Про те, яким чином слід співати Псалтир, дотримуючись розумної послідовності.

Якщо священик, то виголошує: Благослове́н Бог наш всегда́, ни́ні, і при́сно, і во ві́ки віко́в.

Якщо мирянин, то промовляє зворушено: Моли́твами святи́х оте́ць на́ших, Го́споди Ісу́се Христе́ Бо́же наш, поми́луй нас, амі́нь.

Сла́ва Тебі́, Бо́же наш, сла́ва Тебі́.

Царю́ Небе́сний, Уті́шителю, Ду́ше і́стини, І́же везді́ сий і вся ісполня́яй, Сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

Святи́й Бо́же, Святи́й Крі́пкий, Святи́й Безсме́ртний, поми́луй нас. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Пресвята́я Тро́йце, поми́луй нас: Го́споди, очи́сти гріхи́ на́ша; Влади́ко, прости́ беззако́нія на́ша; Святи́й, посіти́ і ісціли́ не́мощі на́ша і́мене Твоєго́ ра́ди.

Го́споди, поми́луй. [Тричі]

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

О́тче наш, І́же єси́ на Небесі́х, да святи́ться і́м'я Твоє́, да при́йдеть Ца́рствіє Твоє́, да бу́деть во́ля Твоя́, я́ко на Небесі́ і на землі́. Хліб наш насу́щний даждь нам днесь; і оста́ви нам до́лги на́ша, я́коже і ми оставля́єм должнико́м на́шим; і не введи́ нас во іскуше́ніє, но ізба́ви нас от лука́ваго.

Поми́луй нас, Го́споди, поми́луй нас; вся́каго бо отві́та недоумі́юще, сію́ Ті моли́тву я́ко Влади́ці грі́шнії прино́сим: поми́луй нас.

Сла́ва: Честно́є проро́ка Твоєго́ Го́споди, торжество́, не́бо Це́рков показа́, с челові́ки лику́ють а́нгели. Того́ моли́твами, Христе́ Бо́же, в ми́рі упра́ви живо́т наш, да поє́м Ті: аллилу́я.

І ни́ні: Мно́гая мно́жества мої́х, Богоро́дице, прегріше́ній, к Тебі́ прибіго́х, Чи́стая, спасе́нія тре́буя: посіти́ немощству́ющую мою́ ду́шу, і моли́ Си́на Твоєго́ і Бо́га на́шего да́ти мі оставле́ніє, я́же соді́ях лю́тих, єди́на Благослове́нная.

Го́споди, поми́луй. 40 разів.

І поклонися скільки можеш.

Всесвята́я Тро́йце, Бо́же і Соді́телю всего́ ми́ра, поспіши́ і напра́ви се́рдце моє́ нача́ти с ра́зумом і конча́ти ді́ли благи́ми Богодухнове́нния сія́ кни́ги, я́же Святи́й Дух усти́ Дави́дови отри́гну, ї́хже ни́ні хощу́ глаго́лати аз, недосто́йний; разумі́я же своє́ неві́жество, припа́дая молю́ся Ті, і є́же от Тебе́ по́мощі прося́; Го́споди, упра́ви ум мой, і утверди́ се́рдце моє́, не о глаго́ланії усте́н стужа́ти си, но о ра́зумі глаго́лемих весели́тися, і пригото́витися на творе́ніє до́брих діл, я́же учу́ся, і глаго́лю; да до́брими ді́ли просвіще́н, на Суди́щі десни́я Ті страни́ прича́стник бу́ду со всі́ми ізбра́нними Твої́ми. І ни́ні, Влади́ко, благослови́, да воздохну́в от се́рдця, і язи́ком воспою́, глаго́ля си́це;

Прийді́те, поклоні́мся Царе́ві на́шему Бо́гу.

Прийді́те, поклоні́мся і припаде́м Христу́, Царе́ві на́шему Бо́гу.

Прийді́те, поклоні́мся і припаде́м Самому́ Христу́, Царе́ві і Бо́гу на́шему.

Також постій трохи, аж поки заспокояться усі почуття. А тоді — почни, але не одразу, без лінощів, зі зворушенням і смиренням у серці, і скажи так: Блаже́н муж: тихо і розумно, з увагою, не поспішаючи, не поквапом, а так, щоб розумом збагнути те, що говориться.