Молитва на ісход душі

Влади́ко Го́споди Вседержи́телю, О́тче Го́спода на́шего Ісу́са Христа́, І́же всім челові́ком хотя́й спасти́ся, і в ра́зум і́стини прийти́; не хотя́й сме́рти грі́шному, но обраще́нія і живота́; мо́лимся і ми́лі ся Ті ді́єм, ду́шу раба́ Твоєго́ [ім'я] от вся́кия у́зи разріши́ і от вся́кия кля́тви свободи́, оста́ви прегріше́нія єму́, я́же от ю́ности, ві́домая і неві́домая, в ді́лі і сло́ві, і чи́сто іспові́данная, іли́ забве́нієм, іли́ студо́м утає́ная. Ти бо єди́н єси́ разріша́яй св'я́занния і ісправля́яй сокруше́нния, наде́жда ненача́ємим, моги́й оставля́ти гріхи́ вся́кому челові́ку, на Тя упова́ніє іму́щему. Єй, человіколюби́вий Го́споди, повели́, да отпу́ститься от уз плотськи́х і гріхо́вних, і прийми́ в мир ду́шу раба́ Твоєго́ сего́ [ім'я], і поко́й ю в ві́чних оби́телех со святи́ми Твої́ми, благода́тію Єдиноро́днаго Си́на Твоєго́, Го́спода Бо́га і Спа́са на́шего Ісу́са Христа́, с Ни́мже благослове́н єси́, с Пресвяти́м і Благи́м і Животворя́щим Твої́м Ду́хом, ни́ні, і при́сно, і во ві́ки віко́в. Амі́нь.