|
Глава 10
|
Глава́ і҃
|
|
1
|
1
|
|
И ви́дѣхъ, и се́, верху́ тве́рди су́щія надъ главо́ю херуві́мовъ, я́ко ка́мень сапфі́ровый, подо́біє престо́ла на ни́хъ.
|
И҆ ви́дѣхъ, и҆ сѐ, верхꙋ̀ тве́рди сꙋ́щїѧ над̾ главо́ю херꙋві́мѡвъ, ꙗ҆́кѡ ка́мень сапфі́ровый, подо́бїе престо́ла на ни́хъ.
|
|
2
|
2
|
|
И рече́ къ му́жу облече́ному во у́тварь: вни́ди средѣ́ коле́съ, я́же подъ херуві́мами, и напо́лни го́рсти твоя́ у́глія о́гненнаго от среды́ херуві́мовъ и разсы́пли на гра́дъ. И вни́де предо мно́ю:
|
И҆ речѐ къ мꙋ́жꙋ ѡ҆блече́номꙋ во оу҆́тварь: вни́ди средѣ̀ коле́съ, ꙗ҆̀же под̾ херꙋві́мами, и҆ напо́лни гѡ́рсти твоѧ̑ оу҆́глїѧ ѻ҆́гненнагѡ ѿ среды̀ херꙋві́мѡвъ и҆ разсы́пли на гра́дъ. И҆ вни́де предо мно́ю:
|
|
3
|
3
|
|
херуві́ми же стоя́ху одесну́ю до́му, внегда́ вхожда́ше му́жъ, и о́блакъ напо́лни дво́ръ вну́тренній.
|
херꙋві́ми же стоѧ́хꙋ ѡ҆деснꙋ́ю до́мꙋ, внегда̀ вхожда́ше мꙋ́жъ, и҆ ѡ҆́блакъ напо́лни дво́ръ внꙋ́треннїй.
|
|
4
|
4
|
|
И воздви́жеся сла́ва Госпо́дня от херуві́мовъ въ непокрове́ніє до́му, и напо́лни до́мъ о́блакъ, и дво́ръ напо́лнися сія́нія сла́вы Госпо́дни:
|
И҆ воздви́жесѧ сла́ва гдⷭ҇нѧ ѿ херꙋві́мѡвъ въ непокрове́нїе до́мꙋ, и҆ напо́лни до́мъ ѡ҆́блакъ, и҆ дво́ръ напо́лнисѧ сїѧ́нїѧ сла́вы гдⷭ҇ни:
|
|
5
|
5
|
|
и гла́съ кри́лъ херуві́мскихъ слы́шашеся да́же до внѣ́шняго двора́, я́коже гла́съ Бо́га саддаі́ глаго́лющаго.
|
и҆ гла́съ кри́лъ херꙋві́мскихъ слы́шашесѧ да́же до внѣ́шнѧгѡ двора̀, ꙗ҆́коже гла́съ бг҃а саддаі̀ гл҃ющагѡ.
|
|
6
|
6
|
|
И бы́сть внегда́ заповѣ́даше му́жу облече́ному во у́тварь святу́ю, глаго́ля: возми́ о́гнь от среды́ коле́съ, и́же средѣ́ херуві́мовъ. И вни́де и ста́ бли́зъ коле́съ.
|
И҆ бы́сть внегда̀ заповѣ́даше мꙋ́жꙋ ѡ҆блече́номꙋ во оу҆́тварь ст҃ꙋ́ю, гл҃ѧ: возмѝ ѻ҆́гнь ѿ среды̀ коле́съ, и҆́же средѣ̀ херꙋві́мѡвъ. И҆ вни́де и҆ ста̀ бли́з̾ коле́съ.
|
|
7
|
7
|
|
И простре́ херуві́мъ ру́ку свою́ въ среди́ну огня́ су́щаго средѣ́ херуві́мовъ, и взя́ и вдаде́ въ ру́цѣ оболче́ному во у́тварь святу́ю, и взя́ и изы́де.
|
И҆ прострѐ херꙋві́мъ рꙋ́кꙋ свою̀ въ среди́нꙋ ѻ҆гнѧ̀ сꙋ́щагѡ средѣ̀ херꙋві́мѡвъ, и҆ взѧ̀ и҆ вдадѐ въ рꙋ́цѣ ѡ҆болче́номꙋ во оу҆́тварь ст҃ꙋ́ю, и҆ взѧ̀ и҆ и҆зы́де.
|
|
8
|
8
|
|
И ви́дѣхъ херуві́мы, и се́, подо́біє ру́къ человѣ́чихъ подъ кри́лы и́хъ.
|
И҆ ви́дѣхъ херꙋві́мы, и҆ сѐ, подо́бїе рꙋ́къ человѣ́чихъ под̾ кри́лы и҆́хъ.
|
|
9
|
9
|
|
И ви́дѣхъ, и се́, четы́ри коле́са стоя́ху держа́щеся херуві́мовъ: ко́ло єди́но держа́шеся єди́наго херуві́ма, и ко́ло єди́но держа́шеся друга́го херуві́ма: взо́ръ же коле́съ я́коже взо́ръ ка́менія Анѳра́кса:
|
И҆ ви́дѣхъ, и҆ сѐ, четы́ри коле́са стоѧ́хꙋ держа́щесѧ херꙋві́мѡвъ: ко́ло є҆ди́но держа́шесѧ є҆ди́нагѡ херꙋві́ма, и҆ ко́ло є҆ди́но держа́шесѧ дрꙋга́гѡ херꙋві́ма: взо́ръ же коле́съ ꙗ҆́коже взо́ръ ка́менїѧ а҆нѳра́ѯа:
|
|
10
|
10
|
|
и взо́ръ и́хъ подо́біє єди́но четы́ремъ, а́кибы бы́ло ко́ло въ колеси́:
|
и҆ взо́ръ и҆́хъ подо́бїе є҆ди́но четы́ремъ, а҆́кибы бы́ло ко́ло въ колесѝ:
|
|
11
|
11
|
|
внегда́ идя́ху, на четы́ри ча́сти и́хъ идя́ху, и не обраща́хуся внегда́ идя́ху: я́ко, на не́же мѣ́сто а́ще зря́ше нача́ло єди́но, идя́ху [вслѣ́дъ єго́], и не обраща́хуся, внегда́ ити́ и́мъ.
|
внегда̀ и҆дѧ́хꙋ, на четы́ри ча̑сти и҆́хъ и҆дѧ́хꙋ, и҆ не ѡ҆браща́хꙋсѧ внегда̀ и҆дѧ́хꙋ: ꙗ҆́кѡ, на не́же мѣ́сто а҆́ще зрѧ́ше нача́ло є҆ди́но, и҆дѧ́хꙋ (в̾слѣ́дъ є҆гѡ̀), и҆ не ѡ҆браща́хꙋсѧ, внегда̀ и҆тѝ и҆̀мъ.
|
|
12
|
12
|
|
Вся́ же тѣлеса́ и́хъ и хребты́ и́хъ, и ру́цѣ и́хъ и кри́ла и́хъ и коле́са по́лна оче́съ о́крестъ четы́рехъ коле́съ.
|
Всѧ̑ же тѣлеса̀ и҆́хъ и҆ хребты̀ и҆́хъ, и҆ рꙋ́цѣ и҆́хъ и҆ кри́ла и҆́хъ и҆ коле́са пѡ́лна ѻ҆че́съ ѡ҆́крестъ четы́рехъ коле́съ.
|
|
13
|
13
|
|
Коле́самъ же си́мъ воззва́ся ге́лгель, слы́шащу мнѣ́.
|
Коле́самъ же си̑мъ воззва́сѧ ге́лгель, слы́шащꙋ мнѣ̀.
|
|
14
|
14
|
|
Четы́ри же ли́ца коєму́ждо и́хъ: єди́ному лице́ херуві́мле, лице́ же друго́му лице́ человѣ́чо, тре́тіє же лице́ льво́во и четве́ртоє лице́ о́рлеє.
|
Четы́ри же ли́ца коемꙋ́ждо и҆́хъ: є҆ди́номꙋ лицѐ херꙋві́мле, лице́ же дрꙋго́мꙋ лицѐ человѣ́чо, тре́тїе же лицѐ льво́во и҆ четве́ртое лицѐ ѻ҆́рлее.
|
|
15
|
15
|
|
И взя́шася херуві́ми: сіє́ є́сть живо́тноє, є́же ви́дѣхъ на рѣцѣ́ Хова́ръ.
|
И҆ взѧ́шасѧ херꙋві́ми: сїѐ є҆́сть живо́тное, є҆́же ви́дѣхъ на рѣцѣ̀ хова́ръ.
|
|
16
|
16
|
|
И єгда́ идя́ху херуві́ми, идя́ху и коле́са и́хъ, и сі́и держа́хуся и́хъ: и внегда́ воздвиза́ху херуві́ми кри́ла своя́, є́же возвы́ситися от земли́, не обраща́хуся коле́са и́хъ, и та́ держа́хуся и́хъ:
|
И҆ є҆гда̀ и҆дѧ́хꙋ херꙋві́ми, и҆дѧ́хꙋ и҆ коле́са и҆́хъ, и҆ сі́и держа́хꙋсѧ и҆́хъ: и҆ внегда̀ воздвиза́хꙋ херꙋві́ми кри́ла своѧ̑, є҆́же возвы́ситисѧ ѿ землѝ, не ѡ҆браща́хꙋсѧ коле́са и҆́хъ, и҆ та̑ держа́хꙋсѧ и҆́хъ:
|
|
17
|
17
|
|
єгда́ стоя́ху ті́и, стоя́ху и они́, и внегда́ возвыша́хуся ті́и, возвыша́хуся и они́ съ ни́ми: зане́ ду́хъ жи́зни бѣ́ въ ни́хъ.
|
є҆гда̀ стоѧ́хꙋ ті́и, стоѧ́хꙋ и҆ ѻ҆нѝ, и҆ внегда̀ возвыша́хꙋсѧ ті́и, возвыша́хꙋсѧ и҆ ѻ҆нѝ съ ни́ми: занѐ дꙋ́хъ жи́зни бѣ̀ въ ни́хъ.
|
|
18
|
18
|
|
И изы́де сла́ва Госпо́дня от непокрове́нія до́му и взы́де на херуві́мы.
|
И҆ и҆зы́де сла́ва гдⷭ҇нѧ ѿ непокрове́нїѧ до́мꙋ и҆ взы́де на херꙋві́мы.
|
|
19
|
19
|
|
И воздвиго́ша херуві́ми кри́ла своя́ и возвы́сишася от земли́ предо мно́ю: єгда́ изыдо́ша ті́и, и коле́са держа́хуся и́хъ: и ста́ша надъ преддве́ріємъ вра́тъ до́му Госпо́дня, я́же проти́ву восто́ку, и сла́ва Го́спода Бо́га Ізра́илева бѣ́ надъ ни́ми свы́ше.
|
И҆ воздвиго́ша херꙋві́ми кри́ла своѧ̑ и҆ возвы́сишасѧ ѿ землѝ предо мно́ю: є҆гда̀ и҆зыдо́ша ті́и, и҆ коле́са держа́хꙋсѧ и҆́хъ: и҆ ста́ша над̾ преддве́рїемъ вра́тъ до́мꙋ гдⷭ҇нѧ, ꙗ҆̀же проти́вꙋ восто́кꙋ, и҆ сла́ва гдⷭ҇а бг҃а і҆и҃лева бѣ̀ над̾ ни́ми свы́ше.
|
|
20
|
20
|
|
Сіє́ живо́тноє є́сть, є́же ви́дѣхъ подъ Бо́гомъ Ізра́илевымъ на рѣцѣ́ Хова́ръ, и позна́хъ, я́ко херуві́ми су́ть.
|
Сїѐ живо́тное є҆́сть, є҆́же ви́дѣхъ под̾ бг҃омъ і҆и҃левымъ на рѣцѣ̀ хова́ръ, и҆ позна́хъ, ꙗ҆́кѡ херꙋві́ми сꙋ́ть.
|
|
21
|
21
|
|
Четы́ри ли́ца єди́ному, и четы́ри кри́ла єди́ному, и подо́біє ру́къ человѣ́чихъ подъ кри́лы и́хъ.
|
Четы́ри ли́ца є҆ди́номꙋ, и҆ четы́ри кри́ла є҆ди́номꙋ, и҆ подо́бїе рꙋ́къ человѣ́чихъ под̾ кри́лы и҆́хъ.
|
|
22
|
22
|
|
И подо́біє ли́цъ и́хъ: сія́ ли́ца су́ть, я́же ви́дѣхъ подъ сла́вою Бо́га Ізра́илева при рѣцѣ́ Хова́ръ воззрѣ́ніє и́хъ: и сія́ ко́ждо пря́мо лицу́ своєму́ идя́ху.
|
И҆ подо́бїе ли́цъ и҆́хъ: сїѧ̑ ли́ца сꙋ́ть, ꙗ҆̀же ви́дѣхъ под̾ сла́вою бг҃а і҆и҃лева при рѣцѣ̀ хова́ръ воззрѣ́нїе и҆́хъ: и҆ сїѧ̑ ко́ждо прѧ́мѡ лицꙋ̀ своемꙋ̀ и҆дѧ́хꙋ.
|
