|
Глава 29
|
Глава́ к҃ѳ
|
|
1
|
1
|
|
Въ деся́тоє лѣ́то, въ деся́тый ме́сяцъ, [въ пе́рвый де́нь] ме́сяца, бы́сть сло́во Госпо́дне ко мнѣ́ глаго́ля:
|
Въ десѧ́тое лѣ́то, въ десѧ́тый мцⷭ҇ъ, (въ пе́рвый де́нь) мцⷭ҇а, бы́сть сло́во гдⷭ҇не ко мнѣ̀ гл҃ѧ:
|
|
2
|
2
|
|
сы́не человѣ́чь, утверди́ лице́ твоє́ на фарао́на царя́ Єги́петска и прорцы́ на́нь и на Єги́петъ ве́сь:
|
сы́не человѣ́чь, оу҆твердѝ лицѐ твоѐ на фараѡ́на царѧ̀ є҆гѵ́петска и҆ прорцы̀ на́нь и҆ на є҆гѵ́петъ ве́сь:
|
|
3
|
3
|
|
глаго́ли и рцы́: си́це глаго́летъ Адонаі́ Госпо́дь: се́, а́зъ наведу́ на тя́, фарао́не, царю́ Єги́петскій, змі́а вели́каго, сѣдя́щаго средѣ́ рѣ́къ свои́хъ, глаго́лющаго: моя́ су́ть рѣ́ки, и а́зъ сотвори́хъ я́.
|
глаго́ли и҆ рцы̀: си́це гл҃етъ а҆дѡнаі̀ гдⷭ҇ь: сѐ, а҆́зъ наведꙋ̀ на тѧ̀, фараѡ́не, царю̀ є҆гѵ́петскїй, ѕмі́а вели́каго, сѣдѧ́щаго средѣ̀ рѣ́къ свои́хъ, глаго́лющаго: моѧ̑ сꙋ́ть рѣ́ки, и҆ а҆́зъ сотвори́хъ ѧ҆̀.
|
|
4
|
4
|
|
А́зъ же да́мъ узду́ въ че́люсти твоя́, и прилѣплю́ ры́бы рѣки́ твоєя́ ко крило́ма твои́ма, и возведу́ тя от среды́ рѣки́ твоєя́, и къ чешуя́мъ твои́мъ прильпну́тъ:
|
А҆́зъ же да́мъ оу҆здꙋ̀ въ чє́люсти твоѧ̑, и҆ прилѣплю̀ ры̑бы рѣкѝ твоеѧ̀ ко крило́ма твои́ма, и҆ возведꙋ́ тѧ ѿ среды̀ рѣкѝ твоеѧ̀, и҆ къ чешꙋѧ́мъ твои̑мъ прильпнꙋ́тъ:
|
|
5
|
5
|
|
и низве́ргу тя́ вско́рѣ и вся́ ры́бы рѣки́ твоєя́: на лицы́ по́ля паде́ши, и не собере́шися, и не огради́шися, звѣре́мъ земны́мъ и пти́цамъ небе́снымъ да́хъ тя́ во снѣ́дь.
|
и҆ низве́ргꙋ тѧ̀ вско́рѣ и҆ всѧ̑ ры̑бы рѣкѝ твоеѧ̀: на лицы̀ по́лѧ паде́ши, и҆ не собере́шисѧ, и҆ не ѡ҆гради́шисѧ, ѕвѣрє́мъ зємны́мъ и҆ пти́цамъ небє́снымъ да́хъ тѧ̀ во снѣ́дь.
|
|
6
|
6
|
|
И увѣ́дятъ вси́ живу́щіи во Єги́птѣ, я́ко а́зъ є́смь Госпо́дь: зане́ бы́лъ єси́ же́злъ тро́стянъ до́му Ізра́илеву:
|
И҆ оу҆вѣ́дѧтъ всѝ живꙋ́щїи во є҆гѵ́птѣ, ꙗ҆́кѡ а҆́зъ є҆́смь гдⷭ҇ь: занѐ бы́лъ є҆сѝ же́злъ тро́стѧнъ до́мꙋ і҆и҃левꙋ:
|
|
7
|
7
|
|
єгда́ я́ся тебе́ руко́ю своє́ю, сокруши́лся єси́, и єгда́ восплеска́ на ни́хъ вся́ка рука́, и єгда́ почи́ша на тебѣ́, сте́рлся єси́ и сломи́лъ єси́ и́хъ вся́ чре́сла.
|
є҆гда̀ ꙗ҆́сѧ тебє̀ рꙋко́ю свое́ю, сокрꙋши́лсѧ є҆сѝ, и҆ є҆гда̀ восплеска̀ на ни́хъ всѧ́ка рꙋка̀, и҆ є҆гда̀ почи́ша на тебѣ̀, сте́рлсѧ є҆сѝ и҆ сломи́лъ є҆сѝ и҆̀хъ всѧ̑ чрє́сла.
|
|
8
|
8
|
|
Сего́ ра́ди та́ко глаго́летъ Адонаі́ Госпо́дь: се́, а́зъ наведу́ на тя́ ме́чь и погублю́ от тебе́ человѣ́ки и скоты́,
|
Сегѡ̀ ра́ди та́кѡ гл҃етъ а҆дѡнаі̀ гдⷭ҇ь: сѐ, а҆́зъ наведꙋ̀ на тѧ̀ ме́чь и҆ погꙋблю̀ ѿ тебє̀ человѣ́ки и҆ скоты̀,
|
|
9
|
9
|
|
и бу́детъ земля́ Єги́петска въ поги́бель и во опустѣ́ніє, и уразумѣ́ютъ, я́ко а́зъ є́смь Госпо́дь. Поне́же глаго́лалъ єси́, я́ко рѣ́ки моя́ су́ть, и а́зъ сотвори́хъ я́:
|
и҆ бꙋ́детъ землѧ̀ є҆гѵ́петска въ поги́бель и҆ во ѡ҆пꙋстѣ́нїе, и҆ оу҆разꙋмѣ́ютъ, ꙗ҆́кѡ а҆́зъ є҆́смь гдⷭ҇ь. Поне́же глаго́лалъ є҆сѝ, ꙗ҆́кѡ рѣ́ки моѧ̑ сꙋ́ть, и҆ а҆́зъ сотвори́хъ ѧ҆̀:
|
|
10
|
10
|
|
того́ ра́ди, се́, а́зъ на тя́ и на вся́ рѣ́ки твоя́, и да́мъ зе́млю Єги́петску во опустѣ́ніє и въ ме́чь и въ поги́бель, от Магдо́ла и Сіи́ны и да́же до предѣ́лъ єѳіо́пскихъ:
|
тогѡ̀ ра́ди, сѐ, а҆́зъ на тѧ̀ и҆ на всѧ̑ рѣ́ки твоѧ̑, и҆ да́мъ зе́млю є҆гѵ́петскꙋ во ѡ҆пꙋстѣ́нїе и҆ въ ме́чь и҆ въ поги́бель, ѿ магдѡ́ла и҆ сїи́ны и҆ да́же до предѣ̑лъ є҆ѳїо́пскихъ:
|
|
11
|
11
|
|
не про́йдетъ сквозѣ́ єя́ нога́ человѣ́ча, ни нога́ ско́тія не поступи́тъ по не́й, и не насели́тся четы́редесять лѣ́тъ:
|
не про́йдетъ сквозѣ̀ є҆ѧ̀ нога̀ человѣ́ча, ни нога̀ ско́тїѧ не постꙋпи́тъ по не́й, и҆ не насели́тсѧ четы́редесѧть лѣ́тъ:
|
|
12
|
12
|
|
и да́мъ зе́млю єго́ въ па́губу средѣ́ земли́ опустѣ́лыя, и гра́ди єго́ средѣ́ градо́въ опустѣ́вшихъ бу́дутъ, въ разоре́ніи бу́дутъ четы́редесять лѣ́тъ: и разсѣ́ю Єги́пта во язы́цѣхъ, и развѣ́ю я́ по страна́мъ.
|
и҆ да́мъ зе́млю є҆гѡ̀ въ па́гꙋбꙋ средѣ̀ землѝ ѡ҆пꙋстѣ́лыѧ, и҆ гра́ди є҆гѡ̀ средѣ̀ градѡ́въ ѡ҆пꙋстѣ́вшихъ бꙋ́дꙋтъ, въ разоре́нїи бꙋ́дꙋтъ четы́редесѧть лѣ́тъ: и҆ разсѣ́ю є҆гѵ́пта во ꙗ҆зы́цѣхъ, и҆ развѣ́ю ѧ҆̀ по страна́мъ.
|
|
13
|
13
|
|
Сія́ глаго́летъ Адонаі́ Госпо́дь: по четы́редесятихъ лѣ́тѣхъ соберу́ Єги́птяны от язы́къ, а́може разсы́пашася,
|
Сїѧ̑ гл҃етъ а҆дѡнаі̀ гдⷭ҇ь: по четы́редесѧтихъ лѣ́тѣхъ соберꙋ̀ є҆гѵ́птѧны ѿ ꙗ҆зы̑къ, а҆́може разсы́пашасѧ,
|
|
14
|
14
|
|
и возвращу́ плѣ́нники Єги́петскія и вселю́ я́ въ зе́млю фаѳо́рскую, въ зе́млю, отону́дуже взя́ти бы́ша, и бу́детъ вла́сть смире́нна:
|
и҆ возвращꙋ̀ плѣ́нники є҆гѵ́пєтскїѧ и҆ вселю̀ ѧ҆̀ въ зе́млю фаѳѡ́рскꙋю, въ зе́млю, ѿѻнꙋ́дꙋже взѧ́ти бы́ша, и҆ бꙋ́детъ вла́сть смире́нна:
|
|
15
|
15
|
|
па́че всѣ́хъ власте́й бу́детъ смире́нна, и не вознесе́тся ктому́ надъ язы́ки, и ума́лены сотворю́ я́, є́же не бы́ти и́мъ мно́гимъ во язы́цѣхъ.
|
па́че всѣ́хъ власте́й бꙋ́детъ смире́нна, и҆ не вознесе́тсѧ ктомꙋ̀ над̾ ꙗ҆зы̑ки, и҆ оу҆ма́лєны сотворю̀ ѧ҆̀, є҆́же не бы́ти и҆̀мъ мнѡ́гимъ во ꙗ҆зы́цѣхъ.
|
|
16
|
16
|
|
И не бу́дутъ ктому́ до́му Ізра́илеву въ наде́жду воспомина́ющую беззако́ніє, внегда́ послѣ́довати и́мъ по ни́хъ: и уразумѣ́ютъ, я́ко а́зъ є́смь Госпо́дь.
|
И҆ не бꙋ́дꙋтъ ктомꙋ̀ до́мꙋ і҆и҃левꙋ въ наде́ждꙋ воспомина́ющꙋю беззако́нїе, внегда̀ послѣ́довати и҆̀мъ по ни́хъ: и҆ оу҆разꙋмѣ́ютъ, ꙗ҆́кѡ а҆́зъ є҆́смь гдⷭ҇ь.
|
|
17
|
17
|
|
И бы́сть въ два́десять седмо́є лѣ́то, во єди́нъ де́нь ме́сяца пе́рваго, бы́сть сло́во Госпо́дне ко мнѣ́ глаго́ля:
|
И҆ бы́сть въ два́десѧть седмо́е лѣ́то, во є҆ди́нъ де́нь мцⷭ҇а пе́рвагѡ, бы́сть сло́во гдⷭ҇не ко мнѣ̀ гл҃ѧ:
|
|
18
|
18
|
|
сы́не человѣ́чь, Навуходоно́соръ ца́рь Вавило́нскъ порабо́ти си́лу свою́ рабо́тою вели́кою на ти́ра, вся́ка глава́ плѣши́ва и вся́ко ра́мо на́го: и мзда́ не бы́сть єму́ ни си́лѣ єго́ на ти́ра, за рабо́ту, є́юже рабо́таша на́нь.
|
сы́не человѣ́чь, навꙋходоно́соръ ца́рь вавѷлѡ́нскъ порабо́ти си́лꙋ свою̀ рабо́тою вели́кою на тѵ́ра, всѧ́ка глава̀ плѣши́ва и҆ всѧ́ко ра́мо на́го: и҆ мзда̀ не бы́сть є҆мꙋ̀ ни си́лѣ є҆гѡ̀ на тѵ́ра, за рабо́тꙋ, є҆́юже рабо́таша на́нь.
|
|
19
|
19
|
|
Того́ ра́ди си́це глаго́летъ Адонаі́ Госпо́дь: се́, а́зъ даю́ Навуходоно́сору царю́ Вавило́нску зе́млю Єги́петску, и во́зметъ мно́жество єя́, и плѣни́тъ плѣ́нъ єя́, и расхи́титъ коры́сти єя́, и бу́детъ мзда́ си́лѣ єго́:
|
Тогѡ̀ ра́ди си́це гл҃етъ а҆дѡнаі̀ гдⷭ҇ь: сѐ, а҆́зъ даю̀ навꙋходоно́сорꙋ царю̀ вавѷлѡ́нскꙋ зе́млю є҆гѵ́петскꙋ, и҆ во́зметъ мно́жество є҆ѧ̀, и҆ плѣни́тъ плѣ́нъ є҆ѧ̀, и҆ расхи́титъ кѡры́сти є҆ѧ̀, и҆ бꙋ́детъ мзда̀ си́лѣ є҆гѡ̀:
|
|
20
|
20
|
|
за слу́жбу єго́, є́юже послужи́ на ти́ра, да́хъ єму́ зе́млю Єги́петску, зане́ послужи́ мнѣ́, сія́ глаго́летъ Адонаі́ Госпо́дь.
|
за слꙋ́жбꙋ є҆гѡ̀, є҆́юже послꙋжѝ на тѵ́ра, да́хъ є҆мꙋ̀ зе́млю є҆гѵ́петскꙋ, занѐ послꙋжѝ мнѣ̀, сїѧ̑ гл҃етъ а҆дѡнаі̀ гдⷭ҇ь.
|
|
21
|
21
|
|
Въ то́й де́нь взы́детъ ро́гъ всему́ до́му Ізра́илеву, и тебѣ́ да́мъ уста́ отве́рста средѣ́ и́хъ, и увѣ́дятъ, я́ко а́зъ є́смь Госпо́дь.
|
Въ то́й де́нь взы́детъ ро́гъ всемꙋ̀ до́мꙋ і҆и҃левꙋ, и҆ тебѣ̀ да́мъ оу҆ста̀ ѿвє́рста средѣ̀ и҆́хъ, и҆ оу҆вѣ́дѧтъ, ꙗ҆́кѡ а҆́зъ є҆́смь гдⷭ҇ь.
|
