яни́, Го́споди, во мно́жестві щедро́т Твої́х і вся лю́ди Твоя́, су́щия і моля́щияся с на́ми, і всю бра́тію на́шу, я́же на землі́, на мо́рі, на вся́ком мі́сті влади́чествія Твоєго́, тре́бующих Твоєго́ человіколю́бія і по́мощі, і всім пода́й вели́кую Твою́ ми́лость. Да спасе́нні душе́ю же і ті́лом всегда́ пребива́юще, с дерзнове́нієм сла́вим чу́дноє і благослове́нноє і́м'я Твоє́ – Отця́, і Си́на, і Свята́го Ду́ха, ни́ні і при́сно, і во ві́ки віко́в. Амі́нь.

Я́ко Бог ми́лости, щедро́т і человіколю́бія єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні і при́сно, і во ві́ки віко́в. Амі́нь.

Благи́х сокро́вище, істо́чниче приснотеку́щий, О́тче святи́й, чудотво́рче, всеси́льне і Вседержи́телю, всі Тебі́ покланя́ємся і Тебі́ мо́лимся Твоя́ ми́лості і Твоя́ щедро́ти призива́юще на по́мощ і заступле́ніє на́шего смире́нія. Пом'яни́, Го́споди, Твоя́ раби́, прийми́ всіх нас у́тренняя моле́нія, я́ко кади́ло пред Тобо́ю, і да ні єди́наго от нас неіску́сна сотвори́ши, но вся ни снабди́ щедро́тами Твої́ми. Пом'яни́, Го́споди, бдя́щия і пою́щия во сла́ву Твою́, і єдиноро́днаго Твоєго́ Си́на і Бо́га на́шего, і Свята́го Твоєго́ Ду́ха; і бу́ди тім помо́щник і засту́пник, прийми́ їх мольби́ в пренебе́сний і ми́сленний Твой же́ртвенник.

Я́ко Ти єси́ Бог наш, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

Благодари́м Тя, Го́споди Бо́же спасе́ній на́ших, я́ко вся твори́ши во благоді́тельство жи́зні на́шея, да всегда́ к Тебі́ взира́єм Спа́су і благоді́телю душ на́ших. Я́ко препоко́їл єси́ нас в мимоше́дшеє но́щі число́ і воздви́гл єси́ ни от ло́жей на́ших, і поста́вил єси́ в поклоне́ніє честна́го і́мене Твоєго́. Ті́мже мо́лим Тя, Го́споди, даждь нам благода́ть і си́лу, да сподо́бимся пі́ти Тебі́ разу́мно і моли́тися непреста́нно, во стра́сі і тре́петі своє́ спасе́ніє соді́ловающе заступле́нієм Христа́ Твоєго́. Пом'яни́, Го́споди, і в нощі́ к Тебі́ вопію́щия, усли́ши я і поми́луй, і сокруши́ под но́зі їх неви́димия і бори́тельния враги́.

Ти бо єси́ Цар ми́ра, і Спас душ на́ших, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

Бо́же і О́тче Го́спода на́шего Ісу́са Христа́, возста́вивий ни от ло́жей на́ших і собра́вий ни в час моли́тви, даждь нам благода́ть во отверзе́ніє уст на́ших, і прийми́ на́ша по си́лі благодаре́нія, і научи́ ни оправда́нієм Твої́м: зане́ помоли́тися, я́коже подоба́єть, не ві́ми, а́ще не Ти, Го́споди, Святи́м Твої́м Ду́хом наста́виши ни. Ті́мже мо́лимся Тебі́, а́ще что согріши́хом да́же до настоя́щаго часа́, сло́вом, іли́ ді́лом, іли́ помишле́нієм, во́лею іли́ нево́лею, осла́би, оста́ви, прости́; а́ще бо беззако́нія на́зриши, Го́споди, Го́споди, кто постої́ть, я́ко у Тебе́ ізбавле́ніє єсть. Ти єси́ єди́н святи́й, помо́щник держа́вний, защи́титель жи́зні на́шея, і о Тебі́ пі́ніє на́ше всегда́.

Бу́ди держа́ва Ца́рствія Твоєго́ благослове́нна і препросла́влена, Отця́, і Си́на, і Свята́го Ду́ха, ни́ні, і при́сно, і во ві́ки віко́в. Амі́нь.

Го́споди Бо́же наш, со́нноє уни́ніє отгна́вий от нас і сопризва́вий ни зва́нієм святи́м, є́же і в нощі́ воздіва́ти ру́ки на́ша і іспові́датися Тебі́ о судьба́х пра́вди Твоєя́. Прийми́ мольби́ на́ша, моле́нія, іспові́данія, нощни́я слу́жби, і да́руй нам, Бо́же, ві́ру непости́дну, наде́жду ізві́стну, любо́в нелицемі́рну, благослови́ на́ша вхо́ди і ісхо́ди, дія́нія, діла́, словеса́, помишле́нія, і даждь нам пости́гнути в нача́ло дне, хва́лящим, пою́щим, благослов'я́щим Твоєя́ неізрече́нния благости́ні бла́гость.

Я́ко благослови́ся всесвято́є і́м'я Твоє́, і просла́вися Ца́рство Твоє́, Отця́, і Си́на, і Свята́го Ду́ха, ни́ні, і при́сно, і во ві́ки віко́в. Амі́нь.

Возсія́й в сердця́х на́ших, человіколю́бче Влади́ко, Твоєго́ богоразу́мія нетлі́нний світ, і ми́сленния на́ша отве́рзи. о́чі во єва́нгельських Твої́х пропові́даній разумі́ніє. Вложи́ в нас і блаже́нних Твої́х за́повідей страх, да плотські́я по́хоті вся попра́вше, духо́вноє жи́тельство про́йдем, вся, я́же ко благоугожде́нію Твоєму́ і му́дрствующе і ді́юще.

Ти бо єси́ освяще́ніє і просвіще́ніє душ і тіле́с на́ших, Христе́ Бо́же, і Тебі́ сла́ву возсила́єм, со безнача́льним Твої́м Отце́м і Всесвяти́м, і Благи́м, і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.

Го́споди Бо́же наш, покая́нієм оставле́ніє челові́ком дарова́вий, і во о́браз нам позна́нія гріхо́в і іспові́данія, проро́ка Дави́да покая́ніє к проще́нію показа́вий, Сам Влади́ко, во мно́гая ни і вели́кая па́дшия согріше́нія, поми́луй по вели́цій ми́лості Твоє́й, і по мно́жеству щедро́т Твої́х очи́сти беззако́нія на́ша, я́ко Тебі́ согріши́хом, Го́споди, і безві́стная і та́йная се́рдця челові́чеськаго ві́дущему, і єди́ному іму́щему власть оставля́ти гріхи́. Се́рдце же чи́сто созда́в в нас, і Ду́хом Влади́чним утверди́в нас, і ра́дость спасе́нія Твоєго́ сказа́в нам, не отри́ни нас от лиця́ Твоєго́, но благоволи́, я́ко Благ і Человіколю́бець, да́же до послі́дняго на́шего іздиха́нія, приноси́ти Тебі́ же́ртву пра́вди і возноше́ніє во святи́х Твої́х же́ртвенниціх.

Ми́лостію, і щедро́тами, і человіколю́бієм єдиноро́днаго Твоєго́ Си́на, с Ни́мже благослове́н єси́, со Всесвяти́м, і Благи́м, і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.

Бо́же, Бо́же наш, у́мния і слове́сния соста́вивий Си́ли Твоє́ю во́лею, Тя мо́лим і Тебі́ ми́лі ді́ємся: прийми́ на́ше по си́лі славосло́віє, со всі́ми созда́нії Твої́ми, і бога́тими Твоєя́ бла́гости возда́ждь дарова́ньми. Я́ко Тебі́ преклоня́ється вся́коє колі́но небе́сних, і земни́х, і преіспо́дніх, і вся́коє диха́ніє і созда́ніє поє́ть непостижи́мую Твою́ сла́ву: єди́н бо єси́ Бог і́стинний і многоми́лостивий.

Я́ко Тя хва́лять вся Си́ли Небе́сния, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні і при́сно, і во ві́ки віко́в. Амі́нь.

Хва́лим, поє́м, благослови́м і благодари́м Тя, Бо́же оте́ць на́ших, я́ко преве́л єси́ сінь нощну́ю, і показа́л єси́ нам па́ки світ дневни́й. Но мо́лим Твою́ бла́гость, очи́сти гріхи́ на́ша і прийми́ моле́ніє на́ше вели́ким Твої́м благоутро́бієм, я́ко к Тебі́ прибіга́єм, ми́лостивому і всеси́льному Бо́гу. Возсія́й в сердця́х на́ших і́стинноє со́лнце пра́вди Твоєя́, просвіти́ ум наш, і чу́вства вся соблюди́, да я́ко во дні благообра́зно ходя́ще путе́м за́повідей Твої́х, дости́гнем в жизнь ві́чную, я́ко у Тебе́ єсть істо́чник жи́зні, і в наслажде́нії би́ти сподо́бимся непристу́пнаго Твоєго́ сві́та.

Я́ко Ти єси́ Бог наш, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в. Амі́нь.

Потім священник або диякон виголошує велику єктенію:

Ми́ром Го́споду помо́лимся.

Хор: Го́споди, поми́луй.

О сви́шнім ми́рі і спасе́нії душ на́ших Го́споду помо́лимся.

Хор: Го́споди, поми́луй.

О ми́рі всего́ ми́ра, благостоя́нії святи́х Бо́жиїх Церкве́й і соєдине́нії всіх Го́споду помо́лимся.

Хор: Го́споди, поми́луй.

О святі́м хра́мі сем і с ві́рою, благогові́нієм і стра́хом Бо́жиїм входя́щих вонь Го́споду помо́лимся.

Хор: Го́споди, поми́луй.

О господи́­ні і отці́ на́шем Блаже́ннійшем Митрополи́ті [ім'я], і о високопреосвяще́ннійшем митрополи́ті [або: архієпи́скопі, або: преосвяще́ннійшем єпи́скопі] [ім'я], честні́м пресві́терстві, во Христі́ дия́констві, о всем при́чті і лю́дех Го́споду помо́лимся.

Хор: Го́споди, поми́луй.

О богохрани́мій страні́ на́шей [Украї́ні], власте́х і во́їнстві єя́, Го́споду помо́лимся.

Хор: Го́споди, поми́луй.

О гра́ді сем, [або: о ве́сі сей, або: о святі́й оби́телі сей], вся́ком гра́ді, страні́ і ві́рою живу́щих в них Го́споду помо́лимся.

Хор: Го́споди, поми́луй.

О благорастворе́нії возду́хов, о ізоби́лії плодо́в земни́х і вре́меніх ми́рних Го́споду помо́лимся.

Хор: Го́споди, поми́луй.

О пла́вающих, путеше́ствующих, неду́гующих, стра́ждущих, пліне́нних, і о спасе́нії їх Го́споду помо́лимся.

Хор: Го́споди, поми́луй.

О ізба́витися нам от вся́кия ско́рби, гні́ва і ну́жди Го́споду помо́лимся.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́, і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Я́ко подоба́єть Тебі́ вся́кая сла́ва, честь і поклоне́ніє, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

І починають співати: Бог Госпо́дь і яви́ся нам, благослове́н Гряди́й во і́м'я Госпо́днє. На глас тропаря дня.

Стих 1: Іспові́дайтеся Го́сподеві, я́ко благ, я́ко в вік ми́лость Єго́.

Стих 2: Обише́дше обидо́ша м'я і і́менем Госпо́днім противля́хся їм.

Стих 3: Не умру́, но жив бу́ду і пові́м діла́ Госпо́дня.

Стих 4: Ка́мень, Єго́же небрего́ша зи́ждущії, Сей бисть во главу́ у́гла, от Го́спода бисть Сей і єсть ди́вен во очесі́х на́ших.

Співається Бог Госпо́дь: чотири рази. Потім співаються тропарі за уставом.

Якщо субота м'ясо пустна чи служба за упокій, співаємо Аллилу́я, на глас тропаря, з цими стихами:

Стих 1: Блаже́нні, я́же ізбра́л і прия́л єси́ Го́споди.

Стих 2: Па́м'ять їх в род і род.

Стих 3: Ду́ши їх во благи́х водворя́ться.

Якщо ж велика Чотиридесятниця (з понеділка по п'ятницю), або інший піст і належить співати Алиллу́я, то після ектенії співаємо Алиллу́я чотири рази по тричі на голос Октоїха, що стався. Вірші ж виголошуємо такі:

Стих 1: От но́щі у́тренюєть дух мой к Тебі́, Бо́же, зане́ світ повелі́нія Твоя́ на землі́.

Стих 2: Пра́вді научі́теся, живу́щії на землі́.

Стих 3: За́висть при́йметь лю́ди ненака́занния.

Стих 4: Приложи́ їм зла, Го́споди, приложи́ зла сла́вним землі́.

І Троїчні гласу. Після цього звичайне стихослів'я. Після виконання стихослів'я звершує священник малу єктенію:

Па́ки і па́ки, ми́ром Го́споду помо́лимся.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Пресвяту́ю, пречи́стую, преблагослове́нную, сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́ і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Я́ко Твоя́ держа́ва і Твоє́ єсть Ца́рство, і си́ла, і сла́ва, Отця́, і Си́на, і Свята́го Ду́ха, ни́ні, і при́сно, і во ві́ки віко́в.

Хор: Амі́нь.

Після другого стихослів'я мала єктенія: Па́ки і па́ки:

Я́ко Благ і Человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

По Непорочних і по Благослове́н єси́ Го́споди: мала єктенія і священник промовляє:

Я́ко благослови́ся і́м'я Твоє́ і просла́вися Ца́рство Твоє́, Отця́, і Си́на, і Свята́го Ду́ха, ни́ні, і при́сно, і во ві́ки віко́в.

Хор: Амі́нь.

Іпакої. Степенні гласи.

Прокимен ранковий.

Диякон: Го́споду помо́лимся.

Хор: Го́споди, поми́луй.

Я́ко свят єси́, Бо́же наш, і во святи́х почива́єши, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Диякон: Вся́коє диха́ніє / да хва́лить Го́спода.

Стих: Хвалі́те Бо́га во святи́х Єго́, хвалі́те Єго́ во утвержде́нії си́ли Єго́.

І о сподо́битися нам сли́шанію свята́го Єва́нгелія Го́спода Бо́га мо́лим.

Хор: Го́споди, поми́луй. [Тричі]

Диякон: Прему́дрость, про́сті, усли́шим свята́го Єва́нгелія.

Священник: Мир всім.

Люди: І ду́хові твоєму́.

І відразу: От [ім'я], свята́го Єва́нгелія чте́ніє.

Хор: Сла́ва Тебі́, Го́споди, сла́ва Тебі́.

Диякон: Во́ньмем.

І читає священник ранкове Євангеліє.

Потім: Воскресе́ніє Христо́во: якщо неділя. Потім 50-й псалом і стихира.

Спаси́, Бо́же, лю́ди Твоя́ і благослови́ достоя́ніє Твоє́, посіти́ мир Твой ми́лостію і щедро́тами, возви́си рог христия́н правосла́вних і низпосли́ на ни ми́лості Твоя́ бога́тия, моли́твами Всепречи́стия Влади́чиці на́шея Богоро́диці і Присноді́ви Марі́ї, си́лою Честна́го і Животворя́щаго Креста́, предста́тельстви честни́х Небе́сних Сил безпло́тних, честна́го, сла́внаго проро́ка, Предте́чі і Крести́теля Іоа́нна, святи́х сла́вних і всехва́льних Апо́стол, і́же во святи́х оте́ць на́ших і вселе́нских вели́ких учи́телей і святи́телей, Васи́лія Вели́каго, Григо́рія Богосло́ва і Іоа́нна Златоу́стаго, і́же во святи́х отця́ на́шего Никола́я, архієпи́скопа Мирлікі́йськаго, чудотво́рця, святи́х равноапо́стольних Мефо́дія і Кири́лла, учи́телей слове́нских, святи́х равноапо́стольних вели́каго кня́зя Влади́міра і вели́кия княгині О́льги, і́же во святи́х оте́ць на́ших всея́ Руси́ чудотво́рцев Михаї́ла, Петра́, Алексі́я, Іо́ни, Мака́рія, Фили́ппа, І́ова, Єрмоге́на, Філаре́та, Інноке́нтія і Ти́хона, святи́х, сла́вних і добропобі́дних му́чеников, преподо́бних і богоно́сних оте́ць на́ших, святи́х і пра́ведних богооте́ць Іоаки́ма і А́нни, і свята́го [ім'я, що його є храм і його день], і всіх святи́х. Мо́лим Тя, Многоми́лостиве Го́споди, усли́ши нас, грі́шних, моля́щихся Тебі́, і поми́луй нас.

Хор: Го́споди, поми́луй, 12 разів.

Ми́лостію і щедро́тами і человіколю́бієм єдиноро́днаго Твоєго́ Си́на, с Ни́мже благослове́н єси́, со Пресвяти́м, і Благи́м, і Животворя́щим Твої́м Ду́хом, ни́ні і при́сно, і во ві́ки віко́в.

Хор: Амі́нь.

І починаємо канони: воскресний, хрестовоскресний, Богородиці, і мінеї. Після 3-ї пісні звершує диякон або священник малу єктенію:

Па́ки і па́ки, ми́ром Го́споду помо́лимся.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́ і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Я́ко Ти єси́ Бог наш і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Потім сідальний мінеї.

Па́ки і па́ки, ми́ром Го́споду помо́лимся.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́, і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Ти бо єси́ Цар ми́ра і Спас душ на́ших, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Кондак і ікос. І читання в синакса́рії.

На 9-й пісні диякон: Богоро́дицю і Ма́тер Сві́та в пі́снех возвели́чим.

І співаємо пісню Пресвятої Богородиці: Вели́чить душа́ моя́ Го́спода: Після кожного стиха співаємо: Честні́йшую Херуви́м:

По 9-й пісні, якщо не неділя: Досто́йно єсть:

Якщо ж неділя, після ірмосу єктенія:

Па́ки і па́ки ми́ром Го́споду помо́лимся.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́ і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Я́ко Тя хва́лять вся Си́ли Небе́сния і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Потім: Свят Госпо́дь Бог наш. [Тричі]

Стих: Я́ко свят Госпо́дь Бог наш.

Стих: Над всі́ми людьми́ Бог наш.

Воскресний ексапостиларій, і святого, якщо його день.

На хвали́тех стихири воскресні 4, і Анатолієві 4.

Стих 1: Воскресни́, Го́споди Бо́же мой:

Стих 2: Іспові́мся Тебі́, Го́споди:

Сла́ва, стихира євангельска рядова.

І ни́ні: Преблагослове́нна єси́:

Сла́ва Тебі́, показа́вшему нам світ.

Славосло́віє вели́коє. Глаго́лем же і тропари́ по оби́чаю. Потім глаго́леть дия́кон іли́ ієре́й єктенію́:

Поми́луй нас, Бо́же, по вели́цій ми́лості Твоє́й, мо́лим Ти ся, усли́ши, і поми́луй.

Хор: Го́споди, поми́луй. [Тричі]

Єще́ мо́лимся о господи́­ні і отці́ на́шем Блаже́ннійшем Митрополи́ті [ім'я], і о високопреосвяще́ннійшем митрополи́ті [або: архієпи́скопі, або: преосвяще́ннійшем єпі́скопі] [ім'я], і о всей во Христі́ бра́тії на́шей.

Хор: Го́споди, поми́луй. [Тричі]

Єще́ мо́лимся о Богохрани́мій страні́ на́шей [Украї́ні], власте́х і во́їнстві єя́, да ти́хоє і безмо́лвноє житіє́ поживе́м во вся́ком благоче́стії і чистоті́.

Хор: Го́споди, поми́луй. [Тричі]

Єще́ мо́лимся о блаже́нних і приснопа́м'ятних созда́телех свята́го хра́ма сего́ [якщо в монастирі: святи́я оби́телі сея́] і о всіх преждепочи́вших отці́х і бра́тіях, зде лежа́щих і повсю́ду правосла́вних.

Хор: Го́споди, поми́луй. [Тричі]

Єще́ мо́лимся о ми́лості, жи́зні, ми́рі, здра́вії, спасе́нії, посіще́нії, проще́нії і оставле́нії гріхо́в рабо́в Бо́жиїх, бра́тії свята́го хра́ма сего́ [[якщо в монастирі: святи́я оби́телі сея́].

Хор: Го́споди, поми́луй. [Тричі]

Єще́ мо́лимся о плодонося́щих і доброді́ющих во святі́м і всечестні́м хра́мі сем, тружда́ющихся, пою́щих і предстоя́щих лю́дех, ожида́ющих от Тебе́ вели́кия і бога́тия ми́лости.

Хор: Го́споди, поми́луй. [Тричі]

Я́ко Ми́лостив і Человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Іспо́лним у́треннюю моли́тву на́шу Го́сподеві.

Хор: Го́споди, поми́луй.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Дне всего́ соверше́нна, свя́та, ми́рна і безгрі́шна, у Го́спода про́сим.

Хор: Пода́й, Го́споди.

А́нгела ми́рна, ві́рна наста́вника, храни́теля душ і тіле́с на́ших, у Го́спода про́сим.

Хор: Пода́й, Го́споди.

Проще́нія і оставле́нія гріхо́в і прегріше́ній на́ших, у Го́спода про́сим.

Хор: Пода́й, Го́споди.

До́брих і поле́зних душа́м на́шим, і ми́ра ми́рові, у Го́спода про́сим.

Хор: Пода́й, Го́споди.

Про́чеє вре́м'я живота́ на́шего в ми́рі і покая́нії сконча́ти, у Го́спода про́сим.

Хор: Пода́й, Го́споди.

Хрістія́нския кончи́ни живота́ на́шего, безболі́знени, непости́дни, ми́рни і до́браго отві́та на стра́шнім суди́щі Христо́ві про́сим.

Хор: Пода́й, Го́споди.

Пресвяту́ю, пречи́стую, преблагослове́нную, сла́вную Влади́чицю на́шу Богоро́дицю і Присноді́ву Марі́ю со всі́ми святи́ми пом'яну́вше, са́мі себе́ і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.

Я́ко Бог ми́лости, щедро́т і человіколю́бія єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Священник: Мир всім.

Люди: І ду́хові твоєму́.

Диякон: Глави́ на́ша Го́сподеві прикло́ним.

Хор: Тебі́, Го́споди.

Го́споди Святи́й, в ви́шніх живи́й, і на смире́нния призира́яй, і всеви́дящим о́ком Твої́м призира́яй на всю твар, Тебі́ приклони́хом ви́ю се́рдця і тілесе́, і мо́лимся Тебі́: простри́ ру́ку Твою́ неви́димую от свята́го жили́ща Твоєго́, і благослови́ вся ни. І а́ще что согріши́хом, во́лею іли́ нево́лею, я́ко благ і человіколю́бець Бог прости́, да́руя нам ми́рная і преми́рная блага́я Твоя́.

Твоє́ бо єсть є́же ми́ловати і спаса́ти ни, Бо́же наш, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.

Хор: Амі́нь.

Диякон: Прему́дрость.

Хор: Благослови́.

Сий благослове́н Христо́с, Бог наш, всегда́, ни́ні, і при́сно, і во ві́ки віко́в.

Хор: Амі́нь. Утверди́, Бо́же, святу́ю правосла́вную ві́ру, правосла́вних христия́н во вік ві́ка.

Пресвята́я Богоро́дице, спаси́ нас.

Хор: Честні́йшую Херуви́м:

Сла́ва Тебі́, Христе́ Бо́же, упова́ніє на́ше, сла́ва Тебі́.

Хор: Сла́ва, і ни́ні: Го́споди, поми́луй. [Тричі] Благослови́.

Христе́, Сві́те і́стинний, просвіща́яй і освяща́яй вся́каго челові́ка, гряду́щаго в мир, да зна́менається на нас світ лиця́ Твоєго́, да в нем у́зрим Світ непристу́пний; і іспра́ви стопи́ на́ша к ді́ланію за́повідей Твої́х, моли́твами Пречи́стия Твоєя́ Ма́тере і всіх Твої́х святи́х, амі́нь.

Священник: Сла́ва Тебі́, Христе́ Бо́же, упова́ніє на́ше, сла́ва Тебі́.

Хор: Сла́ва, і ни́ні:

І відпуст звершує священник за звичаєм. І многоліття.

Воскреси́й із ме́ртвих, Христо́с, і́стинний Бог наш, моли́твами Пречи́стия Своєя́ Ма́тере, святи́х сла́вних і всехва́льних Апо́столов, [і святого, що його є храм, і святого, що його є день], святи́х і пра́ведних богооте́ць Іоаки́ма і А́нни, і всіх святи́х, поми́луєть і спасе́ть нас, я́ко Благ і Человіколю́бець.

Потім, многоліття.

В інші дні, окрім свят, днів передсвята та післясвята і субот, після кафизм єктеній не буває. Після завершення кафизм псалом 50 і канони. Після 3-ї та 6-ї пісень і після Досто́йно єсть, єктенія мала.

По Сла́ва в ви́шніх: і: Сподо́би, Го́споди, в день сей: єктенія: Іспо́лним у́треннюю моли́тву на́шу:

І стихири на стиховні. Після Трисвятого і тропарів єктенія: Поми́луй нас, Бо́же:

Після виголосу: Прему́дрость.

Хор: Благослови́.

Священник: Сий благослове́н Христо́с, Бог наш, всегда́, ни́ні і при́сно, і во ві́ки віко́в.

І хор: Амі́нь. Утверди́, Бо́же: та ін. І чтець виголошує час 1-й: Прийді́те, поклоні́мся: і псалми́. Після Чстні́йшую херуви́м: виголос:

Бо́же, уще́дри ни, благослови́ ни, просвіти́ лице́ твоє́ на ни і поми́луй ни.

Чтець: Амі́нь.