Відпусти Господніх свят
Відпусти Владичних свят, що промовляються на Вечірні, Утрені та Літургії за чином
На Різдво Христове:
І́же в верте́пі родиви́йся, і в я́слех возлегі́й, на́шего ра́ди спасе́нія, Христо́с і́стинний Бог наш: та інше до кінця.
На Обрізання:
І́же во осьми́й день пло́тію обрі́затися ізво́ливий, на́шего ра́ди спасе́нія, Христо́с і́стинний:
На Богоявленння:
І́же во Іорда́ні крести́тися ізво́ливий от Іоа́нна, на́шего ра́ди спасе́нія, Христо́с і́стинний:
На Стрітення:
І́же во об'я́тіїх пра́веднаго Симео́на носи́тися ізво́ливий, на́шего ра́ди спасе́нія, Христо́с і́стинний:
На Преображення:
І́же на горі́ Фаво́рстій преобрази́вийся во сла́ві, пред святи́ми свої́ми ученики́ і апо́столи, Христо́с і́стинний:
На Вербну Неділю:
І́же на жреб'я́ті о́сли сі́сти ізво́ливий, на́шего ра́ди спасе́нія, Христо́с і́стинний:
На Вербну Неділю ввечері:
Гряди́й Госпо́дь на во́льную страсть, на́шего ра́ди спасе́нія, Христо́с і́стинний:
В Великий Четвер:
І́же за превосходя́щую бла́гость путь добрі́йший смире́нія показа́вий, внегда́ уми́ти но́ги ученико́в, да́же і до Креста́ і погребе́нія снизше́дий нам, Христо́с і́стинний:
У відпуст Святих Страстей:
І́же оплева́нія, і біє́нія, і зауше́нія, і Крест, і смерть претерпі́вий за спасе́ніє ми́ра, Христо́с і́стинний:
У Святу і Велику П'ятницю:
І́же нас ра́ди челові́ков і на́шего ра́ди спасе́нія стра́шния стра́сті і Животворя́щий Крест, і во́льноє погребе́ніє пло́тію ізво́ливий, Христо́с і́стинний:
В Неділю Пасхи, і у всю Світлую Седмицю:
Христо́с воскреси́й із ме́ртвих, сме́ртію смерть попра́вий, і су́щим во гробі́х живо́т дарова́вий, і́стинний Бог наш:
На Вознесіння:
І́же во сла́ві вознеси́йся от нас На не́бо, і одесну́ю сіди́й Бо́га і Отця́, Христо́с і́стинний:
На П'ятидесятницю:
І́же в виді́нії о́гненних язи́к с небесе́ низпосла́вий Пресвята́го Ду́ха, на святи́я своя́ ученики́ і апо́столи, Христо́с і́стинний:
На П'ятидесятницю ввечері:
І́же от О́тчих і Боже́ственних нідр істощи́вий Себе́, і с небесе́ на зе́млю соше́дий, і на́ше все восприє́мий єстество́, і обожи́вий є, по сих же на небеса́ па́ки возше́дий, і одесну́ю сіди́й Бо́га і Отця́: Боже́ственнаго же і Свята́го і Єдиносу́щнаго, і Єдиноси́льнаго, і Єдиносла́внаго, і Соприсносу́щнаго Ду́ха низпосла́вий на святи́я Своя́ ученики́ і апо́столи, і Сим просвіти́вий у́бо їх, ті́ми же всю вселе́нную: Христо́с і́стинний Бог наш, моли́твами Пречи́стия і Пренепоро́чния святи́я Своєя́ Ма́тере, святи́х сла́вних, прехва́льних, богопропові́дников, і духоно́сних апо́столов, і всіх святи́х, поми́луєть і спасе́ть нас, я́ко Благ і Человіколю́бець.
