|
Глава 30
|
Глава́ л҃
|
|
1
|
1
|
|
И бы́сть сло́во Госпо́дне ко мнѣ́ глаго́ля:
|
И҆ бы́сть сло́во гдⷭ҇не ко мнѣ̀ гл҃ѧ:
|
|
2
|
2
|
|
сы́не человѣ́чь, прорцы́ и рцы́: сія́ глаго́летъ Адонаі́ Госпо́дь:
|
сы́не человѣ́чь, прорцы̀ и҆ рцы̀: сїѧ̑ гл҃етъ а҆дѡнаі̀ гдⷭ҇ь:
|
|
3
|
3
|
|
возрыда́йте: оле, оле де́нь! я́ко бли́зъ де́нь Госпо́день, и приближа́єтся де́нь о́блака, и коне́цъ язы́ковъ бу́детъ:
|
возрыда́йте: ѽле, ѽле де́нь! ꙗ҆́кѡ бли́з̾ де́нь гдⷭ҇ень, и҆ приближа́етсѧ де́нь ѡ҆́блака, и҆ коне́цъ ꙗ҆зы́кѡвъ бꙋ́детъ:
|
|
4
|
4
|
|
и пріи́детъ ме́чь на Єги́птяны, и бу́детъ мяте́жъ во єѳіо́піи, и паду́тъ я́звеніи во Єги́птѣ, и взя́то бу́детъ мно́жество и́хъ, и паду́тся основа́нія єго́:
|
и҆ прїи́детъ ме́чь на є҆гѵ́птѧны, и҆ бꙋ́детъ мѧте́жъ во є҆ѳїо́пїи, и҆ падꙋ́тъ ꙗ҆́звенїи во є҆гѵ́птѣ, и҆ взѧ́то бꙋ́детъ мно́жество и҆́хъ, и҆ падꙋ́тсѧ ѡ҆снова̑нїѧ є҆гѡ̀:
|
|
5
|
5
|
|
пе́рсяне и кри́тяне, и ли́дяне и Ліви́ане, и му́рини [и вся́ Ара́віа] и вси́ примѣ́сницы, и сы́нове, и́же от завѣ́та моєго́, въ не́мъ мече́мъ паду́тъ съ ни́мъ.
|
пе́рсѧне и҆ кри́тѧне, и҆ лѵ́дѧне и҆ лївѵ́ане, и҆ мꙋ́рини (и҆ всѧ̀ а҆ра́вїа) и҆ всѝ примѣ̑сницы, и҆ сы́нове, и҆̀же ѿ завѣ́та моегѡ̀, въ не́мъ мече́мъ падꙋ́тъ съ ни́мъ.
|
|
6
|
6
|
|
Сія́ глаго́летъ Госпо́дь: и паду́тъ подпо́ры Єги́пта, и сни́детъ укори́зна крѣ́пости єго́ от Магдо́ла да́же до Сіи́ны, мече́мъ паду́тъ въ не́мъ, глаго́летъ Адонаі́ Госпо́дь.
|
Сїѧ̑ гл҃етъ гдⷭ҇ь: и҆ падꙋ́тъ подпѡ́ры є҆гѵ́пта, и҆ сни́детъ оу҆кори́зна крѣ́пости є҆гѡ̀ ѿ магдѡ́ла да́же до сїи́ны, мече́мъ падꙋ́тъ въ не́мъ, гл҃етъ а҆дѡнаі̀ гдⷭ҇ь.
|
|
7
|
7
|
|
И опустѣ́ютъ средѣ́ стра́нъ поги́бшихъ, и гра́ди и́хъ средѣ́ градо́въ опустѣ́вшихъ бу́дутъ:
|
И҆ ѡ҆пꙋстѣ́ютъ средѣ̀ стра́нъ поги́бшихъ, и҆ гра́ди и҆́хъ средѣ̀ градѡ́въ ѡ҆пꙋстѣ́вшихъ бꙋ́дꙋтъ:
|
|
8
|
8
|
|
и уразумѣ́ютъ, я́ко а́зъ є́смь Госпо́дь, єгда́ да́мъ о́гнь на Єги́петъ, и сокруша́тся вси́ помага́ющіи єму́.
|
и҆ оу҆разꙋмѣ́ютъ, ꙗ҆́кѡ а҆́зъ є҆́смь гдⷭ҇ь, є҆гда̀ да́мъ ѻ҆́гнь на є҆гѵ́петъ, и҆ сокрꙋша́тсѧ всѝ помага́ющїи є҆мꙋ̀.
|
|
9
|
9
|
|
Въ то́й де́нь пріи́дутъ вѣ́стницы от лица́ моєго́ въ сієі́мъ тща́щеся погуби́ти наде́жду му́ринскія земли́, и бу́детъ и́мъ мяте́жъ въ де́нь Єги́петскъ, я́ко се́, приспѣ́.
|
Въ то́й де́нь прїи́дꙋтъ вѣ̑стницы ѿ лица̀ моегѡ̀ въ сїеі́мъ тща́щесѧ погꙋби́ти наде́ждꙋ мꙋ́ринскїѧ землѝ, и҆ бꙋ́детъ и҆̀мъ мѧте́жъ въ де́нь є҆гѵ́петскъ, ꙗ҆́кѡ сѐ, приспѣ̀.
|
|
10
|
10
|
|
Сія́ глаго́летъ Адонаі́ Госпо́дь: и погублю́ мно́жество Єги́птянъ руко́ю Навуходоно́сора царя́ Вавило́нска,
|
Сїѧ̑ гл҃етъ а҆дѡнаі̀ гдⷭ҇ь: и҆ погꙋблю̀ мно́жество є҆гѵ́птѧнъ рꙋко́ю навꙋходоно́сора царѧ̀ вавѷлѡ́нска,
|
|
11
|
11
|
|
самаго́ и люді́й єго́ съ ни́мъ, губи́теліє от язы́къ по́слани погуби́ти зе́млю: и извлеку́тъ вси́ мечы́ своя́ на Єги́пта, и напо́лнится земля́ я́звеными.
|
самагѡ̀ и҆ люді́й є҆гѡ̀ съ ни́мъ, гꙋби́телїе ѿ ꙗ҆зы̑къ по́слани погꙋби́ти зе́млю: и҆ и҆звлекꙋ́тъ всѝ мечы̀ своѧ̑ на є҆гѵ́пта, и҆ напо́лнитсѧ землѧ̀ ꙗ҆́звеными.
|
|
12
|
12
|
|
И да́мъ рѣ́ки и́хъ во опустѣ́ніє и отда́мъ зе́млю въ ру́цѣ злы́хъ, и погублю́ зе́млю и исполне́ніє єя́ рука́ми чужди́хъ, а́зъ Госпо́дь глаго́лахъ.
|
И҆ да́мъ рѣ́ки и҆́хъ во ѡ҆пꙋстѣ́нїе и҆ ѿда́мъ зе́млю въ рꙋ́цѣ ѕлы́хъ, и҆ погꙋблю̀ зе́млю и҆ и҆сполне́нїе є҆ѧ̀ рꙋка́ми чꙋжди́хъ, а҆́зъ гдⷭ҇ь гл҃ахъ.
|
|
13
|
13
|
|
Я́ко сія́ глаго́летъ Адонаі́ Госпо́дь: погублю́ кумі́ры и испражню́ вельмо́жы от мемфі́са и старѣ́йшины от земли́ Єги́петскія, и не бу́дутъ ктому́: и да́мъ стра́хъ во земли́ Єги́петстѣй.
|
Ꙗ҆́кѡ сїѧ̑ гл҃етъ а҆дѡнаі̀ гдⷭ҇ь: погꙋблю̀ кꙋмі́ры и҆ и҆спражню̀ вельмо́жы ѿ мемфі́са и҆ старѣ̑йшины ѿ землѝ є҆гѵ́петскїѧ, и҆ не бꙋ́дꙋтъ ктомꙋ̀: и҆ да́мъ стра́хъ во землѝ є҆гѵ́петстѣй.
|
|
14
|
14
|
|
И погублю́ зе́млю фаѳо́рскую, и да́мъ о́гнь на та́ніса, и сотворю́ отмще́ніє въ Діоспо́ли,
|
И҆ погꙋблю̀ зе́млю фаѳѡ́рскꙋю, и҆ да́мъ ѻ҆́гнь на та́нїса, и҆ сотворю̀ ѿмще́нїе въ дїоспо́ли,
|
|
15
|
15
|
|
и излію́ я́рость мою́ на саі́нъ крѣ́пость Єги́петску, и погублю́ мно́жество ме́мфы.
|
и҆ и҆злїю̀ ꙗ҆́рость мою̀ на саі́нъ крѣ́пость є҆гѵ́петскꙋ, и҆ погꙋблю̀ мно́жество ме́мфы.
|
|
16
|
16
|
|
И да́мъ о́гнь на Єги́пта, и мяте́жемъ возмяте́тся саи́съ, и въ Діоспо́ли бу́детъ разсѣ́лина, и разлію́тся во́ды.
|
И҆ да́мъ ѻ҆́гнь на є҆гѵ́пта, и҆ мѧте́жемъ возмѧте́тсѧ саи́съ, и҆ въ дїоспо́ли бꙋ́детъ разсѣ́лина, и҆ разлїю́тсѧ во́ды.
|
|
17
|
17
|
|
Ю́ноши иліупо́ля и вува́ста мече́мъ паду́тъ, и жены́ въ плѣ́нъ по́йдутъ:
|
Ю҆́нѡши и҆лїꙋпо́лѧ и҆ вꙋва́ста мече́мъ падꙋ́тъ, и҆ жєны̀ въ плѣ́нъ по́йдꙋтъ:
|
|
18
|
18
|
|
и въ тафне́сѣ помрачи́тся де́нь, єгда́ сокрушу́ та́мо ски́петры Єги́петски, и поги́бнетъ та́мо укори́зна крѣ́пости єго́, и того́ покры́єтъ о́блакъ, и дще́ри єго́ во плѣне́ніє отведу́тся.
|
и҆ въ тафне́сѣ помрачи́тсѧ де́нь, є҆гда̀ сокрꙋшꙋ̀ та́мѡ ски́петры є҆гѵ́пєтски, и҆ поги́бнетъ та́мѡ оу҆кори́зна крѣ́пости є҆гѡ̀, и҆ того̀ покры́етъ ѡ҆́блакъ, и҆ дщє́ри є҆гѡ̀ во плѣне́нїе ѿведꙋ́тсѧ.
|
|
19
|
19
|
|
И сотворю́ су́дъ во Єги́птѣ, и уразумѣ́ютъ, я́ко а́зъ є́смь Госпо́дь.
|
И҆ сотворю̀ сꙋ́дъ во є҆гѵ́птѣ, и҆ оу҆разꙋмѣ́ютъ, ꙗ҆́кѡ а҆́зъ є҆́смь гдⷭ҇ь.
|
|
20
|
20
|
|
И бы́сть во єдинонадеся́тоє лѣ́то, въ пе́рвый ме́сяцъ, въ седмы́й де́нь ме́сяца, бы́сть сло́во Госпо́дне ко мнѣ́ глаго́ля:
|
И҆ бы́сть во є҆динонадесѧ́тое лѣ́то, въ пе́рвый мцⷭ҇ъ, въ седмы́й де́нь мцⷭ҇а, бы́сть сло́во гдⷭ҇не ко мнѣ̀ гл҃ѧ:
|
|
21
|
21
|
|
сы́не человѣ́чь, мы́шцы фарао́на царя́ Єги́петска сотро́хъ, и се́, не помоли́ся, є́же да́ти єму́ цѣльбу́, приложи́ти єму́ пла́стырь, [обяза́ти,] да́ти си́лу, да во́зметъ ме́чь.
|
сы́не человѣ́чь, мы̑шцы фараѡ́на царѧ̀ є҆гѵ́петска сотро́хъ, и҆ сѐ, не помоли́сѧ, є҆́же да́ти є҆мꙋ̀ цѣльбꙋ̀, приложи́ти є҆мꙋ̀ пла́стырь, (ѡ҆бѧза́ти,) да́ти си́лꙋ, да во́зметъ ме́чь.
|
|
22
|
22
|
|
Того́ ра́ди сія́ глаго́летъ Адонаі́ Госпо́дь: се́, а́зъ на фарао́на царя́ Єги́петска, и сокрушу́ мы́шцы єго́ крѣ́пкія и протяже́ныя и сотре́ныя, и изри́ну ме́чь єго́ изъ руки́ єго́:
|
Тогѡ̀ ра́ди сїѧ̑ гл҃етъ а҆дѡнаі̀ гдⷭ҇ь: сѐ, а҆́зъ на фараѡ́на царѧ̀ є҆гѵ́петска, и҆ сокрꙋшꙋ̀ мы̑шцы є҆гѡ̀ крѣ̑пкїѧ и҆ протѧжє́ныѧ и҆ сотрє́ныѧ, и҆ и҆зри́нꙋ ме́чь є҆гѡ̀ и҆з̾ рꙋкѝ є҆гѡ̀:
|
|
23
|
23
|
|
и разсѣ́ю Єги́пта во язы́ки и развѣ́ю и́хъ во страны́:
|
и҆ разсѣ́ю є҆гѵ́пта во ꙗ҆зы́ки и҆ развѣ́ю и҆̀хъ во страны̑:
|
|
24
|
24
|
|
и укрѣплю́ мы́шцы царя́ Вавило́нска и да́мъ ме́чь мо́й въ ру́ку єго́, и наведе́тъ єго́ на Єги́пта, и плѣни́тъ плѣне́ніє єго́, и во́зметъ коры́сти єго́:
|
и҆ оу҆крѣплю̀ мы̑шцы царѧ̀ вавѷлѡ́нска и҆ да́мъ ме́чь мо́й въ рꙋ́кꙋ є҆гѡ̀, и҆ наведе́тъ є҆го̀ на є҆гѵ́пта, и҆ плѣни́тъ плѣне́нїе є҆гѡ̀, и҆ во́зметъ кѡры́сти є҆гѡ̀:
|
|
25
|
25
|
|
и укрѣплю́ мы́шцы царя́ Вавило́нска, мы́шцы же фарао́ни паду́тъ: и увѣ́дятъ, я́ко а́зъ є́смь Госпо́дь, єгда́ да́мъ ме́чь мо́й въ ру́цѣ царя́ Вавило́нска, и простре́тъ єго́ на зе́млю Єги́петску,
|
и҆ оу҆крѣплю̀ мы̑шцы царѧ̀ вавѷлѡ́нска, мы̑шцы же фараѡ̑ни падꙋ́тъ: и҆ оу҆вѣ́дѧтъ, ꙗ҆́кѡ а҆́зъ є҆́смь гдⷭ҇ь, є҆гда̀ да́мъ ме́чь мо́й въ рꙋ́цѣ царѧ̀ вавѷлѡ́нска, и҆ простре́тъ є҆го̀ на зе́млю є҆гѵ́петскꙋ,
|
|
26
|
26
|
|
и разсѣ́ю Єги́пта во язы́ки и развѣ́ю и́хъ во страны́: и увѣ́дятъ вси́, я́ко а́зъ є́смь Госпо́дь.
|
и҆ разсѣ́ю є҆гѵ́пта во ꙗ҆зы́ки и҆ развѣ́ю и҆̀хъ во страны̑: и҆ оу҆вѣ́дѧтъ всѝ, ꙗ҆́кѡ а҆́зъ є҆́смь гдⷭ҇ь.
|
