|
Глава 17
|
Глава́ з҃і
|
|
1
|
1
|
|
И бы́сть сло́во Госпо́дне ко мнѣ́ глаго́ля:
|
И҆ бы́сть сло́во гдⷭ҇не ко мнѣ̀ гл҃ѧ:
|
|
2
|
2
|
|
сы́не человѣ́чь, повѣ́ждь по́вѣсть и рцы́ при́тчу на до́мъ Ізра́илевъ,
|
сы́не человѣ́чь, повѣ́ждь по́вѣсть и҆ рцы̀ при́тчꙋ на до́мъ і҆и҃левъ,
|
|
3
|
3
|
|
и рече́ши: сія́ глаго́летъ Адонаі́ Госпо́дь: оре́лъ вели́кій, великокри́лый, до́лгій протяже́ніємъ, испо́лнь ногте́й, и́же и́мать повелѣ́ніє вни́ти въ Ліва́нъ, и взя́ избра́нныя ке́дра,
|
и҆ рече́ши: сїѧ̑ гл҃етъ а҆дѡнаі̀ гдⷭ҇ь: ѻ҆ре́лъ вели́кїй, великокри́лый, до́лгїй протѧже́нїемъ, и҆спо́лнь ногте́й, и҆́же и҆́мать повелѣ́нїе вни́ти въ лїва́нъ, и҆ взѧ̀ и҆збра̑нныѧ ке́дра,
|
|
4
|
4
|
|
и верхи́ мя́гкости острога́, и принесе́ я́ въ зе́млю Ханане́йску, во гра́дѣ огражде́ннѣмъ положи́ я́:
|
и҆ верхѝ мѧ́гкости ѡ҆строга̀, и҆ принесѐ ѧ҆̀ въ зе́млю ханане́йскꙋ, во гра́дѣ ѡ҆гражде́ннѣмъ положѝ ѧ҆̀:
|
|
5
|
5
|
|
и взя́ от сѣ́мене земна́го и даде́ є́ на по́ли пло́днѣ, [да утверди́тъ коре́ніє] надъ вода́ми мно́гими, ви́дѣно учини́ є́:
|
и҆ взѧ̀ ѿ сѣ̑мене земна́гѡ и҆ дадѐ є҆̀ на по́ли пло́днѣ, (да оу҆тверди́тъ коре́нїе) над̾ вода́ми мно́гими, ви́дѣно оу҆чинѝ є҆̀:
|
|
6
|
6
|
|
и прозябе́ и бы́сть въ віногра́дъ не́мощенъ и ма́лъ вели́чествомъ, є́же явля́тися ло́зію єго́ на не́мъ, и коре́ніє єго́ подъ ни́мъ бя́ше: и бы́сть въ віногра́дъ, и сотвори́ ро́зги, и простре́ отра́сли своя́.
|
и҆ прозѧбѐ и҆ бы́сть въ вїногра́дъ не́мощенъ и҆ ма́лъ вели́чествомъ, є҆́же ꙗ҆влѧ́тисѧ ло́зїю є҆гѡ̀ на не́мъ, и҆ коре́нїе є҆гѡ̀ под̾ ни́мъ бѧ́ше: и҆ бы́сть въ вїногра́дъ, и҆ сотворѝ рѡ́зги, и҆ прострѐ ѿра̑сли своѧ̑.
|
|
7
|
7
|
|
И бы́сть оре́лъ другі́й вели́къ, великокри́лный, мно́гъ ногтьми́, и се́, віногра́дъ се́й оплета́яся объ не́мъ: и коре́ніє єго́ къ нему́, и ло́зіє своє́ испусти́ єму́, є́же напая́ти себе́ со гру́діємъ са́да своєго́.
|
И҆ бы́сть ѻ҆ре́лъ дрꙋгі́й вели́къ, великокри́лный, мно́гъ ногтьмѝ, и҆ сѐ, вїногра́дъ се́й ѡ҆плета́ѧсѧ ѡ҆б̾ не́мъ: и҆ коре́нїе є҆гѡ̀ къ немꙋ̀, и҆ ло́зїе своѐ и҆спꙋстѝ є҆мꙋ̀, є҆́же напаѧ́ти себѐ со грꙋ́дїемъ са́да своегѡ̀.
|
|
8
|
8
|
|
На по́ли до́брѣ, на водѣ́ мно́зѣ пита́єтся то́й, є́же сотвори́ти прозябе́нія и приноси́ти пло́дъ, є́же бы́ти въ віногра́дъ вели́къ.
|
На по́ли до́брѣ, на водѣ̀ мно́зѣ пита́етсѧ то́й, є҆́же сотвори́ти прозѧбє́нїѧ и҆ приноси́ти пло́дъ, є҆́же бы́ти въ вїногра́дъ вели́къ.
|
|
9
|
9
|
|
Сего́ ра́ди рцы́: сія́ глаго́летъ Адонаі́ Госпо́дь: єда́ испра́вится? не коре́ніє ли мягкоты́ єго́ и пло́дъ изгніє́тъ? и и́зсхнутъ вся́ лѣ́торасли єго́, и не мы́шцею ли вели́кою, ни людьми́ мно́гими є́же исто́ргнути єго́ изъ коре́нія єго́?
|
Сегѡ̀ ра́ди рцы̀: сїѧ̑ гл҃етъ а҆дѡнаі̀ гдⷭ҇ь: є҆да̀ и҆спра́витсѧ; не коре́нїе ли мѧгкоты̀ є҆гѡ̀ и҆ пло́дъ и҆згнїе́тъ; и҆ и҆́зсхнꙋтъ всѧ̑ лѣ́тѡрасли є҆гѡ̀, и҆ не мы́шцею ли вели́кою, ни людьмѝ мно́гими є҆́же и҆сто́ргнꙋти є҆го̀ и҆з̾ коре́нїѧ є҆гѡ̀;
|
|
10
|
10
|
|
И се́, ты́єтъ: єда́ успѣ́єтъ? не а́біє ли, єгда́ ко́снется єму́ вѣ́тръ зно́йный, посхне́тъ сухото́ю? со гру́діємъ прозябе́нія своєго́ и́зсхнетъ.
|
И҆ сѐ, ты́етъ: є҆да̀ оу҆спѣ́етъ; не а҆́бїе ли, є҆гда̀ ко́снетсѧ є҆мꙋ̀ вѣ́тръ зно́йный, посхне́тъ сꙋхото́ю; со грꙋ́дїемъ прозѧбе́нїѧ своегѡ̀ и҆́зсхнетъ.
|
|
11
|
11
|
|
И бы́сть сло́во Госпо́дне ко мнѣ́ глаго́ля:
|
И҆ бы́сть сло́во гдⷭ҇не ко мнѣ̀ гл҃ѧ:
|
|
12
|
12
|
|
сы́не человѣ́чь, рцы́ ко до́му прогнѣвля́ющему мя́: не вѣ́сте ли, что́ су́ть сія́? рцы́ и́мъ: се́, гряде́тъ ца́рь Вавило́нскъ на Ієрусали́мъ, и во́зметъ царя́ єго́ и кня́зя єго́, и отведе́тъ я́ къ себѣ́ въ Вавило́нъ:
|
сы́не человѣ́чь, рцы̀ ко до́мꙋ прогнѣвлѧ́ющемꙋ мѧ̀: не вѣ́сте ли, что̀ сꙋ́ть сїѧ̑; рцы̀ и҆̀мъ: сѐ, грѧде́тъ ца́рь вавѷлѡ́нскъ на і҆ерⷭ҇ли́мъ, и҆ во́зметъ царѧ̀ є҆гѡ̀ и҆ кнѧ́зѧ є҆гѡ̀, и҆ ѿведе́тъ ѧ҆̀ къ себѣ̀ въ вавѷлѡ́нъ:
|
|
13
|
13
|
|
и по́йметъ от пле́мене ца́рска, и завѣща́єтъ съ ни́мъ завѣ́тъ, и введе́тъ єго́ въ кля́твѣ, и старѣ́йшины земли́ во́зметъ,
|
и҆ по́йметъ ѿ пле́мене ца́рска, и҆ завѣща́етъ съ ни́мъ завѣ́тъ, и҆ введе́тъ є҆го̀ въ клѧ́твѣ, и҆ старѣ̑йшины землѝ во́зметъ,
|
|
14
|
14
|
|
є́же бы́ти въ ца́рство немощно́, є́же весьма́ не возноси́тися, [но] храни́ти завѣ́тъ єго́ и стоя́ти въ не́мъ:
|
є҆́же бы́ти въ ца́рство немощно̀, є҆́же весьма̀ не возноси́тисѧ, (но) храни́ти завѣ́тъ є҆гѡ̀ и҆ стоѧ́ти въ не́мъ:
|
|
15
|
15
|
|
и отве́ржется от него́ посыла́я послы́ своя́ во Єги́петъ да́ти єму́ ко́ни и лю́ди мно́ги: єда́ испра́витъ? спасе́тся ли творя́й сопроти́вная? и преступа́яй завѣ́тъ спасе́тся ли?
|
и҆ ѿве́ржетсѧ ѿ негѡ̀ посыла́ѧ послы̀ своѧ̑ во є҆гѵ́петъ да́ти є҆мꙋ̀ ко́ни и҆ лю́ди мнѡ́ги: є҆да̀ и҆спра́витъ; спасе́тсѧ ли творѧ́й сопроти̑внаѧ; и҆ престꙋпа́ѧй завѣ́тъ спасе́тсѧ ли;
|
|
16
|
16
|
|
Живу́ а́зъ, глаго́летъ Адонаі́ Госпо́дь, а́ще не на мѣ́стѣ, идѣ́же ца́рь воцари́вый єго́, и́же поху́ли кля́тву мою́ и и́же преступи́ завѣ́тъ мо́й, съ ни́мъ средѣ́ Вавило́на сконча́єтся.
|
Живꙋ̀ а҆́зъ, гл҃етъ а҆дѡнаі̀ гдⷭ҇ь, а҆́ще не на мѣ́стѣ, и҆дѣ́же ца́рь воцари́вый є҆го̀, и҆́же похꙋ́ли клѧ́твꙋ мою̀ и҆ и҆́же престꙋпѝ завѣ́тъ мо́й, съ ни́мъ средѣ̀ вавѷлѡ́на сконча́етсѧ.
|
|
17
|
17
|
|
И не въ си́лѣ вели́цѣй, ниже́ въ наро́дѣ мно́зѣ сотвори́тъ съ ни́мъ фарао́нъ бра́нь во остро́зѣ и въ согражде́ніи стрѣ́льницъ, є́же изъя́ти ду́шы мно́ги.
|
И҆ не въ си́лѣ вели́цѣй, нижѐ въ наро́дѣ мно́зѣ сотвори́тъ съ ни́мъ фараѡ́нъ бра́нь во ѻ҆стро́зѣ и҆ въ согражде́нїи стрѣ́льницъ, є҆́же и҆з̾ѧ́ти дꙋ́шы мнѡ́ги.
|
|
18
|
18
|
|
И поху́ли кля́тву, є́же преступи́ти завѣ́тъ, и се́, даде́ ру́ку свою́ и вся́ сія́ сотвори́ єму́: не спасе́тся.
|
И҆ похꙋ́ли клѧ́твꙋ, є҆́же престꙋпи́ти завѣ́тъ, и҆ сѐ, дадѐ рꙋ́кꙋ свою̀ и҆ всѧ̑ сїѧ̑ сотворѝ є҆мꙋ̀: не спасе́тсѧ.
|
|
19
|
19
|
|
Сего́ ра́ди рцы́: сія́ глаго́летъ Адонаі́ Госпо́дь: живу́ а́зъ, а́ще не кля́тву мою́, ю́же поху́ли, и завѣ́тъ мо́й, єго́же преступи́, да́мъ на главу́ єго́:
|
Сегѡ̀ ра́ди рцы̀: сїѧ̑ гл҃етъ а҆дѡнаі̀ гдⷭ҇ь: живꙋ̀ а҆́зъ, а҆́ще не клѧ́твꙋ мою̀, ю҆́же похꙋ́ли, и҆ завѣ́тъ мо́й, є҆го́же престꙋпѝ, да́мъ на главꙋ̀ є҆гѡ̀:
|
|
20
|
20
|
|
и простру́ мре́жу мою́ на́нь, и я́тъ бу́детъ во одержа́ніи єя́: и приведу́ єго́ въ Вавило́нъ и разсужду́ся съ ни́мъ та́мо о непра́вдѣ єго́, є́юже непра́вдова ко мнѣ́:
|
и҆ прострꙋ̀ мре́жꙋ мою̀ на́нь, и҆ ꙗ҆́тъ бꙋ́детъ во ѡ҆держа́нїи є҆ѧ̀: и҆ приведꙋ̀ є҆го̀ въ вавѷлѡ́нъ и҆ разсꙋждꙋ́сѧ съ ни́мъ та́мѡ ѡ҆ непра́вдѣ є҆гѡ̀, є҆́юже непра́вдова ко мнѣ̀:
|
|
21
|
21
|
|
и вси́ избѣ́гшіи єго́ и вси́ избра́нніи со всѣ́ми ополче́ніи єго́ мече́мъ паду́тъ, и вся́ оста́вшая и́хъ разсѣ́ю по всему́ вѣ́тру, и увѣ́сте, я́ко а́зъ Госпо́дь глаго́лахъ.
|
и҆ всѝ и҆збѣ́гшїи є҆гѡ̀ и҆ всѝ и҆збра́ннїи со всѣ́ми ѡ҆полчє́нїи є҆гѡ̀ мече́мъ падꙋ́тъ, и҆ всѧ̑ ѡ҆ста̑вшаѧ и҆́хъ разсѣ́ю по всемꙋ̀ вѣ́трꙋ, и҆ оу҆вѣ́сте, ꙗ҆́кѡ а҆́зъ гдⷭ҇ь гл҃ахъ.
|
|
22
|
22
|
|
Сего́ ра́ди сія́ глаго́летъ Адонаі́ Госпо́дь: и возму́ а́зъ от избра́нныхъ ке́дра высо́каго от верха́ и да́мъ от главы́ отра́слей єго́, сердца́ и́хъ остружу́ и насажду́ а́зъ на горѣ́ высо́цѣ:
|
Сегѡ̀ ра́ди сїѧ̑ гл҃етъ а҆дѡнаі̀ гдⷭ҇ь: и҆ возмꙋ̀ а҆́зъ ѡ҆ и҆збра́нныхъ ке́дра высо́кагѡ ѿ верха̀ и҆ да́мъ ѿ главы̀ ѿра́слей є҆гѡ̀, сердца̀ и҆́хъ ѡ҆стрꙋжꙋ̀ и҆ насаждꙋ̀ а҆́зъ на горѣ̀ высо́цѣ:
|
|
23
|
23
|
|
и повѣ́шу и́ въ горѣ́ высо́цѣ Ізра́илевѣ и насажду́ и́, и прорасти́тъ отра́сль и сотвори́тъ пло́дъ и бу́детъ въ ке́дръ вели́къ: и почі́єтъ подъ ни́мъ вся́къ звѣ́рь, и подъ сѣ́нію єго́ почі́єтъ вся́ка пти́ца, и ло́зіє єго́ па́ки устро́ятся:
|
и҆ повѣ́шꙋ и҆̀ въ горѣ̀ высо́цѣ і҆и҃левѣ и҆ насаждꙋ̀ и҆̀, и҆ прорасти́тъ ѿра́сль и҆ сотвори́тъ пло́дъ и҆ бꙋ́детъ въ ке́дръ вели́къ: и҆ почі́етъ под̾ ни́мъ всѧ́къ ѕвѣ́рь, и҆ под̾ сѣ́нїю є҆гѡ̀ почі́етъ всѧ́ка пти́ца, и҆ ло́зїе є҆гѡ̀ па́ки оу҆стро́ѧтсѧ:
|
|
24
|
24
|
|
и увѣ́сть вся́ко дре́во полево́є, я́ко а́зъ Госпо́дь смиря́яй дре́во высо́коє и вознося́й дре́во смире́нноє, и изсуша́яй дре́во зеле́ноє и прораща́яй дре́во сухо́є: а́зъ Госпо́дь глаго́лахъ и сотворю́.
|
и҆ оу҆вѣ́сть всѧ́ко дре́во полево́е, ꙗ҆́кѡ а҆́зъ гдⷭ҇ь смирѧ́ѧй дре́во высо́кое и҆ возносѧ́й дре́во смире́нное, и҆ и҆зсꙋша́ѧй дре́во зеле́ное и҆ прораща́ѧй дре́во сꙋхо́е: а҆́зъ гдⷭ҇ь гл҃ахъ и҆ сотворю̀.
|
