|
Глава 34
|
Глава́ л҃д
|
|
1
|
1
|
|
И бы́сть сло́во Госпо́дне ко мнѣ́ глаго́ля:
|
И҆ бы́сть сло́во гдⷭ҇не ко мнѣ̀ гл҃ѧ:
|
|
2
|
2
|
|
сы́не человѣ́чь, прорцы́ на па́стыри Ізра́илевы, прорцы́ и рцы́ па́стыремъ: сія́ глаго́летъ Адонаі́ Госпо́дь:
|
сы́не человѣ́чь, прорцы̀ на па̑стыри і҆и҃лєвы, прорцы̀ и҆ рцы̀ па́стырємъ: сїѧ̑ гл҃етъ а҆дѡнаі̀ гдⷭ҇ь:
|
|
3
|
3
|
|
оле, па́стыріє Ізра́илевы! єда́ пасу́тъ па́стыріє сами́хъ себе́? не ове́цъ ли пасу́тъ па́стыріє? се́, млеко́ ядите́ и во́лною одѣва́єтеся и ту́чноє закала́єте, а ове́цъ мои́хъ не пасе́те:
|
ѽле, па́стырїе і҆и҃лєвы! є҆да̀ пасꙋ́тъ па́стырїе сами́хъ себѐ; не ѻ҆ве́цъ ли пасꙋ́тъ па́стырїе; сѐ, млеко̀ ꙗ҆дитѐ и҆ во́лною ѡ҆дѣва́етесѧ и҆ тꙋ́чное закала́ете, а҆ ѻ҆ве́цъ мои́хъ не пасе́те:
|
|
4
|
4
|
|
изнемо́гшаго не подъя́сте и боля́щаго не уврачева́сте, и сокруше́ннаго не обяза́сте и заблужда́ющаго не обрати́сте, и поги́бшаго не взыска́сте и крѣ́пкоє оскорби́сте трудо́мъ и вла́стію наказа́сте я́ и наруга́ніємъ.
|
и҆знемо́гшагѡ не под̾ѧ́сте и҆ болѧ́щагѡ не оу҆врачева́сте, и҆ сокрꙋше́ннагѡ не ѡ҆бѧза́сте и҆ заблꙋжда́ющагѡ не ѡ҆брати́сте, и҆ поги́бшагѡ не взыска́сте и҆ крѣ́пкое ѡ҆скорби́сте трꙋдо́мъ и҆ вла́стїю наказа́сте ѧ҆̀ и҆ нарꙋга́нїемъ.
|
|
5
|
5
|
|
И разсы́пашася о́вцы моя́, поне́же не имѣ́яху па́стырей, и бы́ша на изъяде́ніє всѣ́мъ звѣре́мъ се́лнымъ.
|
И҆ разсы́пашасѧ ѻ҆́вцы моѧ̑, поне́же не и҆мѣ́ѧхꙋ па́стырей, и҆ бы́ша на и҆з̾ѧде́нїе всѣ̑мъ ѕвѣрє́мъ сє́лнымъ.
|
|
6
|
6
|
|
И расточи́шася о́вцы моя́ по всѣ́мъ гора́мъ и [заблуди́ша] по всѣ́мъ холмо́мъ высо́кимъ, и на лицы́ всея́ земли́ разсы́пашася о́вцы моя́, и не бѣ́ взыска́ющаго, ни обраща́ющаго.
|
И҆ расточи́шасѧ ѻ҆́вцы моѧ̑ по всѣ̑мъ гора́мъ и҆ (заблꙋди́ша) по всѣ̑мъ холмѡ́мъ высѡ́кимъ, и҆ на лицы̀ всеѧ̀ землѝ разсы́пашасѧ ѻ҆́вцы моѧ̑, и҆ не бѣ̀ взыска́ющагѡ, ни ѡ҆браща́ющагѡ.
|
|
7
|
7
|
|
Того́ ра́ди, о, па́стыріє, слы́шите сло́во Госпо́дне:
|
Тогѡ̀ ра́ди, ѽ, па́стырїе, слы́шите сло́во гдⷭ҇не:
|
|
8
|
8
|
|
живу́ а́зъ, глаго́летъ Адонаі́ Госпо́дь, поне́же учине́на су́ть стада́ моя́ въ расхище́ніє, и о́вцы моя́ бы́ша во снѣде́ніє всѣ́мъ звѣре́мъ се́лнымъ, зане́же нѣ́сть па́стырей, и не поиска́ша па́стыріє ове́цъ мои́хъ, но пасо́ша па́стыріє сами́хъ себе́, а ове́цъ мои́хъ не пасо́ша:
|
живꙋ̀ а҆́зъ, гл҃етъ а҆дѡнаі̀ гдⷭ҇ь, поне́же оу҆чинє́на сꙋ́ть стада̀ моѧ̑ въ расхище́нїе, и҆ ѻ҆́вцы моѧ̑ бы́ша во снѣде́нїе всѣ̑мъ ѕвѣрє́мъ сє́лнымъ, зане́же нѣ́сть па́стырей, и҆ не поиска́ша па́стырїе ѻ҆ве́цъ мои́хъ, но пасо́ша па́стырїе сами́хъ себѐ, а҆ ѻ҆ве́цъ мои́хъ не пасо́ша:
|
|
9
|
9
|
|
сего́ ра́ди, па́стыріє, слы́шите сло́во Госпо́дне,
|
сегѡ̀ ра́ди, па́стырїе, слы́шите сло́во гдⷭ҇не,
|
|
10
|
10
|
|
сія́ глаго́летъ Адонаі́ Госпо́дь: се́, а́зъ на па́стыри, и взыщу́ ове́цъ мои́хъ от ру́къ и́хъ, и отста́влю я́ от па́ствы ове́цъ мои́хъ, и не бу́дутъ пасти́ и́хъ па́стыріє: ниже́ сами́хъ себе́ и́мутъ пасти́, и отиму́ о́вцы моя́ изъ у́стъ и́хъ, и ктому́ не бу́дутъ и́мъ на изъяде́ніє.
|
сїѧ̑ гл҃етъ а҆дѡнаі̀ гдⷭ҇ь: сѐ, а҆́зъ на па̑стыри, и҆ взыщꙋ̀ ѻ҆ве́цъ мои́хъ ѿ рꙋ́къ и҆́хъ, и҆ ѿста́влю ѧ҆̀ ѿ па́ствы ѻ҆ве́цъ мои́хъ, и҆ не бꙋ́дꙋтъ пастѝ и҆̀хъ па́стырїе: нижѐ сами́хъ себѐ и҆́мꙋтъ пастѝ, и҆ ѿимꙋ̀ ѻ҆́вцы моѧ̑ и҆з̾ оу҆́стъ и҆́хъ, и҆ ктомꙋ̀ не бꙋ́дꙋтъ и҆̀мъ на и҆з̾ѧде́нїе.
|
|
11
|
11
|
|
Сего́ ра́ди сія́ глаго́летъ Адонаі́ Госпо́дь: се́, а́зъ взыщу́ ове́цъ мои́хъ и присѣщу́ и́хъ:
|
Сегѡ̀ ра́ди сїѧ̑ гл҃етъ а҆дѡнаі̀ гдⷭ҇ь: сѐ, а҆́зъ взыщꙋ̀ ѻ҆ве́цъ мои́хъ и҆ присѣщꙋ̀ и҆̀хъ:
|
|
12
|
12
|
|
я́коже присѣща́єтъ пасту́хъ па́ству свою́ въ де́нь, єгда́ є́сть о́блаченъ и мгля́нъ, средѣ́ ове́цъ свои́хъ разлуче́ныхъ, та́ко взыщу́ ове́цъ мои́хъ и изба́влю я́ от вся́каго мѣ́ста, а́може су́ть разсы́паны въ де́нь о́блаченъ и примра́ченъ.
|
ꙗ҆́коже присѣща́етъ пастꙋ́хъ па́ствꙋ свою̀ въ де́нь, є҆гда̀ є҆́сть ѡ҆́блаченъ и҆ мглѧ́нъ, средѣ̀ ѻ҆ве́цъ свои́хъ разлꙋче́ныхъ, та́кѡ взыщꙋ̀ ѻ҆ве́цъ мои́хъ и҆ и҆зба́влю ѧ҆̀ ѿ всѧ́кагѡ мѣ́ста, а҆́може сꙋ́ть разсы̑паны въ де́нь ѡ҆́блаченъ и҆ примра́ченъ.
|
|
13
|
13
|
|
И изведу́ я́ от язы́къ и соберу́ я́ от стра́нъ, и введу́ я́ въ зе́млю и́хъ и упасу́ я́ на гора́хъ Ізра́илевыхъ и въ де́брехъ и во все́мъ селе́ніи земли́,
|
И҆ и҆зведꙋ̀ ѧ҆̀ ѿ ꙗ҆зы̑къ и҆ соберꙋ̀ ѧ҆̀ ѿ стра́нъ, и҆ введꙋ̀ ѧ҆̀ въ зе́млю и҆́хъ и҆ оу҆пасꙋ̀ ѧ҆̀ на гора́хъ і҆и҃левыхъ и҆ въ де́брехъ и҆ во все́мъ селе́нїи землѝ,
|
|
14
|
14
|
|
на па́жити бла́зѣ упасу́ я́, на горѣ́ высо́цѣ Ізра́илевѣ: и бу́дутъ огра́ды и́хъ та́мо, и у́спнутъ и почі́ютъ та́мо въ пи́щи бла́зѣ, и на па́жити ту́чнѣ упасу́тся на гора́хъ Ізра́илевыхъ.
|
на па́жити бла́зѣ оу҆пасꙋ̀ ѧ҆̀, на горѣ̀ высо́цѣ і҆и҃левѣ: и҆ бꙋ́дꙋтъ ѡ҆гра̑ды и҆́хъ та́мѡ, и҆ оу҆́спнꙋтъ и҆ почі́ютъ та́мѡ въ пи́щи бла́зѣ, и҆ на па́жити тꙋ́чнѣ оу҆пасꙋ́тсѧ на гора́хъ і҆и҃левыхъ.
|
|
15
|
15
|
|
А́зъ упасу́ о́вцы моя́ и а́зъ упоко́ю я́, и уразумѣ́ютъ, я́ко а́зъ є́смь Госпо́дь.
|
А҆́зъ оу҆пасꙋ̀ ѻ҆́вцы моѧ̑ и҆ а҆́зъ оу҆поко́ю ѧ҆̀, и҆ оу҆разꙋмѣ́ютъ, ꙗ҆́кѡ а҆́зъ є҆́смь гдⷭ҇ь.
|
|
16
|
16
|
|
Сія́ глаго́летъ Адонаі́ Госпо́дь: поги́бшеє взыщу́ и заблуди́вшеє обращу́, и сокруше́нноє обяжу́ и немощно́є укрѣплю́, и крѣ́пкоє снабдю́ и упасу́ я́ съ судо́мъ.
|
Сїѧ̑ гл҃етъ а҆дѡнаі̀ гдⷭ҇ь: поги́бшее взыщꙋ̀ и҆ заблꙋди́вшее ѡ҆бращꙋ̀, и҆ сокрꙋше́нное ѡ҆бѧжꙋ̀ и҆ немощно́е оу҆крѣплю̀, и҆ крѣ́пкое снабдю̀ и҆ оу҆пасꙋ̀ ѧ҆̀ съ сꙋдо́мъ.
|
|
17
|
17
|
|
И вы́, о́вцы моя́, сія́ глаго́летъ Адонаі́ Госпо́дь: се́, а́зъ разсужду́ между́ овце́ю и овце́ю, и овно́мъ и козло́мъ.
|
И҆ вы̀, ѻ҆́вцы моѧ̑, сїѧ̑ гл҃етъ а҆дѡнаі̀ гдⷭ҇ь: сѐ, а҆́зъ разсꙋждꙋ̀ междꙋ̀ ѻ҆вце́ю и҆ ѻ҆вце́ю, и҆ ѻ҆вно́мъ и҆ козло́мъ.
|
|
18
|
18
|
|
Не дово́лно ли ва́мъ, я́ко на бла́зѣй па́жити пасо́стеся, и оста́нокъ па́жити ва́шея нога́ми ва́шими попира́сте, и устоя́вшуюся во́ду пива́сте, и оста́нокъ нога́ми ва́шими возмуща́сте,
|
Не дово́лно ли ва́мъ, ꙗ҆́кѡ на бла́зѣй па́жити пасо́стесѧ, и҆ ѡ҆ста́нокъ па́жити ва́шеѧ нога́ми ва́шими попира́сте, и҆ оу҆стоѧ́вшꙋюсѧ во́дꙋ пива́сте, и҆ ѡ҆ста́нокъ нога́ми ва́шими возмꙋща́сте,
|
|
19
|
19
|
|
и о́вцы моя́ попра́ніємъ но́гъ ва́шихъ живя́ху, и возмуще́нную во́ду нога́ми ва́шими пія́ху?
|
и҆ ѻ҆́вцы моѧ̑ попра́нїемъ но́гъ ва́шихъ живѧ́хꙋ, и҆ возмꙋще́ннꙋю во́дꙋ нога́ми ва́шими пїѧ́хꙋ;
|
|
20
|
20
|
|
Того́ ра́ди сія́ глаго́летъ Адонаі́ Госпо́дь: се́, а́зъ разсужду́ между́ овча́темъ си́льнымъ и между́ овча́темъ немощны́мъ.
|
Тогѡ̀ ра́ди сїѧ̑ гл҃етъ а҆дѡнаі̀ гдⷭ҇ь: сѐ, а҆́зъ разсꙋждꙋ̀ междꙋ̀ ѻ҆вча́темъ си́льнымъ и҆ междꙋ̀ ѻ҆вча́темъ немощны́мъ.
|
|
21
|
21
|
|
Ре́брами и плеща́ми ва́шими рѣ́ясте и рога́ми ва́шими бодо́сте, и вся́коє немощно́є пха́сте, до́ндеже изгна́сте я́ во́нъ:
|
Ре́брами и҆ плеща́ми ва́шими рѣ́ѧсте и҆ рога́ми ва́шими бодо́сте, и҆ всѧ́кое немощно́е пха́сте, до́ндеже и҆згна́сте ѧ҆̀ во́нъ:
|
|
22
|
22
|
|
и спасу́ о́вцы моя́, и ктому́ не бу́дутъ на разграбле́ніє, и разсужду́ между́ овча́темъ и овча́темъ, и между́ овно́мъ и овно́мъ:
|
и҆ сп҃сꙋ̀ ѻ҆́вцы моѧ̑, и҆ ктомꙋ̀ не бꙋ́дꙋтъ на разграбле́нїе, и҆ разсꙋждꙋ̀ междꙋ̀ ѻ҆вча́темъ и҆ ѻ҆вча́темъ, и҆ междꙋ̀ ѻ҆вно́мъ и҆ ѻ҆вно́мъ:
|
|
23
|
23
|
|
и возста́влю и́мъ па́стыря єди́наго, и упасе́тъ я́, раба́ моєго́ даві́да, то́й упасе́тъ я́, [и то́й упоко́итъ я́,] и бу́детъ и́мъ па́стырь,
|
и҆ возста́влю и҆̀мъ па́стырѧ є҆ди́наго, и҆ оу҆пасе́тъ ѧ҆̀, раба̀ моего̀ даві́да, то́й оу҆пасе́тъ ѧ҆̀, (и҆ то́й оу҆поко́итъ ѧ҆̀,) и҆ бꙋ́детъ и҆̀мъ па́стырь,
|
|
24
|
24
|
|
а́зъ же Госпо́дь бу́ду и́мъ въ Бо́га, и ра́бъ мо́й даві́дъ кня́зь средѣ́ и́хъ: а́зъ Госпо́дь глаго́лахъ.
|
а҆́зъ же гдⷭ҇ь бꙋ́дꙋ и҆̀мъ въ бг҃а, и҆ ра́бъ мо́й даві́дъ кнѧ́зь средѣ̀ и҆́хъ: а҆́зъ гдⷭ҇ь гл҃ахъ.
|
|
25
|
25
|
|
И завѣща́ю даві́дови завѣ́тъ ми́рный, и потреблю́ звѣ́ри злы́ от земли́, и вселя́тся въ пусты́ни, упова́юще у́спнутъ въ дубра́вахъ.
|
И҆ завѣща́ю даві́дови завѣ́тъ ми́рный, и҆ потреблю̀ ѕвѣ̑ри ѕлы̑ ѿ землѝ, и҆ вселѧ́тсѧ въ пꙋсты́ни, оу҆пова́юще оу҆́спнꙋтъ въ дꙋбра́вахъ.
|
|
26
|
26
|
|
И да́мъ и́мъ о́крестъ горы́ моєя́ благослове́ніє, и испущу́ до́ждь ва́мъ во вре́мя своє́, до́ждь благослове́нія.
|
И҆ да́мъ и҆̀мъ ѡ҆́крестъ горы̀ моеѧ̀ блгⷭ҇ве́нїе, и҆ и҆спꙋщꙋ̀ до́ждь ва́мъ во вре́мѧ своѐ, до́ждь благослове́нїѧ.
|
|
27
|
27
|
|
И древеса́ на по́ли дадя́тъ пло́дъ сво́й, и земля́ да́стъ си́лу свою́, и вселя́тся на земли́ своє́й съ наде́ждею ми́ра, и увѣ́дятъ, я́ко а́зъ є́смь Госпо́дь, єгда́ сокрушу́ у́зы и́га и́хъ: и изба́влю я́ изъ руки́ порабо́тившихъ я́,
|
И҆ древеса̀ на по́ли дадѧ́тъ пло́дъ сво́й, и҆ землѧ̀ да́стъ си́лꙋ свою̀, и҆ вселѧ́тсѧ на землѝ свое́й съ наде́ждею ми́ра, и҆ оу҆вѣ́дѧтъ, ꙗ҆́кѡ а҆́зъ є҆́смь гдⷭ҇ь, є҆гда̀ сокрꙋшꙋ̀ оу҆́зы и҆́га и҆́хъ: и҆ и҆зба́влю ѧ҆̀ и҆з̾ рꙋкѝ порабо́тившихъ ѧ҆̀,
|
|
28
|
28
|
|
и не бу́дутъ ктому́ во плѣне́ніє язы́комъ, и звѣ́ріє земні́и не поядя́тъ и́хъ ктому́: и вселя́тся съ наде́ждею, и не бу́детъ устраша́яй и́хъ.
|
и҆ не бꙋ́дꙋтъ ктомꙋ̀ во плѣне́нїе ꙗ҆зы́кѡмъ, и҆ ѕвѣ́рїе земні́и не поѧдѧ́тъ и҆́хъ ктомꙋ̀: и҆ вселѧ́тсѧ съ наде́ждею, и҆ не бꙋ́детъ оу҆страша́ѧй и҆̀хъ.
|
|
29
|
29
|
|
И возста́влю и́мъ са́дъ ми́ренъ, и не бу́дутъ ктому́ ма́лы число́мъ на земли́, и не бу́дутъ погубле́ни гла́домъ на земли́, и не пріи́мутъ ктому́ укоре́нія от язы́къ:
|
И҆ возста́влю и҆̀мъ са́дъ ми́ренъ, и҆ не бꙋ́дꙋтъ ктомꙋ̀ ма̑лы число́мъ на землѝ, и҆ не бꙋ́дꙋтъ погꙋбле́ни гла́домъ на землѝ, и҆ не прїи́мꙋтъ ктомꙋ̀ оу҆коре́нїѧ ѿ ꙗ҆зы̑къ:
|
|
30
|
30
|
|
и увѣ́дятъ, я́ко а́зъ є́смь Госпо́дь Бо́гъ и́хъ съ ни́ми, а ті́и лю́діє мои́ до́мъ Ізра́илевъ, глаго́летъ Адонаі́ Госпо́дь:
|
и҆ оу҆вѣ́дѧтъ, ꙗ҆́кѡ а҆́зъ є҆́смь гдⷭ҇ь бг҃ъ и҆́хъ съ ни́ми, а҆ ті́и лю́дїе моѝ до́мъ і҆и҃левъ, гл҃етъ а҆дѡнаі̀ гдⷭ҇ь:
|
|
31
|
31
|
|
вы́ же о́вцы моя́ и о́вцы па́ствы моєя́ єсте́, и а́зъ Госпо́дь Бо́гъ ва́шъ, глаго́летъ Адонаі́ Госпо́дь.
|
вы́ же ѻ҆́вцы моѧ̑ и҆ ѻ҆́вцы па́ствы моеѧ̀ є҆стѐ, и҆ а҆́зъ гдⷭ҇ь бг҃ъ ва́шъ, гл҃етъ а҆дѡнаі̀ гдⷭ҇ь.
|
