Воскресеніє Христово видівше,
поклонімся святому Господу Ісусу,
Єдиному Безгрішному.
Кресту Твоєму покланяємся, Христе,
і святоє Воскресеніє Твоє поєм і славим.
Ти бо єси Бог наш,
разві Тебе іного не знаєм,
ім’я Твоє іменуєм.
Прийдіте всі вірнії,
поклонімся святому Христову Воскресенію;
се бо прийде Крестом радость всему миру.
Всегда благослов’яще Господа,
поєм Воскресеніє Єго:
расп'ятіє бо претерпів, смертію смерть разруши.

Маріє, Діво Чистая, Пресвятая Богородице;
Радуйся, Невісто неневістная.
Царице, Мати, Діво, Руно всепокривающеє;
Радуйся, Невісто неневістная.

Превишшая Небесних сил, Нетварноє Сіяніє;
Радуйся, Невісто неневістная.
Ликов дівичих радосте і Ангелов превишшая;

Радуйся, Невісто неневістная.

Небес Честная Сило і Світе паче всіх світов;
Радуйся, Невісто неневістная.
Честнійшая Владичице всіх Небесних воїнств;

Радуйся, Невісто неневістная.

Всіх праотцев Надеждо, Пророков Ісполненіє;
Радуйся, Невісто неневістная.
В подвизіх Ти помоще, Кивоте Бога Слова,

Радуйся, Невісто неневістная.

Ти дівам Ликованіє і матерем Отрадо;
Радуйся, Невісто неневістная.
Ціломудрія Наставнице, душ наших Очищеніє;

Радуйся, Невісто неневістная.

Покрове, ширший облака, і страждущих пристанище;
Радуйся, Невісто неневістная.
Немощних Покров і Заступнице, Надеждо ненадежних;

Радуйся, Невісто неневістная.

Маріє, Мати Христа, Істиннаго Бога;
Радуйся, Невісто неневістная.
Ааронов Жезле прозябший, Сосуде тихой радости;

Радуйся, Невісто неневістная.

Всіх сирих і вдов Утішеніє, в бідах і скорбіх Помоще;
Радуйся, Невісто неневістная.
Священная і Непорочная, Владичице всепітая;

Радуйся, Невісто неневістная.

Приклони ко мні милосердіє Божественнаго Сина;
Радуйся, Невісто неневістная.
Ходатайце спасенія, припадая, взиваю Ті:
Радуйся, Невісто неневістная.

О всепітая Мати! О всепітая Мати!
Рождшая всіх святих Святійшеє Слово.

О всепітая Мати! О всепітая Мати!

Нинішнєє приємши приношеніє.

О всепітая Мати! О всепітая Мати!

От всякия ізбави напасти всіх.

О всепітая Мати! О всепітая Мати!
І будущия ізми муки, Тебі вопіющих:

Аллилуія, Аллилуія, Аллилуія^*.

Діва днесь Пресущественнаго раждаєть,
і земля вертеп Неприступному приносить;
Ангели с пастирми славослов'ять,
волсви же со звіздою путешествують,
нас бо ради родися Отроча младо, Превічний Бог.

Кресту Твоєму покланяємся, Владико, і святоє Воскресеніє Твоє славим.

Величить душа Моя Господа,
і возрадовася дух Мой о Бозі Спасі Моєм.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Яко призре на смиреніє раби Своєя,
се бо от нині ублажать М'я всі роди.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Яко сотвори Мні величіє Сильний,
і свято ім'я Єго, і милость Єго
в роди родов боящимся Єго.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Сотвори державу мишцею Своєю
Расточи гордия мислію сердця їх.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Низложи сильния со престол
і вознесе смиренния; алчущия ісполни благ
і богатящияся отпусти тщи.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Восприят Ізраїля отрока Своєго,
пом'янути милості, якоже глагола ко отцем нашим,
Аврааму і сімені єго, даже до віка.
Честнійшую Херувим і славнійшую
без сравненія Серафим, без істлінія
Бога Слова рождшую, сущую Богородицю, Тя величаєм.

Сві́те ти́хий святи́я сла́ви, / безсме́ртнаго, Отця́ Небе́снаго, / Свята́го Блаже́ннаго, Ісу́се Христе́, / прише́дше на за́пад со́лнця, / ви́дівше світ вече́рній, / поє́м Отця́, Си́на і Свята́го Ду́ха, Бо́га. / Досто́їн єси́ во вся времена́ / піт би́ти гла́си преподо́бними, / Си́не Бо́жий, живо́т дая́й: / ті́мже мир Тя сла́вить.

Ісповідайтеся Господеві, яко Благ, Аллилуія, яко во вік милость Єго. Аллилуя, Аллилуя, Аллилуія.

Ісповідайтеся Богу богов, Аллилуія, яко во вік милость Єго. Аллилуя, Аллилуя, Аллилуія.

Ісповідайтеся Господеві господей, Аллилуія, яко во вік милость Єго. Аллилуя, Аллилуя, Аллилуія.

Сотворшему чудеса велія єдиному, Аллилуія, яко во вік милость Єго. Аллилуя, Аллилуя, Аллилуія.

Сотворшему небеса разумом, Аллилуія, яко во вік милость Єго. Аллилуя, Аллилуя, Аллилуія.

Утвердившему землю на водах, Аллилуія, яко во вік милость Єго. Аллилуя, Аллилуя, Аллилуія.

Сотворшему світила велія єдиному, Аллилуія, яко во вік милость Єго. Аллилуя, Аллилуя, Аллилуія.

Солнце во область дне, луну і звізди во область нощі, Аллилуія, яко во вік милость Єго. Аллилуя, Аллилуя, Аллилуія.

Яко во смиренії нашем пом'яну ни Господь, Аллилуія, яко во вік милость Єго. Аллилуя, Аллилуя, Аллилуія.

І ізбавил ни єсть от врагов наших, Аллилуія, яко во вік милость Єго. Аллилуя, Аллилуя, Аллилуія.

Ісповідайтеся Господеві, яко Благ, Аллилуія, яко во вік милость Єго. Аллилуя, Аллилуя, Аллилуія.

Ісповідайтеся Богу богов, Аллилуія, яко во вік милость Єго. Аллилуя, Аллилуя, Аллилуія.

Ісповідайтеся Богу Небесному, Аллилуія, яко во вік милость Єго. Аллилуя, Аллилуя, Аллилуія.