Молитва другого антифону

Го́споди Бо́же наш, спаси́ лю́ди Твоя́ і благослови́ достоя́ніє Твоє́, ісполне́ніє Це́ркве Твоєя́ сохрани́, освяти́ лю́б'ящия благолі́піє до́му Твоєго́, Ти тіх воспросла́ви боже́ственною Твоє́ю си́лою і не оста́ви нас, упова́ющих на Тя.

Виголос:

Я́ко Твоя́ держа́ва, і Твоє́ єсть Ца́рство, і си́ла, і Сла́ва, Отця́, і Си́на, і Свята́го Ду́ха, ни́ні, і при́сно, і во ві́ки віко́в.

Хор: Амі́нь.

І співається другий Антифон.

1 хор. Хвали́, душе́ моя́, Го́спода, / восхвалю́ Го́спода в животі́ моє́м, / пою́ Бо́гу моєму́, до́ндеже єсьм.

2 хор. Не наді́йтеся на кня́зі, на си́ни челові́чеськія, / в ни́хже ність спасе́нія.

1. Ізи́деть дух єго́ / і возврати́ться в зе́млю свою́, / в той день поги́бнуть вся помишле́нія єго́.

2. Блаже́н, єму́же Бог Іа́ковль помо́щник єго́, / упова́ніє єго́ на Го́спода Бо́га своєго́;

1. Сотво́ршаго не́бо і зе́млю, / мо́ре і вся, я́же в них;

2. Храня́щаго і́стину во вік, / творя́щаго суд оби́димим, / даю́щаго пи́щу а́лчущим.

1. Госпо́дь ріши́ть окова́нния, / Госпо́дь умудря́єть сліпці́.

2. Госпо́дь возво́дить низве́рженния, / Госпо́дь лю́бить пра́ведники.

1. Госпо́дь храни́ть прише́льці, / си́ра і вдову́ при́йметь, / і путь грі́шних погуби́ть.

2. Воцари́ться Госпо́дь во вік, / Бог твой, Сіо́не, в род і род.

1. Сла́ва Отцю́, і Си́ну, і Свято́му Ду́ху.

2. І ни́ні, і при́сно, і во ві́ки віко́в, амі́нь.

Хор: Єдиноро́дний Си́не і Сло́ве Бо́жий, безсме́ртен Сий, / і ізво́ливий спасе́нія на́шего ра́ди / воплоти́тися от Святи́я Богоро́диці і Присноді́ви Марі́ї, / непрело́жно вочелові́чивийся, / распни́йся же Христе́ Бо́же, сме́ртію смерть попра́вий, / Єди́н Сий Святи́я Тро́йці, // спрославля́ємий Отцю́ і Свято́му Ду́ху, спаси́ нас.