Прокимни і аллилуя із Тріоді Постної

Прокимен один, глас 6: Ду́ші їх / во благи́х водворя́ться.

Стих: К Тебі́, Го́споди, воздвиго́х ду́шу мою́, Бо́же мо́й.

Аллилуя, глас 6: Блаже́нні, я́же ізбра́л і прия́л єси́, Го́споди.

Стих: І па́м'ять їх в род і род.

Причастний: Блаже́нні, я́же ізбра́л і прия́л єси́ Го́споди, і па́м'ять їх в род і род.

На утрені прокимен гласа.

На Літургії прокимен, глас 3: Ве́лій Госпо́дь наш, і ве́лія крі́пость Єго́, / і ра́зума Єго́ ність числа́.

Стих: Хвалі́те Го́спода, я́ко благ псало́м, Бо́гові на́шему да услади́ться хвале́ніє.

Аллилуя, глас 8: Прийді́те возра́дуємся Го́сподеві, воскли́кнем Бо́гу, спаси́телю на́шему.

Стих: Предварі́м лице́ Єго́ во іспові́данії, і во псалмі́х воскли́кнем Єму́.

Причастний: Хвалі́те Го́спода с небе́с, хвалі́те Єго́ в ви́шніх.

Другий: Ра́дуйтеся пра́веднії о Го́споді, пра́вим подоба́єть похвала́.

Прокимен, глас 4: Восхва́ляться преподо́бнії во сла́ві / і возра́дуються на ло́жах свої́х.

Стих: Возноше́нія Бо́жия в горта́ні їх, і мечі́ обою́ду остри́ в рука́х їх.

Аллилуя, глас 2: Насажде́ні в дому́ Госпо́дні, во дво́ріх Бо́га на́шего процвіту́ть.

Стих: Веселі́теся о Го́споді і ра́дуйтеся, пра́веднії, і хвалі́теся всі пра́вії се́рдцем.

Причастний: Ра́дуйтеся, пра́веднії, о Го́споді, пра́вим подоба́єть похвала́.

На утрені прокимен гласа.

На Літургії прокимен, глас 8: Помолі́теся і воздаді́те / Го́сподеві Бо́гу на́шему.

Стих: Ві́дом во Іуде́ї Бог, во Ізра́їлі ве́ліє і́м'я Єго́.

Аллилу́я, глас 6: Бла́го єсть іспові́датися Го́сподеві, і пі́ти і́мені Твоєму́, Ви́шній.

Стих: Возвіща́ти зау́тра ми́лость Твою́, і і́стину Твою́ на вся́ку нощ.

Причастний: Хвалі́те Го́спода с небе́с, / хвалі́те Єго́ в ви́шніх.

В ту ж неділю ввечері прокимен великий, глас 8: Не отврати́ лиця́ Твоєго́ от о́трока Твоєго́, я́ко скорблю́, / ско́ро усли́ши м'я; воньми́ душі́ моє́й і ізба́ви ю́.

Стих: Спасе́ніє Твоє́, Бо́же, да при́йметь м'я.

Стих: Да у́зрять ни́щії і возвеселя́ться.

Стих: Взищі́те Бо́га, і жива́ бу́деть душа́ ва́ша.

І знову то́йже: Не отврати́ Лиця́ Твоєго́ от о́трока Твоєго́, я́ко скорблю́, / ско́ро усли́ши м'я; воньми́ душі́ моє́й і ізба́ви ю́.

На Літургії прокимен, глас 7: Возвесели́ться пра́ведник о Го́споді, / і упова́єть на Него́.

Стих: Усли́ши, Бо́же, глас мо́й, внегда́ моли́ти мі ся к Тебі́.

Аллилу́я, глас 4: Пра́ведник я́ко фі́нікс процвіте́ть, я́ко кедр, і́же в Лива́ні, умно́житься.

Стих: Насажде́ні в дому́ Госпо́дні, во дво́ріх Бо́га на́шего процвіту́ть.

Причастний: В па́м'ять ві́чную бу́деть пра́ведник, / от слу́ха зла не убої́ться.

На утрені прокимен гласа.

На Літургії прокимен, пісня отців, глас 4: Благослове́н єси́, Го́споди Бо́же оте́ць на́ших, / і хва́льно і просла́влено і́м'я Твоє́ во ві́ки.

Стих: Я́ко пра́веден єси́ о всіх, я́же сотвори́л єси́ нам.

Аллилу́я, глас 4: Моїсе́й і Ааро́н во ієре́ех Єго́, і Самуї́л в призива́ющих і́м'я Єго́.

Стих: Призива́ху Го́спода, і Той послу́шаше їх.

Причастний: Хвалі́те Го́спода с небе́с, / хвалі́те Єго́ в ви́шніх.

Други́й: Ра́дуйтеся, пра́веднії, о Го́споді, / пра́вим подоба́єть похвала́.

На моле́бном пі́нії, прокі́мен, глас 4: Насажде́ні в дому́ Госпо́дні, / во дво́ріх Бо́га на́шего процвіту́ть.

Стих: Ра́дуйтеся пра́веднії о Го́споді, пра́вим подоба́єть похвала́.

В ту́же неді́лю ве́чера прокі́мен вели́кий, глас 8: Дал єси́ достоя́ніє / боя́щимся Тебе́, Го́споди.

Стих: От коне́ць землі́ к Тебі́ воззва́х.

Стих: Покри́юся в кро́ві крил Твої́х.

Стих: Я́ко воспою́ і́мені Твоєму́ во ві́ки.

І знову: Дал єси́ достоя́ніє / боя́щимся Тебе́, Го́споди.

Прокимен і аллилуя дня, і за упокій.

На утрені прокимен гласа.

На Літургії прокимен, глас 5: Ти, Го́споди, сохрани́ши ни і соблюде́ши ни от ро́да сего́ і во вік.

Стих: Спаси́ м'я, Го́споди, я́ко оскуді́ преподо́бний.

І святому Григорію прокимен, глас 1: Уста́ моя́ возглаго́лють прему́дрость, і поуче́ніє се́рдця моєго́ ра́зум.

Аллилу́я, гласа.

Причастний: Хвалі́те Го́спода с небе́с, хвалі́те Єго́ в ви́шніх.

Другий: В па́м'ять ві́чную бу́деть пра́ведник, от слу́ха зла не убої́ться.

Прокимен: дню і мертвим.

На утрені прокимен гласа.

На Літургії замість Трисвятого: Кресту́ Твоєму́ покланя́ємся, Влади́ко, / і свято́є воскресе́ніє Твоє́ сла́вим.

Прокимен, глас 6: Спаси́, Го́споди, лю́ди Твоя́, / і благослови́ достоя́ніє Твоє́.

Стих: К Тебі́, Го́споди, воззову́, Бо́же мой, да не премолчи́ши от мене́.

Аллилу́я, глас 8: Пом'яни́ сонм Твой, єго́же стяжа́л єси́ іспе́рва.

Стих: Бог же Цар на́ш пре́жде ві́ка, соді́ла спасе́ніє посреді́ землі́.

Причастний: Зна́менася на нас світ лиця́ Твоєго́, Го́споди.

Прокимен дню і за упокой.

На утрені прокимен гласа.

На Літургії прокимен гласа і преподобному, глас 8: Восхва́ляться преподо́бнії во сла́ві і возра́дуються на ло́жах свої́х.

Аллилу́я, гласа, і святого.

Стих: Насажде́ні в дому́ Госпо́дні;

Причастний: Хвалі́те Го́спода с небе́с, хвалі́те Єго́ в ви́шніх.

Другий: В па́м'ять ві́чную бу́деть пра́ведник, от слу́ха зла не убої́ться.

Прокимен: Пісня Богородиці, глас 3: Вели́чить душа́ Моя́ Го́спода, / і возра́довася Дух Мой о Бо́зі Спа́сі Моє́м.

Стих: Я́ко призрі́ на смире́ніє раби́ Своєя́, се бо от ни́ні ублажа́ть М'я всі ро́ди.

Аллилу́я, глас 8: Воскресни́, Го́споди, в поко́й Твой, Ти і киво́т святи́ні Твоєя́.

Стих: Пом'яни́, Го́споди, Дави́да і всю кро́тость єго́;

Причастний: Ча́шу спасе́нія прийму́, і і́м'я Госпо́днє призову́.

На утрені прокимен гласа.

На Літургії прокимен гласа, і преподобний, глас 4: Ди́вен Бог во святи́х Свої́х, Бог Ізра́їлев.

Аллилу́я гласа.

Причастний: Хвалі́те Го́спода с небе́с, / хвалі́те Єго́ в ви́шніх.

Другий: В па́м'ять ві́чную бу́деть пра́ведник, / от слу́ха зла не убої́ться.

Замість Трисвятого: Єли́ці во Христа́ крести́стеся, / во Христа́ облеко́стеся.

Прокимен, глас 3: Госпо́дь просвіще́ніє моє́ і Спаси́тель мо́й, / кого́ убою́ся?

Стих: Госпо́дь защи́титель живота́ моєго́, от кого́ устрашу́ся?

Аллилу́я, глас 5: Госпо́дь воцари́ся, в лі́поту облече́ся.

Стих: І́бо утверди́ вселе́нную, я́же не подви́житься.

Причастний: Із уст младе́нець і ссу́щих соверши́л єси́ хвалу́.

На утрені прокимен, глас 4: Із уст младе́нець і ссу́щих / соверши́л єси́ хвалу́.

Стих: Го́споди Госпо́дь на́ш, я́ко чу́дно і́м'я Твоє́ по всей землі́.

На Літургії, Трисвяте, прокимен, глас 4: Благослове́н Гряди́й во і́м'я Госпо́днє, / Бог Госпо́дь і яви́ся нам.

Стих: Іспові́дайтеся Го́сподеві, я́ко благ, я́ко в вік ми́лость Єго́.

Аллилу́я, глас 1: Воспо́йте Го́сподеві піснь но́ву, я́ко ди́вна сотвори́ Госпо́дь.

Стих: Ви́діша всі конці́ землі́ спасе́ніє Бо́га на́шего.

Причастний: Благослове́н Гряди́й во і́м'я Госпо́днє, Бог Госпо́дь і яви́ся нам.

Прокі́мен, глас 7: Кня́зи лю́дстії собра́шася вку́пі, / на Го́спода і на Христа́ Єго́.

Стих: Вску́ю шата́шася язи́ци, і лю́діє поучи́шася тще́тним?

Аллилу́я, глас 6: Блаже́н разуміва́яй на ни́ща і убо́га, в день лют ізба́вить єго́ Госпо́дь.

Стих: Вразі́ мої́ рі́ша мні зла́я: когда́ у́мреть, і поги́бнеть і́м'я єго́?

Стих: Яды́й хлі́би моя́, возвели́чи на м'я запина́ніє.

Замість причастного співаємо цей тропар на глас 6: Ве́чері Твоєя́ та́йния днесь, / Си́не Бо́жий, прича́стника м'я прийми́: / не бо враго́м Твої́м та́йну пові́м, / ні лобза́нія Ті дам я́ко Іу́да, / но я́ко разбо́йник іспові́даю Тя: // пом'яни́ м'я, Го́споди, во Ца́рствії Твоє́м.

Прокимен, глас 6: Положи́ша м'я в ро́ві преіспо́днім, / в те́мних і сі́ні сме́ртній.

Стих: Го́споди Бо́же спасе́нія моєго́, во дні воззва́х, і в нощі́ пред Тобо́ю.

Аллилу́я, глас 5: Спаси́ м'я, Бо́же, я́ко внидо́ша во́ди до душі́ моєя́.

Стих: Поноше́ніє ча́яше душа́ моя́, і страсть.

Стих: Да помрача́ться о́чі їх, є́же не ви́діти.

На утрені, після славослов'я, прокимен Апо́стола, глас 7: Воскресни́, Го́споди Бо́же мой, да вознесе́ться рука́ Твоя́, / не забу́ди убо́гих Твої́х до конця́.

Стих: Іспові́мся Тебі́, Го́споди, всім се́рдцем мої́м, пові́м вся чудеса́ Твоя́.

Аллилу́я, глас 5: Да воскре́снеть Бог, і расточа́ться вразі́ Єго́, і да біжа́ть от лиця́ Єго́ ненави́дящії Єго́.

Стих: Я́ко ісчеза́єть дим, да ісче́знуть, я́ко та́єть воск от лиця́ огня́.

Стих: Та́ко да поги́бнуть грі́шници от лиця́ Бо́жия, а пра́ведници да возвеселя́ться.

На літургії, замість Трисвятого: Єли́ці во Христа́ крести́стеся, / во Христа́ облеко́стеся, / аллилу́я.

Прокимен, глас 5: Вся земля́ да поклони́ться Тебі́, і поє́ть Тебі́, / да поє́ть же і́мені Твоєму́, Ви́шній.

Стих: Воскли́кніте Го́сподеві вся земля́, по́йте же і́мені Єго́.

Аллилу́я і псалом Давида не співаються, але після того, як священник промовить: Мир ті.

І відразу чтець виголошує замість аллилу́я, во глас 7: Воскресни́, Бо́же, суди́ землі́, я́ко Ти наслі́диши во всіх язи́ціх.

І хор знову те саме співає на глас 7.

І чтець, стих: Бог ста в со́нмі бого́в, посреді́ же бо́ги разсу́дить.

І співець: Воскресни́, Бо́же:

Стих: Доко́лі су́дите непра́вду, і ли́ця грі́шников приє́млете? Воскресни́, Бо́же:

Стих: Суді́те си́ру і убо́гу, смире́нна і ни́ща оправда́йте. Воскресни́, Бо́же:

Стих: Ізмі́те убо́га і ни́ща, із руки́ грі́шничі ізба́віте єго́. Воскресни́, Бо́же:

Стих: Не позна́ша, ніже́ уразумі́ша, во тьмі хо́дять. Воскресни́, Бо́же:

Стих: Да подви́жаться вся основа́нія землі́. Аз ріх: бо́зі єсте́, і си́нове Ви́шняго всі, ви же я́ко челові́ци умира́єте, і я́ко єди́н от князе́й па́даєте. Воскресни́, Бо́же:

І відразу чтець: Воскресни́, Бо́же, суди́ землі́.

І лик: Я́ко Ти наслі́диши во всіх язи́ціх.

Після цього ієрей і диякони знімають облачення й одягаються в білі.

Причастний: Воста́ я́ко сп'я Госпо́дь, і воскре́се спаса́яй нас. Аллилу́я. [Тричі]