Стихири, глас 2

Ви́шшую небе́с і чи́стшую сві́тлостей со́лнечних, ізба́вльшую нас от кля́тви, Влади́чицю ми́ра пі́сньми почті́м.

От мно́гих мої́х гріхо́в немощству́єть ті́ло, немощству́єть і душа́ моя́; к Тебі́ прибіга́ю, Благода́тній, наде́ждо ненаде́жних, Ти мі помози́.

Влади́чице і Ма́ти Ізба́вителя, прийми́ моле́ніє недосто́йних раб Твої́х, да хода́тайствуєши к Ро́ждшемуся от Тебе́; о Влади́чице ми́ра, бу́ди Хода́тайця!

Поє́м прилі́жно Тебі́ піснь ни́ні, всепі́той Богоро́диці, ра́достно: со Предте́чею і всі́ми святи́ми моли́, Богоро́дице, є́же уще́дрити ни.

Вся А́нгелов во́їнства, Предте́че Госпо́день, Апо́столов двоєнадеся́тице, святі́ї всі с Богоро́дицею, сотворі́те моли́тву, во є́же спасти́ся нам.