Молитва третього антифону
І́же о́бщия сія́ і согла́сния дарова́вий нам моли́тви, і́же і двіма́ іли́ трем согласу́ющимся о і́мені Твоє́м проше́нія пода́ти обіща́вий, Сам і ни́ні раб Твої́х проше́нія к поле́зному іспо́лни, подая́ нам і в настоя́щем ві́ці позна́ніє Твоєя́ і́стини, і в бу́дущем живо́т ві́чний да́руя.
Виголос:
Я́ко благ і Человіколю́бець Бог єси́, і Тебі́ сла́ву возсила́єм, Отцю́, і Си́ну, і Свято́му Ду́ху, ни́ні, і при́сно, і во ві́ки віко́в.
Хор: Амі́нь.
Антифон 3, Блаженні (Мт. 5:3–12)
1. Во Ца́рствії Твоє́м пом'яни́ нас, Го́споди, єгда́ приі́деши во Ца́рствії Твоє́м.
На 12:
1. Блаже́нні ни́щії ду́хом, я́ко тіх єсть Ца́рство Небе́сноє.
2. Блаже́нні пла́чущії, я́ко ті́ї уті́шаться.
На 10:
1. Блаже́нні кро́тції, я́ко ті́ї наслі́дять зе́млю.
2. Блаже́нні а́лчущії і жа́ждущії пра́вди, я́ко ті́ї наси́тяться.
На 8:
1. Блаже́нні ми́лостивії, я́ко ті́ї поми́ловані бу́дуть.
2. Блаже́нні чи́стії се́рдцем, я́ко ті́ї Бо́га у́зрять.
На 6:
1. Блаже́нні миротво́рці, я́ко ті́ї си́нове Бо́жії нареку́ться.
2. Блаже́нні ізгна́ні пра́вди ра́ди, я́ко тіх єсть Ца́рство Небе́сноє.
На 4:
1. Блаже́нні єсте́, єгда́ поно́сять вам, і ізжену́ть, і реку́ть всяк зол глаго́л на ви, лжу́ще Мене́ ра́ди.
2. Ра́дуйтеся і веселі́теся, я́ко мзда ва́ша мно́га на Небесі́х.
1. Сла́ва Отцю́, і Си́ну, і Свято́му Ду́ху.
2. І ни́ні, і при́сно, і во ві́ки віко́в, амі́нь.
