Після завершення читання кількох кафизм, або всього Псалтиря і пісень:

Досто́йно єсть я́ко воі́стину блажи́ти Тя, Богоро́дицю, Присноблаже́нную і Пренепоро́чную і Ма́тер Бо́га на́шего. Честні́йшую Херуви́м і сла́внійшую без сравне́нія Серафи́м, без істлі́нія Бо́га Сло́ва ро́ждшую, су́щую Богоро́дицю Тя велича́єм.

Або:

О Тебі́ ра́дується, Благода́тная, вся́кая твар, / А́нгельський собо́р і челові́чеський род, / освяще́нний Хра́ме, і Раю́ слове́сний. Ді́вственная Похвало́, / із Нея́же Бог воплоти́ся, і Младе́нець бисть, / пре́жде вік сий Бог наш; / ложесна́ бо Твоя́ престо́л сотвори́, / і чре́во Твоє́ простра́нніє небе́с соді́ла. / О Тебі́ ра́дується, Благода́тная, вся́кая твар, сла́ва Тебі́.

Трисвято́є. І по О́тче наш:

Поми́луй нас, Го́споди, поми́луй нас, вся́каго бо отві́та недоумі́юще, сію́ Ті моли́тву я́ко Влади́ці грі́шнії прино́сим: поми́луй нас.

Сла́ва: Честно́є проро́ка Твоєго́ Го́споди торжество́, не́бо Це́рков показа́, с челові́ки лику́ють а́нгели. Того́ моли́твами, Христе́ Бо́же, в ми́рі упра́ви живо́т наш, да поє́м Ті: аллилу́я.

І ни́ні: Мно́гая мно́жества мої́х, Богоро́дице, прегріше́ній; к Тебі́ прибіго́х, Чи́стая, спасе́нія тре́буя. Посіти́ немощству́ющую мою́ ду́шу, і моли́ Си́на Твоєго́ і Бо́га на́шего да́ти мі оставле́ніє, я́же соді́ях лю́тих, єди́на Благослове́нная.

Потім, Го́споди, поми́луй. [40 разів.]

Го́споди і Влади́ко живота́ моєго́, дух пра́здности, уни́нія, любонача́лія і праздносло́вія не даждь мі. [Поклін]

Дух же цілому́дрія, смиренному́дрія, терпі́нія і любве́ да́руй мі, рабу́ Твоєму́. [Поклін]

Єй, Го́споди, Царю́, да́руй мі зрі́ти моя́ прегріше́нія і не осужда́ти бра́та моєго́, я́ко благослове́н єси́ во ві́ки віко́в. [Поклін]

Многоми́лостиве і преми́лостиве Го́споди, і всего́ добра́ Да́телю Человіколю́бче, і всея́ вселе́нния Царю́ многоімени́тий, Влади́ко і Го́споди, нищ і убо́г єсьм аз, дерза́ю призива́ти чу́дноє і стра́шноє і свято́є і́м'я Твоє́, єго́же вся твар Небе́сних Сил стра́хом трепе́щуть; ни́зу на землі́ неізрече́ннаго Твоєго́ человіколю́бія смотре́ніє удиви́л єси́, посла́нієм возлю́бленнаго Твоєго́ О́трока. Єго́же от безнача́льних нідр Твоєя́ Оте́чеськия сла́ви неразлу́чним Бо́жество́м отри́гнул єси́, да челові́ки со а́нгели во єди́н соста́в устро́їть. Пом'яни́, Го́споди, моєго́ уни́нія смире́ніє; кал сий і персть, Тебе́, неізглаго́ланнаго Сві́та призива́ю, не́мощію пло́ті обложе́н, ю́же ми́лостивні сло́во Твоє́ понесе́, і сме́ртію Своє́ю от рабо́ти вра́жия свободи́л єсть ду́ші на́ша, да о́бщники вся, і́же ві́рою яре́м рабо́ти Твоєя́ на ся взе́мшия, сла́ви Твоєя́ сподо́бить їх, от нея́же сатана́ льсти́вий отпаде́. Поми́луй м'я, омраче́ннаго гріхо́вними по́мисли, возведи́ ум мой уда́вленний те́рнієм лі́ности і ляди́ною непоко́рства; утверди́ се́рдце моє́ по Тебі́ горі́ти, очи́ма мої́ма істо́чник слез посли́ і на коне́ць ісхо́да душі́ моєя́ сотвори́ м'я безпоро́чна Твоєго́ уго́дника, наставля́я м'я к Тебі́ подвиза́тися усе́рдно. Пом'яни́, Го́споди, роди́телі моя́ милосе́рдієм Твої́м і вся бли́жнія моя́, і бра́тію, і дру́ги, і сосі́ди, і вся правосла́вния христия́ни, і спаси́ м'я моли́твами всіх святи́х; і прийми́ в честь сія́ псалми́ і моли́тви, я́же глаго́лах пред Тобо́ю за ся, і не ме́рзко Ті бу́ди с воздиха́нієм моле́ніє сіє́, я́ко ми́лостив сий і Человіколю́бець, і Тебе́, Безнача́льнаго Отця́, сла́вим, со Єдиноро́дним Твої́м Си́ном, і со Святи́м Ду́хом, ни́ні, і при́сно, і во ві́ки віко́в, амі́нь.

Честні́йшую Херуви́м, і сла́внійшую без сравне́нія Серафи́м, без істлі́нія Бо́га Сло́ва ро́ждшую, су́щую Богоро́дицю Тя велича́єм.

Сла́ва Отцю́, і Си́ну, і Свято́му Ду́ху, і ни́ні, і при́сно, і во ві́ки віко́в. Амі́нь.

Го́споди, поми́луй. [Тричі] Благослови́.

Якщо священик, то закінчує ієрейським чином.

Якщо ж чернець або мирянин, закінчує так: Го́споди Ісу́се Христе́, Си́не Бо́жий, моли́тв ра́ди Пречи́стия Твоєя́ Ма́тере, си́лою Честна́го і Животворя́щаго Креста́, і святи́х Небе́сних Сил безпло́тних, і преподо́бних і богоно́сних оте́ць на́ших, і свята́го проро́ка Дави́да, і всіх святи́х поми́луй і спаси́ м'я, грі́шнаго, я́ко благ і Человіколю́бець.