Прокимни і аллилуя недільні

Прокимни і аллилуя недільні, утренні і літургійні на вісім гласів

На утрені прокимен: Ни́ні воскресну́, глаго́леть Госпо́дь, / положу́ся во спасе́ніє, не обиню́ся о нем.

Стих: Словеса́ Госпо́дня, словеса́ чи́ста.

На Літургії прокимен: Бу́ди Го́споди, ми́лость Твоя́ на нас, / я́коже упова́хом на Тя.

Стих: Ра́дуйтеся пра́веднії о Го́споді, пра́вим подоба́єть похвала́.

Аллилу́я: Бог дая́й отмще́ніє мні, і покори́вий лю́ди под м'я.

Стих: Велича́яй спасе́нія царе́ва, і творя́й ми́лость христу́ своєму́ Дави́ду, і сі́мені єго́ до ві́ка.

На утрені прокимен: Воста́ни Го́споди Бо́же мой, повелі́нієм, і́мже запові́дал єси́, / і сонм люде́й оби́деть Тя.

Стих: Го́споди Бо́же мой, на Тя упова́х, спаси́ м'я.

На Літургі́и прокі́мен: Крі́пость моя́ і Пі́ніє моє́ Госпо́дь, / і бисть мні во Спасе́ніє.

Стих: Наказу́я наказа́ м'я Госпо́дь, сме́рті же не предаде́ м'я.

Аллилу́я: Усли́шить тя Госпо́дь в день печа́лі, защити́ть тя і́м'я Бо́га Іа́ковля.

Стих: Го́споди, спаси́ царя́, і усли́ши ни, во́ньже а́ще день призове́м Тя.

На утрені прокимен: Рці́те во язи́ціх, я́ко Госпо́дь воцари́ся: / і́бо іспра́ви Вселе́нную, я́же не подви́житься.

Стих: Воспо́йте Го́сподеві піснь но́ву, воспо́йте Го́сподеві вся земля́.

На літургії прокимен: По́йте Бо́гу на́шему, по́йте, / по́йте Царе́ві на́шему, по́йте.

Стих: Всі язи́ци восплещі́те рука́ми, воскли́кніте Бо́гу гла́сом ра́дованія.

Аллилу́я: На Тя Го́споди упова́х, да не постижу́ся во вік.

Стих: Бу́ди мі в Бо́га защи́тителя, і в дом прибі́жища, є́же спасти́ м'я.

На утрені прокимен: Воскресни́ Го́споди, помози́ нам, / і ізба́ви нас, і́мене Твоєго́ ра́ди.

Стих: Бо́же, уши́ма на́шима усли́шахом, і отці́ на́ші возвісти́ша нам.

На літургії прокимен: Я́ко возвели́чишася діла́ Твоя́ Го́споди, / вся прему́дростію сотвори́л єси́.

Стих: Благослови́, душе́ моя́, Го́спода, Го́споди, Бо́же мой, возвели́чился єси́ зіло́.

Аллилу́я: Наляци́, і успіва́й, і ца́рствуй, і́стини ра́ди, і кро́тости, і пра́вди.

Стих: Возлюби́л єси́ пра́вду, і возненави́діл єси́ беззако́ніє.

На утрені прокимен: Воскресни́, Го́споди Бо́же мой, да вознесе́ться рука́ Твоя́, / я́ко Ти ца́рствуєши во ві́ки.

Стих: Іспові́мся Тебі́, Го́споди, всім се́рдцем мої́м, пові́м вся чудеса́ Твоя́.

На літургії прокимен: Ти, Го́споди, сохрани́ши ни і соблюде́ши ни / от ро́да сего́, і во вік.

Стих: Спаси́ м'я, Го́споди, я́ко оскуді́ преподо́бний.

Аллилу́я: Ми́лости Твоя́, Го́споди, во вік воспою́, в род і род возвіщу́ і́стину Твою́ усти́ мої́ми.

Стих: Зане́ рекл єси́: в вік ми́лость сози́ждеться, на Небесі́х угото́виться і́стина Твоя́.

На утрені прокимен: Го́споди, воздви́гни си́лу Твою́, / і прийди́ во є́же спасти́ нас.

Стих: Паси́й Ізра́їля, воньми́, наставля́яй, я́ко овча́, Іо́сифа.

На літургії прокимен: Спаси́ Го́споди лю́ди Твоя́, / і благослови́ достоя́ніє Твоє́.

Стих: К Тебі́ Го́споди воззову́, Бо́же мой, да не премолчи́ши от мене́.

Аллилу́я: Живи́й в по́мощі Ви́шняго, в кро́ві Бо́га Небе́снаго водвори́ться.

Стих: Рече́ть Го́сподеві: Засту́пник мой єси́ і Прибі́жище моє́, Бог мой, і упова́ю на Него́.

На утрені прокимен: Воскресни́, Го́споди Бо́же мой, да вознесе́ться рука́ Твоя́, / не забу́ди убо́гих Твої́х до конця́.

Стих: Іспові́мся Тебі́, Го́споди, всім се́рдцем мої́м, пові́м вся чудеса́ Твоя́.

На літургії прокимен: Госпо́дь крі́пость лю́дем свої́м дасть, / Госпо́дь благослови́ть лю́ди своя́ ми́ром.

Стих: Принесі́те Го́сподеві, си́нове Бо́жії, принесі́те Го́сподеві си́ни о́вні.

Аллилу́я: Благо єсть іспові́датися Го́сподеві і пі́ти і́мені Твоєму́, Ви́шній.

Стих: Возвіща́ти зау́тра ми́лость Твою́ і і́стину Твою́ на вся́ку нощ.

На утрені прокимен: Воцари́ться Госпо́дь во вік, / Бог твой, Сіо́не, в род і род.

Стих: Хвали́, душе́ моя́ Го́спода, восхвалю́ Го́спода в животі́ моє́м.

На літургії прокимен: Помолі́теся і воздаді́те / Го́сподеві Бо́гу на́шему.

Стих: Ві́дом во Іуде́ї Бог, во Ізра́їлі ве́ліє і́м'я Єго́.

Аллилу́я: Прийді́те, возра́дуємся Го́сподеві, воскли́кнем Бо́гу Спаси́телю на́шему.

Стих: Предварі́м лице́ Єго́ во іспові́данії, і во псалмі́х воскли́кнем Єму́.