Во́їнством святи́х страстоте́рпець стра́ждущих зако́нні, зря о́ніх, показа́л єси́ му́жеськи крі́пость свою́. І устреми́вся на страсть во́лею, і умре́ти вожделі́ за Христа́, І́же прия́л єси́ по́честь побі́ди твоєго́ страда́нія, Уа́ре, моли́ спасти́ся душа́м на́шим.

Христу́ послі́дуя, му́чениче Уа́ре, Того́ іспи́в ча́шу, і вінце́м муче́нія ув'язе́ся, і со А́нгели ликовству́єши, моли́ непреста́нно за ду́ші на́ша.

О святи́й му́чениче Уа́ре досточу́дний, ре́вностію по Влади́ці Христу́ разжига́єм, Небе́снаго Царя́ пред мучи́телем іспові́дал єси́, і ни́ні Це́рков почита́єть тя, я́ко прославля́ємаго от Влади́ки Христа́ сла́вою Небе́сною, Іже дарова́ тебі́ благода́ть вели́каго к Нему дерзнове́нія, і ни́ні предстої́ши Єму́ со А́нгели, і в ви́шніх лику́єши, і зри́ши я́сно Святу́ю Тро́йцю, і сві́том Безнача́льнаго Сія́нія наслажда́єшися. Воспом'яни́ і на́ших сро́дников томле́ніє, уме́рших в нече́стії, прийми́ на́ше проше́ніє, і я́коже Клеопа́трин род неві́рний моли́твами твої́ми от ві́чних мук свободи́л єси́, та́ко воспом'яни́ єли́ці противобо́жні погребе́нния, уме́ршія некреще́нними [імена], потщи́ся іспроси́ти о́ним от ві́чния тьми ізбавле́ніє, да всі єди́німи усти́ і єди́нім се́рдцем восхва́лим Премилосе́рднаго Творця́ во ві́ки віко́в. Амі́нь.