Прокимни і аллилуя із Тріоді Квітної

На Літургії, замість Трисвятого: Єли́ці во Христа́ крести́стеся, / во Христа́ облеко́стеся, / аллилу́я.

Прокимен, глас 8: Сей день, єго́же сотвори́ Госпо́дь, / возра́дуємся і возвеселі́мся вонь.

Стих: Іспові́дайтеся Го́сподеві я́ко благ, я́ко в вік ми́лость Єго́.

Аллилу́я, глас 4: Ти, Го́споди, воскре́с, уще́дриши Сіо́на.

Стих: Госпо́дь с небесе́ на зе́млю призрі́.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В ту ж неділю ввечері, прокимен, глас 7: Кто Бог ве́лій, я́ко Бог наш? / Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

І знову: Кто Бог ве́лій, я́ко Бог наш:

На Літургії прокимен, глас 8: Во всю зе́млю ізи́де віща́ніє їх, / і в конці́ вселе́нния глаго́ли їх.

Стих: Небеса́ пові́дають сла́ву Бо́жию, творе́ніє же руку́ Єго́ возвіща́єть твердь.

Аллилу́я, глас 1: Іспові́дять Небеса́ чудеса́ Твоя́, Го́споди.

Стих: Бог прославля́єм в сові́ті святи́х.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В той самий понеділоник ввечері, прокимен великий, глас 7: Бог наш на небесі́ і на землі́, / вся єли́ка восхоті́, сотвори́.

Стих: Во ісхо́ді Ізра́їлеві от Єги́пта, до́му Іа́ковля із люде́й ва́рвар, бисть Іуде́я святи́ня Єго́.

Стих: Мо́ре ви́ді і побіже́, Іорда́н возврати́ся всп'ять.

Стих: Что Ті єсть мо́ре, я́ко побі́гло єси́? і Тебі́ Іорда́не, я́ко возврати́лся єси́ всп'ять?

І знову: Бог наш на небесі́ і на землі́:

На Літургії прокимен, глас 3. Пісня Богородиці: Вели́чить душа́ Моя́ Го́спода, / і возра́довася дух Мой о Бо́зі Спа́сі Моє́м.

Стих: Я́ко призрі́ на смире́ніє раби́ Своєя́, се бо от ни́ні ублажа́ть М'я всі ро́ди.

Аллилу́я, глас 8: Воскресни́, Го́споди, в поко́й Твой, Ти, і киво́т святи́ні Твоєя́.

Стих: Кля́тся Госпо́дь Дави́ду і́стиною, і не отве́ржеться єя́.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В той самий день ввечері. Прокимен, глас 8: Гла́сом мої́м ко Го́споду воззва́х, / гла́сом мої́м к Бо́гу, і внят мі.

Стих 1: В день ско́рби моєя́ Бо́га взиска́х;

Стих 2: Отве́ржеся уті́шитися душа́ моя́.

Стих 3: Бо́же, во святі́м путь Твой.

І знову: Гла́сом мої́м ко Го́споду воззва́х, гла́сом мої́м к Бо́гу, і внят мі.

На Літургії прокимен, глас 6: Пом'яну́ і́м'я Твоє́ / во вся́ком ро́ді і ро́ді.

Стих: Сли́ши, Дщи, і виждь, і приклони́ у́хо Твоє́.

Аллилу́я, глас 3: Вели́чить душа́ Моя́ Го́спода, і возра́довася дух Мой о Бо́зі, Спа́сі Моє́м.

Стих: Я́ко призрі́ на смире́ніє раби́ Своєя́: се бо от ни́ні ублажа́ть М'я всі ро́ди.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В той самий день ввечері. Прокимен великий, глас 7: Внуши́, Бо́же, моли́тву мою́, / і не пре́зри моле́нія моєго́.

Стих: Воньми́ мі, і усли́ши м'я.

Стих: Я́ко уклони́ша на м'я беззако́ніє.

Стих: Аз к Бо́гу воззва́х, і Госпо́дь усли́ша м'я, ве́чер і зау́тра і полу́дне.

І знову: Внуши́, Бо́же, моли́тву мою́:

На Літургії прокимен, глас 3: По́йте Бо́гу на́шему, по́йте, / по́йте Царе́ві на́шему, по́йте.

Стих: Всі язи́ци, восплещі́те рука́ми, воскли́кніте Бо́гу гла́сом ра́дованія.

Аллилу́я, глас 4: Наляци́, успіва́й і ца́рствуй і́стини ра́ди і кро́тости, і пра́вди.

Стих: Возлюби́л єси́ пра́вду і возненави́діл єси́ беззако́ніє.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В той самий день ввечері. Прокимен великий, глас 7: Возлюблю́ Тя, Го́споди, крі́посте моя́, / Госпо́дь утвержде́ніє моє́, і прибі́жище моє́, і ізба́витель мой.

Стих: Бог мой, помо́щник мой, і упова́ю на Него́.

Стих: Хваля́ призову́ Го́спода і от враг мої́х спасу́ся.

Стих: Усли́ша от хра́ма Свята́го Своєго́ глас мой.

І знову: Возлюблю́ Тя, Го́споди, крі́посте моя́:

На Літургії прокимен, глас 8: Во всю зе́млю ізи́де віща́ніє їх, / і в конці́ вселе́нния глаго́ли їх.

Стих: Небеса́ пові́дають сла́ву Бо́жию, творе́ніє же руку́ Єго́ возвіща́єть твердь.

І Богоро́диці, прокимен, глас 3: Вели́чить душа́ Моя́ Го́спода, і возра́довася дух Мой о Бо́зі, Спа́сі Моє́м.

Аллилу́я, глас 1: Іспові́дять небеса́ чудеса́ Твоя́, Го́споди.

Стих: Бог прославля́єм в сові́ті святи́х.

Стих: Сли́ши дщи і виждь, і приклони́ у́хо твоє́.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

В той день ввечері. Прокимен великий, глас 8: Дал єси́ достоя́ніє / боя́щимся Тебе́, Го́споди.

Стих 1: От коне́ць землі́ к Тебі́ воззва́х.

Стих 2: Покри́юся в кро́ві крил Твої́х.

Стих 3: Та́ко воспою́ і́мені Твоєму́ во ві́ки.

І знову: Дал єси́ достоя́ніє боя́щимся Тебе́ Го́споди.

На Літургії прокимен, глас 3: Госпо́дь просвіще́ніє моє́ і Спаси́тель мой, / кого́ убою́ся?

Стих: Госпо́дь защи́титель живота́ моєго́, от кого́ устрашу́ся?

Аллилу́я, глас 5: Госпо́дь воцари́ся, в лі́поту облече́ся, облече́ся Госпо́дь в си́лу і препоя́сася.

Стих: І́бо утверди́ вселе́нную, я́же не подви́житься.

Причастний: Ті́ло Христо́во приймі́те, Істо́чника Безсме́ртнаго вкусі́те. Аллилу́я. [Тричі]

На утрені прокимен, глас 4: Похвали́, Ієрусали́ме, Го́спода, / хвали́ Бо́га твоєго́, Сіо́не.

Стих: Я́ко укріпи́ вереї́ врат Твої́х, благослови́ си́ни Твоя́ в Тебі́.

Євангеліє. Потім, Воскресе́ніє Христо́во ви́дівше: [Тричі]

На Літургії Трисвяте. Прокимен, глас 3: Ве́лій Госпо́дь наш, і ве́лія крі́пость Єго́, / і ра́зума Єго́ ність числа́.

Стих: Хвалі́те Го́спода, я́ко благ псало́м, Бо́гові на́шему да услади́ться хвале́ніє.

Аллилу́я, глас 8: Прийді́те, возра́дуємся Го́сподеві, воскли́кнем Бо́гу Спаси́телю на́шему.

Стих: Я́ко Бог ве́лій Госпо́дь, і Цар ве́лій по всей землі́.

Причастний: Похвали́, Ієрусали́ме, Го́спода, хвали́ Бо́га Твоєго́, Сіо́не.

В ту ж неділю ввечері. Прокимен, глас 7: Кто Бог ве́лій, я́ко Бог наш? / Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

І знову: Кто Бог ве́лій, я́ко Бог наш:

На Літургії Трисвяте. Прокимен, глас 3: Ве́лій Госпо́дь наш, і ве́лія крі́пость Єго́, / і ра́зума Єго́ ність числа́.

Стих: Хвалі́те Го́спода, я́ко благ псало́м, Бо́гові на́шему да услади́ться хвале́ніє.

Аллилу́я, глас 8: Прийді́те, возра́дуємся Го́сподеві, воскли́кнем Бо́гу, Спаси́телю на́шему.

Стих: Я́ко Бог ве́лій Госпо́дь, і Цар ве́лій по всей землі́.

Причастний: Похвали́ Ієрусали́ме Го́спода, хвали́ Бо́га Твоєго́ Сіо́не.

На утрені прокимен, глас 2: Воста́ни, Го́споди Бо́же мой, повелі́нієм, і́мже запові́дал єси́, / і сонм люде́й оби́деть тя.

Стих: Го́споди Бо́же мой, на Тя упова́х, спаси́ м'я от всіх гоня́щих м'я, і ізба́ви м'я.

На Літургії прокимен, глас 6: Спаси́, Го́споди, лю́ди Твоя́, / і благослови́ достоя́ніє Твоє́.

Стих: К Тебі́ Го́споди воззову́, Бо́же мой, да не премолчи́ши от мене́.

Аллилу́я, глас 8: Благоволи́л єси́ Го́споди, зе́млю Твою́, возврати́л єси́ плін Іа́ковль.

Стих: Ми́лость і і́стина сріто́стіся, пра́вда і мир облобиза́стася.

Причастний: Ті́ло Христо́во приймі́те, Істо́чника Безсме́ртнаго вкусі́те.

Други́й: Хвалі́те Го́спода с небе́с, хвалі́те Єго́ в ви́шніх. Аллилу́я. [Тричі]

Прокимен, аллилу́я і причастний свята.

На утрені прокимен, глас 3: Рці́те во язи́ціх, я́ко Госпо́дь воцари́ся; / і́бо іспра́ви вселе́нную, я́же не подви́житься.

Стих: Воспо́йте Го́сподеві піснь но́ву, воспо́йте Го́сподеві вся земля́.

На Літургії прокимен, глас 1: Бу́ди, Го́споди, ми́лость Твоя́ на нас, / я́коже упова́хом на Тя.

Стих: Ра́дуйтеся пра́веднії о Го́споді, пра́вим подоба́єть похвала́.

Аллилу́я, глас 5: Ми́лости Твоя́ Го́споди, во вік воспою́, в род і род.

Стих: Зане́ рекл єси́: в вік ми́лость сози́ждеться,

Причастний: Ті́ло Христо́во приймі́те, Істо́чника Безсме́ртнаго вкусі́те.

Други́й: Хвалі́те Го́спода с небе́с, хвалі́те Єго́ в ви́шніх.

Аллилу́я. [Тричі]

Прокі́мен, глас 3: Ве́лій Госпо́дь наш, і ве́лія крі́пость Єго́, / і ра́зума Єго́ ність числа́.

Стих: Хвалі́те Го́спода, я́ко благ псало́м, Бо́гові на́шему да услади́ться хвале́ніє.

Аллилу́я, глас 1: Пом'яни́ сонм Твой, єго́же стяжа́л єси́ іспе́рва.

Стих: Бог же, Цар наш, пре́жде ві́ка, соді́ла спасе́ніє посреді́ землі́.

Причастний: Яды́й Мою́ плоть, і пія́й Мою́ кров, во Мні пребива́єть, і Аз в нем, рече́ Госпо́дь.

Прокимен, аллилу́я і причастний свята.

На утрені прокимен, глас 4: Воскресни́ Го́споди, помози́ нам, / і ізба́ви нас і́мене Твоєго́ ра́ди.

Стих: Бо́же, уши́ма на́шима усли́шахом, і отці́ на́ші возвісти́ша нам.

На Літургії прокимен, глас 3: По́йте Бо́гу на́шему, по́йте, / по́йте Царе́ві на́шему, по́йте.

Стих: Всі язи́ци, восплещі́те рука́ми, воскли́кніте Бо́гу гла́сом ра́дованія.

Аллилу́я, глас 4: Наляци́, успіва́й і ца́рствуй і́стини ра́ди, і кро́тости, і пра́вди.

Стих: Возлюби́л єси́ пра́вду і возненави́діл єси́ беззако́ніє.

Причастний: Ті́ло Христо́во приймі́те, Істо́чника Безсме́ртнаго вкусі́те.

Други́й: Хвалі́те Го́спода с небе́с, хвалі́те Єго́ в ви́шніх.

Аллилу́я. [Тричі]

Воскресни́ Го́споди Бо́же мой, да вознесе́ться рука́ Твоя́, / я́ко Ти ца́рствуєши во ві́ки.

Стих: Іспові́мся Тебі́, Го́споди, всім се́рдцем мої́м, пові́м вся чудеса́ Твоя́.

На Літургії прокимен, глас 8: Помолі́теся і воздаді́те / Го́сподеві Бо́гу на́шему.

Стих: Ві́дом во Іуде́ї Бог, во Ізра́їлі ве́ліє і́м'я Єго́.

Аллилу́я, глас 8: при́зри на м'я і поми́луй м'я.

Стих: Стопи́ моя́ напра́ви по словесі́ Твоєму́.

Причастний: Ті́ло Христо́во приймі́те, Істо́чника Безсме́ртнаго вкусі́те.

Други́й: Хвалі́те Го́спода с небе́с, хвалі́те Єго́ в ви́шніх.

Аллилу́я. [Тричі]

На Літургії все послідування Пасхи; Апостол і Євангеліє дня.

На утрені прокимен, глас 4: Взи́де Бог в воскликнове́нії, / Госпо́дь во гла́сі тру́бнім.

Стих: Всі язи́ци, восплещі́те рука́ми, воскли́кніте Бо́гу гла́сом ра́дованія.

На Літургії Трисвяте. Прокимен, глас 7: Вознеси́ся на небеса́, Бо́же, / і по всей землі́ сла́ва Твоя́.

Стих: Гото́во се́рдце моє́, Бо́же, гото́во се́рдце моє́, воспою́ і пою́ во сла́ві моє́й.

Аллилу́я, глас 2: Взи́де Бог в воскликнове́нії, Госпо́дь во гла́сі тру́бнім.

Стих: Всі язи́ци, восплещі́те рука́ми, воскли́кніте Бо́гу гла́сом ра́дованія.

Причастний: Взи́де Бог в воскликнове́нії, Госпо́дь во гла́сі тру́бнім.

Аллилу́я. [Тричі]

В той самий четвер ввечері. Прокимен, глас 7: Бог наш на небесі́ і на землі́, / вся єли́ка восхоті́, сотвори́.

Стих: Во ісхо́ді Ізра́їлеві от Єги́пта, до́му Іа́ковля із люде́й ва́рвар, бисть Іуде́я святи́ня Єго́.

Стих: Мо́ре ви́ді і побіже́, Іорда́н возврати́ся всп'ять.

Стих: Что ті єсть, мо́ре, я́ко побі́гло єси́? І тебі́, Іорда́не, я́ко возврати́лся єси́ всп'ять?

І знову: Бог наш на небесі́ і на землі́:

Прокі́мен, глас 6: Ду́ші їх / во благи́х водворя́ться;

Стих: К Тебі́, Го́споди, воздвиго́х ду́шу мою́, Бо́же мой.

Аллилу́я, глас 6: Блаже́нні, я́же ізбра́л і прия́л єси́ Го́споди.

Стих: І па́м'ять їх в род і род.

Причастний: Блаже́нні, я́же ізбра́л і прия́л єси́ Го́споди, і па́м'ять їх в род і род.

На утрені прокимен, глас 6: Го́споди, воздви́гни си́лу Твою́, / і прийди́ во є́же спасти́ нас.

Стих: Паси́й Ізра́їля воньми́, наставля́яй, я́ко овча́, Іо́сифа.

На Літургії прокимен, глас 4, пісня Отців: Благослове́н єси́ Го́споди Бо́же оте́ць на́ших, / і хва́льно і просла́влено і́м'я Твоє́ во ві́ки.

Стих: Я́ко пра́веден єси́ о всіх, я́же сотвори́л єси́ нам.

Аллилу́я, глас 1: Бог бого́в Госпо́дь глаго́ла, і призва́ зе́млю от восто́к со́лнця до за́пад.

Стих: Собері́те Єму́ преподо́бния Єго́, завіща́ющия заві́т Єго́ о же́ртвах.

Причастний: Хвалі́те Го́спода с небе́с, хвалі́те Єго́ в ви́шніх.

Други́й: Ра́дуйтеся, пра́веднії, о Го́споді, пра́вим подоба́єть похвала́.

Аллилу́я. [Тричі]

Прокимен, глас 4: Дух Твой благи́й наста́вить м'я на зе́млю пра́ву.

Стих: Го́споди, усли́ши моли́тву мою́, внуши́ моле́ніє моє́.

На Літургії, замість Трисвятого: Єли́ці во Христа́ крести́стеся, / во Христа́ облеко́стеся, / аллилу́я.

Прокимен, глас 8: Во всю зе́млю ізи́де віща́ніє їх, / і в конці́ вселе́нния глаго́ли їх.

Стих: Небеса́ пові́дають сла́ву Бо́жию, творе́ніє же руку́ Єго́ возвіща́єть твердь.

Аллилу́я, глас 1: Сло́вом Госпо́днім небеса́ утверди́шася, і ду́хом уст Єго́ вся си́ла їх.

Стих: С небесе́ призрі́ Госпо́дь, ви́ді вся си́ни челові́чеськія.

Причастний: Дух Твой благи́й наста́вить м'я на зе́млю пра́ву.

Аллилу́я. [Тричі]

В ту саму неділю ввечері. Прокимен, глас 7: Кто Бог ве́лій, я́ко Бог наш? Ти єси́ Бог творя́й чудеса́.

Стих 1: Сказа́л єси́ в лю́дех си́лу Твою́.

Стих 2: Ріх: ни́ні нача́х, сія́ ізмі́на десни́ці Ви́шняго.

Стих 3: Пом'яну́х діла́ Госпо́дня, я́ко пом'яну́ от нача́ла чудеса́ Твоя́.

І па́ки: Кто Бог ве́лій, я́ко Бог наш?

На Літургії Трисвяте, прокимен, глас 6: Спаси́ Го́споди, лю́ди Твоя́, / і благослови́ достоя́ніє Твоє́.

Стих: К Тебі́, Го́споди, воззову́; Бо́же мой, да не премолчи́ши от мене́.

Аллилу́я, глас 2: Поми́луй м'я, Бо́же, по вели́цій ми́лості Твоє́й.

Стих: Не отве́ржи мене́ от лиця́ Твоєго́, і Ду́ха Твоєго́ Свята́го не отими́ от мене́.

Причастний: Дух Твой благий наста́вить м'я на зе́млю пра́ву.

Аллилу́я. [Тричі]

Прокимен, аллилу́я і причастний свята.

На утрені прокимен, глас 8: Воцари́ться Госпо́дь во вік, / Бог Твой, Сіо́не, в род і род.

Стих: Хвали́, душе́ моя́, Го́спода, восхвалю́ Го́спода в животі́ моє́м.

На Літургії прокимен, глас 8: Помолі́теся і воздаді́те / Го́сподеві Бо́гу на́шему.

Стих: Ві́дом во Іуде́ї Бог, во Ізра́їлі ве́ліє і́м'я Єго́.

І святи́х, глас 4: Ди́вен Бог во святи́х свої́х, Бог Ізра́їлев.

Аллилу́я, глас 4: Воззва́ша пра́веднії, і Госпо́дь усли́ша їх.

Стих: Мно́гі ско́рбі пра́ведним, і от всіх їх ізба́вить я Госпо́дь.

Причастний: Хвалі́те Го́спода с небе́с, хвалі́те Єго́ в ви́шніх.

Други́й: Ра́дуйтеся, пра́веднії, о Го́споді, пра́вим подоба́єть похвала́.