|
Глава 31
|
Глава́ л҃а
|
|
1
|
1
|
|
И бы́сть во єдинонадеся́тоє лѣ́то, въ тре́тій ме́сяцъ, во єди́нъ де́нь ме́сяца, бы́сть сло́во Госпо́дне ко мнѣ́ глаго́ля:
|
И҆ бы́сть во є҆динонадесѧ́тое лѣ́то, въ тре́тїй мцⷭ҇ъ, во є҆ди́нъ де́нь мцⷭ҇а, бы́сть сло́во гдⷭ҇не ко мнѣ̀ гл҃ѧ:
|
|
2
|
2
|
|
сы́не человѣ́чь, рцы́ фарао́ну царю́ Єги́петску и мно́жеству єго́: кому́ уподо́билъ єси́ себе́ въ высотѣ́ твоє́й?
|
сы́не человѣ́чь, рцы̀ фараѡ́нꙋ царю̀ є҆гѵ́петскꙋ и҆ мно́жествꙋ є҆гѡ̀: комꙋ̀ оу҆подо́билъ є҆сѝ себѐ въ высотѣ̀ твое́й;
|
|
3
|
3
|
|
Се́, Ассу́ръ кипарі́съ въ Ліва́нѣ, до́бръ отра́сльми и высо́къ вели́чествомъ и ча́стъ покро́вомъ, и средѣ́ о́блакъ бы́сть вла́сть єго́:
|
Сѐ, а҆ссꙋ́ръ кѷпарі́съ въ лїва́нѣ, до́бръ ѿра́сльми и҆ высо́къ вели́чествомъ и҆ ча́стъ покро́вомъ, и҆ средѣ̀ ѡ҆́блакъ бы́сть вла́сть є҆гѡ̀:
|
|
4
|
4
|
|
вода́ воспита́ єго́, бе́здна вознесе́ єго́, рѣ́ки своя́ приведе́ о́крестъ садо́въ свои́хъ, и соста́вы своя́ испусти́ во вся́ древеса́ полева́я.
|
вода̀ воспита̀ є҆го̀, бе́здна вознесѐ є҆го̀, рѣ́ки своѧ̑ приведѐ ѡ҆́крестъ садѡ́въ свои́хъ, и҆ соста́вы своѧ̑ и҆спꙋстѝ во всѧ̑ древеса̀ полєва́ѧ.
|
|
5
|
5
|
|
Сего́ ра́ди вознесе́ся вели́чество єго́ па́че всѣ́хъ древе́съ по́льныхъ, разшири́шася вѣ́твіє єго́, и вознесо́шася отра́сли єго́ от воды́ мно́ги, єгда́ протяже́ся.
|
Сегѡ̀ ра́ди вознесе́сѧ вели́чество є҆гѡ̀ па́че всѣ́хъ древе́съ по́льныхъ, разшири́шасѧ вѣ́твїе є҆гѡ̀, и҆ вознесо́шасѧ ѿра̑сли є҆гѡ̀ ѿ воды̀ мно́ги, є҆гда̀ протѧже́сѧ.
|
|
6
|
6
|
|
Во отра́слехъ єго́ возгнѣзди́шася вся́ пти́цы небе́сныя, и подъ вѣ́твьми єго́ ражда́хуся вси́ звѣ́ріє по́льніи, подъ сѣ́нію єго́ всели́ся все́ мно́жество язы́ковъ.
|
Во ѿра́слехъ є҆гѡ̀ возгнѣзди́шасѧ всѧ̑ пти̑цы небє́сныѧ, и҆ под̾ вѣ́твьми є҆гѡ̀ ражда́хꙋсѧ всѝ ѕвѣ́рїе по́льнїи, под̾ сѣ́нїю є҆гѡ̀ всели́сѧ всѐ мно́жество ꙗ҆зы́кѡвъ.
|
|
7
|
7
|
|
И бы́сть до́бръ въ высотѣ́ своє́й мно́жества ра́ди вѣ́твій свои́хъ, я́ко бѣ́ша коре́ніє єго́ въ водѣ́ мно́зѣ.
|
И҆ бы́сть до́бръ въ высотѣ̀ свое́й мно́жества ра́ди вѣ́твїй свои́хъ, ꙗ҆́кѡ бѣ́ша коре́нїе є҆гѡ̀ въ водѣ̀ мно́зѣ.
|
|
8
|
8
|
|
И кипарі́си не таковы́ въ раи́ Бо́жіи, и со́сны неподо́бны отра́слемъ єго́, и є́ліє не бы́сть подо́бно вѣ́твіямъ єго́: вся́коє дре́во, є́же въ раи́ Бо́жіи, не бы́сть подо́бно єму́ въ добро́тѣ єго́, мно́жества ра́ди вѣ́твій єго́.
|
И҆ кѷпарі́си не таковы̑ въ раѝ бж҃їи, и҆ со́сны неподѡ́бны ѿра́слемъ є҆гѡ̀, и҆ є҆́лїе не бы́сть подо́бно вѣ́твїѧмъ є҆гѡ̀: всѧ́кое дре́во, є҆́же въ раѝ бж҃їи, не бы́сть подо́бно є҆мꙋ̀ въ добро́тѣ є҆гѡ̀, мно́жества ра́ди вѣ́твїй є҆гѡ̀.
|
|
9
|
9
|
|
Добра́ сотвори́хъ єго́ во мно́жествѣ вѣ́твій єго́, и возревнова́ша єму́ древеса́ ра́йская сла́дости Бо́жія.
|
Добра̀ сотвори́хъ є҆го̀ во мно́жествѣ вѣ́твїй є҆гѡ̀, и҆ возревнова́ша є҆мꙋ̀ древеса̀ ра̑йскаѧ сла́дости бж҃їѧ.
|
|
10
|
10
|
|
Того́ ра́ди сія́ глаго́летъ Адонаі́ Госпо́дь: поне́же бы́лъ єси́ вели́къ вели́чествомъ и да́лъ єси́ вла́сть свою́ во среди́ну о́блакъ, и вознесе́ся се́рдце єго́ въ высотѣ́ єго́, и ви́дѣхъ, єгда́ вознесе́ся:
|
Тогѡ̀ ра́ди сїѧ̑ гл҃етъ а҆дѡнаі̀ гдⷭ҇ь: поне́же бы́лъ є҆сѝ вели́къ вели́чествомъ и҆ да́лъ є҆сѝ вла́сть свою̀ во среди́нꙋ ѡ҆́блакъ, и҆ вознесе́сѧ се́рдце є҆гѡ̀ въ высотѣ̀ є҆гѡ̀, и҆ ви́дѣхъ, є҆гда̀ вознесе́сѧ:
|
|
11
|
11
|
|
и преда́хъ єго́ въ ру́цѣ кня́зя язы́ческа, и сотвори́ па́губу єго́, по нече́стію єго́.
|
и҆ преда́хъ є҆го̀ въ рꙋ́цѣ кнѧ́зѧ ꙗ҆зы́ческа, и҆ сотворѝ па́гꙋбꙋ є҆гѡ̀, по нече́стїю є҆гѡ̀.
|
|
12
|
12
|
|
И изгна́хъ єго́ а́зъ, и потреби́ша єго́ чужді́и губи́теліє от язы́къ, и поверго́ша єго́ на гора́хъ: и во всѣ́хъ де́брехъ падо́ша вѣ́тви єго́, и сотро́шася отра́сли єго́ на вся́цѣмъ по́ли земнѣ́мъ, и снидо́ша от покро́ва єго́ вси́ лю́діє язы́ковъ и разори́ша єго́.
|
И҆ и҆згна́хъ є҆го̀ а҆́зъ, и҆ потреби́ша є҆го̀ чꙋжді́и гꙋби́телїе ѿ ꙗ҆зы̑къ, и҆ поверго́ша є҆го̀ на гора́хъ: и҆ во всѣ́хъ де́брехъ падо́ша вѣ̑тви є҆гѡ̀, и҆ сотро́шасѧ ѿра̑сли є҆гѡ̀ на всѧ́цѣмъ по́ли земнѣ́мъ, и҆ снидо́ша ѿ покро́ва є҆гѡ̀ всѝ лю́дїе ꙗ҆зы́кѡвъ и҆ разори́ша є҆го̀.
|
|
13
|
13
|
|
Во паде́ніи єго́ почи́ша вся́ пти́цы небе́сныя, и на сте́блієхъ єго́ бы́ша вси́ звѣ́ріє се́лніи,
|
Во паде́нїи є҆гѡ̀ почи́ша всѧ̑ пти̑цы небє́сныѧ, и҆ на сте́блїехъ є҆гѡ̀ бы́ша всѝ ѕвѣ́рїе се́лнїи,
|
|
14
|
14
|
|
я́ко да не возно́сятся вели́чествомъ свои́мъ вся́ древеса́, я́же въ водѣ́, и не дадя́тъ вла́сти своєя́ средѣ́ о́блакъ, и не ста́нутъ въ высотѣ́ и́хъ къ нему́ вси́ пію́щіи во́ду, вси́ отда́ни бы́ша во сме́рть во глубину́ земли́, средѣ́ сыно́въ человѣ́ческихъ къ низходя́щымъ въ про́пасть.
|
ꙗ҆́кѡ да не возно́сѧтсѧ вели́чествомъ свои́мъ всѧ̑ древеса̀, ꙗ҆̀же въ водѣ̀, и҆ не дадѧ́тъ вла́сти своеѧ̀ средѣ̀ ѡ҆́блакъ, и҆ не ста́нꙋтъ въ высотѣ̀ и҆́хъ къ немꙋ̀ всѝ пїю́щїи во́дꙋ, всѝ ѿда́ни бы́ша во сме́рть во глꙋбинꙋ̀ землѝ, средѣ̀ сынѡ́въ человѣ́ческихъ къ низходѧ́щымъ въ про́пасть.
|
|
15
|
15
|
|
Сія́ глаго́летъ Адонаі́ Госпо́дь: въ о́ньже де́нь сведе́ся во а́дъ, пла́кася о не́мъ бе́здна: и удержа́хъ рѣ́ки єя́ и возбрани́хъ мно́жеству во́дъ, и поме́рче о не́мъ Ліва́нъ, и вся́ древеса́ полева́я о не́мъ разсла́бишася:
|
Сїѧ̑ гл҃етъ а҆дѡнаі̀ гдⷭ҇ь: въ ѻ҆́ньже де́нь сведе́сѧ во а҆́дъ, пла́касѧ ѡ҆ не́мъ бе́здна: и҆ оу҆держа́хъ рѣ́ки є҆ѧ̀ и҆ возбрани́хъ мно́жествꙋ во́дъ, и҆ поме́рче ѡ҆ не́мъ лїва́нъ, и҆ всѧ̑ древеса̀ полєва́ѧ ѡ҆ не́мъ разсла́бишасѧ:
|
|
16
|
16
|
|
от гла́са паде́нія єго́ потрясо́шася язы́цы, єгда́ свожда́хъ єго́ во а́дъ со снизходя́щими въ ро́въ, и утѣша́ху єго́ въ земли́ до́лнѣйшей вся́ древеса́ сла́дости, и избра́нная и до́брая Ліва́нова, вся́ пію́щая во́ду:
|
ѿ гла́са паде́нїѧ є҆гѡ̀ потрѧсо́шасѧ ꙗ҆зы́цы, є҆гда̀ свожда́хъ є҆го̀ во а҆́дъ со снизходѧ́щими въ ро́въ, и҆ оу҆тѣша́хꙋ є҆го̀ въ землѝ до́лнѣйшей всѧ̑ древеса̀ сла́дости, и҆ и҆збра̑ннаѧ и҆ дѡ́браѧ лїва́нѡва, всѧ̑ пїю̑щаѧ во́дꙋ:
|
|
17
|
17
|
|
и та́ бо сведо́шася съ ни́мъ во а́дъ со я́звеными от меча́, и сѣ́мя єго́, и живу́щіи подъ покро́вомъ єго́ средѣ́ жи́зни своєя́ погибо́ша.
|
и҆ та̑ бо сведо́шасѧ съ ни́мъ во а҆́дъ со ꙗ҆́звеными ѿ меча̀, и҆ сѣ́мѧ є҆гѡ̀, и҆ живꙋ́щїи под̾ покро́вомъ є҆гѡ̀ средѣ̀ жи́зни своеѧ̀ погибо́ша.
|
|
18
|
18
|
|
Кому́ уподо́бился єси́ си́лою и сла́вою и вели́чествомъ во древесѣ́хъ сла́дости? Слѣ́зи и сни́ди со древеса́ми сла́дости во глубину́ земну́ю: средѣ́ необрѣ́заныхъ у́спнеши со я́звеными мече́мъ: та́ко фарао́нъ и все́ мно́жество крѣ́пости єго́, глаго́летъ Адонаі́ Госпо́дь.
|
Комꙋ̀ оу҆подо́билсѧ є҆сѝ си́лою и҆ сла́вою и҆ вели́чествомъ во древесѣ́хъ сла́дости; Слѣ́зи и҆ сни́ди со древеса́ми сла́дости во глꙋбинꙋ̀ земнꙋ́ю: средѣ̀ неѡбрѣ́заныхъ оу҆́спнеши со ꙗ҆́звеными мече́мъ: та́кѡ фараѡ́нъ и҆ всѐ мно́жество крѣ́пости є҆гѡ̀, гл҃етъ а҆дѡнаі̀ гдⷭ҇ь.
|
